مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الخميس، ٢١ شوال ١٤٣١ هـ

هل انت اسعد مما تظن ؟

فعلا قد تكون اسعد مما تظن اقرا الموضوع

يعنى ايه الواحد ممكن يكون سعيد من غير ما يشعر ...تقدر تقول لى؟

هوالموضوع مش كده بالظبط

امال الموضوع ازاى

دى نتيجة جوله فى النت عن علماء بيبحثوا فى سر السعاده

وعرفوا ايه هو سر السعاده؟

بعد مادرسوا حياة الاف من الناس توصلوا لنتائج مدهشه فعلا

زى ايه كده

من شروط السعاده ان يكون للأنسان صديقان على الأقل ...وهذا يجعله فى حاله ذهنيه صافيه

فى حالة روقان بالبلدى

ده ما وجده علماء فى جامعة ييل الأميركيه ...نتنقل بعد كده لنقطه تانيه

ودى منين

دى ذكرت فى مؤتمر الجمعيه النفسيه فى بريطانيا ...بيقولوا لو لك على الأقل اخت حنونه ستكون اكثر نفاؤلا وقدره على مواجهة صعاب الحياه

فى كمان حاجه عن الكمبيوتر والتيلفزيون

ودول ملهم والشعور بالرضا والسعاده ؟

اقل الناس سعاده او احساسا بالرضى من يقضون الساعات الطويله امامهما

زى ما بنقول باللغه الدارجه المتسمرين قدام الشاشه

انما يشعر بالسعاده والرضا من لهم نشاط اجتماعى او يقضون وقتا فى القراءه او حضور المناسبات الدينيه ...وده بحث من جامعة ميرى لاند الأميركيه

ويضاف لكده كمان ممارسة الرياضه ومش حتصدقى اللى بيقوله علماء فى الدانمرك

ليه هم بيقولوا ايه

المتزوجون بصفه عامه اسعد

يمكن عندهم ...فى ايه كمان

بيقول بحث من جامعة وور ويك البريطانيه حاجه ظريفه جدا ...التعامل مع السعداء معدى

مش المثل بيقول من جاور السعيد يسعد

بس على شرط مايكنوش ساكنين بعيد اللى حيتعامل معاهم دول

طبعا مع زحام الشوارع والمرور المتوقف مش حيقدر لا يشوفهم ولا يتعامل معاهم

فى بقى نقطه جديده تماما ...ودى ملاحظه لعالمةنفس فى جامعه فى ولاية كاليفورنيا ....بتقول ان الناس الحريصه على عرض صور اللحظات السعيده فى حياتهم بيكونوا غالبا اسعد من غيرهم

صعبه دى شويه حسب المشهور قول للزمان ارجع يازمان

لأ هى بتقول ان ده بيذكرهم بقدرتهم على الشعور بالسعاده

فى حاجه بقى ... مج الشاى ده اللى قدامى ...هو لونه مش عاجبك والا حاجه ؟ رفعته وميلته يمين وشمال

ده صحيح والسبب ان من علامات السعاده طريقة مسك كباية او مج الشاى او القهوه ....فى ناس بتحتضن بكفيها المج وهو سخن قبل ما تشرب ...طبعا فى البرد...ودول بيكونوا ناس بتقدر الصداقه وبيكونوا اهل للثقه ويعتمد عليهم ....الفكره على فكره من جامعة ييل

جولة النت النهارده ممكن نسميها .... نسميها جولةالسعاده

اصح لو قلنا جوله مع الباحثين عن سرها

الثلاثاء، ١٩ شوال ١٤٣١ هـ

حل مشاكل التعليم

نقص المدرسين تكدس الفصول الدروس الخصوصيه الكتب الخارجيه ....الخ المدرس البديل هو الحل روبوت يقوم بكل ما يقوم به المدرس ويتحكم فيه الطالب تجرى تجربته فى جامعة كاليفورنيا فى سان دييجو بالنسبه للأطفال فى سن ماقبل المدرسه ليعلمهم ويدربهم على اللغه هل تعتقد انه سيكون موجودا فى فصول الدراسه يوما ما كما يعتقد اصحاب الفكره ؟

السبت، ١٦ شوال ١٤٣١ هـ

الحل الحاسم لزحمة الشوارع بالسيارات

خبر مهم اخيرا الحل الحاسم لزحام المرور او توقفه وضياع الوقت الحل طائر الثلج! والحل فكر فيه رسام مشهور جدا هو ليوناردو دافنشى زمان سنة1485 والفكره ببساطه هى ان يطير الأنسان برفرفة جناحين مثل الطائر تماما وطبعا لم تتحقق الفكره كل هذه السنوات الا يوم 2 اغسطس 2010 فى كندا طار طالب الهندسه تود وهو داخل كابينه يعلوها جناحان يرفرفان والمشروع استغرق 4 سنوات فى تصميمه شاهد اللقطه المذهله وقل لنا ماهو اول شىء يخطر على بالك بعد المشاهده وقراءة هذه التدوينه

HPO Flight from U of T Engineering on Vimeo.

