لو امامك اكثر من موضوع لو حتكتب تدوينه تبدا باى موضوع؟
الأول عن آخر تطورات ثقب الأزون...فاكرينه؟
والموضوع الثانى عن استخدام النت لعمل حملة مقاطعة اللحمه لغلاء اسعارها
والثالث دعوة البعض لمنع نشر كتاب الف ليله وليله
تبدا باى موضوع؟
ولا تنسى التعليق على التدوينه السابقه
هناك ١٦ تعليقًا:
بسم الله الرحمن الرحيم
السلام عليكم ورحمة الله وبركاته
ثقب الأوزون!!!!!!!!
ألف ليلة وليلة؟؟؟؟؟؟؟؟؟
بيتهيألي حكاية اللحمة هتبقى أجدى على الأقل هلاقي 40 مليون مصري على الأقل مهتم بيها
السلام عليكم ورحمة الله وبركاته
والله الثلاثة مواضيع ليسو بهذه الاهمية
لانهم جميعا مواضيع فرعية من مشكلات كبيرة
فمثلا حملة لمقاطعة غلاء الاسعار
رغم انه ليس الموضوع الاهم ولكن لو اردت ان اكتب تدوينة سابدأ بــ مناقشة موضوع تفرق الدول العربية والاسلامية ومايحدث من هذا التفرق واسبابه
وشكرا
E73
سعداءبمرورك وانضمامك الى مجموعةنعتز بها من اصدقاء البرنامج ...ولو حبيت ممكن نذيع ولو اسمك الأول مع التعليق ...مره اخرى نرحب بك ونتمنى دوام التواصل معنا
hاستاذ صلاح
لاول مرة بHصحى انهاردة متاخر وبالتالى بدل مااسمع اهم الاخبار فى الراديو الصبح بابا حكهالى واهمهم
واحد سعودى اطلق جروب ليوم الصدق العالمى ولاقى اقبال من الهيئات والافراد كبير جدا ولما دخلت على الجروب لقيته لسة عاملة ووصل فى يوم واحد 150 هابعتلك دعوة
لكن دلوقتى ده الرابط
واليوم هيكون فى مايو
سلاااااااام
http://www.facebook.com/pages/ywm-ldq-llmy-Honesty-on-the-World/112736172097443?ref=search&sid=600523544.1267590491..1&v=wall
إيناس
راح أختار ألف ليلة وليلة .. لأن كل الليالي أصبحت واحدة في زماننا هذا.. إيه رأيك ؟؟!!
بنت النيل
نبدا مناقشة الفكره مع صاحبها...زرنا الجروب ودعوناه بهذه الكلمات
الفكره جديره بالتفكير والسؤال هو كيف نحتفل بيوم الصدق...معروف انه يوم اول ابريل يبتكر الظرفاء مزحه على شكل كدبه فكيف يكون الأحتفال بشكل عكسى؟هل نصارح احد المقربين بشىء كنا نخفيه عنه مثلا؟ام نعبر له عن احساس صادق؟ ام ماذا
وللجميع نوجه هذه الدعوه لمزيد من النقاش
السلام عليكم
طبعاً اللحمة غنية بالبروتين اللازم لصحة الإنسان لكن مش عارف غالية لية فى بلدنا بالرغم أن الخير فى بلدنا كثير والحمد لله.
السلام عليكم
طبعاً اللحمة غنية بالبروتين اللازم لصحة الإنسان لكن مش عارف غالية لية فى بلدنا بالرغم أن الخير فى بلدنا كثير والحمد لله.
