مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الأربعاء، ٢٨ ربيع الأول ١٤٣٠ هـ

النت والحنين للوطن

من وحى زيارتنا لمدونة الصديق ايهاب رضوان المفعمه بشجن الذكريات والحنين الى الوطن الغالى ...نريد ان نناقش دور النت فى حياة المغتربين خارج الوطن مثل الأستاذ ايهاب رضوان ...كيف تساعدهم على البقاء على اتصال دائم بالأهل والأصدقاء وتخفف عنهم مشاعر الغربه

هناك ٧ تعليقات:

(المهاجر الى الله) يقول...

السلام عليكم ورحمة الله وبركاته :
محدش يقدر ينكر دور النت البارز والجلى فى تقريب المسافات والاماكن بين البشر ودة رغم المساوىء الكتيير جدا للانترنت بصفه عامة .
يعنى انا مثلا استطيع انى اتكلم مع شقيقى بالخارج صوت وفيدو وكاننا قاعدين مع بعض فى غرفة واحدة وبنتفاعل مع بعض تماما زى مانكون مافترقناش خالص .
تحياتى :
صديق البرنامج / طارق سليم

Unknown يقول...

طبعا انا مع أ/ طارق
قبل النت كان في تليفون و زعيق بقي و بتقول ايه ؟ علي صوتك الو الو الوووووووووووووووووووووو

و قبل التليفون كان في جوابات و شهور بقي و الجواب يا يوصل يا ميوصلش !

لحد ما طلعت اغنية البوسطجية اشتكوا من كتر مراسيلي !

لكن دلوقتي جودة الصوت احسن و بصورة عالية النقاء كمان

خلاص معدش في احساس انه مسافر و مفارقني :D كاننا قاعدين مع بعض !

غير معرف يقول...

أشكر أسرة المدونة والبرنامج لزيارتهم مدونتى والاهتمام بها .. أما عن أهمية الإنترنت بالنسبة لمغترب مثلى ، فبلا مبالغة الإنترنت هو الشريان الذى يصلنى دوما بالوطن والأهل فأكاد أشعر أننى لم أبتعد فعن طريقه أعرف أخبارهم وأسمع أصوات قلوبهم ، كما أن عالم الإنترنت هو الذى منحنى مدونتى .. عالمى الوسيع والجميل .. وطنى الذى أساهم فى صنعه وتشكيله بدلا من وطن عجزت عن الأخذ بيده وعجز عن الأخذ بيدى .. لذا فأنا فى المدونة أُشكل عالما خاصا من الأحبة وأنتقى كل شيء برغبتى .. لقد تساءلت يوما لماذا تمتلىء مدونتى هكذا بالذكريات ؟ .. ووجدت أننى أحاول ألا أبتعد أكثر من بعد المسافات .. أحاول ألا أبتعد نفسيا وشعوريا عن أهلى وأصدقائى ووطنى الذى دوما أتوق إليه .. الحياة فى الغربة مقيتة ومقفرةوتكاد تخلو من المشاعر فهى لهاث مستمر ولكننى بفضل الله وعن طريق الإنترنت لم أسمح لنفسى أن أدور فى ساقية المادية مغمض العينين والحمد لله أشعر أننى بين أصدقائى أحيانا كثيرة وربما ألتقى بهم أحيانا أكثر مما يلتقون مع بعضهم البعض ، فالعجلة الطاحنة هناك على أشدها أيضا والحياة العملية لا ترحم أحدا فى الداخل أو الخارج ..
باختصار الحياة بدون إنترنت ليست حياة وإنما موت بطئ بشع بالنسبة للمغترب مثلى ..

د. إيمان مكاوي يقول...

يمكن فعلا النت قرب المسافات وخلانا نتصل بأهلنا بطريقه أفضل ..
لكن في مواقف كتير الواحد بيحتاج لأهله فعلا معاه ..لحد يكلمه وجها لوجه ..يحس بمشاكله ويكون جنبه ..لأن النت مش متأتي عند جميع الناس ولا متوفر باستمرار
يعني وجودنا في وسط أهلنا لا يعوضه نت ولا غيره
أشكركم

Dr.Mohammed Gohary يقول...

السلام عليكم ورحمة الله وبركاته
أولا أنا بشكر جدا أسرة البرنامج الأكثر من رائع
واسمحولي أبقا صديق البرنامج

أنا جربت الغربة قبل وبعد ثورة النت
كنا في ليبيا في 92 وطبعا ما كانش في نت في مصر هههههههههههه نت اييييييييه مكانش في كمبيوتر أصلا هههههه كانت الأجهزة اللي موجودة في المدارس بتشتغل بنظام دوس ههههههههه وأقراص مرنة خمسة وربع فاكرينها؟؟ ههههههههه
كنا في الوقت دا بنقضيها تليفونات
وطبعا لا تخلو من الوش وعدم وضوح الصوت
بس طبعا لم يكن هناك وسائل أخرى الا الخطابات (ابعتلي جواب في البوسطة هتجيلي وأجيلك يا اسطى .. أو حتى شريط يطمني .. يا غايب عني ..ههههههههه دا كان أحد إعلانات البريد في الإذاعة والتليفزيون في الوقت دا )
كنا بنبعت جوابات ونسجل شرايط ونتكلم تليفون ودمتم
وطبعا كنا بنوحش الأهل هنا لأننا كنا صغيرين وبتاع فكانوا بيبقوا هيموتو ويشوفونا فكنا بنبعت ليهم صور

لكن مع التقدم وتطور أجهزة الكمبيوتر وانتشار الويندوز 95 وبعدين 98 وبعدين ميلينيوم بدأ النت ينتشر بس بصراحة على ما انتشر كنا رجعنا من زمااااااااان هههههههههههه

طبعاً ظهر اختراع الموبايل
(حتة حديدة بتوصلك بأي مكان في العالم.. سبحان الله يا أخي) ههههههههههه

أختي سافرت السعودية مع زوجها
وبتصل حالياً بـ الموبايل أو النت عن طريق برامج المحادثات زي الياهو أو الهوت ميل أو البالتوك وممكن الـ أوفووو
الحياة زي الفل
يعني انك تشوف ابن اختك اللي بينك وبينه بلااااااد في بيتك دا أعتقد إنجااااز فوووق الفظيع .. تحت المريع ههههههههه آه وربنا انجاز انجاز يعني مش أي كلام.

توبيك أكثر من رائع
تمنياتي بالتوفيق لفريق العمل بخااااصة
أ. صلاح حجازي و أ. بثينة كـامل

تحياتي

إبن مصر يقول...

السلام عليكم

يمكن النت كان سبب رئيسى فى ان الغربه مش تبقى مُره يعنى هو السكر اللى خلاها معقوله مظبوطه مش مُره وده لأنه قرب الواحد من اهله كتييييييييييير عن التليفون اللى كان مكلف جدا ومش موجود وكان بيقووول ألووووووووه ايوه يا عمده ادينى امى ههههههههه
تحياتى لأسرة البرنامج

ناجح

بديع النصارى (Badea ELNossary) يقول...

أنا الحمد لله ماتغربتش و ربنا يسهل و ما أتغربش بس أكيد النت هايهون كتير من الغربه لأنه بيخلينا نتابع أخبار بلدنا اللى بنحبها و بنعشقها