الجمعة، ١٥ شوال ١٤٣١ هـ

زواج بالمسطره

احد مواقع البحث عن شريك الحياه يحاول ان يستعين ببعض العلم فى عصر النت والمعلومات....فيعطى للشخص اختبارا للشخصيه اولا ليتعرف على نفسه وثانيا وهو الأهم سيقوم الموقع بعرض من يتفقون مع شخصيته هل تعتقد ان هذه الطريقه يمكن ان تقلل من اخطاء الأختيار وتوفر حياه زوجيه سعيده؟ ولاتنسى التعليق على التدوينه السابقه فهى لاتزال مفتوحه للتعليقات

شاهد اللقطه الممنوعه

ظهر اعلان عن برنامج الأطفال الأميركى المشهورعالم سمسم فى عامه ال41 وبه اغنيه لمطربه هى كيتى بيرى وبمجرد نشر الأعلان فى اليوتيوب احتج بعض الآباء على فستان المطربه وانه لا يليق ببرنامج موجه للأطفال من سن سنه حتى ست سنوات ....فحذفت الشركه المنتجه لقطة الفستان من التيلفزيون الذى يشاهده الجميع ولكن ابقت عليها فى موقع المطربه على النت للكبار....هل توافق على هذا التصرف....شاهد اللقطه التى اثارت الجدل والأعتراض من الآباء قبل ان تجيب

الثلاثاء، ١٢ شوال ١٤٣١ هـ

الحلقات الجديده والتعليقات

الأربعاء22-9-2010 اهل النت والأغانى القديمه وتعليقات على حافظ-مرمر جلال-على شعبان-ايهاب محمد الحمامصى الخميس23-9-2010 النوم فى المكاتب وتعليقات حبيبه حبيب-روفى عبد الله-ناديه احمد-ايهاب محمد الحمامصى السبت25-9-2010 احدث الاعيب الهاكرز لأصلبة جهازك بفيرس وكيف تتجنب ذلك الأحد26-9-2010 النت والعزله وتعليقات حبيبه حبيب-ايهاب الحمامصى- فراوله ابراهيم الأثنين 27 والثلاثاء28-9-2010 حلقتان معادتان الأربعاء29-9-2010 دولارات النصب وتعليقات نانا احمد-ايهاب الحمامصى-نورا- غير معرف-ام بتول الخميس30-9-2010 محمد مرسى ونوعيات الأصدقاء على الفيسبوك وتعليقات على عيسى- اقصوصه-ايهاب الحمامصى-وقصة راضيه على مع النت السبت2-10-2020 كشف الكذب فى الدردشه وتعليقات ايهاب الحمامصى- عمرو يسرى- ام بتول الأحد3-10-2010 الهجره الجماعيه للنت وتعليقات هيما عيد-ايهاب الحمامصى-حبيبه حبيب الأثنين4 والثلاثاء5-10-2010 حلقتان معادتان

الأحد، ١٠ شوال ١٤٣١ هـ

ملايين الدولارات فى انتظارك

هل وصلتك  هذه الرساله ؟رساله اخرى من نفس النوعيه اياها بدون اى تجديد او ابتكار

من مكتب  من يسمى احمد موسى الذى يقول عن انفسه انه موظف فى قسم الحسابات الجاريه والمراجعه فى بنك التنميه الأفريقى

طيب عايز ايه؟

لأ حاجه بسيطه خالص …عرض بكذا مليون دولار سيكونوا من نصيبك

طيب ازاى  وليه

15 مليون دولار اميركى تبحث عن صاحب فى البنك

بعد ان  مات صاحبها  وكل عائلته فى تحطم طائره فى بنين  عام 2004

ولأنه لن يطالب بها احد ستذهب للحكومه

وكل ما عليك هو ان تطالب بها كقريب لصاحبها

وسيحصل مرسل الرساله على 60 فى المائه وانت 40 فى المائه

عندما تنفذ التعليمات التى سيزودك بها اذا وافقت على الصفقه

ومطلوب فى البدايه تبعت له شوية بيانات مثل الأسم بالكامل  والجنس السن والدوله والمهنه ونمرة المحمول

هل تستطيع ان تكمل السيناريو لو بعثت بهذه المعلومات ؟Working on the laptop

الأربعاء، ٦ شوال ١٤٣١ هـ

ماراى اهل النت خاصة جيل الشباب

نريد ان نعرف راى اهل النت وخاصة الشباب فى اغانى زمن غير زمانهم فاخترنا اغنيه البوسطجيه اشتكوا فى عصر الأيميلات والأس ام اس

الأحد، ٣ شوال ١٤٣١ هـ

النت وهذا المخبول

هل تعتقد ان النت اولا ووسائل الأعلام ثانية اعطت للقس المجنون صاحب فكرة تدنيس المصحف اهمية وشهره لا يستحقها وهو ماكان يسعى اليه ؟