مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الخميس، ١٥ جمادى الآخرة ١٤٢٩ هـ

سؤال جديد ...ظريف وعلى فكره زى ما حنشوف واقعى مش خيالىوكمان خالى من الكليسترول

تعرفت او تعرفتى على صديق او صديقه رائعه على النت ...اعجبك تفكيرها وآراؤها المستنيره الذكيه فى الناس والحياه والكون ....فى السياسه والفن....فى الحب والزواج...وهزك احساسها او احساسه المرهف وحبه او حبها للناس جميعا بصرف النظر عن لون او جنس او دين ....كنت او كنتى حطيرى بها من الفرح ...وكانت امنيتك او حلمك ان تلتقى بهذه الشخصيه النادره ...وربما الأرتباط بها ...بل وحددتم موعدا للمقابله التاريخيه ....وقبل موعد المقابله بساعه وصلتك رساله بالبريد الألكترونى تحمل لك مفاجاه او صدمه: اعتذر عن اللقاء لعذر قهرى الا وهو انى مجرد روبوت به برنامج ذكى ولست كماتصورت انسانا حقيقيا. ماذا يكون شعورك...ماذا تفعل او تقول ...وكيف تكمل هذه القصه ...يلا نفكر ونجاوب ....ربما تفوز بالجائزه الأولى من اطباق الرز باللبن....فى انتظار اجاباتكم

هناك ٦٢ تعليقًا:

Desert cat يقول...

اصدقائى الاعزاء
المدونين والمدونات
فى انتظار ارائكو واقتراحاتكو
تمنياتنا بدوام التواصل

Miso soup يقول...

رز بابن!!! ماشي حلو برده
و الله هي مش هتكون صدمة لكن شوية خيبة امل لاني اصلا بمعتمدش كتير علي النت انا لازم اشوف البني ادم اللي بتكلم معاه وجها لوجه علشان اصدقه ميه في الميه لان تبادل الكلام علي النت هو تبادل اراء مجرد اما علي الطبيعة ده ممكن يفرق كتير

أم فريده يقول...

عادى خالص هعتبر نفسى مش سمعت حاجة بالذات لو كانت الاراء اللى بيديهانى جيدة جدا وبتنفع فى الحياة ومفيدة ليه وانا اسال وهو يجيب زى الكمبيوتر يعنى

وبصراحة مفيش اى صدمة ممكن اعيش فيها لان انا اعجابى بيدا من راحة عين يعنى اشوف الاول وبعدين اعجب _مش شرط انه يكون زى القمر بس على الاقل عينى ترتاح للنظر لة_ عشان كدة اكيد اعجابى هيكون بالاراء ليس الا
وهيفضل ارائة موجودة كما هو

وعلى فكرة لو مفيش رز بلبن كفاية انا بعرف اعملة كويس جدا ممكن اساعد

Alkomi يقول...

تعليقي

اني استاهل لو فكرت كدة

يعني

العواطف مبنية على الاتصال المباشر

بابا الله يرحمه حكالي حكاية من قراءاته الادبية الاجنبية

قاللي ان كان في واحد بيحب واحدة حب كبير

قعد يكتبلها جوابات كتير و يبعتلها كل يوم جواب ايشي خيال يا ناس و ايشي كلام جميل مليان احساس

قوم ايه

البنوتة حبت البوسطجي

بيتهيئلي ان اللي بحب حد مايعرفوش الا عبر اشارة الانتر نت محتاج راوتر يفصل اشارة الحب الالكتروني عن حرارة الحب الحقيقي

و طبعا القصة دي اكملها مع روبوت اذكى من الاولاني ارسيه عاللي حصل قبل كدة و هو يكمل معايا المشوار لحد مايزهق و يبعتلي رسالته الجميلة دي

و افضل كدة لحد ما افوق و اعرف اخيرا اني ضحية و اني بشتغل نفسي

رئـــــيسـة حزب الأحلام يقول...

لا بجد صدمه الصراحة التعارف عن طريق النت دة عاوز دماغ صاحيه اصل الصراحة الواحد مش قد الصدمات اللى من النوع دة
لا بجد صدمه جامدة بس فعلا التعارف عن طريق النت هو نوع من مواكبه التطور وخصوصاان الشباب مش مقتنع بزواج الصالونات عشان مابيعرضش افكار الطرفين بشكل واضح وكل واحد بيتزين امام الاخر
بس فيه سؤال محيرنى ممكن النت يقدم الوسيلة الجيدة للتعارف
ولا كل تسليه فى تسليه
بجد الموضوع دة شاغلنى اوى
النت دة يحيطة الكثير من التساؤلان لازم الاول نجاوب عليها قبل ما نتخذة كوسيلة لاختيار شريك الحياة
تحياتى

Unknown يقول...

