الحكومه الكنديه تستعين بموقع يوتيوب لمنح الجنسيه الكنديه
ألاف من حملة الجنسيه الكنديه تخلوا عن هذه الجنسيه عندما اكتسبوا جنسيه اخرى تمنع الأحتفاظ بجنسيه ثانيه
قانون كندى جديد يعيد لهؤلاء جنسيتهم الكنديه ...والحكومه الكنديه لا تعرف عددهم ولا اين هم فاستعانت بموقع يوتيوب لتنبههم حيث كانوا بالقواعد الجديده
المهم بعض الدول مثل كنداو الولايات المتحده تشترط للحصول على جنسيتها اداء قسم بالتخلى عن الولاء لأى وطن آخر ....ماتعليقك
هناك ١٢ تعليقًا:
والله أول مره أسمع حاجه زي كده .
لكن المقولة " لو لم أكن مصرياً لوددت أن أكون مصرياً " توضح إن الإنتماء لا يحتاج أي إعلانات و بصراحه أنا لا أرى أهميه من تلك الخطوه ، فكل من أعتز بوطنه لن يتخلى عنه مهما كانت الظروف و الفوائد و أنا أحترم جداً الشعب الفرنسي لأنه من أكثر الدول إعتزازاً بوطنيته - توصل لدرجة أنهم يتكلمون الفرنسية في أي مؤتمر بالرغم من معرفتهم بالانجليزيه و لغات أخرى .
أنا نفسي أطالب الحكومة المصرية بالتوقف عن قبول تنازل المصريين عن جنسيتهم لأن بعض الدول كألمانيا تطالب بالتنازل عن الجنسية الأم قبل أعطاء جنسيتها وفي حال رفض الحكومة الأم اعطاء التنازل تعطي ألمانيا جنسيتها للمواطن طالب الجنسية
فلماذا تقبل الحكومة المصرية تنازل أبنائها عن جنسيتهم؟.
جميل ان تهتم دولة كبرى بابنائها المقيمين بالخارج او من تخلوا عن جنسيتهم
وتلك سمه الدول المتقدمة
لكن ان يتنازل اى مواطن عن ولائة لاى وطن اخر غير كندا او امريكا فهذا شئ غير مقبول الا من ضعاف النفوس فاقدى الهوية من لا يملكون اى ذكرى او نجاح فى اوطانهم فتجد لديهم ترحاب شديد
بتلك الخطوة الفاقدة للهوية والمربكة للاشخاص المفترض انهم طبيعيون
مهما كان سوء الاوضاع فى اى وطن لكن التنازل عنه تناز عن هوية كاملة
ايناس محمد
امر غير مقبول
ولا منطقى التنازل عن كل ما املكة من اجل حلم لا اعرفة
روضة محمد
بورسعيد
صعبان على الحكومه الكنديه بدور على ولادها اللى زوغوا منها شوفتوا الحكمومات ... مع ان فى حكومات تانية متفرقش معاها يزوغوا اهو يخفوا من الزحمة شوية.
بس ممكن الحكومه الكنديه تعمل عرض كويس اوى تقول فيه (مصاصة وعسلية للى يرجع جنسيته الكنديه)
دائماً صباحكم مشرق:
أحمد عمر
السلام عليكم
انا ممكن اخد الجنسيه المزدوجه انما اتخلى عن جنسيتى المصريه ووطنيتى تجاهها اهو ده اللى مستحيل
وده لأنى احتاج الى تعديل معين فى امر معيشى او وضع مادى عن طريق الدول الأكبر من حيث اقتصادها
وعلى فكره اللى يبيع وطنه عشان يشترى بلد تانيه عمره ما هيكون له انتماء للبلد التانى ابدا مهما ادى من قسم لولاءه لها
السلام عليكم
على فكرة انا سواق تاكسى من كفر الشيخ يمكن بقالى دلوقت 7 سنين يسمع برنامجكم متواصل ولكن دى اول مرة ادخل مدونه اكتب فيها المهم انا رايي ان الى يقدر يتخلى عن جنسيته الاساسية ممكن جدا يبيع جنسيته الجديده بحفنه من النقود على راى المثل ( اللى ييجى بلاش يروح بلاش )
لأن أصلا البلاد ديت معندهاش أصل وبتدي الجنسية لأي حد معدي من جنبهم كان لا زم يطلبوا حاجات غريبة زي ديت علشان يصدقوا نفسهم
يعنى بكل الطرق بيحاولوا يجنسوا سواء بالرضا او بسرقة الاطفال المصريين كالحادثة التى مر عليها شهرين وتجنيس هؤلاء الاطفال بجنسيات كندية وده اشتركت فيه دور تبنى
نرحب باصدقائنا القدامى والجدد
سائق تاكسى
اهلا بك وسعداء بوجودك معنا ومشاركتك ..بس مش احسن لو نذيع اسمك مع التعليق؟
اتمنى لكم التوفيق ومدونة جيدة فعلا
ارى ان مصريتى لا تقدر بثمن واننى قد اعيش فى اى بلد اخر لكن اتنازل عن مصريتى لا ابدا دى هى دى الحاجة اللى مميزانى عن باقى الناس اللى عايشين على كوكب الارض اقوم اسيبها كده بالسهل ابدا ولا بالصعب كمان
تحياتى وتمنياتى بالتوفيق
مامة مازن
شكرا على زيارتك لمدونتنا ولتمنياتك الطيبه ونتمنى دوام التواصل وتكرار الزيارات ...وتقبلى اخلص الأمنيات لك ولمن تحبين بالصخة والسعاده
إرسال تعليق