الأشاره حمراء
الأشاره خضراء
صفراء
لافرق فانت متاخر متاخر عن موعدك ....ايه كل العربيات دى؟المرور متوقف لا يتحرك
وبعدين
لو اقدر اطير!؟؟؟
وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟
ونحب نعرف منك بماذا اجبت .
الاشتراك في:
تعليقات الرسالة (Atom)
هناك ٤٨ تعليقًا:
اصدقائى الأعزاء
أهلا وسهلا بيكم جميعا
وبآرائكم واقتراحاتكم
التى دائما تسعد قلوبنا
دمتم جميعا بالف خير
وتمنياتنا بدوام التواصل
يخترعوا سيارات تطير ممكن
بس لو اخترعو سيارات بتطير هيبقى فيه زحمه فى الهوا والسحب هتبقى زحمه والاشاره برده هتقف بس فوق فى الجو
لا بجد حاجة صعبه اوى يعنى هيبقى زحمه على الارض وزحمه فى السما
اللهم أحفظنا
حمرا ايه و خضرا ايه هو احنا من اصله عندنا اشارات مرور في مصر!!! حتي لو طارت العربيات برضه الجو هيتملي زحمة زي الريسة بتاعت حزب الاحلام مقالت. الحل ببساطة في التخطيط .. ازاي .. لما نيجي نعمل مدينة جديدة لازم نخطط هتستوعب كام نسمة و كام عربية و كام اتوبيس و لا يسمح بدخول اي اعداد زيادة من البشر او المركبات .. الحاجة التانية ان الشوارع تتصمم في المدينة الجديدة بطريقة الاتجاه الواحد و ميكونش فيها تقاطعات لكن انفاق و كباري ... بس كده
رئـــــيسـة حزب الأحلام
اهلا وسهلا بيكى صديقة للبرنامج وزائرة للمدونة
والله عندك حق يا سلوى هنعمل برضه زحمة فى الجو لو اخترعوا سيارات بتطير بس على الاقل ممكن يفضوا مكان للبنى ادمين اللى بيمشوا على رجلهم ولو فى فعلا سيارات بتطير ممكن يحصل حوادث فى الجو زى اللى بتحصل على الارض ولا هتخف شوية علشان المشاة هيكونوا على الارض ومحدش هيجى من وراه يدوس عليه ويسيبه ويجرى كانه داس على نملة ماشية
تحياتى
و تمنايتنا بدوام التواصل
Miso soup
اهلا وسهلا بيك صديق للبرنامج وزائر للمدونة
هو فكرتك جميلة جدا
بس تفتكر مصر ممكن يحصل فيها كدا
ممكن تتنفذ الفكرة فعلا
اتمنى
تمنياتنا بدوام التواصل
السلام عليكم ورحمة الله وبركاته
لالالالالالالالالالالا
حرام زحمة في البر والجو طب الواحد لما يكون في زحمة سير على الأرض بيرفع عينه للسماء ويشرد بذهنه في جمال السماء وابداع الخالق
يبقى زحمة من الأمام والخلف وعلى الجانبين وكمان في السماء
ده حرام والله
لا الأفضل يكون في تخطيط طرق
وقواينين مرور سليمة
وكمان بلاش رخص لناس عمرها ما ساقت عجلة حتى
تحياتي
السيارة لو طارت هيبقى اسمها طيارة مش سيارة
والحوادث هتبقى اكتر
انا من وجهة نظرى نسحب من الناس عربياتها ونديهم مقابل يجيبو بيه عجل
ويبقى حلينا مشكلة الزحمة خالص
جيهان علي
اهلا وسهلا بيكى صديقة للبرنامج وزائرة للمدونة
اعتقد يا جيهان ان لو فعلا تم اختراع عربيات تطير فى الجو مش هيكون فى زحمة
علشان مش هيبقى فى عربيات هتلاقى ناس ماشية جنب بعضها بس
لكن هتلاقى تلوث زيادة كتير او عن الاول و السحابة السودة هتبقى اسود من السواد نفسه
تمنياتنا بدوام التواصل
مدحت محمد
اهلا وسهلا بيك صديق للبرنامج وزائر للمدونة
