كام مره عملها معاك التيلفون المحمول ؟ تكتشف عندما تحتاجه بشده ان البطاريه فضيت؟ قريبا لن يحدث هذا ونقول وداعا لهذه الفصولات النص كوم مش دوت كوم ههههههه.المهم شركه بريطانيه حلت المشكله سيادتك حتعمل حاجه تتشحن البطاريه فما هى
اختار اجابه
تتمايل على انغام الموسيقى لغنوه بتحبها
تتركه فى الشمس بعض الوقت مع هزه من وقت لآخر
الضغط على زمبلك ملحق بالمحمول
فى انتظار اجاباتكم المدهشه علما بان الرز بلبن على النار
الاشتراك في:
تعليقات الرسالة (Atom)
هناك ٤٩ تعليقًا:
اصدقائى الأعزاء المدونين والمدونات
فى انتظار أرائكو واقترحاتكو
للإجابة على سؤال جديد وحلقة جديدة من برنامجنا الاذاعى
انت تسال والكمبيوتر يجيب
والذى يذاع يوميا الساعه 9.10 صباحا ما عدا يوم الجمعه
تمنياتنا بدوام التواصل
شكلكوا بتضحكوا علينا ف موضوع الرز بلبن دا محدش شاف منكو ولو حتى رزايه
واحده لحد دلوقتى
عموما انا هجاوب وخلينا ورا الكداب ههههههههههههههههههه
ممكن يكون الحل زمبلك فى التليفون
زى المتوسيكلات اللعبه بتاعه العيال الصغيره
انجى البوهى
مستنيه الرز بلبن
الأخت العزيزه انجى البوهى
صباح الخير
الرز بلبن الحقيقه هو مسؤولية الأخت العزيزه قطة الصحراء...ولا اعرف لماذا اتاخر كده
المهم اسمعينا يوم الأحد29 لأننا سنقول لك حاجه مهمه
تحياتنا ونسعد دوما بزيارتك
الجوايز كالآتى
الجائزه الأولى
ربع مليون يورو كما حددها الصديق عبده الرايق
الجائزه الثانيه والثالثه والرابعه
مفيش
الجائزهالخامسه
طبق رز بلبن بالمكسرات
الجائزه السادسه
طبق رز بلبن من غير مكسرات
الجائزهالسابعه
طبق رز بلبن .....صح
من غير لبن
الجائزه الثامنه
شوب عصير قصب
مع تمنياتنا بحظ سعيد والفوز
احب اشحن تليفونى وانا بغنى رق الحبيب وواعدنى يوم وكان لة مدة غايب عنى
عارفة انها قديمة قوى بس بحبها
ازيكم الاول انا دخلت امبارح طمعت مديت ايدى فى حله الرز اتلسعت وادى جزاء اللى ميسمعشى كلمه ماما تقولها..
اما عن الاختيارات:
اولا الاولى مستبعده...عشان العصور القادمه عمليه...يعنى مفيش و قت نغنى
ثانيا الثانيه مستبعده لان المحمول بيهنج من وضعه كتير فى الشمس
ثالثا الثالثه مستبعده لانى حكسل الف الزنبرك واشحن
انا عندى اجابه افضل بكتير من دا كله يعملوا البطاريه شحن زاتى زى مولدات الكهرباء كدا
وبالتالى حجم المحمول حيكبر وممكن يبقى فى حجم السياره....
ممكن كمان يضيفوا اوبشن محمول بسرير
محمول بفوتيه
او محمول كارو
وهكذا تتقدم الامم....
بخصوص الجوايز ....الرز ابو لبن بتاعكم عاوز شويه نشاء عشان يمسك شويه
بخصوص الربع مليون فلس بتوع عبدو ..انا حستلم الجايزه نيابه عنه..فضلا منى عليه...
