مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الجمعة، ٤ صفر ١٤٣٠ هـ

رئيس الوزراء التركى ينسحب من ندوه بعد ان وجه انتقادات حاده للرئيس الأسرائيلى على مذبحة غزه

وجه طيب اردغان رئيس وزارء تركيا انتقادات حاده لشيمون بيريز فى ندوه جمعت بينهما فى ديفوس ووصف الأسرائليين فى غزه بالقتله وعندما قاطعه مدير الندوه قام وغادر المكان غاضبا شاهد الحدث فى هذا الكليب http://news.bbc.co.uk/1/hi/business/davos/7859487.stm
تحديث
استقبل اردغان استقبال الأبطال عند عودته من ديقوس الى وطنه تركيا

الخميس، ٣ صفر ١٤٣٠ هـ

هل من المفيد ان يكون رئيسك فى العمل من ضمن من تدردش معهم على النت

مواقع الدردشه والألتقاء باصدقاء كثيره على النت...واشهرها موقع الفيسبوك حيث يكون الأصدقاء مجموعات للمشاركه فى كل شىء...وانتشرت ايضا فكرة ان يكون كل موظفى الشركه او المكتب من مختلف الدرجات مجموعه على الفيسبوك اهو منها تزاور بدون وجع دماغ وزحمة المواصلات ومنها التعاون على حل مشاكل العمل ولكن السؤال هو تفتكر من المصلحه ان تدردش كده وانت على سجيتك وبتلقائيه وصراحه كما يحدث عادة فى الدردشه -مع رئيسك؟ الا يكشف هذا جوانب فيك قد لا تود ان يعرفها وقد تستخدم ضدك فيما بعد؟

الأربعاء، ٢ صفر ١٤٣٠ هـ

للبنات الأذكياء فقط....كلام فى سرك!!!!!

هل تحتاجين لفترة خطوبه طويله حتى تعرفى كل شىء عن زوج المستقبل وكيف ستكون الحياه معه؟ ابدا مجموعه من علماء النفس يبينون لك كيف تحكمين على الشاب فى عشر دقائق فقط !!!مش مصدقه ؟كملى القراءه وشوفى اولا الطريقه بصفه عامه هى ان تلاحظيه فى اللحظات الخاطفه التى يكون فيها على سجيته ولا يقصد ان يعطيك فيها انطباع حسن عنه
وننتقل للتفاصيل
منذ متى وهو على علاقه بهؤلاء الأصدقاء ....منذ كان فى العاشره؟ اذا هو عشرى وعلى قدر كبير من الولاء والوفاء ولكن تاكدى ان ذلك ليس بسبب الجمود وكراهية التغيير هل هو سريع التحمس للأشياء ومندفع ثم يفتر حماسه بسرعه اذا سيكون غالبا غير قادر على مواجهة مشاكل الواقع التى تتطلب كياسه وتفكير وتخطيط بهدوء هل يدخن بشراهه ؟غالبا سيكون قلق وعصبى المزاج هل يتصل بك بالأيملات ؟حتى يضمن ان تكون رسائله منقحه ولا يغلط بكلمه كده ولا كده تكشفه؟ هو غالبا كتوم ولا يفتح قلبه بسهوله وتصعب عشرته هل هو من هواة الشات؟اذا هو يريد ان يكون موضع اهتمام من معه باستمرار وفى خدمته وتلبية طلباته ام يفضل الأتصال بك بالتيلفون ؟اذا هو تقليدى ودقه قديمه وحرفى لدرجة الملل ويركز على كل صغيره وكبيره ويمكن نكدى كمان ويمشى حسب الكتاب هل يحلم بفتاه مثل نجمات السينما؟ تجنبى هذا النوع لأنه مفتون بذاته ويبحث عمن تغذى فيه هذه النرجسيه لو لديه سياره هل لاحظت كيف يقود السياره فى الزحمه وكيف يتعامل مع قادة السيارات الأخرى؟هل هو عدوانى ام هادىء كما يقول عالم النفس ليون جيمس من جامعة هاواى الأميركيه مؤلف كتاب :غضب الطريق والقياده العدوانيه
لو وجدتى فائده عمليه فى هذا الكلام قولى لنا لنكمل بقية الموضوع

الثلاثاء، ١ صفر ١٤٣٠ هـ

مواعيد أذاعة الحلقات وتعليقات احبائنا زوار المدونه

الخميس29-1 الحياه كفاح وتعليقات محمد الشيمى-نفرتارى-رنا عاشور-لبنى غانم-جهاد مشالى-الرحال-زينب المسلمى ومن هنا وجاى ننطق الأسم صح-شيماء زايد الأثنين2-2 حلقه خاصه لمدونة حاجات عيال لجهاد مشالى وتعليقات احمد سعيد بسيونى-محمد الجرايحى-لماضه

