مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الأحد، 30 شعبان، 1429 هـ

حب وغرام على النت...ممكن والا....

قال الشاعر (الحقيقه هو مش شاعر عادى ده امير الشعراء) نظرة فابتسامة فسلام فكلام فموعد فلقاء لماذا اللون الأزرق فى بيت الشعر لأنها خطوات لا تتوفر عادة فى الدردشه على النت ومع ذلك (لاحظ اللون الأحمر للخطر)نسمع عن قصص حب ايه بقى الموضوع ...سؤال هل ممكن يحصل حب حقيقى فى دردشه على النت ...فى برنامجنا الأذاعى انت تسال والكمبيوتر يجيب قدمنا بشكل درامى قصه حقيقيه عن لقاء بين شابين تعارفا عن طريق النت ...اول لقاء بين البطله والبطل ...وصورنا بالآداء التمثيلى مادار فى ذهن كل منهما...وانتهى اللقاء ولم تستمر العلاقه ...كانت القصه الواقعيه من الأردن ...ولكن معنا قصه اخرى واقعيه من مصر ننقلها من مجموعة اقامتها حنان الشريف على الفيسبوك اسمها لا للحب على النت نقرا القصه او الحوار بينها وبين بطل القصه مخمود حسين زكى ونقول راينا نا اخر حب ليا على النت كانت بنت سنها15 سنة المشكلة اننا بجد حبينا بعض بجد بس المشكلة الكبيرة فرق السن وانها لسه فى فى اولى ثانوى وكمان باباها ومامتها ميرضوش انها تتخطب حتى انا بجد كنت مستعد انى اخطبهاواتجوزها وكان نفسى احول الحلم (الحب على النت) احوله للحقيقة للواقع بس الظروف غلبتنى والتقاليد بتاعت اهلها علشان كدة مقدرناش نكمل مع بعض بس بجد الحب على النت انا معتبره حلم وممكن يتحول لحقيقة بس المشكلة انى عندنا يقولك فى الاول والاخر وده نت م عارف ليه المهم هبقا احكيلكم تجارب تانية ليا ................................................. انتظرونى محمود هو انت عندك كام سنة ؟؟؟ اصل بنت عندها 15 سنة واولى ثانوى يعنى طفلة بتقول فرق السن يعنى انت اكبر منها بكتير ممكن يبقى ازاى فى توافق فى الفهم وفى الخبرات وفى الحياة الاجتماعيه وما خلافه معلشى محتاجه شوية توضيح بجد انا كنت بكلمها بس عمرى ما حسيت انها اصغر منى بالفرق ده كله عقلها كبير 15وخبراتها معقولة وفهمانى جدا وانا فاهمها جدا وكلامها كبير مش كلام انسانة سنة ما انا كنت برده مستغرب انى سنها15 بس والله علشان كدة انا حبتها بجد بس وعلى العموم انا سنى 24 سنة وبجد انا كنت مستعد انى ارتبط بيها واتجوزها لما تدخل كلية بس هيا قالتلى انها متقدرش تكلم والديها فى الموضوع ده ابدا غير لما تدخل كلية وانا طبعامستحيل هستنا 3 سنين علشان تكلم والديها بس وانتهت الحكاية على كدة هى عندها حق وانت كمان عندك حق بس فرق 9 سنين يا محمود صع اوى يعنى عموما انا متخيلة تقارب الافكار لكن ياترى كانت متقاربة فى كل الاتجاهات ؟؟؟ ماهو احنا مش ينفع نتقوقع داخل بؤرة معينة مش عارف فى كل الاتجاهات او ل الكلام ده كان يظهر لو انا قابلتها فى الحقيقة انا بقللك كله كان على النت وبس بس انا كنت عايز احوله لحقيقة بس محصلش نصيب انت كمان ماقبلتهاش خالص فى الحقيقه وتقولى حب افرض انها ماكنتش 15 سنه وكانت 35 وبتضحك عليك ماتقوليش مش ممكن كل شيء جايز افرض انها بتتسلى النت وسيله تعارف لكن حب لالالالالالا