تحياتى ليكم سومه_87
بنت مصريه
اهلا وسهلا بيكى صديقة للبرنامج وزائرة للمدونة
لالالالا يا انجى مين بس اللى قالك كدا
انتى بس اصبرى شوية اصلى بجيب طريقة كيف تصنيعن الرز بلبن بطريقة صحيحة علشان اللى ياكلوا مش نطلب له مباشرة بعدها 123 وربنا يستر عليكى استرى عليا ومش تقولى لحد انى لسه هتعلم فيكو الطبخ
بالنسبة لاجابة سؤالك تصدقى اختراع لذيذ ومش محتاج مجهود فعلا
تمنياتنا بدوام التواصل
CAIROCOMPUTER
يعنى كان لازم حضرتك تعمل الجايزة الاولى ربع مليون يورو وكمان عبده الرايق كدا الناس مش هتجاوب اصل عبده الرايق مروقهم على الاخر عنده لدرجة ان فرنسا هانم عاملة تنبيه على باب مدونة الضاحكون اللى معاه فلوس يسيبها فى جنب قبل ما يدخل
فاسمح لى بعد اذن حضرتك انبههم تنبيه شديد
واقولهم محدش يحاول يفوز بالجايزة الاولى وخليكو فى الرز بلبن اللى لسه بتعلم طريقة العمل بتاعته فيكو وربنا يستر
ايوية
اهلا وسهلا بيكى صديقة للبرنامج وزائرة للمدونة
تعرفى يا ايوية فى حاجات مهما مر عليها الزمن بنفضل محتاجينها وحاسين انها اتعملت علشانا
يعنى انا مثلا بحب اوى الاطلال والف ليلية وليلة ومهما سمتعهم مزهقش ابدا منهم وفى كل مرة احس انى بسمعهم برضه لاول مرة بس ابقى سكتينى اصل شكلك كدا هتاخدينى لذكريات غالية عندى اوى
تحياتى يا جميله
تمنياتنا بدوام التواصل
سومه...مجنونه فى بلد عاقل
اهلا وسهلا بيكى صديقة للبرنامج وزائرة للمدونة
معقول يا سومة الرز بلبن مش عجبك ده انا لفيت السبع لفات لما عرفت اوصل لطريقة العمل وفى الاخر مش يعجبك كدا اعااااااااااا
طيب اعمل فيكى ايه دلوقتى بعد ما قولت انا بعرف اعمل حاجه اروح اشتكيكى لخطيبك بطيخ هههههه
بس حلو اختراع الشحن الذاتى ده يعنى انا مثلا بدل ما اشيل الموبايل فى شنطة ايدى ممكن اركبه فى عربية زى بتاعة الطفل الصغير واهو برضه يبقى امان علشان مش يتسسرق اختراعك جامد
تمنياتنا بد وام التواصل
يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
انا اختار اننا نشحن الموبايل
بالزمبلك المحلق به زي الساعة كده مثلا
ايه رايك ... في رز بلبن و لا مافيش يا قطة
السلام عليكم
احم احم
التلات اجابات غير صحيحة
تتمايل علي انغام الموسيقى ديه مش منطقية
تحطه فى الشمس مش عملى .. افرضي كنت بليل اشحنه بايه بالجاز !!
موضوع الزمبلك ده مش اقتصادي لان الزمبلك هيتكسر واسألوا اي عيل صغير كل لعب الاطفال بتبوظ بسبب الزمبلك بيتكسر
انا اقترح اننا نشيل قطعة قماشة صوف في جراب الموبايل ولو خلص الشحن ندعك الموبايل بالصوف لحد ما ينور تاني بس اوعوا تفركوا جامد ليطلع الجني بتاع الموبايل ههههه
وديه اجابة علمية معملية فذة لان الدعك هيولد شحنة كهربية استاتيكية واهى كلها كهربا
ايدكم بقى على الجايزة بس انا ماليش في الرز بلبن لو قفص تفاح على قفص عنب على قفص برقوق على قفص مشمش على قفص ابو فروة على قفص كنتالوب على عربية بطيخ مفيش مانع
اظن انا قنوعة قنوعة مالكومش حجة
على فكره انتى حطا اختيارات صعبه لو اخترت
انغام الموسيقى فى اغانى كتييير هختار اه والا اه
فى الشمس ممكن الواحد تجيلوا ضربت شمس من كتر القاعده جمبه والهز فيه
زمبلك كفايه زمبلك الحكومه اللى مشغلا بيه الشعب المسكين
انا عارف لاهكسب طبق رز بلبن ولا حاجه واياك بس التعليق يتنشر
اظن ان الاجابات الثلاه غير صحيحه واظن ان شركه الموبايل سوف تقوم بتطوير برنامج جديد يقوم بشحن الموبايل تلقائى عند الحاجه الى الشحن
بسم الله
يعني هو خلاص !!!!