اسرار خطيره للبيع

صاحبنا راح لمحل مشهور باسعاره المعتدله يشترى ايه يشترى ايه جهاز من اجهزة تسجيل الموسيقى المحموله اللمنتشره جدا بين الشباب واسمها ام بى ثرى وبعدين رجع بيتهم بالجهاز وشوية اسرار اسرار اسرار ايوه اسرار واسرار خطيره كمان اسرار ايه ... انا احكيلك الحكايه من اولها وامرى لله موسيقى بطل القصه من نيوزيلاندا ....دى طبعا قريبه من استراليا ....واسمه كريس ....كريس كان فى زياره للولايات المتحده ودخل محل لبيع اجهزة تسجيل الصوت ام بى ثرى ...الأجهزه المستعمله ...الأجهزه الأيه؟ المستعمله واشترى جهاز بتمن رخيص ...دفع 9 دولارات ورجع بيه على البيت ....كويس؟ كويس جدا عاوز بقى يحمل الجهاز بالأغانى علشان يبقى يسمعها وهو فى الشارع ....وصل الجهاز بالكمبيوتر علشان ينقل اغانى من الكمبيوتر للجهاز طيب عادى لأ مش عادى ....اول ماوصل الجهازالمستعمل اللى اشتراه بالكمبيوتر وشاف اللى ظهر على الشاشه ....شاشة الكمبيوتر ....ازبهل .... شاف ايه ملفات اسرار عسكريه اميركيه خطيره ....ملف ورا ملف .... اسرار زى ايه خطط وتفاصيل عن انواع الأسلحه فى مواقع فى افغانستان والعراق ...ده بالأضافه لعناوين واسماء وارقام تيلفونات محموله لقاده وجنود مش يمكن معلومات قديمه لأ معلومات حديثه ازاى الموضوع وصل لصحفيه فى نيوزيلاندا فحبت تتاكد المعلومات حديثه والا لأ عملت ايه ببساطه اتصلت برقم تيلفون من الموجودين على الجهاز ...وبالفعل رد عليها صاحب التيلفون ولما شرحتله الموضوع قفل السكه على طول والمسؤولين قالوا ايه وزارة الدفاع او البنتاجون رفضت التعليق قبل ان ينتهى التحقيق فى الموضوع ويعرف مصدر هذه الأسرار للدرجة دى ممكن تتسرب اسرار بهذا الشكل على فكره دى مش اول مره ....قبل كده البنتاجون حاولت العثور على كمبيوتر محمول كان عليه معلومات وخطط وخرائط عسكريه مهمه ....مش كده وبس فى افغانستان فى السوق وجدت هاردات ....يعنى ذاكرة الكمبيوتر الرئيسيه ....هاردات مستعمله من اميركا وعليها خطط عسكريه واسرار تحركات القوات الأميركيه هناك وايه مصير جهاز الأم بى ثرى صاحبه كريس بيقول انه محتفظ بيه فى مكان امين ومستعد يسلمه للمسؤولين فى البنتاجون فى اى وقت ....مش عارفه بقى حيرجعوله ال9 دولارات والا لأ ما تعليقك ما تعليقك ما تعليقك ما تعليقك ما تعليقك ما تعليقك ما تعليقك