cardiolover
اهلا بك ...سعداء بمرورك ونعتبرك من الآن ضمن اصدقاء البرنامج الذين نعتز بهم...وبالمناسبه نسالك
هل ممكن نترجم اسمك المختار الى حب قلبى؟ام تفضل عند أذاعة التعليق ان نذكر ول اسمك الأول الحقيقى الذى لا نعرفه ويمكن ان تذكره لنا
ونتمنى دوام التواصل معنا
طبعا من زمان جدا و انا نفسى اوووووووى اشترك معاكم ف البرنامج دا و كنت على طول من متابعى و مستمعى البرنامج المنتظمين جدا فأولا اتمنى انك تقبلونى كصديقة للبرنامج و طبعا انا شايفة ان ع الاقل موضوع الاوزون دا موضوع قديم و الناس اتكلمت فيه كتير و كالعاده الكلام موش بيجيب نتيجه اما بخصوص موضوع الف ليلة و ليلة اعتقد ان مشاكلنا كلها مخلصتش عشان ندور ع حل لمشكلة الف ليلة و ليلة ان كانت تتنشر او لا اما بخصوص موضوع اللحمه فاللحمه باين وصلت 50 او اكتر تقريبا و الله اعلم هتوصل لحد فين كمان و طبعا احنا دائما فى انتظار ارتفاع اسعار اللحمه و انا من موقعى هذا شايفة ان المواطن المصرى تناسبا مع دخله لا يوجد امامه سوى الفول و بلاش الطمع و المنظرة الفارغة دى و كفاية عليه يدخل جمعية و يقبضها عشان يجيبلو كيلو لحمة فى البيت مرة ف الشهر عشان ميحرمش نفسه و لا اولاده منها ع الاقل يكونوا عرفوها ولو حد سألهم عليها يقدروا يردوا و بعدين مالو الفول كله بروتينات و يروح يجيب بجنيه فول يشبعوا و يظبطو و يملا حياته ال لحمه ال دا حتى اللحمه بتجيب امراض و احنا مش ناقصين امراض و عليها فانا قررت انى اتنتحى عن رغبتى ف اكل اللحوم و اتحول الى طبقة النباتيين و اكل الارانب و ربنا يرحمنا برحمته ؟.
انا نسيت اكتب بياناتى فكتبتها بغير معروف و بياناتى اهى
جارة القمر
سعداء لوجودك معنا ضمن اصدقاء البرنامج الذين نعتز بهم وننتظر منك دوام التواصل معنا
طبعا حأبدا باللحمة لأنى انا شخصيا اقترحت على زملائى من مأمورى وموظفى مامورية ضرائب دمنهور ثالث الاشتراك فى عمل " جمعية اللحوم"
أهداف الجمعية مقاطعة الجزارين والاعتماد على انفسنا فى توفير اللحوم من المصدر مباشرة حيث قام كل عضو بدفع مبلغ 200 جنيه ووصل عدد الاعضاء 40 عضوا وبذلك أصبح معنا 8000 جنيه واتفقت مع الزميل كمال فتح الله بما له من خبرة بفن الجزارة على اكمال باقى المهمة وهى شراء الذبيحة من سوق الماشية بدمنهور ثم القيام بذبحها وتوزيع اللحوم بشفافية على الزملاء جميعا وكانت النتيجة ان حصل كل زميل على أكثر من خمسة ونصف كيلو من اللحوم اللذيذة وتبقى لكل منهم حوالى 10 جنيهات أى أن خمسة ونصف كيلو من اللحم اللذيذ الطازج بمبلغ 190 جنيه تقريبا أى أن سعر الكيلو بحوالى 34.5 جنيه
على ان يكرر ذلك كل شهر
ومن وقتها وانا أعانى من ازدياد عدد المشتركين بالجمعية ومن كثرة المطالبين بأن يتم تكرار العملية كل أسبوع
بإمكانكم رؤية فيديو لبعض مراحل العملية على مدونتى
طبعا هنختار ثقب الاوزون لأنة مشكلة عايزه حل بسرعة لأنها لو متحلتش فى السنين الجاية هتبقى كارثة والثقب كل سنة بيزيد لغاية اما وصل دلوقتى لحجم قارة امريكا الشمالية لكن المواضيع التانية مواضيع بسيطة وملهاش لازمة
إرسال تعليق