من الأهمية يعني موضوع البطرية ده هيضايقني ؟؟؟
عن نفسي يوم بطاريتي ما تفضى هروح سايبها كده جعانه شحن ويكون حلال فيها أهو أرتاح وأريح جيب بنطلوني من الموبايل خاااااااااالص ... ،
بس ممكن الاجابة تكون التانية بتاعت الشمس دي أهو بردو ينوبنا من الطاقة الشمسية عملية بناء ... حتى بناء ضوئي ما يضرش .
CAIROCOMPUTER
انا عايزة اشترك
انا عايزة اشترك
انا ماليش دعوة
ده جايزة عبده الرايق شكلها المرة دى بجد وبحق وحقيقى ولو مش طلعت بجد هروح اقول لسقراطة
انا رافعه صباعى اهوه لاء صباعى مين صباعى وايدى اليمين والشمال كمان
انتظرونى
انى قادمة
Heart Beat
العزيزة هارت بيت يا الف اهلا وسهلا بيكى يا جميلة صديقة للبرنامج وزائرة للمدونة
فى حالة لو اتشحنت بالزمبلك هيضطروا يخترعوا اوبشن جديد ومكان جديد للشحن بس ياريت مش يكون بارز يعنى يكون زى المكان اللى بنحط فيه الشاحن كدا
والله تبقى فكرة جنان
طبعا فى رز بلبن وفى ربع مليون يورو كمان
تمنياتنا بدوام التواصل
Miss. Sosa
اهلا وسهلا بيكى صديقة للبرنامج وزائرة للمدونة
يعنى يرضيكى اللى حصل يا ميس ساسو
عاجبك يعنى كدا
يعنى اعمل فيكى ايه انا دلوقتى
اه هو ايه اللى حصل صحيح
اللى حصل يا ستى انى قعدت ادعك الموبايل جامد علشان العفريت يطلع وفى الاخر القماشة الصوف دابت والموبايل عايز cover جديد بدال اللى باظ ده
عليكى انتى تجيبى لى واحد جديد وانا مالى مش انتى صاحبة الاختراع
نورتينا
تمنياتنا بدوام التواصل
australia
اهلا وسهلا بحضرتك صديق للبرنامج وزائر للمدونة
يا فندم الاختيارات صعبة ليه بس
دى سهله جدا جدا لدرجة انى مش عارفه اختار ايه ولا ايه وفى الاخر شايله الموبايل من غير بطارية ومش عايزاه يرن هو فى احسن من راحة الدماغ
تمنياتنا بدوام التواصل
nora
اهلا وسهلا بيكى صديقة للبرنامج وزائرة للمدونة
والله فكرتك جميلة وانا بضم صوتى لصوتك وبنقول لشركات الموبايل يعملوا اوبشن يشحن الموبايل ذاتيا
تمنياتنا بدوام التواصل
متمو
اهلا وسهلا بحضرتك صديق للبرنامج وزائر للمدونة
احيانا بنكون محتاجين الموبايل فعلا فى حاجات مهمة جداوفى الاوقات دى يا سبحان الله منلاقيش فيه شحن ومهما حاولت فيه قفلت معاه خلاص مش هيشتغل يعنى مش هيشتغل ووقت لما مش نكون عايزينه تلاقى البطارية على اخرها تقريبا بتغيظنا
تابعنا على ما لرز بلبت يستوى قصدى نعرف سويا الاجابة الصحيحة
تمنايتنا بدوام التواصل
الصديق الفاضل أ صلاح
صديقتي القديمة قطة الصحراء
ازيك فاكراني و لا نسيتيني :)) بقي لنا زمن لم نتزاور
انا كنت داخله ازور أ/ صلاح لكن وجدتك انت اللي بتردي علي الرسايل و لم افهم قوي علاقتك بالبرنامج بس علي العموم منورة و سلامي للصديق الفاضل صلاح
