الأختراعات كثيره ...كل يوم يظهر ابتكار او اختراع جديد ....نفسى يخترعوا ايه ايه؟
ماهو الأختراع الذى تحلم بظهوره ليحل مشكله تزعجك ....يحل المشكله التى تؤرقك وتصبح الحياه بطعم الفراوله أو لو مابتحبش الفراوله ....خليها مانجه ....عنب....كا نتالوب ....دهب.. مرجان ... ياقوت ....احمدك يارب
الاشتراك في:
تعليقات الرسالة (Atom)
هناك ٤٧ تعليقًا:
نفسي كدة يخترعوا اجهزة تبصلها تعمل اللي انت عايزه
يعني مثلا تبص للكمبيوتر يروح الموقع اللي انت عايزه على طول
تبص للتليفزيون يجيب القناة المفضلة
تبص للغسالة تشتغل للتلاجة تفتح لوحدها
ربنا يكرم دلوقتي بيقولوا ان التليباثي - التخاطر بين العقول - بيتطور يعني حاجة كدة زي البلوتوث و دائرة الريمووت كنترول
انا فرحان اني اول تعليق لاول مرة
بالمناسبة من مزايا الاختراع اللي بقول عليه
تبص للراديو تسعة و عشرة صباحا بتوقيت القاهرة يجيبلك البرنامج العام على طول
تحياتي
انا بنت مصريه نفسى ف حل لمشكله المرور
الزحمه بتاعه العربيات اللى ف الشارع دى
الواحد اتخنق يا ساتر يا ساتر
وانا بقترح حل للموضوع ده
ان العربيات اللى بتبتدى برقم زوجى
يبقى يتحدد ليها ايام محدده فى الاسبوع عشان تمشى ف الشارع
اما بقيت العربيات اللى بتبتدى برقم فردى تمشى ف الشارع بقيت ايام الاسبوع
ويبقى فيه يوم اجازه من العربيات كلهم
والناس تمشى على رجليها فيه
ونسميه يوم الموتورجل
اوعو حد يقول ان انا اللى اخترعت يوم المتورجل ده والا الناس هتتدبحنى
بنت مصريه
انجى البوهى
من جوه بيتنا
القاهره
محمد الكومي
اهلا وسهلا بيك يا محمد صديق للبرنامج
وزائر للمدونة
ايه بقى الاختراعات الجامدة دى اللى من اول نظرة دى
قصدى يعنى اللى هتنفذ الاوامر بالنظرة ده احنا على كدا نعمل لكل حاجه فى الحياة عيون كتيييير علشان تنفذ الاوامر من النظرة والاحساس كمان
ربنا يحقق لك امنيتك ويخترعوا لنا حاجات بالنظرة على الاقل نريح لسانا شوية من الكلام
تحياتى
تمنياتنا بدوام التواصل
بنت مصريه
اهلا وسهلا بيكى يا انجى صديقة للبرنامج وزائرة للمدونة
تعرفى يا انجى الناس اللى شغلها بعيد عن بيتها مسافات بعيدة لو شافوا الاختراع بتاعك ده هيعملوا ايييييه
امممممم مش تخافى مش هقول لحد ان انتى صاحبة الاختراع بس انا نفسى زيك فعلا تتحل ازمة المرور علشان الزحمة تخف ونعرف نمشى فى اى وقت
ميرسى ليكى يا جميل
تمنياتنا بدوام التواصل
طب افرضي اني مبحبش الفراولة؟؟؟؟؟
علي العموم الاختراع اللي هيخلي الدنيا بطعم المانجة هو ... هو سؤال صعب ... لكن افتكر ان لو حد اخترع اختراع ندخل فيه حد دماغه فيها خرابيط كتير و لا ذمته خربانة يطلع من الناحية التانية دماغه متظبطه و اخر تمام هيبقي خدمنا كتير
سعيدة قوى بالمدونة
انا اول مرة ازورها بس طبعا هكون متواجده هنا كتير
اختراع
اخترع شمسيه كبيرة تضلل علينا من الشمس فى الحر ده
ووقت الشتا تبقى تكييف مركزى لمصر كلها
تحياتى ليكم
تحياتى للاستاذ صلاح و فريق البرنامج كله و قطتنا قطة الصحراء ..
