لكل الأصدقاء الأعزاء كل سنه وانتم طيبين وعام جديد سعيد ان شاء الله
وبهذه المناسبه ايه رايكم
فى هذا
صديق او صديقه تثق فيه يقول لك لازم تزور موقع جامد جدا يقول لك حظك فى العام الجديد حسب برجك
فهل تزور الموقع؟
بالمناسبه ده فعلا حصل والموقع هو
astrology.com
حاجه كمان
لو قال لك صديق تعال اعلمك كيف تصبح سعيدا حتصدقه؟
هناك ٤ تعليقات:
طبعا كذب المنجمون ولو صدقوا
وفى رواية ولو صدفوا
وبفرض انى ذهبت للموقع ووجدت حظى " مش ولابد" ايه العمل ؟
ولو كانت السعادة بالتعليم ما وجد الاطباء النفسيون عملا
بل على العكس وكما يقول الراحل الدكتور مصطفى محمود:
كلما ازددت علما كلما ازددت غما
عزيزي الكمبيوتر
لقد تعرضت حقا منذ يومين لهذا العرض المغرى وبينى وبينك دخلت وشفت بس بعد لما سألت هل ده تنجيم واللا ايه علشان حرام لقيت الرد لا ده بيقولك حركة الكواكب والنجم بتاعك هيخل فين ونجم لى نجم وكوكب على كوكب وكلام كدة مالهوش معنى لو كان له معنى كان اولى ربنا ورسوله ارشدنا اليه
المهم فضولى دفعنى ودخلت اشوف الحالة العاطفية لى فى هذه السنة ووجدت الحمد لله كلام لا يختلف كثيرا عن كلام قارئة الودع فى شواطئ الاسكندرية
هتسعد بالحب شوية وتقابلك شوية عواقب بس اخيرا على اخر السنة هتتحل
الفرق الوحيد مابين كلام الموقع وكلام العرافة انه فى الاخر ماقالش ( قول إن شالله )
المهم كلام بيتقال لكل الناس وان اختلف ترتيب الاحداث الحب ييجى الاول او المشاكل تيجى الاول المهم الحاجتينهيتقالوا هيقالوا
قوللى بالله عليك من منا لا يعيش الحب ومن منا لا تواجهه المشكلات ومن منا عانى بالفراق ومن منا ذاق حلاوة القرب
كله بيحصل لكله بس المهم ان كله لازم بيحصل مش محتاج منجمين اللى محتاجينة دعاء وصبر والعمل لاخرة وكانك تموت غدا والعمل للغد والعمل للدنيا وكانك تعيش ابدا
اما عن السعادة التى تعلم
نعم انا اخصائية نفسية واقول ان السعادة تعلم وليس شرط ان يون المعلم اخصائى نفسى او شخص عادى
المهم ان معلم السعادة هو شخص سعيد سعيد بإيمانه فيرشد الاخرين الى حلاوة الايمان لربما يهديه الله بسببه فيكتسب هو الاخر من ايمانه السعادة
وسعادة الشخص الذى يحب فقد يعلم الاخرين كيف يزيحون الستائر السوداء من قلوبهم وبالحب يعلمونهم كيف يحبون وكيف يجعلون من الحب مصدر سعادة اليهم
باختصار كما قلت ان معلم السعادة هو شخص سعيد
وكل عام وانتم سعداء بالإيمان بالحب لوالتواصل وبالصبر بالقناعةوبالسماحوالتماس الأعذار
عزيى الكمبيوتر هل انت سعيد مثلى؟
كــــــــــل عام وانتم جميعا بخير وحب وسعادة وود ورضى عن النفس
بالنسبةللموقع اه طبعا سوف ازوره علشان اشوف ياترى السنه الجديدة قالوا عنها إيه؟؟؟؟؟؟
لو كويسه هافرح طبعا
إنما لو......... يعنى وحشة ومش اوى بالطبع مش هازعل ولا هاتشاءم ولا تفرق معايا وكأنى لم أقرأ اى كلام على الاطلاق
لان الموضوع عندى فضول مش أكتر ولم يصل إلى الإيمان
بس بالنسبة للسعاده بقى دى مش هأصدقها خالص
نعم السعاده سلوك مكتسب ويمكن أن يكتسبها الفرد بالعدوى من المحيطين به
أو من أخبار يقرأها تجلب له السعادة
ويمكن أيضا أن يدلنى شخص ما على طريق اتقرب به إلى الله مما يجلب لى الرضا عن النفس والسعادة لرضا الله عز وجل عنى
فلنعلم جميعا أنه
""ما أكثر طرق أسباب السعاده ولكن يشترط لتحقيقها صفاء النفس ونقاء الروح ""
فاروق إبن النيل .....
السعادة نسبية وكلما إزدادت مسئوليات
الشخص كلما قلت سعادته وكلما إزداد المال قلت السعادة وكلما إزدادت الصحة والحيوية قلت السعادة طبعا كل ذلك والعكس صحيح ربما تختلف معى عزيزى الكومبيوتر وربما تختلف معى قارئتك الدائمة ( رشا بنت النيل ) بصفتها إخصائية نفسية ولكنى أتـكلم عن نفسى والحقيقة يستطيع الإنسان تغيير هذه الحالة من السعادة إذا حاول أن يسعد الآخرين بالمال والكلمة الطيبة والمساعدة ماهو رأيكم ....وشكرا.....
farouksam.blogspot.com
إرسال تعليق