-------------------------
اما اجابة السؤال فأنا اختار الشمس طبعا و خليني اقنعك علميا لأني مدرسة علوم زي ما نت عارفة :
1. لو اخترنا الاغنية افرضي جالي برد و صوتي راح الموبيل يفصل :) و لا افرضي الشحن خلص و انا في اجتماع مثلا اغني بقي عشان المديرة تحولني لعمل اداري و تقول دي لا تصلح للتدريس :)
2. اما اختيار الزمبلك فخبراتي السابقة في زمبلك لعب الاطفال لأني ماما من زمان زي ما حضرتك عارفة بتقول ان مهما كان الزمبلك قوي حيخسر بعد شوية
3. اما الشمس قي فحمد لله علي نعمه هي سر الحياة خلقها سبحانه لا تعطل و لا تتأخر و لا بتكلف فلوس و لا حد يقدر يفرض عليها ضرايب و يغلي سعرها
يبقي بتفكير علمي بحت الشمس ثم الشمس ثم الشمس و نسجد لله شكرا ان الشمس و الهواءمجانا لآ يستطيع بشر التحكم فيهم
تحياتي
الأخت الفاضله ام احمد المصريه
اهلا بك وسعداء جدا بعودتك الى المدونه اما الأخت العزيزه قطة الصحراء فهى قد تطوعت مشكوره رغم مشاغلها لأن تخفف عنى بعض الجهد لأنشغالى وتكون فى استقبال الأخوه الأعزاء زوار المدونه وكويس انكم طلعتم معرفه قديمه وهى بالمناسبه شخصيه جميله وخدومه جدا مايطلق عليه ست جدعه
ثم انك لو لاحظتى من ضمن الجوايز رز بلبن بالمكسرات وبدون مكسرات بلبن وبدون لبن وانا لا اعرف ولا اريد ان اتعلم كيف يصنع
اما هى فلا تعلاف ولكن لا مانع عندها من التعلم
اهلا بك مره اخرى وفين ابو اخمد لماذا لا نقرا له شيئا فى المدونه امال كانت دورة الكمبيوتر ليه؟
نقله هنجبلك رز بلبن وهوهيتشحن لوحده
ونشغله انغام اغنية ماما زمانها جاية
جاية بعد شوية
جايبة رز ولبن
بس خلاص
اصدقائى الأعزاء المدونين والمدونات
تمت اليوم إذاعة الحلقة الثانية الخاصة بالربوت فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً ما عدا يوم الجمعه
وتضمنت الحلقة الثانية اليوم إذاعة كومنتات
سلوى ( رئيسة حزب الاحلام )
عبده الرايق
تامر نبيل
أيوية
هانى ميشيل
عبدالله
ميسوسوب
مدحت محمد
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
ام احمد المصرية
اهلا وسهلا بحضرتك صديقة للبرنامج وزائرة للمدونة
طبعا فاكرة حضرتك جدا يا فندم هو فى حد بيقدر ينسى اصدقائه
بالنسبة للشمس فهى مصدر الطاقة وبناء وتكوين العظام وحضرتك اعلم منى بكتير فى هذا الامر لانه تخصص حضرتك
طيب لو الموبايل فصل بالليل يا ام احمد هنجيب له شمس منين
اصله دايما بيعملها معايا بالليل خصوصا لما اكون راجعه البيت ومفيش مواصلات ومعرفش اتصل بحد يجى يروحنى
( وش واحد مموت نفسه من العياط علشان الموبايل فصل فى وقت رخم شوية )