نفسى يخترعوا دوا يترش فى الجو او يوضع فى الماء يخلى كل الناس عندها ضمير .. بجد لو مشكلة الضمير اتحلت حنكون اسعد واقوى شعب .. يعنى تخيل تنك تشترى من تاجر عنده ضمير وتأكل فى مطعم اصحابه والعاملين فيه عندهم ضمير والمدرس والطبيب والمهندس وكل التاس عندها ضمير .. اكيد ساعتها الدنيا بجد حتبقى
جنه ..
تحياتى
rovy
Miso soup
اهلا وسهلا بيك ميسوسوب صديق للبرنامج وزائر للمدونة
لو مش بتحب الفراولة يا فندم ممكن يبقى بطعم عصير البطيخ المهم ان يكون فى اختراع نشوف من خلاله الدنيا كنتالوب
تحياتى
وتمنياتنا بدوام التواصل
عيله مفتريه سابقا
يا الف اهلا وسهلا بيكى يا جميل صديقة للبرنامج وزائرة دائمة للمدونة
امنيتك حاسه فيها براءة شديده
ربنا يحقق لينا جميعا كل ما نتمنى
تمنياتنا بدوام التواصل
rovy
العزيزة روفى اهلا وسهلا بيكى صديقة للبرنامج وزائرة للمدونة
تعرفى انا كمان اتمنيت الامنية دى وانا بتفرج على فيلم ارض النفاق لما شوفت المشهد اللى كل الناس بتتعامل فيه بصدق وضمير لكن مين عارف
ممكن فعلا نبقى كدا فى يوم من الايام
تمنياتنا بدوام التواصل
نفسك في أيه ياسوسو
نفسك في أيه يابت ياسوسو
نفسي أغمض عيني وأفتحها
ألاقيهم أخترعوا فلبينية بالكهربا
تبقي لهلوبة وست بيت شاطرة
وعشان هي هاتبقي مصنوعة من أسلاك وحديد .. بكدة مش هاأخاف منها علي جوزي ... أصل بيقولك الفلبينيات اللي من شحم ودم بيخطفوا الرجالة
تاني حاجة تكون بتتكلم لغات ... يبقي منها دادة للعيال ومنها معلمة لغات .. وأهو كله توفير
ويكون تمنها مهاود علي قد الأيد ومابتاخدش أجازات .. وشغالة أربعة وعشرين ساعة في اليوم لا تكل ولا تمل
كفاية كدة احسن اكتشفت اني فلبينية بس مش بالكهربة .. بأعمل كل اللي هي ممكن تعمله بس بآجي أخر الليل بأنام ذي الفسيخة من التعب
السلام عليكم ورحمة الله وبركاته
أممممممممم
الموضوع صعب
كل الإختراعات الحديثة بيكون لها شقيين واحد جميل وممكن يجعل الحياة فراولة فعلا وواحد ممكن يخلي الحياة جحيم بجد وده بيتحقق في الإسراف في الاعتماد على التكنولوجيا الحديثة
طبعا أنا لست ضد التكنولوجيا لكنها أصبحت كالادوية الكيموية يجب ان تجد لها أعراض جانبية على أقل تقدير أعراض على المدى الطويل ..