الجمعة، 28 شعبان، 1429 هـ

كل عام وزوارنا ومستمعينا بخير

الأخوه والأخوات زوار مدونتنا ومستمعينا كل عام وانتم بخير برنامجنا الأذاعى انت تسال والكمبيوتر يجيب فى اجازه سنويه طوال شهر رمضان ويعود اليكم ان شاء الله بعد عيد الفطر اما المدونه فهى مستمره وترحب بمقترحاتكم وافكاركم ....ننتظر اى اقتراح بفكره او موضوع للمناقشه ....وكذلك بحكاياتكم مع النت ... ونشكر كل من ساهم براى او تعليق فى الفتره الماضيه وفى انتظار ما تجود به افكاركم

الجمعة، 21 شعبان، 1429 هـ

مطلوب عنوان لهذه القصه الواقعيه

انظروا الى الصوره الى اليسار ...انظروا جيدا ...هى لبطل العالم فى رفع الأثقال فى الوزن الثقيل وهو يحمل فى يد الميداليه الذهبيه من اولمبيات بكين ....وفى اليد الأ خرى ماذا يحمل ....دققوا النظر انها صورة زوجته التى ماتت العام الماضى فى حادث سياره ....ولحظة تسلمه الميداليه الذهبيه يقول : كنت افكر فيها ياستمرار قبل اشتراكى فى الدوره ...وانا اهدى هذا الفوز لروحها يسمى اقوى رجل فى العالم ....هكذا يسميه المهتمون برياضة رفع الأثقال ونحن ماذا نسميه ....ارق رجل فى العالم ؟ المهم بطل العالم فى رفع الأثقال لم يتحمل على ما يبدو ثقل فراق من يحب ما تعليقكم ....نتناقش والحكم بعد المداوله ملحوظه هو ليس من الشرق مكان الروحانبات كما نظن ولكنه من الغرب مكان الماديات كما نظن ....الظاهر ان الأنسان هو الأنسان فى اى مكان بطل العالم هو ماثيوث اشتينر من المانيا

الجمعة، 14 شعبان، 1429 هـ

الحب وسنينه فى زمن النت والعولمه والمحمول

فى زمن النت والسرعه من 256 كيلو بايت وانت طالع والعولمه والمحمول هل لا زال يوجد مكان للرومانسيه والحب ...كانت اجابة الشابه التى حاورتنى متشائما ....قالت الحب الحقيقى هو الذى يغير نظرتى للحياه ولذلك هو لم يعد موجودا ....قلت لها انت متاثره بكلمات الأغانى التى تقول وتعيد وتكرر انا كنت قبلك ولا حاجه ولااعرف حاجه ولا بشوف حاجه وجيت انت وخلتنى استغنى عن النضاره ...(بدون عملية ليزك) قلت لها ان الحقيقه هى العكس لا يمكن ان ياتى الحب ومشاعرنا متجمده تحت ثقل التفكير طوال الوقت فى الماديات.... ورايى ان الحب الحقيقى لا يسقط الا على من لديه الأستعداد ...ولذلك اصبح نادرا... ....ويجب ان اتوقف وكفايه كده علشان ندى فرصه لأرائكم وتعليقاتكم

الثلاثاء، 11 شعبان، 1429 هـ

طبعا مش حتصدق

هل تعلم ان اشرار النت او الهاكرز يمكن ان يستولوا على جهاز الكمبيوتر الخاص بك ويستخدموه فى اغراض غير مشروعه وانت لا تدرى ودون ان تشعر؟ ايوه ام لا
هل تعلم كيف يتم ذلك؟ايوه ام لا هل تعلم كيف تحمى نفسك من هذا؟ايوه ام لا الحلقه موعدها الأثنين 18-8-2008

الخميس، 6 شعبان، 1429 هـ

مش عاوزين شبكه

قال البنات مش عاوزين شبكه وللتاكيد على جديتهم وصدق نواياهم الفوا جروب على الفيسبوك لنشر هذه الفكره....طبعا الشبان رحبوا وقالوا واحنا مش حنجيب شبكه وكونوا هم كمان جروب على الفيسبوك
عاوزين نسمع افكارهم منهم نفسهم وتعليقاتكم لأعداد حلقتين من برنامجنا عن الموضوع على فكره اسهل طريقه للدخول الى الجروبين على الفيسبوك هو كتابة كلمة شبكه فى خانة الريسيرش فى الفيسبوك بعد مايتم اللوج ان