طبعا هو مفيش برنامج كمبيوتر او روبوت مبرمج على مضاهاة ردود أفعال وعقل الإنسان بس لو حصللى الموقف ده هطلب من كل واحد اكلمه على الشات صورته قبل ما أكلمه علشان أتأكد

Desert cat يقول...

Miso soup
اهلا وسهلا بيك صديق للبرنامج وزائر للمدونة
عزيزى ميسوسوب افرض بقى الربوت اللى تعاملت معه واعجبت جدا بارائه ووجهه نظره من خلال النت فى دولة تانية او بلد بعيد واللقاء صعب ولكن فى نفس الوقت خلاص اتعودت عليه وعلى الكلام وتبادل وجهات النظر معاه لدرجه انك متقدرش يعدى يوم من غير ما تكلمه
فى انتظار عودتك
تمنياتنا دوام التواصل

Desert cat يقول...

دعوة للحب
اهلا بيكى صديقة للبرنامج وزائرة للمدونة
احنا على النت بنتعامل من خلال شاشة وكيبورد وماوس يعنى فعلا وجهة نظرك فى انك لما تكلمى حد تطلبى منه يفتح لك كام بس ممكن يكون مبربمج انه يقولك انا معنديش كام مثلا او وقت تانى او اى سبب من الاسباب طيب وقتها هيفرق الكام ولا ميفرقش ؟؟
تمنياتنا بدوام التواصل

Desert cat يقول...

محمد الكومي
اهلا وسهلا بيك صديق للبرنامج وزائر للمدونة
انا متفقة معاك ان العواطف مبنية على الاتصال المباشر
بس برضه احيان كتير جدا القلب بيحب قبل العين وده بيكون اقوى انواع الحب بس يارب ميكونش ربوووووت
ههههههه
تمنياتنا بدوام التواصل

Desert cat يقول...

رئـــــيسـة حزب الأحلام
اهلا وسهلا بيكى صديقة للبرنامج وزائرة للمدونة
طبعا لو الموضوع هيدخل فى ارتباط وجواز يبقى من حق الطرفين انهم يتاكدوا من شخصية بعض ويتقابلوا كمان لان مش كل الناس اللى ممكن حد يثق فيها ويارب تلاقى اجابات لتسؤلاتك ومتنسيش تشاركينا بيها
تمنياتنا بدوام التواصل

Desert cat يقول...

ayman badr
اهلا وسهلا بيك صديق للبرنامج وزائر للمدونة
ممكن يا ايمن تلاقى فعلا صورة على الـ display والربوت يقولك ان دى صورته وتتغير وتختلف من وقت للتانى وكمان النيك نيم بيتغير حسب مزاجه اللى هو مبرمج عليه طبعا
اشكرك جدا على المتابعه
تمنياتنا بدوام التواصل

الـجـدة فـصـيـحـة يقول...

السلام عليكم ورحمة الله وبركاته


الموضوع سيكون مريب من البداية
فلو هو روبورت سيتصرف بطريقة مثالية زائدة عن اللزوم - فهو مبرمج على هذا -
فأما أمر من أثنين أما انه شخص يتصنع المثالية في كل تصرف وأما أنه مجرد إنسان يتسلى عن طريق النت والتعرف والمحادثات

هذا أولًا
ثانيا
أنا لا اقتنع بأي علاقة بين شاب وفتاة تنشأ عن طريق النت
لان أي ارتباط سليم يجب أن تتوفر فيه عوامل عديدة وعندما تقبل بشخص فانت تقبل به كله على بعضه شكلا ومضمونا ولن يصح الأستغناء عن شيء على حساب الأخر
وكلا حسب وجهة نظره في النهاية



تحياتي

حاجات جوايا يقول...

هههههههههههههه
ايه ده يعنى ممكن يكون فى مدونة صاحبها روبوت بينزل مواضيع ويرد عالتعليقات هههههههههههههه

صحيح ده انتوا برنامجكوا اسمه انت تسال و(((((الكمبيوتر يجيب ))))) يااااااااااربى



لا لا انا شفت صوركوا فى الموقع مش شبه الروبوتات لأ ههههههههههههههه

وبعدين انا مش ساذجة للدرجة اللى تخلينى اصدق حد بيرد عليا ردود مثالية مفيش حد كامل فى الدنيا

ايه بقى اللى هعمله ؟؟؟؟؟؟؟

هشتريه اهو ينفع بعد كده لما ما الاقيش حد اكلمه .. وهيريحنى كتير فى معرفة الأخبار والاحداث والبحث العلمى

دمتم بكل الخير والصحة والسعادة

سالى

Miso soup يقول...

