مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الخميس، ٢٩ ربيع الأول ١٤٣٠ هـ

عرض مغرى لا يقاوم

اقسى مافى الأزمه الأقتصاديه الحاليه فى المجتمع الأميركى بالنسبه للمواطن العادى ان يفقد وظيفته ويعجز بالتالى عن سداد الأقساط ودفع ديونه ويتوقف عن شراء ما ليس ضروريا ...والمحلات لا تبيع ويزداد الكساد وتدهور الأحوال اكثر ....ولذلك تقدم محلات فى نيويورك هذا العرض المغرى
اشترى بدله (او فستان) واسترد ثمنها لو فقدت وظيفتك
وذلك لتكون او تكونى على شىء من الأناقه عند البحث عن وظيفه اخرى
والسؤال هل سيسمح له بالأحتفاظ بالبدله او يسمح لها بالأحتفاظ بالفستان ام ستاخذ منه او منها مثل اى شىء آخر يعجز عن سداد اقساطه ....هل تستطيع ان تخمن الأجابه

هناك ١٢ تعليقًا:

أشرف يقول...

أفتكر انهم مش هيحاولو يستردوا البدله تانى او الفستان
لانهم هيكونوا اتلبسوا أو بمعني تانى أستكهلكوا ..
لكن المحلات دي هتفلس بالعرض الغبي ده...!!!
هوما كده بيخمنوا أن الشعب الامريكي كله هيسيبوا وظايفهم !!!
دا العرض ده لو في مصر الشعب كله هتلاقيه لابس بدل .

Unknown يقول...

ههههههههههههههه
لا طبعا مش هياخدوها
ده يمكن يدوله فلوس كمان زيادة

في اليابان احدي شركات الاتصال طرحت الاي فون عشان الركود مقابل استخدام خدماتها

طبعا هنا في مصر احنا ام الدنيا عمرنا ما هنشوف حاجة زي دي عشان هنا المبدأ السائد البضاعة تبوظ ولا تتحرق

يعني الحاجة تبوظ علي انه يبيع بخسارة

بيستعمل نفس مبدأ امريكا في رمي القمح الزائد عن الانتاج المطلوب في البحر عشان سعره مينزلش !!!!

بس هنا السعر بينزل غصب عنه و برضه مصمم !

غير معرف يقول...

السلام عليم ورحمة الله وبركاته:
دة نوع من الفكر التسويقى اللى ممكن بيكون غريب شويه فى مجتمعنا هنا عشان كدة بنسغرب منه ، لكن انا عن نفسى باعتبر ان دى شطارة تجار ،
واللى هيحصل كالتالى (ولو ان مش متابع حالة الاقتصاد الامريكى يعنى) ان العميل لما يروح يشترى بدلته او فستانه تحت تاثير العرض دة ويدفع المبلغ مقدما، صاحب المحلات دى هياخد المبلغ ويستثمره فى نشاط آخر (دة اذا وضعنا فى الاعتبار ان ه هيربح كتيييييييير قوى ) وهيتوفر معاه مبلغ محترم يقدر يشغله فى نشاط تانى يدر عليه ارباح وفيره تخلية يقدر يرجع فلوس العميل اللى خسر وظيفته( طبعا على اعتبار ان اللى هيخسروا وظايفهم هيكونوا نسبة قليلة من اللى هيشتروا العرض دة.
االكلام دة مش مظبوط .. مش كدة
طاااااااااااايب عندى حاجة تانية:
صاحب المحلات هياخد الفلوس ويكوت على سويسرا فتره معقولة لحد ما الامور تهدى وبعدين يبقى يرجع تانى ( اصلهم بقةهيتعلموا من اخوانااللى هنا).
تحياتى :
صديق البرنامج / طارق سليم

فشكووول يقول...

والله لو ياخدوا لبدله او ياخدوا الفستان يبقى مافيش مشكله .. حل سهل ومريح
صلاح ابوزيد
تحياتى

غير معرف يقول...

السلام عليكم:
على فكرة وقبل ما انسى تانى: انا حقيقى زعلان من اذاعة البرنامج العام
لانهم بيذيعوا حلقات الف ليلة وليلة فى وقت متأخر جدا وبرغم اننا انا وعدد كبير جدا من المستمعين بعتنا للاذاعة عشان تقدم موعد اذاعة البرنامج شوية حتى نتمكن من متابعته . وبعد خلاص ما كانوا هيدموه للساعة العاشرة مساءا ، فوجئنا انهم تجاهلوا الامر تماما..
المهم عندى دلوقتى وبشكل عاااااجل ان البرنامج دة موعدة يتقدم للساعة اتناشر احداشر متفرق .
وياريت لو تقدرو تعملوا فيه معروف واهى( حسنة قليلة تمنع بلاوى كتيرة)ان كم تبعتوا لى حلقات الف ليلة وليلة لطاهر ابو فاشة كاملة على الايميل دة
tareqseleem@hotmail.com
وتبقى يا استاذ صلاح عملت معايا احلى واجب .
تحياتى :
صديق البرنامج / طارق سليم.

