مشكلة الكمبيوتر الأولى هى سخونة البروسيسور وتستخدم المراوح لتبريده ولكن شركة IBM توصلت الى طريقه جديده جديه للتبريد فما هى اختار واحده من الأجابات الثلاث التاليه
1اشعة الليزر
2غاز الفريون المستخدم فى الثلاجات
3الماء
ننتظر الأجابات
الاشتراك في:
تعليقات الرسالة (Atom)
هناك ٤٩ تعليقًا:
اصدقائى الاعزاء
زوار المدونة
اسمحوا لى اكون اول تعليق واقول لكو اهلا بيكوا اصدقاء للبرنامج وزوار للمدونة ودائما تسعدنا اقتراحاتكم وارائكم
ويسعدنى التواصل معكم فى انتظار اجابة السؤال
مودتى وتحياتى للجميع
السلام عليكم ورحمة الله وبركاته
رغم إنني لا افقه كثيرا في هذه الأمور
لكن ممكن أقول أن أصح أختيار لو لي حرية الأختيار في الامر أن يكون الماء لن الأصح بيئيًا وصحيًا
:)
تحياتي
لأنه الأصح بيئيًا وصحيًا *
جيهان على
اهلا وسهلا بيكى صديقة للبرنامج وزائرة للمدونة
طبعا ليكى حرية الاختيار والاستفسار عن اى حاجه زى ما تحبى
تمنايتنا بدوام التواصل
السلام عليكم ورحمة الله وبركاته
الحقيقة انا كمان بختار ..."" المــــاء " والفكرة تكون بمضخة ماء زى المستخدمة فى حوض السمك الزينة
دمتم بكل الخير والصحة والسعادة
الماء طبعا
لاني عارف من خلال شغلي في الكمبيوتر
السلام عليكم ورحه الله وبركاته
الاول ولانى انسانه منوفيه ملوخيه ...
ممكن اعرف لو فى جوايز بلاى ستيشن ..ولا تروسيكلات ولا اطباق رز بالبن عشان الواحد يجتهد يعنى ويشغل دماغه....
بما انى دماغى حاطه بطيخى خالص و بفهم فى الكمبيوتر اد فهمى عن كيفيه طهو المفتقه.... ومدام بتخيرونا ..فانا حعمل حادى بادى ... وبعد نتيجه اعتقد ان الليزر لان انا اعرف انها رقاقه صغير حتضاف للبروسيسور دا اللى اعرفه وحدود معلوماتى وبالعقل لو رقاقه صغيره يبقى الليزر هو اللى ممكن يدخل فى تصنيعها وبصراحه من قال لا اعلم فقد افتى....
وفى اختيار تانى انتوا محطيتوهوش فى اغنيه بتقول حبيبك اللى تحبه اكله بصاره وان زعل منك طرى على قلبه بخياره
اذا الخيار ممكن يكون علاج للحموضه وممكن يكون علاج لسخونه البروسيسور
تحياتى ليكم سومه_87
غريب جدا موضوع تطوير نظام التبريدواللى خطر ببالى ساعة ما قريت الكلام ده ما يلى
ماء= راديتير عربية بس ممكن الراديتير يتخرم والمياه تسيح على البوردة ودى تكون اسرع طريقة لتحديث الاجهزة بسرعة خصوصا للناس اللى بتحب القديم اصحاب مبدأ من فات قديمه تاه
فريون = تلاجة يعنى ممكن نستخدم الكومبيوتر فى حفظ بعض الحاجات زى الشيكولانه مثلا او نجمد فيه عقولنا لغاية ماييجى وقت نعرف نستخدمها فيه
ليزر= يعنى اشعة وبالطريقة دى ممكن نضايق اللى قاعدين حوالينا بشعاع ليزر من غير مايعرفوا هو جاى منين
على العموم التطوير مطلوب
بس هل التطوير حيبقى زى تطوير التعليم كده
السلام عليكم
خالص تحياتى للاستاذ صلاح .. و جميع فريق العمل بالبرنامج .. وقطه الصحراء
ما زلنا فى انتظار معرفة الجواب الصحيح وان شاء الله نتابعكم غدا وتفيدونا بالاجابه الصحيحة مع جزيل الشكر ..
بالنسبه لاجابه سؤال اليوم فأن شاء الله ارى ان يكون غاز الفريون .