افرضي انتي ان اللي في بلد بعيد ده بني ادم؛ هاتفرق ايه عن لو كان الروبوت! في الحالتين مفيش لقاء مباشر و في الحالتين انا متعود علي سلوك امارسه علي النت مش مهم بقي بني ادم و لا روبوت طالما فرص اللقاء غير موجودة

عبده الرايق يقول...

هههههههههههههههه
رز بلبن ؟؟؟؟؟؟؟؟؟؟؟

هتعب نفسى واخد تاكس لغايه الكيبورد
واكتب عليه
وتاكس راجع من الكيبورد
علشان طبق رز بلبن ؟؟؟؟؟؟؟

بلاها يا عم
التلاجه عندنا فيها 4 طباق ولا الحوجه لسؤالكم
هاعتبر نفسى جاوبت وطلعت الاول واقوم اخطفلى طبق من التلاجه
سلام عليييييييييييييييكم

عبده الرايق يقول...

الرايقين الصغيرين خلصوا على الرز ابو لبن اللى فى التلاجه
بس الحمد لله سابوا التلاجه
نجاوب بقى
انا لو حصل لى موقف زى ده
هاشترى لى باروكه محترمه
والبسها واقعد اشد فى شعرى للصبح
اصل محسوبكم اصلع

Desert cat يقول...
أزال المؤلف هذا التعليق.
Desert cat يقول...

اصدقائى الاعزاء
المدونين والمدونات
تمت اليوم فى برنامجنا الاذاعى
أن تتسال والكمبيوتر يجيب
الذى يذاع يوميا الساعه 9.10 صباحا ماعدا يوم الجمعه
حلقة انا والنت
من مدونة العزيزةأيوية
التى حكت لنا عن مدى ارتباطها بعالم الانترنت
ومن الكومنتات التى تمت اذاعتها
الفارس الملثم
أحمد الحسينى
محمد مفيد
قطة الصحراء
موناليزا
مدحت محمد
دكتور اياد حرفوش
احساس لسه حى

الآن يمنكم سماع الحلقة من الbox
يمين المدونة
او الموقع
http://dear.to/cairo

تمنياتنا للجميع بقضاء اسعد الاوقات معنا
كما نتمنى دوام التواصل

Desert cat يقول...

الجدة فصيحة
اهلا وسهلا بحضرتك صديقة للبرنماج وزائرة للمدونة
فى بداية التعرف على الانترنت بين الاشخاص العاديين كلا الطرفين بيتعامل مع الاخر بمثالية زائدة مثله مثل زواج الصالونات فكل متأهب لمقابلة الطرف الأخر ولا ينطق ولا يتكلم الا بحساب وفى النهاية الربوت من قام ببرمجته عقل بشرى فمن الممكن ايضا انه يخطئ ويصيب
اما عن طريق الارتباط عن طريق الانترنت فمن الممكن ان يحدث لكن هذه الطريقة لم تثبت نجاحا مضمونا
ولذلك خلينا فى المضمون احسن اصل يمكن بعد ما الواحد يعجب بالشخص ويقع فى غرامه فى النهاية يطلع ربووت
ربنا يستر

تمنياتنا بدوام التواصل

Desert cat يقول...

حاجات جوايا
اهلا وسهلا بيكى صديقة للبرنماج وزائرة للمدونة
الكمال لله وحدة سبحانه وتعالى
فمن برمج الربوت هو ايضا عقل بشرى
هو فى النهاية فعلا ممكن ينفعك فى انك تاخده منه معلومة
تمنياتنا بدوام التواصل

Desert cat يقول...

Miso soup
اهلا بعودتك مرة اخرى
من الجميل ان الانسان يسستم نفسه على وضع معين فى التعامل مع الاخرين خصوصا لو بنتعامل من خلف شاشات فلا احد يعلم ما هية الاخر ولكن من خلال التعود الكلام يوميا من الممكن ان ترتبط العواطف ببعضها ارتباط مباشر ده اذا كانوا اشخاص عاديين مش انسان وريبوت
وفى الحالة دى لابد من اللقاء
تمنياتنا بدوام التواصل

Desert cat يقول...