أما الاختراع اللي ممكن أكون بحلم بيه
اختراع يساعدنا على اتقان عملنا بجد
لو في اختراع زي ده الحياة هاتكون في اروع ما يكون
تحياتي
ممممممممممممممممممممم
نفسي في الة تحول الكره الى حب وتخلي
كل الدنيا اخضرفي اخضر
وتخلي كل انسان قلبه على الانسان اللي زيه علشان هوانسان مش علشان مصلحة
الة صعية الاختراع صح؟؟؟
اهو بحلم ما يمكن يتحقق
تحياتي
انا بقى لانفسى يخترعوا دبابه بتطير فى الجو
ولا نفسى يخترعوا طياره بتمشى على رجلين
ولا نفسى يخترعوا فانوس بيغنى كمان ننا
انا نفسى يخترعوا 200 جند كاوتش
اروح اشترى بيها حلاوه ولبان ومصاصات والاختراع اللى اسمه لحمه وفراخ
وبعد ما اروح ال 200 جند ترجعلى تانى
يعنى تضربها فى الحيط ترجع تانى
بس المهم تكون نسخه واحد بس
احسن لو الاختراع ده اتنشر اقبض القبض بتاعى وعبقال ما اوصل بيتنا يكون رجع تانى لصحابه
المـــفـــــــقــــــــوعـــــة مــرارتـهــا
اهلا وسهلا بيكى يا سوسو صديقة للبرنامج وزائرة للمدونة
جميل اوى اختراع الفلبينية
ده لو حصل فعلا هيوفر على الناس الدروس الخصوصية وعلى ربات البيوت التعب والارهاق فى الاكل وتنضيف البيت وتبقى تسهر كمان قدام التى فى
تحياتى يا سوسو
تمنياتنا بدوام التواصل
الجدة فصيحة
اهلا وسهلا بحضرتك صديقة للبرنامج وزائرة للمدونة
التكنولوجيا فعلا زى ما ليها مميزات ليها عيوب بس اللى يستخدمها الاستخدام الصحيح مش هيقابل عيوبها
اما بالنسبة للاختراع اللى حضرتك بتتمنيه فربنا يحقق امنياتنا جميعا
تمنياتنا بدوام التواصل
نونو
اهلا وسهلا بحضرتك صديقة للبرنامج وزائرة للمدونة
طبعا مفيش حاجه صعبة على العقل البشرى يعنى من 100 سنة كان ممكن حد يصدق انه يبقى فى موبايل او كمبيوتر وانترنت الناس تتواصل من خلالهم
ربنا يحقق امنيتك
تمنياتنا بدوام التواصل
عبده الرايق
اهلا وسهلا بحضرتك صديق للبرنامج وزائر للمدونة
يا عبده باشا هما بس الميتين جند الجلد اللى نفسك فى اختراعهم يعنى مش هيكون فى غيرهم فى الدنيا ... يعنى ممكن واحد تانى يفكر فى نفس الاختراع ويغرق السوق من الميتين جند الجلد وبكدا الناس كلها الفلوس هترجع لها تانى حتى المرتب هيرجع تانى انا مش بحبطك لالالالالا حاش وكلا اصل انا كمان نفسى فى ميتين جند زيهم لو اديتهم لى هدعى ان الاختراع ده ميروحش لحد غيرنا
:)
تمنياتنا يا فندم بدوام التواصل
والله بما انى مدرس
فأنا نفسى فى جهاز يتركب فى مخ العيل من دول يفهم على طول من أول مره ..
desert cat احيكى على مجهودك الرائع هنا و البرنامج و الجروبات
اصدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
السلام عليكم
ازيكم عاملين ايه انا عارفة انى مقصره فى حقوقكم بس سمحونى النت كان فاصل والحياة كانت مش تمام الواحد جالوا احسايس غريبه حس انه من غير شباك كان بيشوف بيه الدنيا وحس انه من غير اصحاب لان المدونات عرفت من خلالها ناس زى العسل وبجد ناس يستاهلوا كل خير عارفين وحسيت بايه كمان حسيت بأن الدنيا حر اوى واحد هيقول دة اكيد من موجة الحر لا دة عشان النت كان فاصل فدرجة الحرارة زادت على الاخر وربنا يحفظ لنا النت وبيعد عنه وذات الشيطان