تعرف يا مدحت انا بحب جدا افلام سعاد حسنى علشان نصها راكبة فيها عجل
خصوصا انا عندى هواية ركوب العجل لكن للاسف مينفعش غير فى المصايف اصل لو حصل وركبته هنا هاطلع فى الـ CNN
تمنايتنا بدوام التواصل
انا طبعا العلامه الكبير الدكاتره عبده الرايق زمان ايام الجاهليه كنت بقيس وقتى بالثانيه ..اما دلوقتى بعد ما زميلى فى جوائز نوبل الكاتب احمد زويل اخترع الفينو ثانيه وانا خلاص دلوقتى وقتى كله بقى بالفينو وطبعا زحمه المواصلات دى بتاخرنى عن شغلى اكتى من كيس فينو ثانيه فى اليوم لكن انا بروح شغلى مع جارنا وبرجع معاه كمان وجارنا مش بيهمه اى اشارات لا حمراء ولا خضراء ولا حتى بمبى ماشى طوالى طبعا مش معاه الدكاتره عبده الرايق
لكم من حوالى كام يوم والاشاره حمراء وده راح معدى وعملنا حادثه والحمد لله احنا طلعنا سلام بس الحصان االى كان بيجر العربيه الكارو بتاعتنا رجله اتكسرت
على فكره
انا دلوقتى مش محتاج الرز بلبن بتاعكوا
انا مشفتش منكم حاجه الظاهر ان انتوا بتحنسونا
ولا الظاهر ان البنت قطه الصحراء بتاخد الرز وتبيعه فى السوق السوداء
على العموم الواد العلامه الكبير حسن الفراش حللى مشكله الرز بلبن
مره كنت قاعد ومتضايق انى مكسبتش ومأخذتش الرز بالبن
راح الواد حسن قالى مالك ياعم عبده متضايق كده ليه
حكيتله الحكايه
قالى ولا يهمك انت تشترى جاموسه وعشر شوله رز وكل يوم تأكل الجاموسه رز
وبعد شهرين هتحلب من الجاموسه رز بلبن
السلام عليكم
والله انا بخيالي الجامح ومن موقعي هذا
بقول احنا نطور العربية بحيث ان مركز القيادة يبقى مدور كدا زي المركبة الفضائية وفى حالة التكدس المروري ننطلق بمركز القيادة ونسيبلهم باقي العربية ع الارض
زي مازنجر بالظبط .. هو انتم مابتتفرجوش علي كارتون ولا ايه هههههه
عبده الرايق
ههههههههههههههههههههههههههههههه
هههههههههههههههههههههه
حرام عليك ادعى عليك بايه بس
فرجت عليا الدنيا كلها وانا عمال اضحك ومن حسن حظك وسوء حظى النت كافيه عندى مليان ناس ونصهم ولاد وكله ساب اللى فى ايده وقاعد يهمس للتانى ويقوله شكلها اتجننت كدا سوأت سمعتى آآآآآآآآآآه يا سمعتى
ثوانى اغير فكرة الناس عنى واديلهم الوش الخشب وارجع لك يا دكاترة لواء عميد عالم علامة عبده بيه الرايق
عبده الرايق
رجعت لك اهوه بتقول ايه بقى يا سيدى زميلك الكاتب احمد زويل عمل ايه كمان مش عارف زميلك بيشتغل ايه احمد زويل ده بيشتغل محاسب وبعدين ايه ده انت قديم اوى كدا من ايام الفينو ثانية شكلك مش مواكب التطور التكنولوجى ومعاصر العصر الحديث ولا المغرب الغريب
ده دلوقتى فى كايزر ثانية وفى بؤصمات ثانية وفى باتيه ثانية واختراع جامد اسمه جاتون وبنت عمه تورتة كلهم ممكن يتحطوا فى صوانى قصدى كلهم ثوانى
الا هو اللى فى العربية كان حمار ولا حصان يا دكاترة عبده بيه الرايق اصل الحادثه لما نزلت فى اخبار النجوم والمجتمع والناس واخبار الحوادث مجابتش سيرة للخبر خالص قالوا انه حمار ... يلا معلشى حمد لله على سلامة السلعوة اللى كانت ساحبة العربية
