صحيح الحلو ما يكملش
وايه اللى مكملوش
حصان طرواده ....قصدى فيرس من نوع حصان طرواده TROJANيعنى
يبقى بتتكلمى عن الكمبيوتر والنت
ايوه طبعا وهو احنا عندنا غيرهم...بس حقيقى مش فاهمه ليه الناس المؤذيه دى بتعمل كده
قصدك اللى بيبعتوا للكمبيوتر فيروسات او برامج صغيره تلخبطه وتبرجله
ويمكن تمسح شغل الساعات الطويله قدام الكمبيوتر او تعكنن عليك لما تلاحظ ان الكمبيوتر بيزرجن لو حبيت تعملك جوله على النت
تعرفى انا فكرت اعمل حلقه او اكثر عن كيف نحمى الكمبيوتر من الفيروسات
وايه المانع صحيح ؟لأنه قبل اى كلام عن الكمبيوتر والنت لازم يكون الكمبيوتر نظيف وشغال كما ينبغى ...يعنى ما يكنش مصاب بفيرس يكتفه
الخوف بس من ان الواحد يضطر يستخدم مصطلحات لا يعرفها الشخص العادى الذى لا يتعامل مع الكمبيوتر حتى الآن
طيب ما نحاول نقلل المصطلحات دى على قد ما نقدر او نشرحها بكلمات بسيطه
يبقى نبدا ونقول اول شىء لازم يكون على الكمبيوتر برنامج مضاد للفيروسات ويجرى تحديثه اولا باول ...مش كده وبس كل البرامج على الكمبيوتر يجب تحديثها اولا باول
ممكن اسال ليه؟
لأن واضعوا هذه البرامج بيكتشفوا كل يوم نقط ضعف فيها وبيعالجوها بتحديثات لبرامجهم
النقطه اللى بعد كده
تجنب برامج تبادل الملفات او المواد مثل الأغانى و الصور او اى شىء وهى المعروفه بنظام بير تو بير ....وكذلك عدم فتح الملحقات برساله الكترونيه مجهولة المصدر واذا اضطررنا لفتحها يكون بطريقة النص فقط اوTEXT ONLY
وايه كمان
تجاهل اى رساله بها عروض مغريه بوظيفه او مكسب من مصدر مجهول
او رساله مريبه تتحدث عن مخاطر التسلل الى بياناتك الشخصيه فى بنك او موقع للبيع على النت
فى ايه تانى ممكن الواحد يعمله علشان يحمى جهاز الكمبيوتر من الفيروسات ويتجول فى النت بشكل أمن
فى اى متصفح للنت....اقصد طبعا اى برنامج يستخدم لتصفح النت بيكون فيه مايسمى حائط الصد للتجول فى النت دون خوف من تسلل فيرس او برنامج مضر من موقع على النت لجهاز الكمبيوتر
حائط الصد اللى اسمه FIREWALL مش كده؟
ايوه تمام
يستخدمه ازاى بقى حائط الصد ده
ببساطه يتاكد من انه شغال فى اى متصفح و كمان يمنع النوافذ التى تفتج على الشاشه فجاه بكل اشكال المعلومات والأعلانات
يعنى يشغل خاصية منع ما يسمى POP-UP فى اى براوزر
بالظبط
نتمنى ان لا يعكر اى فيرس صفو تجوالكم بين فقرات مدونة البرنامج المتنوعه ولا تنسوا التعليق
هناك ٤ تعليقات:
ربنا يحمينا من شر الفيروسات
بس فعلا الناس اللى بتفكر فى عمل الفيروسات دى بيستفادوا ايه
نفسى افهم ربنا يهديهم ويبعدهم عنا يارب امين
معلومات هادفة مبسطة
أشكركم عليها
إيهاب الحمامصى
هالناس فاضيه
ونفوسها مريضه
تشغل نفسها باذية الناس
شكرا على الافاده
إبن النيل ...
عزيزى الكمبيوتر ....
أنت تعلم أن الدنيا منذ خلق آدم بدأ حقد إبليس عليه ومنذ ذلك اليوم حتى يوم القيامة لن يتركالإنسان إلا ويرشده للشر وطبعا هناك أشرارمن الإنس ومن الجان وآخر سورة بالقرآن تؤكد ذلك :
" قل أعوذ برب الناس 0 ملك الناس إله الناس 0 من شر الوسواس الخناس 0 الذى يوسوس فى صدور الناس 0 من الجنة والناس 0" صدق الله العظيم.المهمبالنت :
1-ألا نسير وراءالمثيرات والإغراءات .
2- نحمى أجهزتنا ب( Antiviros ) ويحدث بإستمرار أوتوماتيكيا.
3-أية ملفات تحمل يجب التأكد من خلوها من أى فيرس ولذا يجب أن يكون برنامج الأنتيفايرس جاهز ليعمل مسح
أوتوماتيكيا بالأوتوإكسيك .
وشكرا جزيلا .
farouksam.blogspot.com
إرسال تعليق