من كام يوم لو حاولت تدخل على بعض المواقع فى الولايات المتحده زى ايه؟
البيت الأبيض
ياهو بيزنس
صحيفة الواشنطن بوست
صحيفة النيويورك تايمز
ومواقع فى كوريا الجنوبيه ....خد بالك من دى
تظهر رساله الموقع غير متاح
السبب عليه ضغط رهيب ...بس مش ضغط طبيعى ولكن مفتعل ....ألاف المتصلين على هذه المواقع يدخلون فى نفس الوقت ...اجهزة الكمبيوتر بتاعتهم تحاول هذا مش هم لأنه تم الأستيلاء عليها من الهاكرز دون ان يحسوا ...واصاب الهاكرز هذه الأجهزه بفيرس يجعلها تتصل بموقع معين فى نفس الوقت فيتعطل الموقع
حرب نتاويه ...من نت طبعا
مين وراها ؟ ....خبراء اميركا يشيرون باصبع الأتهام الى الصين او كوريا الشماليه
تفتكر ايه حل اللغز ده وكاننا فى روايه بوليسيه.....ولمساعدتك على الحل نقول انه لم يتم سرقة اى معلومات من المواقع المهمه هذه...طيب ليه كل ده ؟
استعراض عضلات ؟
وهل هم هاكرز افراد
ام دول
هناك ٨ تعليقات:
تعرف انا درست الكلام ده في دورة سيسكو اللي اخذتها من كام شهر لو تفتكر كنت عملت تدوينة عنها
http://omahmd.blogspot.com/2009_04_01_archive.html
ويسمي هذا الهجوم Distributed DoS (اختصاره DDoS) يستخدم العديد من أجهزة الكمبيوتر المصابة - والتي تسمى مسلوبة الإرادة (zombie) - لبدأ الهجوم. مع استخدام DDoS، تكون النية هي اعتراض طريق الوصول إلى السيرفر المستهدف للموقع أو ملأه عن آخره. تقع أجهزة الكمبيوتر مسلوبة الإرادة
(zombie) في مواقع جغرافية مختلفة الأمر الذي يجعل من الصعب تعقب مصدر الهجوم.
و اعتقد و الله اعلم ان ذلك اعلي من قدرة افراد منفردين فهي اما دول او منظمات تختبر قدرتها علي الايقاع بمواقع مهمة ليصبح ذلك من اسلحتها عند الحاجة ناس بتطور كل امكاناتها في الوقت اللي في ناس تانية اخر استغلالها لقدرتها هو سرقة فيلم و رفعه علي النت و هو لسه بيتعرض في السينما
شايفين الفرق يا مصريين
امتي نصحي بقي
قوم يا مصري مصر بلدك بتناديك
قوم لنصري نصري دين واجب عليك
ملحوظة اخري : طالما لغز لكرومبو حكسب الالف دولار و لا زي كل مرة احنا نحل و ناس تانية تكسب :))))))
-------------------------
الاخ الفاضل أ / صلاح
بعد التحية
لي سؤال هل اصبحت تتأخر في رفع الحلقات علي البوكس و لا انا اللي عندي مشكلة
الساعة الان ستة و نصف مساء و لم ترفع حلقة امس و اليوم و انا ابحث باليوم كما اخبرتني يعني
thursday 9- 7- 2009
اخر حلقة و جدتها علي البوكس حلقة
2- 7
صح و لا انا اللي عندي مشكلة في التعامل مع البوكس
دمت بخير و دام برنامجك الناجح
ام احمد
اولا شكرا على المعلومات لأننا حاولنا نشرحها بابسط مايمكن بدون اى مصطلحات وده صعب بس حاولنا
ثانياالبوكس امتلأ وبدا يكون فى مشاكل بطا او رفض التحميل واصبح لزاما ان لا نرفع الا ما يطلبه الأخوه الزائرون ولذلك سنرفع الحلفه حالا مادمت طلبتى
ثالثا طبعا انت تستحقى اكثر بكثير من هذا المبلغ البسيط
تحياتنا لك
الاخ الفاضل / أ صلاح
شكرا علي اهتمامك بالرد و علي تحميل الحلقة و اقترح انشاء بوكس جديد و لو بميل مختلف لكن تاخد html code
و تضعها هنا في نفس المدونة انا لم اجرب ذلك عمليا مع الموقع لكن اعتقد انه ينفع ان شاء الله لأن فكرة تحميل الحلقات مكنت ناس كتير من سماعها بعد عودتهم من العمل و انا منهم لأن موعد الاذاعة 9 صباحا غير متاح لناس كتير
انا عملت بوكس خاص بحلقاتي في مدونتي بعد ما اقتبست الفكرة منكم هنا و اعتقد كل الاصدقاء بيحبوا يحتفظوا بنسخة من الحلقات اللي فيها تعليقاتهم للذكري و التاريخ :))
و لا ايه رأيك
لفت نظرى فى هذا الموضوع ،هذه القدرة العبقرية على التدمير والافساد فى الأرض .