نورتنا يا سيادة الدكاترة اللواء العالم العلامة الكبير صاحب جوايز نوفل عبده بيه الرايق
عبده الرايق
يا استاذ عبده يارايق انا بعت لحضرتك الرز بلبن فعلا على المكتب لكن نعمل ايه فى الجاموسة اللى حضرتك جبتها اكلت الرز بلبن من وراك
وبعدين مش لازم رز بلبن اصلا لسه ام احمد مش جت علشان تقولى طريقة العمل ازاى انا دلوقتى بعمل بامية أورديحى طعمها محصلش تاكلها من هنا تروح اقرب طوارئ من هناك هبقى ابعت لك منها طبقين تلاتة وابقى اكل منها الجاموسة و حسن الفراش واوعوا حد يقول عايز لحمة انا بينى وبين الكلمة دى تار بايت ايون وقد اذنر من ذنعر
Miss. Sosa
اهلا وسهلا بيكى صديقة للبرنامج وزائرة للمدونة
مازنجر وجرنديزر دول حبايب قلبى
ده احنا تجمعنا صداقة قديمة لما تشوفيهم سلمى لى عليهم كتير
وبما انك جبتى سيرة الحبايب يبقى هو انا كمان اشجب واستنكر واندد ايه ده لاء مش الكلمات دى اضم صوتى لصوتك ومن نفس موقعك وبرضه من خيالك الجامع 4×4 = 46 موافقه على اختراعك
شر فتينا
تمنياتنا بدوام التواصل
غدا الأربعاء 2-7 ايها الأعزاء اجابتكم على سؤال الأختراعات ونكمل الأجابات يوم الخميس
يومى السبت والأحد اجاباتكم على سؤال شحن بطارية المحمول
الى اللقاء
المفروض قطة الصحراء تنشر التفاصيل بس الظاهر مشغوله بتقلب حاجه على النار....برافو عليكم هو
الرز بلبن
الاسهل يعملو مجسم طائر للانسان
قيل ان ال كي جي بي في روسيا كان عامل حذاء ضد الجاذبية او مش بالضبط كدة كان عامل حذاء للقفز و جعل الخطوة مضاعفة اربع مرات
ده برضه اختراع كويس
ممكن بقى الاختراع الجامد جدا
الكوبري او النفق المتحرك
اول ما المرور يتكعبل
هوب احفر او هوب ركب الكوبري
و يالللللللللللللا طيران و فكك من المرور
حين كنا فى الفترة الإبتدائية روى لنا الأساتذة والبرامج التلفزيونية للأطفال طبعا :)
أن عام 2000 سيتغير العالم،وسيخترع العلماء سيارات تطير فى الهواء،كنا فى غاية الشوق لرؤية هذا العام،ومرت أعوام وأصبحنا فى الفترة الإعدادية وأن المريخ والقمر سيمتلئان بالسكان وأزمة التضخم السكانى فى الأرض ستحل،وأيضا سيصبح على سطح كل منزل مطار خاص به سيارات طائرة،وطائرة لكل مواطن.
وأتى عام 2000 ويبقى الحال على ماهو عليه وعلى المتضرر اللجوء لهيئة النقل العام...
أما رأى فى مسألة سيارات طائرة لاشك أنها محاولة لفك أزمة التكدس فى إشارات المرور ولكن من سيمتلك تلك السيارات
بالطبع الأغنياء ومع ذلك لن تنفك أزمة المرور .
المشكلة تتمركز حول انعدام النظام.
لدينا كميات كبيرة من السيارات ومع ذلك كل سيارة تمتلىء بأعداد زائدة،لما لايوجد عسكرى مرور أو كمين كامل عند كل موقف للسيارات كى يقنن العدد الزائد،صعب أن تتحقق فكرة السيارة الطائرة حاليا فى مصر..كل ما نمتلكه هو الحلم .
وكمان المخالفات هتكتر فوق ،بس بصراحة أهو أحسن علشان لو حصلت حادثة فوق يبقى الطريق للصعود أسهل ..بس فى مشكلة منظر الجثة لو نزل الأرض هيبقى بشع ..
