سرى للغايه ....سرى للغايه
طبيعى المكان الذى تحتفظ فيه الدوله الكبرى بالمواد النوويه التى تصنع منها قنابل الدمار الشامل هى اماكن سريه للغايه
ولكن خد عندك
الولايات المتحده تحتفظ باليورانيوم المخصب فى المجمع Y-12 فى المعامل الوطنيه بمنطقة اوك ريدج بولاية تنسى وكميات اخرى فى موقع هانفورد بولاية واشنطون وهو تابع لوزارة الطاقه
ايه ده ايه ده .....منين المعلومات الخطيره دى
من النت
معقوله فين الموقع ده
لأ ما خلاص اتحذفت المعلومات دى من الموقع ...كان نشرها مجرد غلطه
مش فاهم ...مين اللى نشر ده
هيئة المطابع الحكوميه فى الولايات المتحده طبعت تقريرا سريا للغايه موجه من الرئيس اوباما الى بعض اعضاء الكونجرس ....وبشكل روتينى ودون ان ينتبه احد لما يحتويه من اسرار ...نشرته الهيئه فى موقعها على النت
وبعدين
لما الدنيا هاجت شلوه
طبعا المعلومات دى فيها خطوره
مسؤولين بيقولوا ...يعنى مش خطوره اوى ....وكويس انهم مانشروش مواقع الأسلحه النوويه
هناك ٨ تعليقات:
كلمة خطأ يختلف معناهااختلافا كبيرا،وذلك من دولة فى العالم الثالث ،تحتل كلمة خطأ 90% من استخدامها اليومى وبين دولة مثل امريكا حيث تكون كلمة خطأ لها معنى اصطلاحى أخر ورمز لكلمة ثانية.
حيث تتعمد الادارة الامريكية بث بعض المعلومات وتغليفها بكلمة خطأ وذلك لأغراض سياسية واختبارية وقياسية.
فقد تبث معلومات بهدف ضرب حزب أو شخصية أو التأثير على قرارات اخرى.
أو اختبار مدى غضب الجماهير عندما يحدث ذلك،أو قياس معدلات الوعى والفهم فى مناطق معينة لخطورة وأهمية وضع معين.
هم بشر ويخطئون ولكن ليس خطأ واحد متكرر فى كل دقيقة.
في عالمنا اليوم لم يعد هناك مايمن ا يستحق عن جداره لقب سر لان الامور وببساطه صارت مكشوفه اكثر من اللازم
من يود معرفة شئ يعرفه وبسساطه تدعو للملل حتي انني لا اعرف ان كان موضوع الجواسيس اياه والذي ظهر في اقوي صوره في الحرب العالميه الثانيه وفترة الحرب البارده هل ما زال قائما ؟؟؟
اعتقد ان الجاسوس يكفيفه الان ان يجلس امام الشبكه العالميه ليجد من الاسرار ما يشيب له الولدان
وا كنت اتفقد مع التعليق السابق
ان بعض الاخطاء قد تعني اسقاط اخر وخصوصا ان لاحظنا مثلا ان ذلك حدث مع بداية نجاح التجربه الكوريه الشماليه النوويه ..... هل تبدو تلك الامور صدفه ؟
او ربما بدانا جميعا نصاب بداء نظرية المؤامره الشهيره من يدري
معلومات سرية نشرت عن طريق الخطأ دة طبعا كلام مش معقول لان الناس دى حياتة كلها تفكير فى كيفية السيطرة على العالم يعنى هناك اكتر من سبب لنشر هذة المعلومات الخطيرة.
من الممكن يكون هذا بمثابة اعلان من الحكومة الامريكية انة مع اختلاف الحاكم او القائد السياسة لن تتغير وهذة رسالةموجهة الى كل دول العالم الصديقة والعدوة.
لية المعلومات الخطيرة فى الوقت دة بالذات ؟ولية معلومات عن اماكن المواد مش الاسلحة؟
الاسيوطى
الاستاذ الفاضل / صلاح حجازي
انا دلوقت مش داخلة اعلق علي الموضوع انا داخلة اشكرك الف شكر علي حلقة ابلة فاطمةاسعد الله قلبك كما اسعدت قلب امي
انا شكرتك علي مدونتي اولما اعلنت عن موعد الحلقة الاول لكن بعد سماعها شعرت اني لازم ادخل اشكرك مرة اخري
ان شاء الله نجاح دائم لك
و تواصل مستمر مع برنامجك الناجح
دمت بالف خير
هؤلاء لا يعرفون التراخى أو الهزار ، مستحيل أن تنشر معلومات خطيرة بهذا الشكل وهذه اللامبلاه ثم يكتشفوا خطأها .
أكيد يقصدون شيئاً من وراء ذلك .
ومعقول أوباما يرسل لأعضاء الكونجرس خطابا مكتوبا به هذه المعلومات الخطيرة .
إنها دولة كبرى مش سجل مدنى
طبعا أحتمال الخطأ هنا غير وارد بالمرة ، دى رسالة موجهه و الحدق يفهم زى ما بيقول المثل الشعبى .
مودتىو أحترامى
ياجماعة مافيش حاجة سرية
يعنى أهم منظقة عسكرية فى أمريكا معروف أنها المنطقة 51 فى نيفادا
و دى اللى بيعملوا فيها كل الأبحاث العسكربة المتطورة و كمان علوم الفضاء فمافيش سريه دلوقتى أو يمكن نقول السرية دى مسألة نسبية
تصور بقى لو كانوا نشروا كمان اماكن الاسلحة النووية
المفروض ان الدنيا تهيج عليهم
و ف الاخر هيقولك ايه يثبت
ما هى المعلومات اتمسحت....
إرسال تعليق