...انا بقول اهه حاسب واحترس وخد بالك من الأدمان الناعم ...
الأدمان الأيه ؟
الناعم ...الأدمان الناعم
ده تعبير جديد؟
ايوه تعبير جديد لعصر جديد...عصر الكمبيوتر والنت والأقمار والفضائيات والأرضيات والبحلقه للشاشات بالساعات
ييجى ازاى بقى الأدمان ده لو كنت متعود افتح البريد الألكترونى او اتصفح النت لمعرفة آخر الأخبار او لألتقاء اصدقاء ...او حتى لقراية اعلانات البيع والشراء ؟
طبعا كل هذا عادى جدا و لا غبار عليه لغاية ما يتجمع عليه الغبار ....قصدى كل ده ولا حاجه لغاية ما يبقى حاجه ....
حاجة ايه
حاجه مضره معنويا وماديا
وماديا كمان
ايوه ماسمعتش عن الناس اللى يشترو اشياء لمجرد تخفيف التوتر حتى لو مش محتاجين ليها
ايوه سمعت
وطبعا النت ممكن تسهل ده ...يعنى ممكن تشترى وانت مكانك حتى من غير ماتنزل من البيت
والناحيه المعنويه؟
لأ لسه النواحى الماديه مخلصتش
فى ايه تانى
التهام الماكولات والمشروبات مع التهام البرامج والمسلسلات وقزقزة الأغانى والمسابقات
والمعنويه...النواحى المعنويه ؟
والله صاحبة التعبير ...تعبير الأدمان الناعم بتقول...ضياع الوقت وخفوت المشاعر وقلة الوعى
غريبه جدا
غريبه ليه
ازاى بقى معرفتى بما يحدث فى الدنيا وما يفكر فيه الناس وفرصة التعبير عما يراه الأنسان يؤدى الى خفوت المشاعرالأنسانيه وقلة الوعى؟ دا العكس تماما هو مايحدث
انا رايى الا ناخذ كل ما نقرا او نسمع دون ان نناقشه
صاحبة التعبير وهى خبيره اميركيه فى مساعدة الأنسان ليساعد نفسه اسمها جوديث رايت بتركز على قضاء الساعات الطويله على حساب اى نشاط آخروبدون اى حركه مع عدم القدره
علىالتحكم فى سلوكنا ...ومن هنا يبدا الأدمان الناعم دون ان نشعر
مش عارف ممكن اصدقاءنا من اهل النت ممكن يقولوا ايه
هناك ٤ تعليقات:
انا حصلي موضوع الادمان الناعم جت عليا فترة مكنتش باقوم من قدام الفيس بوك واقعد عليه بالساعات ولازم افتحه كل يوم ولو مدخلتش يوم عليه كنت بأتجنن لكن انا لحقت نفسي الحمد لله نظمت الموضوع ده دلوقتي انا حتي بقيت ازهق من النت بعد فترة واقوم واقفل الكمبيوتر كله ولما بازهق اوي ممكن اقعد اقرأ كتاب او روايه
درسنا فى ماجستير الإعلام ان إدمان الانترنت يؤدى إلى ضغط عاملى الزمن والمسافة
وبالتالى تضاؤل الشعود بمرور الوقت والاحساس بالقرب المادى للمسافات البينية بين أماكن العالم
لا أدرى اذا ..لما يصاب الناس بالصدمة عند سماعهم نص الحكم على احد المتهمين بعقولة السجن المؤبد
ومعظمنا الآن يقضى هذه العقوبة فى عزلة اختيارية تلتهم سنوات كثيرة من عمره سجينا أيضا بين أربعة جدران تشكل الغرفة الموجود بها جهاز الكمبيوتر!!!
حقيقى ان النت هو ادمان من نوع جديد وفريد حيث انه يأثرك لساعات طوال على الجهاز تتصفح وتدور هنا وهناك حتى انه اصبح بديل للكتب والصحف والتلفاز نفسة
هو ادمان بكل المقايس وانا وغير نقاوم على قد المستطاع لكن هناك من ادمن لدرجة انه لم يعد يستطيع التواصل مع البشر العاديين وتلك هى المشكلة كما ان الجلوس لساعات طوال على الكمبيوتر يؤثر سلبا على الجسم والجهاز العصبى والنظر وغيرها
عافنا الله واياكم
ههههههههههه
انا واخده بالى اووووووووى اخ صلاح
بس مافيش مانع اسمع النصيحه
واشكرك على الموضوع
لان معاك حق
تحياتى
إرسال تعليق