خالص تحياتى؛
اصدقائى الأعزاء المدونين والمدونات
اليوم تمت إذاعة بعض الإجابات على سؤال الإختراعات
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وغدا تابعونا فى حلقة جديدة للإستماع لباقى الاجابات
وتمت اذاعة اجابات كل من
سلوى سمير ( رئيسة حزب الأحلام )
محمد الكومى
انجى البوهى
ميسوسوب
روفى
عبده الرايق
للإستماع لحلقة اليوم يمكن من خلال مدونة البرنامج
http://nrtradio.blogspot.com
او من خلال الموقع
http://dear.to/cairo
تمنياتنا بدوام التواصل
تمنياتنا بدوام التواصل
محمد الكومي
اهلا وسهلا بيك صديق للبرنامج وزائر للمدونة
حلو اختراع الكوبرى او النفق الطائر ده انما وقت الزحمة هتيفرد ويتلم تانى ازاى هما هيصنعوا سجادة ولا كوبرى
تعرف كلامك فكرنى بفيلم فؤاد المهندس لما كان كل بلد يسافر فيها لازم يعمل علاقة غرامية مع المضيفة مش فاكرة اسم الفيلم فى اخر لقطة فى الفيلم كلهم طلعوا وراه على نخله والنخلة بتهتز واللى توصل فوق خالص تطير
ياريت يعملوا الكوبرى ده اصل الواحد نفسه يطير فعلا
تمنياتنا بدوام التواصل
مذكرات كشكول المورق
اهلا وسهلا بحضرتك صديق للبرنامج وزائر للمدونة
لكن هى اشاعات سنة 2000 دى شكلها كانت منتشرة والمروج ليه كان ليه غرض كبير عظيم اصلى سمعتها من اوائل التسعينات ولما جت سنة 2000 يوم 1 /1 كان عندى امتحان وماشية فى الشارع ادور على السكان الجداد اللى فوق فى السما والعربيات اللى بتطير لكن وقتها انا اللى كنت هطير والبس فى اقرب حيطة وربنا ستر
فى حاله لو حصلت حادثه فوق بقى اعتقد ان الجثة ممكن تتبخر على ما توصل الارض يعنى نلاقى العظام بس يعععععععع
منظر بشع فعلا
تمنياتنا بدوام التواصل
و هو ايه الفرق بين العربة الطائرة و بين الطائرة العادية
هو المفروض يكون السؤال ايه رأيك الناس تشتري هليكوبتر بدل السيارة زي ما بيحصل في استراليا مثلا نتيجة بعد المسافات س طبعا نظرا لأختلاف الظروف الاقتصادية حيبقي فيه هليوباص علي وزن ميكروباص
ويلا واحد محطة مصر مين اللي يلحق
تحياتي للافكار المبتكرة في الاسئلة
و منتظرة طيارة هدية علي اجابتي
ان شالله طيارة ورق:))
اصدقائى الأعزاء المدونين والمدونات
غدا الخميس 3/7 يتم اذاعه الحلقة التانية من اجابات سؤال الإختراعات
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وسيتم اذاعه اجابات كل من
عيله مفتريه سابقا
قطة الصحراء انا بلا فشر
ايمن بدر
نونو
سحر غريب
الجده فصيحه
الطير الحزين
هانى ميشيل
الحشرى
تمنياتنا بدوام التواصل
أم أحمد المصرية
اهلا وسهلا بحضرتك صديقة للبرنامج وزائرة للمدونة
يا سلام بقى يا ام احمد لو الهيلوباص وقف فى الجو وعايز حد ينزل يزقه خوصوصا الهيلوباصات اللى بتكون عبارة عن علب سمن متطبقة وبتطلع دخان
انا نفسى كدا يبقى لنا جناحين
زى عباس ابن فرناس اول ما بدأ اختراعه العبقرى الناموسة العائمة قصدى الطيارة يعنى
لما نكون عندنا مشوار نركب الجناحين ونطير ولما نوصل ونهبط فى ارض المكان المراد السطو عليه .. ايه الاجرام ده لاء مش سطو المكان المقصود يعنى نشيل الجناحين وهكذا واهو الواحد يبقى ضمن السلامة من حوادث الطيارات والهيلوباصات وممكن نمشى نحكى جنب بعض فى الجو زى اسراب الحمام كدا
شرفتنيا
تمنياتنا بدوام التواصل
وكمان ممكن نشرب مشروب الطاقة اللي بيعمل جوانح ونطير احنا من غير عربية
غمض عينيك
يا الف اهلا وسهلا بفودافون ومهندسين فودافون
اولا كل سنة وغمض عنيك بخير عقبال الالفيه