فى انتظار عودة حضرتك
تمنياتنا بدوام التواصل
CAIROCOMPUTER
اشكر حضرتك جدا على ذوقك الجميل
وانا يشرفنى جدا يا فندم متابعة الردود فى مدونة انسان يكن له الجميع كل حب واحترام
دمت بالف خير
احترامى وتقديرى
مدحت محمد
اهلا وسهلا بيك صديق للبرنامج وزائر للمدونة
يا مدحت كدا هنكون محتاجين من شركات المحمول انها تعمل اوبشن للموبايل علشان يسمع الكلام وينفذ الأوامر ده ممكن يقلب ريبوت لوحده وتلاقيه بيعمل مكالمات لوحدة وممكن المكالمات دى تسبب لنا مشاكل ماهو ممكن يكون موبايل كوووول ويعاكس موبيلات البنوتات
تمنياتنا بدوام التواصل
الف شكر لا ذاعة التعليق بتاعى
والف شكر على هذة الحلقه الجميله اوى
تحياتى لأسرة البرنامج
لا يا جماعه أنا عارف الموضوع ده هيبقى زى الساعه جواه بندول ولما نهزه البندول يعمل طاقه تشحنه ولا ايه أنا فاهم فى العلم محدش يغلطنى
رئـــــيسـة حزب الأحلام
اهلا وسهلا يا سلوى صديقة للبرنامج وزائرة للمدونة
تابعنيا فدائما فى برنامجنا العديد من المفاجآت الجميلة
تمنياتنا بدوام التواصل
egyboy
اهلا وسهلا بيك صديق للبرنامج وزائر للمدونة
تابعنا يمكن تكون الاجابة فعلا صحيحة وتحصل على الرز بلبن بس دعواتك يستوى بسرعه
تمنياتنا بدوام التواصل
السلام عليكم ورحمة الله وبركاته
الأجابة الصحيح
هي الإجابة الثالثة
في إعتقادي
لأني لم أحبذ موضوع النغمات
أما الشمس فهل يشترط أن البطرية تفضى في النهار ولو بالليل لا نجد حل ؟
إلا بقى لو هاتشحن بالنهار وتشتغل بالليل وهايكون ايه الفرق بين كدة وبين الشحن العادي ما يمكن تفضى بالليل
أكيد النقطة وضحت ..
أما الزمبلك فهو الحل الأمثل من وجهة نظري
دمتم في رعاية الله
والله يعنى انا شايفه حكاية الشمس هى اكتر واقعيه
بس على فكره انا كان تليفونى القديم اشيله من على الشاحن قوم يفصل شحن علىطول كان مريح يعنى على الاخر هههههههههههههههههه
بس خلاص غيرته ولله الحمد
على فكرة موضوع الز بالبن ده مش صح من المرة الى فاتت وانا مش شايف حاجه منكم اما بالنسبه لسوال فمن الممكن انهم يشغلوا بالمياه يحطوا المياه فى مكان البطاريه ويسخنه بس فى مشكله على كده كل شوى هتغيرى المياه علشان لونها ميتغيرش ونبى هى دى الاجابه الصح الرز بالبن ولا ذى المرة الى فاتت
ههههههههههه
ياربى على الأسئلة الغريبة دى
بس حلوة الحقيقة
طيب أفكر معاكوا وامرى لله
بالنسبة للاختيار الاول مش معقول خالص وإلا هتلاقى الشعب كله بيرقص فى الشارع وفى البيت والشغل كمان ههههههه
ولو اخترنا الإجابة التانية .. يبقى معنى كده ان الموبايل هيفضل فاصل شحن معظم فصل الشتاء !!!!!!!
