النهارده بقترح نقف عند موقع على النت مهم جدا فى نظرى واعتقد ان كل اللى بيسمعونا حيتفقوا معاى فى الراى
موقع ايه ...المواقع المهمه على النت كثيره جدا
موقع بيقول مش معقول نفضل مستهلكين فقط فى عصر التكنولوجيا ...ننتظر ما يبتكره غيرنا ونجرى عليه...مع ان عقولهم مش احسن من عقولنا ...
هو طبعا الكلام ده مظبوط تماما ...وفى الصميم ...بس الخوف انه يفضل كلام جميل واحلام ورديه
وعلشان كده بقول ان الموقع ده مهم وغير عادى كمان
والسبب؟
انه بالفعل بيقدم نماذج لمبتكرين موهوبين من مصر ومن الدول العربيه كمان
طيب ناخد كام مثال
قبل كده لازم اقول ان الموقع مقسم لأقسام زى ارشادات للمبتكرين ونمى موهبتك وكيف تعمل الأجهزه وقصة نجاح وقسم اسمه اختراعات فيه اختراعلت من مجالات مختلفه ...تكنولوجيه وزراعيه وطبيه واجهزه منزليه وغيرها
خساره ان وقت البرنامج لا يسمح الا بالمرور السريع
علشان كده اختار هذا الأبتكار: كثيرا ما يتسبب الغسيل لمشاكل لربة المنزل مع جيرانها بسبب قطرات الماء التي تسقط من "الغسيل"، ولكن مع المنشر الذي يقدمه المخترع المصري- كمال يونس علي- الأمر سيختلف تماما، فباستخدام ربة المنزل لهذا المنشر لن تعاني من مشاكل "نشر" الغسيل نهائيا.
ايه كمان
عندك مثلا نجح العقيد مهندس أحمد محمد شهاب في تسجيل براءة اختراع من أكاديمية البحث العلمي لجهاز جديد مانع لسرقة وفقد الطاقة الكهربائية، بما يوفر على الدولة –حسب المخترع- أكثر من ملياري جنيه سنويا
اشخاص موهوبين مفيش شك
طبعا دلوقتى الأبتكارات كتير ما بتكون عمل جماعى مش فردى ...مثلا توصل فريق مصري إلى طريقة مبتكرة حديثة لحفظ مقطعات البطاطس والبصل والجزر بغرض تخزينها في صورة طازجة صالحة للاستهلاك لمدة طويلة
كلها اشياء مفيده لأن كل ابتكار بيحل مشكله
من الحاجات الجميله كمان المعلقه الألكترونيه
ودى بتعمل ايه
لذوى الأحتياجات الخاصه ... تمكن شاب مصري في الخامسة عشرة من عمره من اختراع ملعقة الكترونية تستطيع تقليب السوائل والمشروبات والجوامد التي تحتاج للتقليب ومن دون تدخل من أحد،وتعمل بالبطاريه لو قطع التيار الكهربى
والتحكم بالمحمول فى الأجهزه الأخرى .... يستطيع التحكم في تشغيل ثمانية أجهزة مختلفة ويقوم بإرسال رسائل قصيرة في صورة تقارير عن حالة كل جهاز، ويؤكد المخترع مهندس محمد عبد العزيز مجاهد أنه قام بتصميم الجهاز بدوائر الكترونية سهلة وبسيطة ومتوفر مكوناتها الالكترونية بالسوق المصري.
دا منجم افكار
قبل مانمشى لازم اذكر محمود وائل وسنه 11 سنه وهو اصغر خبير كمبيوتر وانترنت فى العالم ... أوصلته مهاراته إلى المنظمات والجامعات الدولية وعرضت عليه معاهد في الولايات المتحدة وكندا وقطر منحا للدراسة لكنه قرر البقاء في مصر. وقال انه يرغب في مساعدة آخرين على تحقيق ما حققه.وائل من صغره كان اسمه بين اصحابه مستر كالكيوليتر ولم يكتف مودي كما تناديه الأسره بما حصل عليه من شهادات و ولكنه يشحذ معرفته بقراءة كتب عن الكمبيوتر كي يتمكن من التعامل مع التحديات القادمة كما يقول عنه الموقع
الموقع هو دبليو دبليو دبليو دوت موهوبون دوت نت ....www. mawhopon.net
ليست هناك تعليقات:
إرسال تعليق