ثانيا اهلا وسهلا بيك صديق للبرنامج وزائر للمدونة
بالنسبة للمشروب لو تعرف بيتباع فين دلنا عليه ولك الاجر والثواب
تمنياتنا بدوام التواصل
السلام عليكم ورحمة الله وبركاته
المشكلة أنك مش ضامنة ان لو العربيات بتطير انهم هايسيبوا الأرض في حالها
وحتى لو حصل وبغض النظر عن موضوع التلوث اللي بقى في كل حياتنا أكل وشرب وهواء
أنا مصرة انهم هايفسدوا علينا منظر بديع وهو جمال السماء وطبعا لا هايبقى في تمتع لا بغروب ولا شروق
خلونا على الأرض افضل
تحياتي
جيهان علي
اهلا وسهلا بيكى صديقة للبرنامج وزائرة للمدونة
انا ما اعتقدش برضه زيك يا جيهان انهم ممكن يسيبوا الارض اصل هيتم اختراع عربيات بتطير طيب واللى الناس بتستهلكها دلوقتى هتروح فين
مش معقول هيتعمل لكل العربيات دى كلها عملية تطيهر كاملة يعنى الدنيا هتبقى مشغولة فوق تحت واحنا فى الاخر الخسرانين يعنى لو ماشيين وبصينا فوق مش بعيد يكون حد بيشرب سجاير ولا بياكل لب وهو بيرميه يجى فى عنينا
هو الاختراع ممكن يتنفذ فى حالة ان الارض ميكونش عليها اى عربيات يارييييييييييييت
:)
تمنياتنا بدوام التواصل
السلام عليكم
انا بقه نفسي في حاجة احسن واسرع من العربيات والطيارات .. نفسي يخترعوا جهاز ناقل للجزيئات يعني اضغط على الزرار الاقي نفسي في المكان الجديد ولا بهدلة المواصلات وزحمة المرور والقلق الناتج عنهم
امل
اهلا وسهلا بيكى صديقة للبرنامج وزائرة للمدونة
تعرفى يا امل لو الجهاز ده موجود بالفعل مش هيكون فى حد ماشى فى الشارع خالص والشوارع هتبقى فاضيييييه
وعسكرى المرور قاعد حاطط ايده على خده والاشارات عمال تنور وتطفى على الفاضى دى ممكن تتلغى ويلغوا العسكرى معاها كمان
انا متخيله منظر البلد وهى فاضيه
ايه الروقان والهوا الجميل ده
تمنياتنا بدوام التواصل
امل
اهلا بك لو سمحتيلى اشرح بس فكرتك لأنها تتفق مع فكره حديثه جدا فى العلم ومنها اتعمل فيلم خيال علمى قطه (طبعا مش قطة الصحراء....ومين يعمل الرز بلبن الشايط هههه)نحللها الى مكوناتها الأصليه يعنى ذرات ما هو كل حاجه فى الدنيا مكونه من ذرات وتختفى من مكان وهب تظهر فى مكان بعيد فنعيد تركيب الذرات فتظهر القطه فى المكان الجديد ....تخاريف ؟ خيال؟ابدا العلماء نجحوا فى عمل شىء مشابه(طبعا مش قطه ولكن ذرات)نقلت من مكان لمكان بدون اى وسيلة نقل وهذا ممكن حسب علم الفيزياء الحديث فرع نظرية الكم وتسمى هذه الظاهره TELEPORTATION ولمن يريد تفاصيل اكثر يبحث فى جوجل تحت هذا العنوان ...ما راى الأخوه زوار المدونه فى هذا الكلام
امل
انت فتحتى شهيتنا للكلام فى موضوع لذيذ جدا
مارايك وراى الأخوه والأخوات فى الأخلاص وشدة الترابط بين شخصين بحيث لو شعر احدهما بشىء شعر بمثلها الآخر حتى لو كان على بعد آلاف الأميال؟؟حتى لو كانت تفصلهما هذه المسافه الشاسعه؟كلام غير واقعى؟هذا مايحدث فعلا فى الطبيعه بين اثنين من الأشياء التى تتكون منها الذرات ...مكونات الذرات او اللبنات التى تبنى منها الذرات ومن الذرات كل شىء الزهره والفيل والأنسان
والعلماء مبهورون بهذه الظاهره التى تسمى ارتباط او
ENTANGLEMENT
ويجرون تجارب مذهله على زوج من هذه الأزواج المرتبطه بهذا الشكل فما يحدث لأحدهما ينتقل فورا فى نفس اللحظه للطرف الآخر ولو فى آخر الدنيا وهذا هو اساس فكرة
TELEPORTATION
فى البوست السابق ....انتقال الأشياء بدون وسيلة نقل
السلام عليكم
معلش جيت متأخره شويه لكن ان تأتى متأخرا خيرا من ان لا تأتى اطلافا ..