الاثنين، ٢٩ محرم ١٤٣٠ هـ

يا جماعه هذه ليست خرافات ....صدقونى

موقع على الأنترنت للبخت والطالع ؟من امتى بتعتقد فى الحاجات دى مش واخده بالك .... الموقع ده صينى....قصدى بيعتمد على التنبؤ بالطالع بالطريقه الصينيه ولو...صينى والا هندى ....كلها خرافات بس ناس كتير بتزور موقع الطالع ده لأنها ببساطه نفسها تقرا حاجه تهدى قلقها وطمنها وتبشرها بحاجه كويسه ...مش اكتر من كده شفتى مش مديانى فرصه اشرح سبب اهتمامى بموقع الطالع الصينى ده بالذات موقع الخرافات وانت الصادق ماشى خرفات خرفات ....اهى الصين بعد نجاحها الأقتصادى الرائع غزت العالم بمنتجاتها ....منتجات من كل صنف ولون واهى كمان بتصدر الخرافات بالمره قربنا نتفاهم ....انا بقى ببحث فى الخرافات دى عن السر سر ايه سر التقدم اللى حققته الصين مش فاهمه افهمك ....الصينيين بيقسموا السنوات لمجموعات ويدوا كل مجموعه اسم ازاى عندك مثلا السنوات -1937-1949-1961-1973-1985-2009 السنوات دى تبع مجموعة الثور يعنى احنا السنه دى فى عام من اعوام الثور وبعدين مواليد هذه السنين ماذا يتوقعون هذا العام فى العمل والحياه الشخصيه والثروه والصحه ...الخ يتوقعوا ايه؟ فى العمل مثلا بيقول الطالع :لا تضيع فرصه لتعلم مهارات جديده او دراسة شىء جديد فى الصحه لا تقلق ما دمت تتبع اسلوب الحياه البسيط فى الماكل والمشرب وتجعل ممارسة بعض التمرينات الرياضيه جزءا من روتين حياتك فى الثروه هذا العام سيجلب لك شعورا قويا بالفرح لأنك ستوفق بين دخلك ومصروفاتك وفى الحياه الشخصيه كن مستعدالتقبل النصيحه ممن يحبونك ...مش واخده بالك من حاجه فى الكلام ده حاجه زى ايه السر سر ايه السر اللى ببحث عنه اممممم اكدب عليك لو قلت فاهمه سر تقدم الناس دول ....الطالع زى ما انت شايفه مش اكتر من نصائح عاقله جدا وتشجيع على اتباع أسلوب حياه منتجه وناجحه وسعيده تصدق كلامك مظبوط ....وحتخلينى اقرا تانى المكتوب فى موقع الطالع ...الصينى العنوان astrology.com كتبته عندى اهه بقلم مستورد من الصين....هههههههه هل توافق على هذه القراءه لخرافات قراءة الطالع الصينيه؟ يهمنا رايك

الأحد، ٢٨ محرم ١٤٣٠ هـ

الرئيس اوباما ينضم الى اسرة المدونين

موقع جديد للرئيس اوباما على الأنترنت....يعنى ممكن نقول انه اول رئيس اميركى ينطبق عليه وصف رئيس من عصر الأنترنت لأ هو الحقيقه الأنترنت لم تصبح كما هى الآن متاحه للجميع الا فى عهد الرئيس كلينتون ....والا انت ناسيه دور نائبه آلجور فى نشر النت او كما يسميها الطريق السريعه للمعلومات INFORMATION SUPERHIGHWAY .....فاكره طبعا بس انا اقصد انه اول رئيس يستخدم كل امكانيات النت من البدايه ...يعنى فى حملته الأنتخابيه وهو لسه مرشح ...وحتى قبل ما يضمن ترشيح حزبه ليه....الحزب الديمقراطى طبعا فيه كمان ملاحظه ان البيت الأبيض ايام الرئيس السابق بوش كان ليه موقع على النت وعنوانه معروف www.whitehouse.gov طيب زور الموقع دلوقتى وشوف الفرق ....شوف التصميم اتغير ازاى من شكل جامد تقليدى لشكل تانى خالص كله حيويه كده على طول من اول دقيقه ليه فى البيت الأبيض قرر تغيير الموقع ...زى ما تقول تعبير عن أهتمامه الكبير هو شخصيا بالنت اضاف ايه بقى للموقع عندك معرض للصور تنقى اللى تحب تشوفه منها ....ورسائل تصلك على البريد الألكترونى فيها وجهة نظر البيت الأبيض فى احداث العالم وفيه كمان مدونه تصور الرئيس اوباما انضم لأسرة المدونين حول العالم ....فيه كمان غرفة الأخبار تقصدى طبعا قسم فى الموقع اسمه غرفة الأخبار ايوه مظبوط وده قسم فيه اخبار التعيينات الجديده فى المناصب والقرارات الرئاسيه والزيارات او الرحلات التى يعتزم الرئيس اوباما القبام بها ....حاجات كتير زى كده كويس منستيش حاجه لأ فيه كمان حاجه مهمه مقولتهاش :ممكن الناس تبعت ايملات ...رسائل بريد الكترونى للبيت الأبيض بس بشرط شرط ايه الا تزيد الرساله عن 500 كلمه تكون مركزه يعنى وفى الصميم ....مفيش جمله او عباره وقفتى عندها فى الموقع او المدونه اكتر جمله وقفت عندها بتقول ان الرئيس اوباما ينوى ان بستخدم النت لأول مره فى الولايات المتحده لأقامة الحكومه المنفتحه على الناس او زى ما بيسميها OPEN GOVERNMENT اظرف من ده كله ... هو فى اظرف من كده؟ الظريف ان فيه ناس من اهل النت مبسوطين بعد ما اكتشفوا ان الرئيس اوباما واحد منهم طب وبعدين ...عملوا ايه اقاموا هم مواقع او مدونات تعبر عن سعادتهم لأهتمام الرئيس اوباما شخصيا بالنت ومعرفته الجيده بعالمها الأفتراضى ....اقرا الجمله دى من مدونة البيت الأبيض هذه المدونه وهذا الموقع هما مجرد بدايه لأستخدام النت على اوسع نطاق لمصلحة الجميع هل ستتركه قوى الشر فى العالم لأحلامه هذه النبيله؟!