دة بخصوص تجربتى مع انقطاع النت
لسه السؤال هروح افكر واجى حالا
أنا بقى نفسى فى سفينة فضاء ضخمة بمخالب قوية تنزل من السما فى دمياط تشيل مصنع اجريوم وتجرررررررررررررررررى بعييييييييييييييييييد توديه الفضا وتريحنا منه بقى .. وقتها بجد الحياة هيبقى لونها بمبى وموف وكل الالوان الجميلة
دعواتكم
دمتم بخير وصحة وسعادة
سالى
عندما انقطع النت
========================
فجأة وبدون سابق انذار تحولت علامه النت الى علامه حمراء كلما فتحت الكمبيوتر وجدت هذة العلامة اغلقه ثانيه فما فائدة الكمبيوتر بدون اصدقائى وأحبابى نعم اعلنها صراحة فلم أجد فى حياتى اليوميه صداقات مثلما وجدت على النت ومن خلال عالم المدونات الذى اتاح لى هذة الفرصة الجميلة للتعرف على أفكار واراء أفراد كثيرين شعرت من خلال ارائهم وكتاباتهم انى اعرفهم منذ زمن بعيد وفجأة وبعد كل هذة الحياة نعم حياة نعم حياة جميلة مليئه بالاصدقاء انقطعت الاخبار عنى وعنهم احسست ان هناك سدود احالت بينى وبينهم
ولا أخفى عليكم ظللت وراء والدى ليصلح النت على وجه السرعة وهذة الفترة من الزمان كنت اقوم بفتح الجهاز اجد كل الابواب موصدة امامى فأغلقه ثانيه
بعدما عاد ثانيه لا استطيع وصف السعادة التى كنت ومازلت فيها
وشعرت انى عدت الى روحى ووجدت مظاهرة من الاصدقاء الاعزاء رغم انقطاعى عنهم وهناك من يسأل عنى احسست
انى عدت الى نفسى بعدما ضاعت منى
ومن هنا اشكر الجميع الذين زارونى على المدونه رغم ظهورى بمظهر المقصرة امامهم
والف شكر لك استاذ صلاح حجازى لسؤالك عنى
تحياتى للجميع
اختراعات اختراعات
سؤال عاوز دماغ بس ياريت الاختراع اللى بنفكر فيه يكون بأيدى مصريه
ويكون المصري هو اللى مخترعه دة هيكون احلى اختراع وهيخلى حياتنا منجة وتفاح وفراولة
كفايه بقى الغرب كله وشنا من كتر ماهم عاملين يخترعوا واحنا ناخد اختراعتهم على الجاهز وعشان كدة هم عاملين يذلوا فى انفاسنا
سلام
Hani Michel
اهلا وسهلا بحضرتك صديق للبرنامج وزائر للمدونة
تصدق انا كمان نفسى فى اختراع مشابه ليه تماماً
اختراع يقوم بعملية نظافة سريعه للعقول المتحجرة واللى مش بتسمع صوت حد غير صوتها هى بس ... محتاجه مسحوق خفى ينتشر فى الجو ينضف العقول وينضف القلوب وساعتها طبعا هينضف عقول الطلاب اللى عند حضرتك ويفهموا بسرعه
اشكرك جدا
تمنياتنا بدوام التواصل
رئـــــيسـة حزب الأحلام
اهلا وسهلا بحضرتك صديقة للبرنامج وزائرة للمدونة
حمد الله على سلامة النت
وربنا يجعلها اخر الوصلات المقطوعه
يعنى مش يتقطع تانى
فى انتظار عودتك مرة تانية
حاجات جوايا
اهلا وسهلا بيكى صديقة للبرنامج وزائرة للمدونة
ربنا يحقق لك ولكل اهل دمياط امنيتهم تمنياتنا بدوام التواصل
رئـــــيسـة حزب الأحلام
مرحبا بعودتك وعودة النت
ويارب ما يتقطع مرة تانية اصل انا مجربة كل الاحاسيس دى علشان كدا مقدرة كويس جدا كل حرف بتقوليه
بالنسبة للاختراع
طيب ايه هو الاختراع اللى نفسك يكون بايدى مصرية