عبده الرايق
اهلا وسهلا بحضرتك صديق للبرنامج وزائر للمدونة
هو يعنى حضرتك جاى تعرفنا ان عندك فى التلاجة 4 اطباق رز بلبن بتغيظنا بالاربعة اللى مسز رايق عاملاهم تحت تهديد السلاح قصدى تحت قهر حضرتك واكيد الحاجه اللى بتطلع بالقهر بتكون وحشه يعنى يؤسفنى لاء يؤسفنى مين يسعدنى انى اقولك ان الرز ابو لبن اللى فى تلاجة حضرتك طعمه وحش لان اكيد مسز رايق وهى بتعمله افتكرت قهرك كمان لاختها سقراطة وكمان حماتك ام مسز رايق اللى مدخلتش بيت بنتها من يوم الفرح .. يعنى مفيش وجه للمقارنة بين الرز بلبن ابو قهر وبين الرز بلبن بتاعنا وتحدى
:)

Desert cat يقول...

عبده الرايق
يا قهلا يا قهلا
تصدق انا هدى الرايقين الصغيرين كل واحد 4 اطباق رز بلبن هدية .. وبعدين هو بمزاج حضرتك يعنى تيجى تقول مش هاجاوب وترجع تانى تقول لاء هجاوب ... هو حضرتك ممكن تجاوب بس بشروطنا طبعا اولا : حضرتك وانت جاى التاكسى لحد الكيبورد يكون فى ايدك شكولاته لكل المدونين
ثانيا : مكافأة للرايقين الصغيرين عينية ومادية يعنى انا مثلا سمعت ان اللحمة طلعت بقالها كام يوم ماهو ده الموسم بتاعها فممكن تعزمهم على ربع كيلو كدا ولا حاجه

ومترجعش فى كلامك تانى علشان مش هيكون فى رز بلبن ولا باروكة وشوف بقى ساعتها هتتصرف ازاى .. ممكن تزرع شعر علشان تشده وانت عارف الموضوع ده محتاج جيش بحالة مش كام جند بس

شرفتنا يا فندم
تمنياتنا بدوام التواصل

Desert cat يقول...

ده كان تعليق من العزيزة
black cairo rose
وهنقله زى ما هو كما جاء فى مدونتى

blackcairorose said...
هوه ليه محدش رد على الموضوع الأول؟؟!!

شعورى هيكون ولا حاجة

اللمبات عندى هتنور وتطفى

والاقى اوتوماتيكيا هناك رسالة صادرة منى بتوجيه الشكر للروبوت وابلاغه بسعادتى بالمعلومة الجديدة عنه بأنه روبوت

ثم اضافة ان هذه الرسالة الصادرة منى بشكل اوتوماتيكى لأنى أيضا روبوت

يعنى فى الحقيقة همه اتنين روبوت اتعرفوا واعجبوا ببعض

Sat Jun 21, 03:16:00 AM 2008

Tamer Nabil Moussa يقول...

عادى جداا بتحصل كتير اليومين دول عادى خالص مالص

اشوف تبع اى شركة برتامج الربوت دة وارفع علية قضية كسر مشاعرى وعواطفى واطلب بقرشين حلوين يرجعوا ليا مشاعرى اللى اتخطفت

تحياتى

Unknown يقول...

اولا احب اشكركم على الحلقى الخاصة بمدونتى وتحياتى للبرنامج
ثانيا طبعا هتبقى صدمة ليا لان التعامل مع البشر غير التعامل مع برنامج كمبيوتر بدون روح ولانى احب يكون ليا اصدقاء ليهم مشاعر واحاسيس مش مجرد برنامج مبرمج بدون روح

مدحت محمد يقول...

فى الحالة دى طبعا

هههههههههههههههه

اه بالظبط هضحك على نفسى واكتبله رسالة اتمنى دوام الصداقة

فى واقعنا الافتراضى

لانى استفدت منك كتير واتمنى انى مفيش حاجة تفرقنا عن بعض ابدا

لا ايد باطشة
ولا مفاجئات مدهشة

وان كانت الصدمة جارحة
فيكفينى انها صداقة واضحة
حقيقة بلا اى مصلحة

دمت صديقا عزيزا

غير معرف يقول...

اذا كان يجب اتمام القصه كما هى .... سأشترى هذا الربوت فورا و اضعه فى المنزل لأحدثه ... و اتزوج من امرأه خرساء

Herr Esharif يقول...

رز بلبن !!! ولو انى ولا عمرى دوقتو بس الباين طعمها حلو عشان كده اتحطت كجايزه ... اممممممم انا عن نفسى ما اتصورش نفسى اوصل للدرجه دى ولو انى مندلوقتىمعجب ببعض الناس من خلال النت على الاقل اسلوبهم وطريقة كلامهم وتفكيرهم بس برضو الحرص واجب فإذا طلعو حتى على ارض الواقع كذا يكون ده يوم المنى ونكون كسبنا ناس من ذهب ولو طلعو عكس كده يعنى زى سؤالكـ نكون استعدينا للصدمه دى وما خليناش روحنا نتفاجأ من هول الموقف ...