الجمعة، ٢٦ محرم ١٤٣٠ هـ

ماذا قالت هذه السيده المحجبه للرئيس اوباما

كشفت رئيسة الجمعية الإسلامية في أمريكا الشمالية، التي شاركت في الصلاة التي شهدها الرئيس الأمريكي باراك أوباما في الكاتدرائية الوطنية في واشنطن الأربعاء 21-1-2009، لـ"العربية.نت" عن طلب البيت الأبيض من جمعيات إسلامية أمريكية ترشيح شخصيات مسلمة لوظائف في البيت الأبيض ومواقع حكومية عديدة. وتعتبر إنغريد ماتسون، التي اعتنقت الإسلام في ثمانينيات القرن الماضي وترأس حاليا الجمعية الإسلامية في أمريكا الشمالية، أول مسلمة تشارك رجال دين مسيحيين ويهود في تلاوة صلوات جماعية من أجل الرئيس أوباما والولايات المتحدة. وقالت في حديث لـ"العربية.نت" أنها شكرت الرئيس أوباما على ذكره المسلمين في خطابه، نافية بشدة ما يثار حولها في الإعلام الأمريكي حول دعمها لحماس وحزب الله. وماتسون هي محاضرة في الدراسات الإسلامية في "كلية هارتفورد" بولاية كونيتيكت، وتنحدر من أصول كندية، وتحمل شهادة الدكتوراه من جامعة شيكاغو حول المساواة في الإسلام، كما تعتبر أول امرأة تترأس الجمعية الإسلامية في أمريكا الشمالية. وظائف حكومية للمسلمين وكشفت ماتسون، في حديثها لـ"العربية.نت" عقب إنهائها الصلاة مع أوباما، عن أن فريق عمل الأخير أرسل لمنظمتها قبل أسابيع رسائل تطلب ترشيح شخصيات مسلمة لوظائف في البيت الأبيض ووظائف حكومية عديدة في حال توفر الكفاءات المطلوبة. واعتبرت هذه المبادرة "إشارة إلى أن الإدارة الجديدة تريد العمل معنا كمسلمين، وسوف تقدم الوظائف الحكومية للجميع بناء على الكفاءات". وقالت ماتسون لـ"العربية.نت": إن الهدف من إقامة هذه الصلاة مع بداية العهد الجديد، بمشاركة شخصيات دينية متنوعة، هو "التأكيد على التنوع الموجود في الولايات المتحدة.. وكنت أول مسلمة تشارك في هذه المناسبة بعد دعوتي من قبل لجنة تنسق هذه المناسبة". وأضافت "التقيت الرئيس ونائبه لدقائق قبل الصلاة، وشكرته على خطابه وذكره للمسلمين فيه، وقلت له: إنها رسالة منه للمسلمين في الولايات المتحدة". وعن الكلمات التي رددتها في الصلاة، أكدت أن "الولايات المتحدة ليس فيها دين رسمي، ولكن لأن الرئيس مسيحي، فإن الصلاة مسيحية، ولكن المدعويين من غير المسيحيين يقومون بالدعاء للأمة الأمريكية والقادة والرئيس ونائبه، وأن تحكم العدالة بلادنا". وقالت: إن دعوتها للمشاركة في الصلاة مع رجال دين يهود ومسيحيين، تعود لأنها تقود أبرز الجمعيات الإسلامية في أمريكا، ولأنها امرأة أيضا.

الخميس، ٢٥ محرم ١٤٣٠ هـ

تعملى ايه او تعمل ايه لو فى مكانها.

قال لى.. الحياة كفاح قلت له.. نكافح ... عادى. قاللى.. مستعدة؟ قلت له.. وف كامل استعدادى. قاللى.. حفظة النشيد الوطنى قلت له.. بلادى بلادى. قاللى طلعت بطاقة الرقم القومى ؟ قلت وبطاقة الأنتخاب كمان وقدام شويه اطلع بطاقة التموين ولو حبيت ممكن بكره اروح اعمل فيش وتشبيه ..قال لى بس الدنيا ملهاش أمان قلت له.. أنا ع الحلوة والمرة ...اطمن قوى م الناحية دى قاللى خلاص.. نبتدى كفاح بعدين عشان عندى ظروف ومخنوق وحاسس بالضياع قلت له.. امشى مش عاوزه اشوفك تانى
ما تعليقك على هذا الموقف من وحى ما تخيله الكاتب الصحفى على سلامه فى المصرى اليوم؟