انا نفسى يخترعوا اطباق طائره بحجم صغير ومعقول للتنقل بها و يمكن الهبوط بها فى اى مكان بلكون او اسطح او اى مكان نريد الوصول له ..
ايه رأيكم مش حنطير كلنا ساعتها من السعاده ..
تحياتى
rovy
لقاء الاحبه
اصدقائى الأعزاء المدونين والمدونات
غدا السبت 5/7 يتم اذاعه الحلقة الخاصة بشحن بطارية المحمول
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وسيتم اذاعه اجابات كل من
ام احمد المصرية
صبرنى يارب
أيوية
متنو
انجى البوهى
هارت بيت
الجده فصيحه
حاجات جوايا
يمكنكم سماع الحلقة مباشرة فى نفس موعد إذاعتها الساعه 9.10 صباحا من خلال موقع البرنامج
http://dear.to/cairo
تمنياتنا بدوام التواصل
شوفي انا مره تمنيت ذلك وقلت دي كانت تبقى الدنيا وردي
بعدين اتصدمت بالواقع لما اكتشفت ان تخيلوا لو كان الهبل الى سايقين عربيات في الشوارع بدون ادنى نقطة نظام بقوا كمان طايرين يحصل ايه ؟؟؟؟
يا لهوي دى كانت الدنيا ولعت .
بتهيئلي المشي على الارض اامن على الاقل محدود الاتجاهات
انما وانت طاير مشكلللللله
والخوف بقى ان على وشك الهوا يقف ههههههههههههههه
بقولك ايه بل اشارات بل عربيات ممكن تكسر الاشارات وتخدوا مخالفات وتدفعوا فلوس اقولكم انا على حال جميل اوووى ايه رايكم لو الوحده يروح المكان الى هو عايز يروحه فى حلمه ولا اشارات مرور ولامخالفات بس ممكن تنسحب الرخصه من ملك الجن المسئول عن الاحلام والله يريت الوحد يروح المكان الى هو عايزوه فى الحلم يسلام مش كده احسن
انا دخلت عملت سيرش لان كلمة قطة لوحدها لفتت انتباهى جدا مش القطة اللى بتشيط الرز بلبن :) لكن القطة اللى بتتنقل من مكان لمكان بضغطة زر
انا هقول الفكرة العامة اللى وصلت لها من الموضوع اللى دخلته لأنى اول ما كتبت الكلمة طلع لى ابحاث كتير ... خلتنى اقعد اقر على الدول الاوروبية واقول ايه البلاد اللى مليانة علماء بتخترع وبتكتب ابحاث كتير دى لدرجة ان الواحد محتار يشوف انهى فيهم ... امال احنا فين العلماء بتوعنا ... يا شماتة اوربا فيكى يا مصر ... انا قلبتها نواح كدا ليه خلينا فى الفكرة العامة بس لأنى اولا ثقافتى بولاندى وثانيا ماليش روح للترجمة
Teleportation
الفكرة العامة بدأت لدى العلماء الـ 6 وهم ريتشارد – وليام – تشارلز – جيلز – اشير – آندرى الذى بذلوا العديد من التجارب لرفع سرعة الضوء وهذا ساعدهم فى نقل تشكيلة من اشعة الكفانت من حالة الضوء الى المادة. هذا النجاح فتح الطريق لآفاق هائلة في العديد من المجالات ففي الحياة العادية لايستطيع الانسان الانتقال شعاعيا عبر مايسمى Teleportation من مكان الى اخر ولكن على مستوى الكفانت أستطاع هؤلاء العلماء القيام بما هو قريب للغاية من ذلك النقل الفوري للجسم من مكان الى مكان تحت تأثير اشعة ضوئية تنقل الأجسام على شكل جزيئات .