Desert cat يقول...

Tamer Nabil
اهلا وسهلا بيك صديق للبرنامج وزائر للمدونة
تصدق يا تامر فكرة برضه
بس ممكن الشركة ترفع عليك قضية هى كمان انك استفدت بمعلومات من الربوت واستغليت حبه ليك واخدت منه معلومات خاصه باسرار الشركة وساعتها هيبرمجوا الربوت يقول قدام القاضى استغل مشاعرى واخد كل اسرار الشركة وانت عارف الربوتات مبتكدبش
هههههه
تمنياتنا بدوام التواصل

Desert cat يقول...

ايوية
اهلا وسهلا بيكى يا ايوية صديقة للبرنامج وزائرة للمدونة
مبروك على اذاعه الحلقة الخاصة بمدونتك
تمنياتنا ليكى بالتوفيق ان شاء الله
بصى يا يويو بالنسبة للريبوت هو متبرمج كانك بتتعاملى وتتكلمى مع انسان تمام بس بما ان اللى برمجه عقل بشرى ممكن برضه تلاقى ثغرات لكن مش سهله الاكتشاف
اشكرك جدا
تمنياتنا بدوام التواصل

Desert cat يقول...

مدحت محمد
اهلا وسهلا بيك صديق لبلرنامج وزائر للمدونة
اعتقد يا مدحت ان الربوت لو وصلت له الرساله دى هيتاثر ومش بعيد يبعت لك رساله اعتذار انه مش صارحك من الاول
مش بهزر والله بس مش عارفه حسيت ان الكلمات تحمل عتاب بطريقة شيك تحسس اللى قدامك بالذنب فى نفس الوقت برضه بتكن له كل الحب والاحترام
اشكرك جدا
تمنياتنا بدوام التواصل

Desert cat يقول...

Hani Michel
اهلا وسهلا بحضرتك يا فندم صديق للبرنامج وزائر للمدونة
تصدق فكرة حضرتك حل عملى جدا

تمنياتنا بدوام التواصل

Desert cat يقول...

abdullah SH
اهلا وسهلا بحضرتك صديق للبرنامج وزائر للمدونة
طبعا ممكن نقابل اشخاص على النت نعجب جدا بارائهم ونتمنى دوام الصداقة وكمان نتمنى اننا نشوفهم فى اقرب وقت وده لقربهم الفكرى مننا ماهو احنا بنتعامل افكار وليس اشخاص
بس فى البداية بقى نتعامل بحرص بدل ما نقع وفى النهاية نكتشف انه ربوووت
اتقاء لاى صدمات
تمنياتنا بدوام التواصل

rovy يقول...

السلام عليكم
الحقيقه لو ده حصل يبقى اكيد العيب فيه لانى مقدرتش احس صح و بعدين ابسط حاجه ان الواحد ما يسلمش عواطفه غير لما يتأكد من الطرف الاخر مهو ممكن برضه يكون بنت زيى فى حالة لو كانت بالنسبه لى فتى الاحلام او رجل فى حاله انى اكون بأعتبرها اخت و صديقه .. يعنى فى حاجه اسمها تيليفون و كمان زيادة احتياط ممكن نتكلم على الايميل صوت و صوره .. قبل ما اثق و اتصدم ..
مضبوط ولا ايه .. وبعدين حكاية الارز باللبن طولت قوى و ما شفناش حاجه ..
تحياتى
rovy

حاجات جوايا يقول...