الأربعاء، ٢٤ محرم ١٤٣٠ هـ

النكته الفائزه فى المسابقه الدوليه للنكت

مستمعينا فى كل مكان صباح الخير اربعة آلاف نكته من كل انحاء العالم والمطلوب اختيار افضلها نكته واحده ؟ ايوه افضل نكته من كل هذا العدد لكن ازاى؟ بسيطه نزور معمل الضحك على الأنترنت وانت تعرف كل حاجه موسيقى معمل الضحك هو موقع على الأنترنت اقامه عالم النفس البريطانى ريتشارد وايزمان وعلى مدى عام كامل طلب من كل زائر للموقع ذكر نكته او اكثر من بلده اضحكته على ان يصوت باقى زوار الموقع لأختيار احسن نكته من النكت التى قدمت . والنتيجه آلاف النكت زى ما قلت فى الأول و2 مليون زائر صوتوا لأختيار افضل نكته طبعا الكل يحب يعرف النكته الفائزه قبل كده نقول شوية نتائج من اللى توصل اليها البحث فى موضوع الضحك عند الشعوب المختلفه هو طبعا السؤال الذى يخطر على البال هل ما يضحك فى بلد قد لا يكون له نفس التاثير فى بلد آخر؟ او هل ما يضحك الرجال هو نفسه ما يجده النساء مضحكا ....وعندك كمان ياسيدى العمر ....هل مايضحك الكبار يضحك الشباب ام يوجد اختلاف زى ما بيقول كل بلد وكل فئه تختلف فيما تعتبره مضحكا وظهر هذا فى التصويت على النكت ومهم كمان نعرف ان الناس تضحك لأسباب مختلفه مثل تفريغ التوتر فى المواقف الصعبه وايضا لأن النكته تشعرنا باننا افضل من ابطال النكته بسبب سوء تصرفهم او غبائهم وايضا نضحك بسبب عنصر المفاجاه فى النكته وعدم توقع النهايه من النتائج الشيقه ايضا اختلاف الشعوب فمثلا خدى عندك الألمان ...غير معروف عنهم حبهم للفكاهه ولذلك لا يفضلون نوعا معينا من النكت بينما شعوب ايرلندا وبريطانيا واستراليا يفضلون النكت التى تعتمد على اللعب بالألفاظ غير الكنديين والميركان الذين يفضلون النكت التى تسخر من الأغباء اما الشعوب الأوربيه مثل فرنسا والدانمرك فتفضل النكت التى تعتمد على التناول الخفيف للموضوعات الجاده مثل نكت عن الزواج مثلا كل ده معقول لكن الغريب هو نتيجة تحليل الكمبيوتر للمعلومات ....مثلا اكثر النكت اضحاكا ما تتكون من حوالى 103 كلمه ....ليه ماتفهميش الأغرب من كده ان الكمبيوتر حدد اكثر وقت يكون فيه الأنسان قابلا للضحك هو حوالى الساعه 6 بعد الضهر وبرضه ماتفهمش ليه ....يمكن لأن وقت العمل فى دول كثير ينتهى فى ذلك الوقت ...يمكن اما افضل نكته كما اظهرت نتنائج التصويت واضخكت بصرف النظر عن البلد او النوع او السن فهى من بريطانيا وتقول خرج اثنان للصيد وفجاه طب واحد ساكت ....وبالتيلفون المحمول طلب المساعده فساله المسعف ماهى حالته بالضبط فقال له يظهر انه فارق الحياه فقال له لا بد من التاكد من ذلك اولا قبل تقديم اى مساعده ....فطلب منه الأنتظار دقيقه ....وفى هذه الدقيقه سمع صوت طلق نارى وعاد الصياد الى التيلفون....الآن انا متاكد انه مات!!!! مارايك وهل لو اشترك مصريون فى ذكر النكت او التصويت كانت النتيجه ستختلف؟