دمتم بخير فى رعاية الرحمن وحفظه
تحياتى
rovy
سالى
اهلا ومرحبا بيكى صديقة دائمة للبرنامج
تابعينا وان شاء الله نتوصل جميعا للحل الصحيح
تمنايتنا بدوام التواصل
محمد الكومي
اهلا وسهلا بحضرتك صديق للبرنامج
اتمنى المتابعه لنصل جميعا الى الحل الصحيح
تمنياتى بدوام التواصل
سومه...مجنونه فى بلد عاقل
اهلا وسهلا بيكى يا سومة صديقة للبرنامج وزائرة للمدونة
هو الجايزة ممكن تكون سكوتر
او رحلة للقناطر :)
اتمنى المتابعه
كما ارجو دوام التواصل
تحياتى
مصرى وبدرجة مواطن
اهلا وسهلا بحضرتك يا فندم صديق للبرنامج وزائر للمدونة
اهم حاجه فى الكومنت انه فيه شكولاته واذا ذكرت الشكولاته يبقى ياريت تكون كادبورى ههههههه
تمنياتى بدوام التواصل
rovy
العزيزة روفى اهلا وسهلا بحضرتك يا فندم صديقة للبرنامج وزائرة للمدونة
ارجو من حضرتك المتابعه لنعرف سويا الحل الصحيح
تمنياتنا بدوام التواصل
الو
السلام عليكم
ممكن اشترك معاكم فى المسابقه ؟
اجابه السؤال هى
حادى بادى كرنب زبادى
تبقى الفريون
وكمان سمعت ان الفريون بينزل بدرجه حراره البروسيسور الى سالب 4 مئويه
وبعدين بقى الاجابتين التانين مش فى الفورمه
يعنى
لو استخدمنا الليزر يبقى هنشيل الكمبيوتر على كتفنا ونمشى نعاكس الناس زى العيال ما بيعملوا باليزر
ولو استخدمنا الميه يبقى كل ما يبوظ الكمبيوتر هنحتاج لسباك وهنحط الجهاز فى الحمام
اذن هو الفريون
اجى امتى استلم الربع مليون يورو الجايزه ؟؟؟؟؟؟؟؟؟؟؟؟
التبريد بالماء مش جديد ويستخدم بالفعل لكنه مش منتشر أوي
والتبريد بالفريون سمعت عنه وقرأت بعض التجارب باستخدامه فعلا
وهو موجود ومش جديد بردو
وبكده ميبقاش غير الليزر على ما اعتقد
---
توضيح بسيط
لا يقتصر تبريد البروسيسور على المراوح فقط .. ولكن المراوح تعتبر اداة مساعدة سواء كان التبريد بالماء أو بالمشتت الحراري.
السلام عليكم
بيتهيألي لو الماء يبقى هنحتاج نفتح الجهاز كل شوية ونملاه من الحنفية والطريقة دي مش عملية الا انها بيئيا افضل وموفرة جيبيا يعني سعرها خفيف على الجيب بس مش بعيد يكون لاقين حل وطريقة لتزويد الجهاز بالماء بامان
اما الفريون زي التلاجة لا ما اظنش بيحتاج شحن برضه بس ما استبعدش برضه
الليزر بما انه متطور
اقول الليزر
تحياتي
دي
عبده الرايق
أولاً ارحب بحضرتك صديق دائم للبرنامج والمدونة
بالنسبة بقى للجايزة فانا من رائي نخليها دولار بلاش اليورو
اتمنى المتابعه لنتعرف جميعا على الحل الصحيح
تمنياتى بدوام التواصل
آلام وآمال
اهلا وسهلا بيك يا محمود صديق جديد للبرنامج وزائر للمدونة
تابعنا لنتعرف جميعا على الحل الصحيح
مع تمنياتنا بدوام التواصل
nonoymm
اهلا وسهلا بحضرتك صديقة جديدة للبرنامج وزائرة للمدونة
ارجو من حضرتك المتابعه لنتعرف جميعنا على الحل الصحيح
تمنياتنا بدوام التواصل
بسم الله الرحمن الرحيم
الاجابه تونس :D
----------
هو الاختيار لازم يكون مبني على تجارب
مش تختار ايه يا أبو علي .. أختار أم احمد :D
يعني كل اختيار ليه ايجابياته وسلبياته
المايه كويسه بيئيا
بس هل احنا اللي هنحطها كل شويه ..
ولا هتبقى دوره ثابته
طيب لو وقعت على البروسيسور .. هل هتأثر عليه ؟!