ونكتفى بهذا القدر اصلى لازم اروح اقلب الرز بلبن اللى على النار
لالالالالالالالالا
مفيش غير الموبايل كار
ويكون مكيف وفول أوبشون وبريموت يمشيه فى كل الاتجاهات
وطبعا مش هيتركن فى باركينج
ده هيطبق ويتعان فى شنطة إيد 30* 20سم
يا سلااااااام مفيش أجمل من كده
وداعاااااااا للتلوث
واهلا بعصر السيارات المحمولة
خالص التحية
ســـــــــالى
rovy
اهلا وسهلا بحضرتك صديقة للبرنامج وزائرة للمدونة
تعرفى يا ريتهم يخترعوا لنا كمان جنب الاطباق الطايرة البساط السحرى انا نفسى فيه اوى
يعنى زى ما فى دلوقتى ميكروباص وجاجوار يخترعوا طبق طاير وبساط سحرى وكل واحد يشترى اللى هو عايزه
شرفتينا جدا
تمنياتنا بدوام التواصل
صبرني يارب
اهلا وسهلا بحضرتك صديقة للبرنامج وزائرة للمدونة
هو الاختراع هيكون حلو فى حالة لو فى نظام ومفيش الكوسة اللى بتحصل فى استخراج الرخصه ويبقى فى عقوبات وتطبق على اى حد يخرج عن قواعد السلامة مينفعش فى الجو انت مش عارف انا ابن مين الجملة الشهيرة اللى اى حد بيقولها وقت الزنقة وفى الحالة دى تروحى شغلك او اى مشوار ليكى وترجعى بالف سلامة ان شاء الله
تحياتى
تمتنياتنا بدوام التواصل
الطير الحزين
اهلا وسهلا بيك صديق للبرنامج وزائر للمدونة
احنا لو هنقضى مشاورينا فى احلام كدا هنقضى الحياة كلها نوم ويا سلام لو حد كان متقل فى الاكل شوية والحلم قلب لكابوس ويحصله حادثه وتنتهى حياته بكل سلاسه ده لو حد زهقان من حياته وجرب الموضوع ده هيدعى لك بشده
ههههههههههه
تمنياتنا بدوام التواصل
حاجات جوايا
اهلا وسهلا بحضرتك صديقة للبرنامج وزائرة للمدونة
ممكن فعلا فكرتك تتنفذ ليه لاء
يعنى من 50 سنة مثلا ممكن كان فى حد يصدق ان هيكون فى موبايل والناس تمشى تتكلم فيه باحجام مختلفه وبسهولة تتكلمى مع حد فى اى مكان فى العالم
تحياتى
تمنياتنا بدوام التواصل
السلام عليكم
مش عارفه اشكركم ازاي على اهتمامكم وتفاعلكم وبالنسبة لموضوع الارتباط بين شخصين بحيث يشعر احدهما بالآخر فأنا مؤمنة تماما بإمكانية حدوث ده وفيه قصص كتير بتتحكى على حالات مشابهه حتى لو كان التوارد ده عن طريق مجرد حلم يشوفه الشخص التاني واتمنى ان العلماء يتوصلوا لحاجة في الموضوع ده .. تحياتي وشكرا مرة تانية
اصدقائى الأعزاء المدونين والمدونات
غدا الأحد 6/7 يتم اذاعه الحلقة الثانية الخاصة بشحن بطارية المحمول
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وسيتم اذاعه اجابات كل من
سومه
نورا
استراليا
اجى بوى
ميس سوسه
يمكنكم سماع الحلقة مباشرة فى نفس موعد إذاعتها الساعه 9.10 صباحا من خلال موقع البرنامج
http://dear.to/cairo
تمنياتنا بدوام التواصل
الزوجة دي متخلفة
ولو انا مكانه اطلقها بالعشرة
إرسال تعليق