اما الاختيار التالت فهو الاكثر معقولية .. والحقيقة أنا شفت الفكرة دى فى كشاف كهربائى يدوى صينى ولو انه مش بيستحمل إلا ان الفكرة ممكن تطبق بتقنية أكبر فى بريطانيا .. وهتنجح أكيد لأنها مش صينى
دمتم بكل الخير والصحة والسعادة
سالى
اصدقائى الأعزاء المدونين والمدونات
تمت اليوم إذاعة آخر الإجابات التى وردت على سؤال تبريد البروسيسور فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً ما عدا يوم الجمعه
وتضمنت الحلقة إجابات
إنجى البوهى
عبده الرايق
Miss Saso
يمكنكم الآن سماع الحلقة من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
الـجـدة فـصـيـحـة
اهلا وسهلا بحضرتك صديقة للبرنامج وزائرة للمدونة
هو لو الزمبلك يبقى لازم توفير اوبشن خاص فى الموبايل وكمان يكون الزمبالك داخل cover زى البطارية كدا والا الزمبلك هيتكسر مع اول وقعه للموبايل خصوصوا موبايل كل يومين ينتحر من مكان اعلى من التانى
تمنياتنا بدوام التواصل
صبرني يارب
اهلا وسهلا بحضرتك صديقة للبرنامج وزائرة للمدونة
افرضى بقى وانا واقفه فى الشمس جتنى ضربة ياشمس لا ياستى الله لغنى ماهو مش معقول هسيب الموبايل لوحده يتحشن فى الشمس وبعدين يتسرق خصوصا ازاى كان البلكونة مبيدخلهاش شمس يعنى اى مكان تانى مش امان انا افضل البطارية اللازم تفضل على الشاحن ولما تتشال من الشاحن تفل ههههههههههه والله انا جربت الموضوع ده من يجى 7 سنين كدا
بس الحمد لله
شرفتينا يا جميل
تمنياتنا بدوام التواصل
الطير الحزين
اهلا وسهلا بحضرتك صديق للبرنامج وزائر للمدونة
الرز بلبن انا سمعت الإسم ده قبل كدا اعتقد انه اكتشاف جديد فى اليابان ده بيقولوا عليه مزهل عموما انا اتصلت باوشين اصلها الانتيخ بتاعتى قولت اسالها هيوصلنا امتا الاختراع اللى قعدت تشكر لى فيه وتقولى مش موجود اتنين فى العالم كيلاته يعرف يخترع رز بلبن غيرها بصراحه وانا قعدت اوقعها فى الكلام لحد ما قالت لى اعمله ازاى فاصبر شوية بقى لحد ما يستوى اصله رز بلبن جملى سورى قصدى يابانى
وبعدين هو بصراحة كان قرب يستوى و لما قولت الاجابة المية وكل شوية لازم اغيرها روحت مغيره الاكله كلها ولسه هنبتدى من اول وجديد
تحياتى
تمنياتنا بدوام التواصل
حاجات جوايا
اهلا وسهلا بيكى صديقة للبرنامج وزائرة للمدونة
تصدقى انا شايفه انه لو الحل الاول ده كدا هيبقى 2 × 1 يعنى البطارية تتشحن والشعب يتبسط ويتدلع اخر دلع ويروق اخر روقان ويخرج من حالة الكبت والاحباط اللى هو فيه وبدل ما الناس تمشى بوزها شبرين فى الشارع وتدخلى تخلصى ورق تلاقى الموظف مادد لك بوزه شبرين ويقولك نعممممممم تلاقى الدنيا كلها بترقص
اما بقى بالنسبة للزمبلك فماله الصينى يعنى هما مش اكتشوف زمبلك البطارية وشغاله زى الفل لازم نمد لبره ونقول الايطالى كدا وكدا بقى فى سرك مشيها صينى احسن يرفعوا علينا قضية ويقولوا بنسوء سمعتهم وبنقول حاجتهم بتتكسر بسرعه ... هى بامانة مبتعمرش اخرها نص ساعه واسلينى انا مجربها فى لعب الاطفال ... احم احم للتوضيح بس مش انا اللى بلعب باللعب اللى بجيبها صنع الصين دول اطفال العيلة ..