الثلاثاء، ٢٣ محرم ١٤٣٠ هـ

نساعدك لكى لا تتراجع عن قرار تتخذه

مستمعينا فى كل مكان صباح الخير كم مره اتخذت قرارا ....خلاص مش حعمل كده تانى او لازم اعمل كذا....ورجعت فى كلامك؟ من يفعلون ذلك اكثرالذكور ام الأناث؟ كان هذا هو السؤال الذى وجهناه لزوار مدونتنا من اهل الأنترنت وقدمنا تعليقاتهم فى حلقه سابقه ....والسؤال فى الواقع بحثه ريتشارد وايزمان عالم نفس بريطانى له شهره واسعه لأنه يستعين فى ابحاثه بمتطوعين من اهل الأنترنت وينشر ما يتوصل اليه فى موقعه ومدونته ....وكما نوهنا فى حلقة التعليقات سنقدم ملخصا لما توصل اليه مهم ايضا ان نقول ونقدم ضمن النتائج خطه لتساعد من يتخذ قرارا على تنفيذه القرارات فى حياتنا اليوميه كثيره مثل قرار التوقف نهائيا عن التدخين او انقاص الوزن او ممارسة الرياضه حتى ولو كانت رياضة المشى ونبدا من البدايه ....بداية البحث تتبع عالم النفس على مدى عام حوالى 3000 شخص من الجنسين ....وكل منهم كان يحاول تنفيذ قرار اتخذه ....وبعد عام لم ينجح سوى العشرفقط منهم ....فما ذا حدث؟ بالنسبه للذكورالسر يكمن فى تحديد الهدف الذى نرغب قى الوصول اليه:كلما كان محددا وليس عاما كلما كان النجاح اكبر يعنى مقولش انا قررت انقص وزنى وخلاص ولكن اقول انا قررت انقص وزنى كذا كيلو فى الشهر بالنسبه للأناث كانت قدرتهم على التقيد بتفيذ القرار اكبر عندما ابلغوا اصدقائهم ومعارفهم به ... يعنى لم يحتفظن به لأنفسهم ....وبالمناسبه البحث وجد كما قالت تعليقات زوار مدونتنا ان الأناث اكثر من الرجال رجوعا عما يتخذنه من قرارات والآن ماهى افضل خطه تساعد على تنفيذ ما نتخذه من قرارات؟ اولا :اتخذ قرارا واحدا محددا وركز كل جهدك على تنفيذه ثانيا:لا تتخذ قرارا متسرعا دون تفكير وتخطيط قبل اتخاذه بفتره كافيه ثالثا اذا حاولت تنفيذ قرار لم تنجح فى تنفيذه من قبل قتجنب تكرار نفس الطريقه التى اتبعتها من قبل ولكن حاول ان تجرب طريقه جديده يعنى جرب مثلا ممارسة الرياضه بدلا من الرجيم لأنقاص الوزن وفى هذا ايضا كن محددا بدلا من ان تقول سوف امشى حدد متى واين .....يومى الأحد والأربعاء مثلا بعد العصر واخيرا لا تقلد احدا مش علشان صاحبتى عملت كذا انا كمان حعمل زيها ....اعمل او اعملى ما انت مقتنعه به شخصيا فعلا وللرجال اذا قررت التوقف عن التدخين ففكر دائما فى الفوائد التى ستعود عليك وعلى من حولك ...بل حاول ان تكتب على الورق هذه الفوائد وعلقها فى مكان ظاهر بالمنزل وللنساء اذا اتخذتى قرارا لا تحتفظى به لنفسك بل ابلغى به الأهل والأصدقاء ....فالقرارات التى تحتفظين بها لنفسك كثيرا ماتنسى ولا تلوم نفسك كثيرا اذا لم تستطع التقيد بما اتخذته من قرارات ....كثيرون جدا يفعلون ذلك ....فلا تياس وحاول مرة اخرى هل وجدت فى هذا الكلام شيئا مفيدا؟

مواعيد أذاعة الحلقات وتعليقات احبائنا زوار المدونه

الأربعاء 21-1 افضل نكته فى العالم من معمل الضحك على النت الخميس22-1 تعليقات على رسالة اوباما الى بنتيه :د.ليكتر-نفرتارى-زينب المسلمى-آلاء-لبنى غانم-فشكول-محمد الشيمى-الرحال-جهاد مشالى السبت24-1 راى علم النفس كيف تضمن ان تتقيد باى قرار تتخذه الأحد25-1 تعليقات على خطة تطفيش العريس :ذات النطاقين-لبنى غانم-رئيس التحرير-زينب المسلمى الأثنين 26-1 هل يحب الناس اضافة امكانيات معقده للتيلفون المحمول الثلاثاء27-1 كيف يؤدى البحث عن معلومات فى النت الى حدوث تغييرات مناخيه فى العالم

الخميس، ١٨ محرم ١٤٣٠ هـ

خطاب مفتوح من اوباما الى بنتيه والى كل طفل

من اجل الحياة التى اريدها لكما ولكل طفل دخلت السباق الى البيت الأبيض من اجل فرص متكافئه لكل الأطفال بصرف النظر عن الفقر او الغنى او اللون اريد تكنولوجيا جديده من اجل حياة افضل وبيئة انقى وساعمل على الا نرسل ابناءنا للحرب الا بسبب قضية عادله ولأسباب قويه وبعد ان تستنفد كافة الوسائل السلميه اريد لكل طفل فرصة للنمو واكتشاف مواهبه وامكانياته والقدرة على الحلم بحياة افضل وعمل ومعاش عند التقاعد ورعاية صحيه لهذا دخلت فى السباق المضنى الى البيت الأبيض هل سيحقق مايريد