يعنى ممكن تحددى اختراع معين يساعدك على حاجه او نفسك يكون موجود وبرضه بايادى مصرية
فى انتظار عودتك مرة تانيه يا جميل
تمنياتنا بدوام التواصل
أختراع بسيط وصعب جدا؟؟؟؟؟؟؟؟؟؟؟؟؟
أن الكل الشعب بكل أفرادة والحكومة بكل موظفينها ,يتعملوا مع بعض بأحترام, متهىء ليا أنةأختراع مستحيل
أنة يحصل, ياريت أطلع كداب
الحشرى
اهلا وسهلا بحضرتك صديق للبرنامج وزائر للمدونة
انا من وجهة نظرى ان الاختراع مش مستحيل
لكن احنا محتاجين وعى فى ثقافة احترام كلا منا للاخر بس بالفعل فى ناس موجودة بتعرف تحترم بعضها كويس لكن قلة اتمنى انهم يسودوا المجتمع
اشكرك جدا
تمنياتنا بدوام التواصل
اصدقائى الاعزاء
المدونين والمدونات
تمت اليوم اذاعه الحلقة الخاصة بسؤال تبريد البروسيسور
فى برنامجنا الاذاعى انت تسال والكميوتر يجيب الذى يذاع يوميا الساعه 9.10 صباحا ما عدا يوم الجمعه على اذاعه البرنامج العام
تم اذاعة كومنت
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
يمكنكم الآن سماع الحلقة من الـ box
على يمين المدونة
تمنياتنا بدوام التواصل
يعنى يتم عمل اختراع مصرى من الصميم
يعنى عقول مصريه وايد مصريه
ليه لأة هو احنا صغيرين ولا ايه
يعنى اى اختراع يطلعنا من حالة الاحباط
او اختراع يرد فينا الحماس اللى غايب عنا الحاجات دى عايزة اختراع
من الاخر عاوزين اختراع يرجع للناس حماسهم
رئـــــيسـة حزب الأحلام
اهلا وسهلا بيكى يا سلوى
ربنا يحقق لنا جميعا امنياتنا وفعلالما يكون الاختراع بايادى مصرية وقتها هيزيد انتمائنا لبلدنا اكتر ويكفينا فخرا ان الاختراع بايدى مصرية
تمنياتنا دوام التواصل
هههههههههههههههههه
سمعت البرنامج
وطلعت اجابتى غلط
وخسرت الربع مليون يورو
يا خسااااااااااااااااااااره
مش هاجيب كوتشى من اللى بينور
ممكن استأنف
يمكن تطلع الاجابه صح فى الاستئناف
عبده الرايق
اهلا بحضرتك عبده باشا صديق البرنامج الدائم
معلشى هو اصلا الكوتشى اللى بينور شاحح الايام دى من السوق شو ية علشان كدا الاجابة جت آآآوت .. وبعدين استئناف مين ياراجل انت لسه هتستنى انت تعمل نقض على طول
ايون نقض انا جاية اهدى النفوس
:)
تحياتى لحضرتك
تمنياتنا بدوام التواصل
انا نفسى انا نفسى اه اه انا نفسى يخترعوا جهاز يخالى الواحد مينسش حاجه خالص هو انا كنت بقول ايه اه اه يكون جهاز صغيرة يتركب فى المخ ميخليش الواحد ينس حاجه اده هو انا بعمل ايه هنا اه وانا كمان بشكرك على البرنامج اللذيذة الى بتقدموه الصبح والله انا نسى اذا كان الصبح وله باليل على العموم انا بشكرك ويريت تشفولى جهزة من اللى انا بقول عليه وشكرا
الطير الحزين
اهلا وسهلا بحضرتك صديق للبرنامج وزائر للمدونة
طبعا يا فندم انا اتمنى اختراع جهاز يساعد على عدم النسيان علشان حضرتك متنساش موعد اذاعة البرنامج الصبح ولا بالليل
وعلشان حالات الزهايمر اللى بتصيبنى من الساعه 2 للساعه 4 بعد الضهر
يعنى اختراع مفيد لينا جميعا
اشكرك جدا
وتمنياتنا بدوام التواصل
بالنسبة للاختراع اللى عاوزه يبقى يا ريت جهاز محمول صغير به شاشة تكشف الكذب لما نكلم حد عليه عشان الكذب بقى سمة من سمات مجتمعنا دلوقتى وكلنا بنقع فيه