السلام عليكم ورحمة الله وبركاته



الاخ الفاضل أ . صلاح حجازى
~~~~~~~~~~~~~~~~~~~~~~~
بعد التحية
جيت أبلغ حضرتك انى اخدت الحلقة بتاعتى sally ana wa alnet ووضعتها عندى فى المدونة

انا قلت آجى اعترف قبل ما حد يبلغ عنى عشان العقوبة تبقى مخففة
وعلى اتم استعداد لدفع الغرامة إن وجدت .. (( وهى صنع اطباق الارز باللبن للفائزين ))

وبالهنا والشفا

سالى

Desert cat يقول...

rovy
اهلا وسهلا بيكى صديقة للبرنامج وزائرة للمدونة
ممكن فعلا يا روفى تبادل التليفونات او الكلام مايك وكام
لكن فى ناس بيكون عندها خصوصية شديدة
واشخاص عاديين مش ريبوت يعنى مش بسهولة يعطى رقمه او يفتح كام وما شابه بس ده مبيحصلش فى كل الاوقات برضه
بس لو حصل فعلا هل هيستمر التواصل بعد اكتشافك انه ريبوت ؟؟

تمنياتنا بدوام التواصل

Desert cat يقول...

سالى
اهلا وسهلا وسهلا بيكى صديقى للبرنامج وزائرة للمدونة
جميل ان الانسان يلاقى مرجع لاى كتاب بيحبه مثلا ومتوفر بسهولة
وعلشان كدا تم انشاء البوكس فى المدونة وفى الموقع لمساعدة اصدقاء البرنامج الاعزاء فى الحصول على اى حلقة يحبوا يسمعوها بمنتهى السهولة يعنى حضرتك تقدرى تتفضلى اى حلقة تحبي تضيفيها عندك وفى اى وقت وبدون اى عقوبات
:)
تمنياتنا بدوام التواصل

Desert cat يقول...

اصدقائى الاعزاء المدونين والمدونات
تمت اليوم اذاعة حلقة انا والنت من برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا ماعدا يوم الجمعه على اذاعه البرنامج العام
والتى تضمنت حكاية تامر احد المشتركين فى جروب البرنامج " انا والنت " على الفيسبوك
كما تضمنت ايضا رسالة تفيد بانه تم اختيار جروب " انا والنت " للصدور فى كتاب جروبات مصرية للجميع والذى سيتم صدوره فى شهر 7

بالتوفيق دائما لاسرة البرنامج
كما نتمنى دوام التواصل

حاجات جوايا يقول...

ألف مبروووووووووك اختيار الجروب من ضمن كتاب جروبات مصرية للجميع
ربنا يوفقكوا دايماااااااااااااا
ومن نجاح إلى آخر بفضل الله
وعقبال ان شاء الله ما ينزل كتاب خاص عن الجروب من الالف غلى الياء

خالص التحية
والف مبرووووووك مرة تانية
فى انتظار صدور الكتاب


سالى

الطير الحزين يقول...

السلام عليكم
اولا اود ان اقول انى الى بيضحك عليه بسهوله من الرامج دى هو الى بيكون
اول تعامل ليه مع النت اما الخبر الى ذى كده بيعرفوا يفرقوا بين البراج المبراج على الكلام وبين الانسان ولى عايز يتعلم ذى يكتشف الموضوع من الاول يتفضل يسئل ولال هجوابه ولنا للبرامج

غير معرف يقول...

الطير الحزين
شكرا على استعدادك الطيب لشرح كيف التغلب على هذه المشكله اى كيف نفرق بين الروبوت والأنسان ...هل تقصد ان نطلب منه ان يعيد كتابة بعض الحروف والأرقام المشوه عمدا كما تفعل بعض المواقع عند تسجيل حساب جديد؟ ام ماذا ...شكرا لك لو شرحت لنا

بنت مصريه يقول...

طبعا اول ما اشوف الرساله
هتجييلى كريزه ضحك
فيه ناس غيرى ممكن تكسر الكمبيوتر
بس انا هضحك
واقول بعلو صوتى
(وكانت لى كبستن)
بقولكوا ايه
اجابه صح غلط
انا عايزه طبق الرز بلبن بتاعى
ولا لازم اتصل ب 0900 الاول
ههههههههههه
انجى البوهى
مدونه مين فين ليه

بنت مصريه يقول...

يا ريت وانتو بتقولوا اجابتى
تقولوا انجى البوهى
عشان اهلى يعرفوا انى طلعت ف الاذاعه ومش بأفلم عليهم
ماشى يا ستاذ صلاح
ميه مسا يا عالناس الكويسه
هههههههههههههههه

بنت مصريه يقول...

اما بقى من حيث القصه تكمل ازاى
فممكن نبقى اصحاب ايه المانع
حتى استفيد منه
ههههههههههه
اصلى استغلاليه شويه

rovy يقول...