وهكذا
وبالتالي لازم نشوف كل الاحتمالات دي عملي
علشان نقدر نحدد
تحياتي
اعزائى المدونين والمدونات
تم اليوم اذاعة الحلقة التانية من البرنامج والتى تحتوى على باقى الكومنتات التى جائت فى المدونة للاجابة على السؤال المطروح سابقا
ومن هذه الكومنتات
حبيبى
هانى ميشيل
ميسوسوب
حبيبة القمر
بنت مصرية
محمد الكومى
سالى
حنان الشريف
اهلا ومرحبا بكم دائما اصدقاء للبرنامج
واتمنى دوام التواصل
تحياتى للجميع
elbostagy2
اهلا وسهلا بيك يا احمد صديق للبرنامج وزائر للمدونة
الاجابة مش تونس يا احمد
انا هغششك الاجابة الطريق الدائرى او المحور :)
تمنياتنا بدوام التواصل
انا ممكن اختار الليزر عشان عملية التبريد تبقى أدق وأفضل من الناحية التقنية
انا شاعره بوجود خيانه كبيييييييره
مفيش جوايز وصلتلنا حتى الان
رحله قونطه عاوزين فلوسنا..:(((
انا بعد حادي بادي اختار الاجابة الرابعة
اخ .. ده مفيش اجابة رابعة ... خلاص امري لله احط انا اجابة رابعة
الاجابة هي الكهربا .. ايوه الكهربا .. باستخدام تاثير اسمه بلتير ( Peltier effect) هو بيستهلك كهربا كتير لكن ممكن يكونوا طوروه يستخدم كهربا اقل
علي فكرة التاثير ده بيستخدم في جهاز علمي اسمه PCR thermocycler بيتطلب دورات تبريد و تسخين سريعة .. يعني ممكن يبرد بمعدل ٦ درجات في الثانية و ممكن يبرد لحد ٤ مئوية يعني درجة تجمد الماء
ayman badr
اهلا وسهلا بيك يا ايمن صديق للبرنامج وزائر للمدونة
هو الليزر فوايده كتير ده حتى بيتعمل عمليات ليزر دلوقتى
ارجو المتابعه لنصل جميعنا للحل الصحيح
تمنايتنا بدوام التواصل
سومه...مجنونه فى بلد عاقل
ازاى بس يا سومة الهدية مش وصلت هو مش انتى برضه كنتى عازمانا على رحلة للقناطر كلنا ... خلاص احنا مش عايزين الرحلة هاتى انتى فلوسنا بقى ههههههه
تمنياتى بدوام التواصل يا جميله
Miso soup
اهلا وسهلا بيك ميسوسوب صديق للبرنامج وزائر للمدونة
اشكرك جدا على المعلومات فى كومنت حضرتك
ارجو المتابعه لنتعرف سويا على الحل الصحيح
تمنياتنا بدوام التواصل
مساء الخير جميعا
من خلال قرائتي البسيطة عن الكومبيوتر قدر قرأت في الفترة الأخيرة عن اقترح بتبريد البروسيسور عن طريق الماء
وهو ده الجواب الصحيح
وانا صاحب الجايزة
انا اللي كنت غير معروف في التعليق اللي قبل ده مباشرة
السلام عليكم ورحمة الله وبركاته
اسرة البرنامج الجميل
طبعا انافرحانه جدا رغم ان محاولتي الشارلوك هولمزيه منفعتش المرة اللي فاتت
بس اهي محاوله
المرةدي بقى ان شاء الله يبقى صح واكسب الرحله اللي سومه هتتكفل بكل مصاريفها ههههههههه
بالنسبه للتبريد فموضوع الماء اكيد مش جديد ولا الفريون كمان وان كان مش منتشر اوي
لكن الجديد بجد هو الليزر
بس السؤال بقى ازااااااااي؟؟؟
تحياتي لاسرة البرنامج الجميله وللقطه كمان
بس هاتي الجايزة ياقطه مش تنسي بقى
سلام
اهلا وسهلا بحضرتك يا بشمهندس سلام صديق للبرنامج وزائر للمدونة
تمنياتنا بدوام التواصل يا فندم
حبيبـــــــة القمـــــر
اهلا ومرحبا بيكى يا حبيبة صديقة للبرنامج وزائرة للمدونة
هو دلوقتى اختيار ك من الاجابات الماء ولا الليزر ولا الفريون
اعتقد انك اخترتى الليزر على الطريقة ازاى
عموما تابعينا يا جميل لنعرف جميعنا الحل الصحيح
تمنياتى بدوام التواصل
بالرغم من عدم خبرتي بالموضوع ومعرفش الإجابه الصح لكن محبتش يفوتي الموضوع ومكنش من المشاركين فيه وهأجواب واخمن انهاممكن تكون غاز الفريون