هل ترضين بالزواج بمن هو اقل منك

كتبت زينب المسلمى فى مدونتها نور على نور السلام عليكم و رحمة الله وبركاته النهارده أنا جايبه لكم موضوع بقى منتشر قوى اليومين دول والموضوع ده من الحاجات اللى بستغربها قوى ومش عارفه صح و لاغلط و عايزه رأى كل بنوته تقرأ الموضوع ورأى كل شاب برده مش مشكله طبعا إحنا عارفين إن عشان الزواج يكون سليم و ناجح لابد من التكافؤ بين الزوجين و التاكافؤ معناه المساواه أو المماثله و التكافؤ بين الزوجين يعنى أنه لابد أن يكون الزوجين متساويين أو متقاربيين فى المستوى الدينى و الخلقى و الإجتماعى و العلمى و الثقافى و التفكيرى و المادى فى الأيام دى بقيت ملاحظه ان فى ناس كتيرماعادتش مهتمه بموضوع التكافؤ خالص فمثلا أنا أعرف بنت معاها كليه مؤهل عالى و وافقت على الزواج من شاب لا يحمل أى مؤهل أرى فتاة أخرى حاصلة على مؤهل عالى و توافق على الزواج بشاب معه مؤهل متوسط أو دون المتوسط أنا ذكرت مثل عن التكافؤ العلمى لأن هو ده اللى شايفه إنه منتشر قوى فى الأيام دى سيدنا محمد عليه الصلاة و السلام قال من ( أتاكم من ترضون دينه و خلقه فزوجوه ) فهل يكفى التكافؤ الدينى فقط فى الزواج و التخلى عن أجزاء التكافؤ الأخرى ؟ أنا سؤالى هنا موجه للبنات خصيصا هل ترضين بالزواج بمن هو أقل منك فى المستوى العلمى و الثقافى و التفكيرى ؟ هل تقبلين الزواج بشحص لا يحمل أى مؤهل أو يحمل مؤهل متوسط أو دون المتوسط؟ هل تقبلين الزواج بشخص حاصل على مؤهل عالى و لكن يعمل بمهنة أخرى مثلا سباك أو نجار أو استرجى أو نقاش أو مبلاطاتى يعنى بيبلط سيراميك و بلاط ؟ مع العلم أننى لا أقلل من مهنة أى شخص أو من قدره هل تقبلين الزواج بشخص أقل منك فى المستوى الدينى على اعتبار انك ممكن تغيريه و انت لا تعلمى ان كان سيتغيربعد الزواج أم لا ؟

الثلاثاء، ١٦ محرم ١٤٣٠ هـ

مواعيد أذاعة الحلقات وتعليقات احبائنا زوار المدونه

الخميس15 مجموعة اللى حب والا طلش ومؤسستها ساره الأسكافى من كتاب دولة الفيسبوك اعداد محمد على البسيونى السبت 17-1 الرجوع عن القرارات وتعليقات نفرتارى-مونى-زينب المسلمى-د.ليكتر-علا محمد عبد المنعم-لبنى غانم الأحد18-1 زواج النت وتعليقات زينب المسلمى-سلوى سمير-د.ايمان مكاوى-محمد الشيمى الأثنين19-1 زواج النت2 وتعليقات علا سمير الشربينى-فشكول-احمد رميح-علا محمد عبد المنعم