شرفتينا يا سالى
تمنياتنا بدوام التواصل
السلام عليكم
انا اول مرة ازور المدونة وبصراحة مش فاهمة حاجة ممكن حد يفهمنى ايه فكرة المونة
مجرد خواطر
اهلا وسهلا بحضرتك صديقة للبرنامج وزائرة للمدونة
بصى يا جميل اولا دى مدونة خاصة بالبرنامج الإذاعى
انت تسال والكمبيوتر يجيب
الذى يذاع يوميا على اذاعه البرنامج العام الساعه 9.10 صباحا ما عدا يوم الجمعه
الفكرة بقى ان الاستاذ صلاح حجازى معد ومقدم البرنامج اقترح على اصدقاء البرنامج وزوار الموقع اننا نفكر تكنولوجيا طبعا الفكرة لاقت قبول كبير جدا لانها فى حد ذاتها بتفيدنا وبتفيد كمان المستمع العادى للبرنامج اللى مالوش علاقة بالنت وبناء عليه يتم طرح سؤال ويتم ترك الحل لزوار المدونة ليتم بعدها اذاعه السؤال وجميع الأفكار المطروحة من اجابات لنتوصل جميعنا زوار الموقع وايضا مستمعين البرنامج الذين لا يربطهم علاقة بالانترنت الى الحل الصحيح
اتمنى اكون قدرت افيدك واى استفسار
تحت امرك
تمنياتنا بدوام التواصل
صديقتي القطقوطة
حرصا علي مصداقية المسابقة و بناء علي طلب الاستاذ صلاح قررت امد يدي في الموضوع و اعلمك طريقة الارز بلبن احسن الزوار عمالين يشتكوا ان ما حدش اكل حاجة :))
جهزي انت بس السكر و اللبن و الارز و شوية نشا و قشطة و ماء ورد و انا حعلمك علي طول :))
-------------------------
اما بالنسبة لحكاية ان الشمس يتغيب ليلا فلن نشحن المويل فلها حلين اما انه يشحن طول الوقت طالما يوجد ضوء و يخزن الطاقة لوقت الاظلام
او تكون الشمس متفقة مع شضركات الموبيل ختي لا يستفيد المشتركون بالعروض المخفضة مساء
أم أحمد المصرية
يا الف اهلا وسهلا بحضرتك
هتعلمينى بجد اعمل ازاى رز بلبن ربنا يخليكى ولا الحوجة لاوشين كل لما اقولها يابنتى علمينى بقى تقولى هخلص الاختراع اللى فى ايدى ده الاول وافضا لك ماهى اصلها مش بتضيع وقت شوية تخترع رز بالخلطة وشوية رز من غير خلطة وشوية خلطة من غير رز واهى كلها اختراعات
بالنسبة لاختزال الشحن لوقت مفيهوش اضاءة الفكرة دى جامده تعرفى الفكرة دى على مر العصور لو اتنفذت يبقى فى حد اتجسس علينا واخد فكرتك وقتها يبقى حقوق الملكية الفكرية ترجع لحضرتك بقى
تحياتى
وتمنياتنا بدوام التواصل
السلام عليكم
بعد ما فشلت فكرة الصوف واتمسحت الزراير بقترح اننا نبطل شحن من اساسه
ونشغل الموبايل بحجارة قلم
او بحجر الساعه وتريحوا نفسكم من الشحن ووجع القلب
ســــلام
الى الأخت العزيزه ابنة المنصوره صبرنى يارب
اولا اعتذر عن نسيان رسالتك فى موضوع الروبوت ,,,,لا اعرف كيف حدث هذا لأننا نهتم بكل تعليق
المهم نرجو منك دوام التواصل
كايرو
والله انا باين الى ما كنتش فاهمه الموضوع وعلقت عليه متأخر
وعموما انا معاكم اهو
ومتشكره اوي على اهتمامك يا اخي الفاضل
إرسال تعليق