هناك أشخاص فى التاريخ ملأوا الدنيا ظلم وبغى وظلام ،لماذا؟
لانجد سببا واضحا فليس المال أو السلطة أو سبب يعطى مبررا لكل ماحدث غير طاقة شر كبيرة .أى شر للشر فقط.
لذلك عندما نستكين ونتكاسل عن الدفاع عن الحرية والعدل ينشط هؤلاء بشكل واسع كفيرس يدمر كل شىء رغم ضعفه وقلة حيلته.
لايوجد شىء بغير ثمن ،وإذا كان الكمبيوتر والنت رخيص لكن المحافظة عليه وعلى سلامته غال ويحتاج مجهودا كبيرا حتى لاتنام عقولنا ونرتاح لحصد مجهود الآخرين .
قد يكون الوصول إلى القمة صعب ،لكن الاحتفاظ بتلك القمة وعدم السقوط من عليها هو الصعوبة الأهم هنا.
اصدقاءنا الأعزاء...نقول ميروك
نريد ان نبارك للأحت العزيزه ام بتول بمناسبة نجاح اولادها والى الأمام دائما ان شاء الله ...وعقبال اولادكم جميعا
استاذى الفاضل / صلاح حجازى ألف ألف شكر على لفتتك الرقيقة ، و ربنا يارب يبارك فى أولادك و تشوفهم فى أعلى المراتب و أفضل مكانه .
و بالنسبة لموضوع الحلقة أعتقد أنه كما فسرت الأخت سمر شريف أنه شر للشر فقط ، و الجريمة الآن تطورت و اصبحت الجريمة الألكترونية المنظمة ، و أكيد فى فايدة تعود عليهم بس هى أيه ، هو دة اللغز الى المفروض أن المفتش كرومبو يسأله و يطل الإجابة علية ، أيه الفائدة التى تعود على كل مجرم حتى و لو نجح فى جريمته فى الدنيا ،ليه ينسى الآخرة و ينسى عقاب ربه و ينسى أنه قادم لا محاله .
وفى النهاية لى رجاء و هو عند اذاعة ردى ذكر أم بتول لأنى أحب الأسم دة و اعتز به جدا جدا .
مودتى و أحترامى للجميع .
أولاً : شكراً لأم أحمد على هذه المعلومات التى لا يعرفها الكثيرون .
ثانياً : لماذا نحكم على هؤلاء أنهم أشرار ؟
لماذا لا نقول أنهم مستعدون للسيطرة على أعدائهم إذاهاجموهم فى أى مجال من المجالات ؟ فالحرب ليست عسكرية فقط
وهم بهذه التجربة يختبرون قدرتهم على رد الفعل إذا حدث شيء ويضعون أمامهم أهدافاً معينة . كضرب الاقتصاد مثلاً .
يعنى نقول عليهم ناس صاحية وليسوا هكرز .
والدليل أنه لم يتم سرقة أى شيء.
إرسال تعليق