Ana يقول...

الصديق عيون
حلقات ألف ليلة وليلة موجودة على الإنترنت ولكن ليس كلها بالطبع والكثير منها على سبيل المثال فى منتدى سماعى
http://www.sama3y.net/forum/showthr
ead.php?t=64569
وهو منتدى رائع ستجد فيه الكثير من الدرر ، يمكنك التسجيل فيه وتحميل ما تريد ..تحياتى .

Dr.Mohammed Gohary يقول...

السلام عليكم ورحمة الله وبركاته
أولا : أنا برضووو عاوزكم تعتبروني صديق البرنامج .. آه وربنا هههههههه
ثانيا: أنا معرفتش أقرى الموضوع بسبب اعلان الكوكاكولا والـ سبرايت ليمون أكتر صودا أكتر اللي انتم حاطينه.. وش متضايق وزعلان خالص
ثالثا: عملتله للموضوع كوبي ونسخته على وورد باد علشان أقراه
شوفتوو الإصرار؟؟؟ هههههههههههه

رااااابعاً : نعلّق بقا عالموضوع:

مممممممممم هيا طبعاً الأزمة الإقتصادية مأثرة بشكل كبير عالإقتصاااد وتاعبة السياحة جداً
خليني في السؤال
أعتقد هناك هيسيبوا البدلة لو ما اتطرد من الشغل.ز لكن لو كمّل هياخدوا فلوسها وزيادة شوية (معونة للمطرودين.. تماااااام زي معونة الشتا كدا ههههههه فاكرها يا أستاذ صلاح؟؟ )
السوق مجاله واسع.. وكل واحد له فكرة (كل شيخ وليه طريقة يعني) بس هو باين أوي انه عرض تسويقي من الطراز الأول وبرضو نوووع من الدعاية.. يعني لما يتقال سلسلة محلات كذا عاملة عرض انك لو اتفصلت من شغلك استلم بدله مجانا أكيد البلد كلها هتتكلم عنهم .. ينفذ العرض دا فترة .. وهوووب يقولوو هيا فته ؟؟ ههههههه العرض خلص .. دا عرض لفترة محدودة .. هيكونوا خسروا آه لكن كسبوا الشهرة وكسبوا الزبون قدام من الشهرة اللي عملوها.

ياسلاااام لو العرض دا عملته بي تي ام او السويسرية أو أي شركة .. يوووه هتلاقي مجاااازر قدام الشركات هههههههههههههه

موضوع رائع
تحياتي

fleur de Rif يقول...

لا استطيع ان اخمن الاجابة

إبن مصر يقول...

السلام عليكم

والله يستردوها او مش يستردوها تانى مش هتفرق كتير
علشان المواطن الأمريكى عنده منها كتييييييييييييييير

مش كده ولا ايه ؟؟؟؟؟

تحياتى لأسرة البرنامج

ناجح

دولة انتخيا العظمى يقول...

اعتقد ان العرض ده الغرض منه هو بيع اكبر كمية حتى لو كان بالخسارة .. بدل مايقولوا احنا عاملين تخفيضات والتخفيضات شئ عادى طبعا لان لمبلغ المدفوع هايكون بالكامل بخلاف القسط .
انما ممكن ننسى كل اللى انا قلته ده ونقول حاجة تانية خالص وهى انهم عاوزين يخلصوا من البدل والفساتين القديمة اللى عندهم علشان فى صفقة جديدة جاية لهم من دولة انتخيا العظمى وطبعا كلنا نعرف دولة انتخيا العظمى . تحياتى مواطن من انتخيا العظمى ........

انت تسال والكمبيوتر يجيب يقول...

اشرف
محمد
عيون-طارق
فشكول
ايهاب
د.الجوهرى
فلير
ناجح
دولة
سعداءبمشاركتكم ونرحب بالأصدقاء الجدد ترحيبا حارا
عيون-طارق
طبعا نضم صوتنا لصوتك ونطالب بالأذاعه فى موعد مناسب ..اما بالنسبه لحلقات الف ليله فتحكمها حقوق ملكيه للأذاعه وبالتالى يتعذر تلبية طلبك بارسال حلقات الف ليله كامله ...
دولة
ياريت توافينا ولو باسمك الأول

بديع يقول...

يا عينى على الشعب المصرى الغلبان