الاثنين، ١٥ محرم ١٤٣٠ هـ

الخطه السريه...للبنات

جروب اللى حب والا طلش ...اسمه كده طبعا تقصدى مجموعه على موقع الفيسبوك فعلا...الجروب اسمه بالظبط نقابة اللى حب وما طلش وماذا يجمع اعضاء هذه المجموعه او الجروب ؟ايه الأهتمامات المشتركه بينهم حتبان لما نقرا المكتوب ....فيه طبعا افكار وموضوعات مختلفه بس انا حبه اقف عند الموضوع ده .... موضوع ايه هو خطه ...ايوه خطه وضعتها مؤسسة المجموعه ساره الأسكافى ....خطه استراتيجيه تكتيكيه بطعم المهلبيه وخاليه من المواد الحافظه وبتقول ايه بقى الخطه العبقريه دى شوف ياسيدى ....الخطه اصلا سريه وموجهه للبنات فقط ....لكن يلا بقى معلهش انتم برده مننا وعلينا .....الخطه عنوانها ازاى تطفشى عريس انت مش عايزاه واهلك عايزينه اولا حتى تنجح الخطه يوجد شرط مهم وايه هو الشرط لا تظهرى لأهلك عدم الرضا بالعريس ايوه ما احنا قلنا انها خطه سريه وبعدين من يوم ماتسمعى بالعريس لحد ماييجى عليك بالبصل...افرمى بصل كتير ولو فيه كمان توم يبقى خير وبركه ....طبعا انت بتساعدى ماما ومحدش حيقول حاجه ثانيا-لما اهل العريس يوصلوا بالسلامه ....سلمى على امه بكل برود ثالثا- الميك اب لأحلى مناسبه : اتكحلى بس خلى الكحل فى عين اكتر من التانيه وبكده تضمنى ان كل من يراك سيظن انك حوله رابعا-كريم الأساس اكيد طبعا محتاجه كريم اساس بس الجديد بقى انه يكون على الشفايف ....وبكده يبان انك عندك ياعينى فقر دم خامسا –دققى فى الألوان ....البسى الوان متنافره مثلا جيبه خضرا وبلوزه حمرا سادسا-روحى المطبخ واعملى القهوه بنفسك واوعى ماما تاخد بالها عملتيها ازاى. وايه المقلب اللى بعد كده لأ مفيش مقلب ولا حاجه بعد كده ارجعى لأم العريس اللى نفسها تشوف جمال شعرك ....ومش حنعمل مقلب ولا حاجه خليه حلو مفيش مشكله سشوريه وظبطيه بس بس ايه بقى ؟ بس اقعدى اهرشى واهرشى واهرشى قدامها اذا نفذتى هذه الخطوات كما هى وبحذافيرها ....اكدلك انك حتسمعى من يقول من اهل العريس يا منجى من المهالك يارب وتسمعى صوت ابوكى بيقول للضيوف وهم فى طريقهم مسرعين للباب شرفتونا نرحب بتعليقاتكم

الثلاثاء، ٩ محرم ١٤٣٠ هـ

مواعيد أذاعة تعليقات اصدقائنا الأعزاء زوار المدونه

الخميس 8-1-2009 الحظ الحلقه الأولى وتعليقات مسعده-د.ولاء صلاح-زينب-لبنى غانم السبت10-1 الحظ الحلقه الثانيه وتعليقات رنا عاشور-محمد النادى-لبنى غانم-هوايت هارت-جهاد السيد-جهاد مشالى-سلوى سمير-فشكول الأحد11-1 نتيجة البحث العلمى فى موضوع الحظ الذى استند اليه سؤالنا الأثنين12-1 اختيار اسماء المدونات وتعليقات د.ايمان مكاوى-زينب-د.ولاء صلاح-رنا عاشور-جهاد السيد-جهاد مشالى-مسعده-لبنى غانم-سلوى سمير

تنبؤات :الأنترنت ستكون افضل خاطبه فى السنوات القادمه

توقع عالم نفس ألماني أن يصبح البحث عن شريك حياة عبر شبكة الإنترنت هو الوسيلة الأفضل والمسيطرة خلال السنوات العشر المقبلة. وقال إيريش فيته أستاذ علم النفس بجامعة هامبورغ لوكالة الأنباء الألمانية (د.ب.أ) امس السبت إن اختيار شريك الحياة عبر الانترنت سيقلل بشكل ملحوظ من معدلات الانفصال والطلاق وأوضح قائلا "معدلات الطلاق الحالية والتي تبلغ نسبة 50% ستنخفض بفضل اختيار شريك الحياة عبر الانترنت". وأكد الخبير الألماني أن عروض البحث عن شريك حياة عبر الانترنت تشهد تطورا ملموسا وتضمن بنسبة كبيرة "علاقة سعيدة على المدى الطويل" مقارنة بالوسائل التقليدية لاختيار شريك الحياة. وأشار الخبير إلى مزايا التعارف عبر الانترنت قبل الدخول في علاقة صريحة وأوضح أن عملية الاختيار تخضع لقائمة طويلة من الرغبات المشتركة وتنتهي في الغالب بالقرار الصائب للطرفين.. ما رأيك عزيزى؟ ما رايك عزيزتى؟

الأحد، ٧ محرم ١٤٣٠ هـ

مش حعمل كده تانى

كم مره اتخذت قرارا ....خلاص مش حعمل كده تانى او لازم اعمل كذا....ورجعت فى كلامك؟هل تعتقد ان كثيرين يفعلون ذلك؟ من الذكور اكثر ام من الأناث؟

حب الى الأبد

مرت فى طريقها بشجرة عتيقه ولمحت عليها كتابة محفوره تقول حب الى الأبد وتذكرت اغنية فيروز الجميله بكتب اسمك ياحبيبى ع الحور العتيق تكتب اسمى يا حبيبى ع رمل الطريق ....ابتسمت ابتسامة ساخره وقالت فى سرها ....اهه كلام ...كلام اغانى ...آل حب الى الأبد آل !هل ما فكرت فيه صحيح ...ولا وقت فى هذا الزمن لمثل هذا الكلام؟