السلام عليكم ورحمة الله وبركاته
خلاص يا جماعة مش عايزة سفينة فضاء تشيل اجريوم
لأنه الحمد لله اخيراااااااااا اتنقل من دمياط
مش بسفينة فضاء
لكن بقرار مجلس الشعب بالإجماع
وبقرار جمهورى كمان
شفته بقى المعجزات اللى بتحصل دى
---------------
ودلوقتى بقى أقدر اقولكوا انى نفسى فى بساط سحرى اركبه وقت ما احب أروح فى مكان ويكون طبعا فيه مظلة مكيفة عشان الحر اللى احنا فيه ده
دمتم جميعا بكل الخير والصحة والسعادة
سالى
ayman badr
اهلا وسهلا بيك يا ايمن صديق للبرنماج وزائر للمدونة
اتمنى ان حلمك يتحقق
تمنياتنا بدوام التواصل
حاجات جوايا
الصديقة العزيزة سالى
الف مبروك على قرار نقل المصنع
وربنا يحفظ مصرنا الحبيبة
تمنياتنا بدوام التواصل
حاجات جوايا
الصديقة العزيزة سالى
الف مبروك على قرار نقل المصنع
وربنا يحفظ مصرنا الحبيبة
تمنياتنا بدوام التواصل
نعم نعم نعم انا اسمى اتقال فى الراديون هيييييييييييييييييييه وقالوا سومه كدا بالمفتشر هههههه وانا مسمعتش اسمى وهو بيتقال انا حروح اشرب ميه غسيل واستريح من الحياه
والاختراع اللى احبه يكون موجود هو ماكينه تشيل الرؤساء من الرياسه لما يبلغوا الستين من العمر....لحسن حيعطبوا وهم معششين على كراسى الحكم
تحياتى ليكى سومه_87
يووووووووووووووووه ده انا عايزه يجى دستتين اختراعات
بالنوسبة لاختراع زحمة الشوارع عايزه بس اقول لبنت مصريه انهم اخترعوه بالفعل بس احنا مش واخدين بالنا هو الاختراع العظيم الى اسمه قوانين المرور عقبال ما يطبق عندنا ياااااارب .
اما انا نفسي فى اختراعات كتيره جدااا
اول حاجه عايزه خدامه الكترونيه بس تكون لهلوبه وما اسمعش صوتها ولا تحكيلى عن عيالها وجوزها الى متجوز عليها .
وعايزه اختراع كاتم لصوت البنى ادمين الى فى الشارع وكلاكسات عربياتهم وبالمره لصوت ولادي .
وعايزه ......... انتم فاضيين ولا وراكم حاجه ؟؟
ممكن كمان حاجه بتخسس عشان انا زهقت بقى من الدايت والمواويل دي شوفلنا حل عملي بقى الواحد مثلا يشرب بؤ دوا يصحى الصبح يلاقي الليله دي خلصت .
اظن انا اختراعاتي مشروعه وسهله وممكنه
يلا شوفوا حد يعمل على ذلك .
اه اه افتكرت وعايزه اختراع ينضف امخاخ البشريه والسنتهم احسن تعبت من القصه دي بررررررررضه .
كفايه بقى
نفسى نستغل عبقرية الدكتور احمد زويل لاختراع حبوب او اقراص فيها خلاصة الفول والطعمية والمحشى والبصارة وكل ما ابدعتة القريحة المصرية من مشتقات الفوليزم ويا ريت تكون خالية من مادة الدوبامين لانها ذات تاثير حاد على خلايا المخ وعلى راى الفنان سمير غانم فى مسرحية المتزوجون اللى واكل فول بيبان عليه بجد طول ما انا ماشى فى الشارع ابص فى وشوش الناس مش عارف حاسس حاجة غريبة زى ما تكون الناس تايهة او مبرمجة ويا ريت لو اى واحد عايز يعدى والاشارة حمرا ياريت ما يكنش اكل فول والسلام ياسر الوشاحى دمياط مستمع قديم للبرنامج ودى اول مرة اشارك يا ريت اكون صديق للبرنامج شكررراااا
إرسال تعليق