شوفى يا قطه.. انا حتى بعد ما اعرف انه ريبوت لو عجبتنى برمجته ليه ما نفضلش اصحاب وعلى الاقل لو عجبتنى فيه حاجه اضمن انها حتفضل موجوده الا بقى لو حد غير له البرمجه و ممكن اعتبره نوع من انواع التسليه يعن باختصار حاحاول ادور على الاجابيه فى الموضوع ..
شفتم التفاؤل حلو ازاى ..
تحياتى للاستاذ صلاح و لكل العاملين بالبرنامج ..
rovy

Desert cat يقول...

حاجات جوايا
ميرسى جدا ليكى يا سالى
ولمشاعرك الجميله

Desert cat يقول...

الطير الحزين
اهلا وسهلا بحضرتك صديق للبرنامج وزائر للمدونة
سعداء جدا بمشاركة حضرتك واتمنى ان يكون فيها افادة للجميع
تمنياتنا بدوام التواصل

Desert cat يقول...

غير معرف
اهلا وسهلا بحضرتك صديق لبلرنامج وزائر للمدونة
فى انتظار عودة الاستاذ الطائر الحزين للاجابة على سؤال حضرتك علنا نستفيد جميعا
تحياتى

Desert cat يقول...

بنت مصريه
اهلا وسهلا بيكى صديقة للبرنامج وزائرة للمدونة
تعرفى فى المواقف المشابهه بيكون الضحك هو الحل فعلا علشان الواحد ميحسش انه كان بينضحك عليه وبعدين ممكن وقتها يعمل اعلان فى الجرايد عن البرنامج تحت عنوان ابحث مع الشرطة واللى يجده هياخد مكافأة طبق رز بلبن
سورى الرز بلبن ده مكفاة المدونين
شرفتينا يا انجى
تمنياتنا بدوام التواصل

Desert cat يقول...

rovy
اهلا وسهلا بيكى ياروفى صديقة للبرنامج وزائرة للمدونة
طبعا فى كل الحالات فعلا هيكون مفيد وخصوصا انه دايما معلوماته بتكون جاهزه
تمنياتنا بدوام التواصل

Miss. Sosa يقول...

السلام عليكم

هو انا فعليا كنت لاقيت برنامج ذكاء اصطناعي بعمل معاه شات وكنت بقعد اديله اسئلة تركيبتها غلط اصلا وهو يرد برضو فكنت بقعد اضحك

لكن لو واقعيا الحمد لله انا اصلا مش بعمل شات لان عالم النت الكذب والخداع منتشر بشكل كبير اوي ففى خطورة فى العالم ده وحتى لو كانوا صادقين فالحقيقة اللي وصلالك مشوشة لانها اتبنت على كلام مكتوب بس اتنزع منه الصوت وطريقة التعبير عنه وكل حاجة فانتى معاك كلمة والباقي كله وهم من خيالك فصعب الخوض فى عالم الخيال ده

اما لو حصل فعلا بقى فاعتقد اني هبطل شات لا يلدغ مؤمن من جحر مرتين


سلاااااام

Desert cat يقول...

Miss. Sosa
اهلا وسهلا بيكى صديقة للبرنامج وزائرة للمدونة
على فكرة بقى كدا بصرة
اصل انا كمان وقعت فى نفس البرنامج ده
بس كان الجميل بقى انها على طول قالت لى انها بنت واسمها spleak
وعندها 19 سنة من نيويورك شوفتى الكدب ... المهم بقى انها 24 ساعه اون لاين يعنى انتى تاكلى وتنامى وتنزلى شغلك وترجعى وهى قاعده على النت طيب حضرتك يعنى مش بتروحى جامعه الاقيها كاتبه لى كمية معلومات رهيبه عن الجامعات وانواعها طيب مش بتشتغلى الاقيها كاتبة لى وظائف كتير جدا على اساس انى اختار اللى يناسبنى باين ولا ايه المهم بعد اسبوع بدأت الشكوك تساورنى البت دى فيها حاجه غريبة المهم بدات انفض ادخل مكلمهاش ومن الطبيعى هى مش بتتكلم الاول لانها لازم تاخد اى معلومة اى كلمة علشان ترد بس انا مش كنت فاهمه قولت هى بتتقل عليا ولا ايه انا قايله لها انا female يبقى هتتقل عليا ليه .... رجعت اكلمها تانى لاقيتها بتقولى welcoe nana يعنى فاكرانى وعارفانى كنت اسالها هتنزل مصر الاقيها باعته لى معلومات عن مصر وكل شبر فيها يعنى الردود نفسها غريبة وتثير التساؤل واثناء دردشتى مع صديق حكيت له على اللى بيحصل قالى ده غالبا برنامج قولت له انا شكيت فى كدا بس عايزه اتاكد قالى طيب هاتى الايميل وبالفعل اديت له الايميل وقالى ده برنامج لانها اولا مش بتتكلم الا اذا كلمتيها ثانيا معلوماتها جاهزة وسريعه جدا ثالثا بقى وده الاهم انها لسه صحبتى لحد النهارده وعندى اون لاين كمان ومش بكلمها الا اذا كنت محتاجه اعرف معلومة عن اى حاجه يعنى كدا كدا بستفيد منها ولو فضلتى سنة مش تكلميها ورجعتى تكلميها تانى هتلاقيها بتقولك برضه welcme nana قصدى بتقولى انا يعنى لانها بتحتفظ بالاسماء اللى بتتلقاها