تحيياتى لاستاذ صلاح حجازى
وشكرا انك جبتنى ف البرنامج
عشان ممشيش اقول مين فين ليه
انا انا اقول الاجابه
الاجابه هى
الليزر
صح ولا غلط اوعوا تكون غلط
والا هزعل وهتضايق وهيجيلى احباط
وهمشى ف الشارع برضه اقول مين فين ليه
هههههههههههههههههه
اصدقائى الاعزاء المدونين والمدونات
بعد صباح الخير عليكم جميعا
تمت اليوم اذاعه حلقة انا والنت
للمدونة حماتى ملاك
يمكنكم سماعها من الbox
تمنياتنا بدوام التواصل
فى حب الله
اهلا وسهلا بيكى صديقة للبرنامج وزائرة للمدونة
طبعا المشاركة بالراى حاجه جميلة وفعاله
تمنياتنا بدوام التواصل
بنت مصريه
انجى اهلا وسهلا بيكى يا جميله
ربنا يبعدك عن اى احباط
بس تابعينا لنعرف جميعنا الحل الصحيح
تمنايتنا بدوام التواصل
ميرسي ياقطه وفي انتظار الاجابه
الحلقه بتاعة انا والنت عسلللللللللل خالص مالص
مبرووووك ياسوسووووووووو
حبيبـــــــة القمـــــر
ميرسى جدا يا جميلة
نتمنى دائما متابعتك
اصدقائى الأعزاء المدونين والمدونات
تمت اليوم إذاعه حلقة انا والنت
من برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وكانت حلقة اليوم عن حكاية
بنت مصرية
اية ريحان او ايوية
مصرى بدرجة مواطن
برنسيس بيرى
سالى
هانى ميشيل
يمنكم سماع الحلقة من الـ box
على يمين المدونة
او من خلال الموقع
http://dear.to/cairo
تمنياتنا بدوام التواصل
السلام عليكم ورحمة الله وبركاته
الحقيقة أنا مسمعتش الحلقة ومنتظرة عرضها فى الأرشيف لتحميلها بإذن الله
أما عن حلقة الامس لصاحبتها " المفقوعة مرارتها " صاحبة مدونة حماتى ملاك فقد كانت راااااااااااااااائعة
أمنياتى بمزيد من النجاح والتقدم
دمتم جميعا بكل الخير
سالى
الأخوه والأخوات الأعزاء
لم اتمكن من تحميل حلقة الأخد15-6-2008 الى بوكس الأرشيف ولكن سنحاول فيما بعد ...سنعيد اذاعتها اولا بعد فتره لمن لم يسمعها وفى نفس وقت اذاعتها نقوم بعمل نسخه للأرشيف
اصدقائى الاعزاء المدونين والمدونات
تمت اليوم اذاعه حلقة الرجالة عايزة ايه
من برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
يمنكم سماع الحلقة من الـ box
على يمين المدونة
او من خلال الموقع
http://dear.to/cairo
تمنياتنا بدوام التواصل
صدقائى الأعزاء المدونين والمدونات
سيتم اذاعه الحلقة الخاصة بإجابة سؤال تبريد البروسيسور يوم الخميس الموافق 19/6
فى برنامجنا الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وسيتم اذاعه كومنتات
عبده الرايق
البوسطجى
مصرى بدرجة مواطن
سومة
ميسوسوب
حبيبة القمر
نونونيم
روفى
غير معروف
جيهان على
بنت مصرية
سالى
آلام وآمال
كما يمنكم سماع الحلقة بعد اذاعتها من الـ box
على يمين المدونة
http://netonradio.blogspot.com/
او من خلال الموقع
http://dear.to/cairo
تمنياتنا بدوام التواصل
11:34 م, يونيو 17, 2008
نسخه من رسالة قطة الصحراء فى البوست السابق
السلام عليكم
جزاكم الله خيرا على اعلامي بالموعد
وارجو اذاعةاسمي المستعار (نونو واي ام ام )او( نونو)
ولكم جزيل الشكر
فاروق إبن النيل ....
أعتقد الإجابة هى غاز الفريون فيمكن وضعه بأنبوبة أو مسطح صغير أسفل الميكروبروسيسور ليقوم بتبريده طبعا مع الإحتياج إلى دافع لهذا الغاز داخل المسطح أو الأنبوب أى موتور صغير .
farouksam.blogspot.com
إرسال تعليق