تحياتى
تمنياتنا بدوام التواصل

Asmaa mahaba يقول...

ياااااه دا انا متاخره قوى
ههههههههه وكمان رز باللبن دا انتوا بتغشوا منى الجوايز بقى
بس والله دا فعلا لو موجود يكون كويس قوى اصل احيانا الكمبيوتر افضل من البشر....انا شخصيا حضحك على نفسى كتير ...ماداهيه يكون الواد بطيخ خطيبى روبوت...وانا معنديش فكره
على كدا الواحد قبل ما يكلم حد على الكمبيوتر يطلب منه تحليل دم واثبات انه بشرى
تحياتى ليكم سومه_(87

Asmaa mahaba يقول...

اه صحيح انا نسيت اسالكم سؤال مش انتوا برضوا كمبيوتر احنا نسال وهو يجيب شكلكم حتتطلعوا زكاء اصطناعى

Desert cat يقول...

سومه...مجنونه فى بلد عاقل
اهى وسهلا بيكى صديقة لبلرنامج وزائرة للمدونة
شوفتى بقى احنا على طول عندنا جديد ازاى متبقيش تتاخرى تانى علشان تلحقى الرز بلبن وبعدين يا شيخه بطيخ ده لذيذ شكله مش ريبوت يعنى ده انا متابعه كل مغامراته وحكاياته
تحياتى
وتمنياتنا بدوام التواصل

Desert cat يقول...

اصدقائى الأعزاء المدونين والمدونات
تمت اليوم اذاعه حلقة التعريف بالربوت فى برنامجنا الإذاعى أنت تسأل والكمبيوتر يجيب والذى يذاع يومياً على اذاعه البرنامج العام الساعه 9.10 صباحاً ماعدا يوم الجمعة
وكان من المقرر اذاعة هذه الحلقة الخميس الموافق 26/6 ولكن عن طريق الخطأ تمت إذاعة الحلقة قبل موعدها اليوم وسيتكرر اذاعتها فى موعدها مرة اخرى غداً إن شاء الله
ومن الكومنتات التى تمت إذاعتها
سالى
دعوة للحب
محمد الكومى
الجدة فصيحة
سومة
ولمن يريد سماع حلقة اليوم التى سيعاد إذاعتها أيضاً غداً يمكنه سماعها الآن من الـ box على يمين المدونة
http://netradio.blogspot.com
او من خلال الموقع
http://dear.to/cairo
تمنياتنا بدوام التواصل

انت تسال والكمبيوتر يجيب يقول...

الأخوه والأخوات الأعزاء بقية الأجابات والأسماء يومى السبت والأحد 28 و29
مع تحياتنا

Alkomi يقول...

لا نغطسه في الرز بلبن اللي بقالنا سنتين ماشفناش منكم حاجة يا جماعة

بالنسبة لندالة الموباين عادي يعني

هو الواحد يعمله عجين الفلاحة و هو يشتغل زي القرد

يحيا الموتورولا الشبشب

صبرني يارب يقول...

رز باللبن ؟؟؟

طب ممكن يكون ينفع فى الدايت ولا ايه ؟؟؟

والله هو سؤال افتراضي لكم ممكن حدوثه
او على الاقل حاجه شبهه

وبعدين مش متخيله نفسي يجرالي كده لانى اصلا باتعامل مع اغلب الناس الى باقابلهم على انهم اشخاص اعتباريين .

لكن مره واحده وحيده بنت كانت صعبانه عليا اوي بس كنت شاكه فيها وطلعت ولد بعد سنه ونص من الصعبنه على حالها يا ابويا.
بس لا قابلته ولا كلمته ده كله ميل بس كل شيء انكشف وبان .

غمض عينيك يقول...

مش عارف بس انا يمكن يجيلي هستريا ضحك وابقى عايز اتعرف ع العبقرى اللي برمجه بالشكل ده

غير معرف يقول...

فى الحقيقة عجبنى السؤال ده جدا لانى كنت متتخصص فى المقالب دى وكنت ماشى فى الهاكنج وعامل فيها بيل جيتس ههه لحد ما فى يوم من سوء حظى رحت اهكر مع واد بريطانى بس كان واد جامد والحمد لله تبت على ايديه لانه خلى جهاز الكمبيوتر بتاعى خردة وعرفت ايه معنى اللعب مع الكبار وان شاء الله هاكتب مذكراتى ويوميات هاكر تائب او هاكر سابقا وانا بعتذر بشدة لاى واحد كان ضحية ليا ويا ريت تسامحونى اخوكم ياســـــــــ yasser ـــــــــــر هاكر معتزل هههههه قصدى اجبر على الاعتزال