انت تسال والكمبيوتر يجيب: عباره منتشره بين المدونين

الأحد، ٢٥ ربيع الأول ١٤٣٠ هـ

عباره منتشره بين المدونين

عباره منتشره بين المدونين قالتها المدونه غاده عبد العال صاحبة مدونة وكتاب عايزه اتجوز: على رأي غادة عبد العال ... اللي ملوش اهل .. اهل المدونات اهله ... توافق ام تختلف معها؟ ولماذا يعنى مش ايوه او لأ وبس

هناك ٢٨ تعليقًا:

شيماء زايد يقول...: اتفق جدا مع عبارة غادة
وسبق وكتبت في اجابة سؤال علي مدونتي

الكتاب تربطهم علاقه اقوي من الرحم واصدق من الدم; ٢٥ ربيع الأول ١٤٣٠ هـ في ١:٢٤ ص
ريكو يقول...: احتمال انا اصلى لسة باجرب; ٢٥ ربيع الأول ١٤٣٠ هـ في ١:٣٢ ص
Unknown يقول...: ايوة انا اتفق معاها
انا اتجهت للتدوين بالعربي من 10 ايام بس
و لقيت ترحيب جامد جدا بالمدونة بتاعتي وسط المدونين المصريين
و كمان بنقدر نفيد بعضنا و كمان المدونين القدام علاقتهم ببعض قوية جدا جدا
و حتي المدون و قراءه علاقتهم بتبقي قوية برضه لأن المدون بيحكي عن نفسه عن حد قريبه او عن حاجات حصلتله
التدوين مش سياسة و بس
التدوين معايشة; ٢٥ ربيع الأول ١٤٣٠ هـ في ٨:٣٣ ص
Unknown يقول...: لو سمحتم يا جماعة انا عاوز حلقة النهاردة تنزل في الام بي ثري شير بوكس
شكرا; ٢٥ ربيع الأول ١٤٣٠ هـ في ٩:٢٤ ص
أشرف يقول...: مقوله غاده عبد العال هي مجرد تصوير بلاغى لمدي ترابط بعض المدونين وليس كل المدونين .
ولكن لايمكن أن تصل الي الحد الذي تكلمت عنه الصديقه شيماء زايد في ردها علي الموضوع .
فقد قالت شيماء :
الكتاب تربطهم علاقه اقوي من الرحم واصدق من الدم.
فأنا أختلف وبشده معها
فأي علاقه يا شيماء هذه التى هى أقوي من الرحم وأصدق من الدم .
أختى لا تجعلى الكلمات تتساقط منكى لتقدمى لنا جمله تخالف أمور ديننا
فعندما قالت غاده:
اللي ملوش اهل .. اهل المدونات اهله
فقد أختارت غاده جملتها بمنتهى الذكاء
فقد وصفت العلاقه التى تربط بعض المدونين ببعض وليس كل المدونين .بأنها قد تكون بديلا أو شبيه بالترابط بين الاهل .
وأتمنى أن يكون هناك رد علي الموضوع من غاده عبد العال نفسها.; ٢٥ ربيع الأول ١٤٣٠ هـ في ٢:٢٣ م
kafrawy يقول...: مش كل الاوقات; ٢٥ ربيع الأول ١٤٣٠ هـ في ٣:٣٢ م
شاب كــ طخين ـــــا يقول...: اتفق مع عبارة غادة
بس مش لدرجة الأهل; ٢٥ ربيع الأول ١٤٣٠ هـ في ٤:٣٦ م
(المهاجر الى الله) يقول...: السلام عليكم ورحمة الله وبركاته:
اتفق مع اللى قاله الاستاذ روميو فى ان مقولة غادة هى فى الواقع مجرد تعبير بلاغى ودة يرجع الى ان معظم المدونين عندما يتبادلون الاراء والافكار والمعلومات بيتم دة فى اطار من الالفة والاحترام المتبادل مما يضفى شىء من "الدفء الاجتماعى الافتراضى"
او "الدفء الاجتماعى الرقمى"
ان صح التعبير.
ودة سببه من وجهة نظرى المتواضعة ان الناس دائمة البحث عن المثالية بس مش بتلاقيها فى الحياة العادية ، وبما ان كل مدون بيحب يظهر من خلال مدونته بافضل شكل مع الوضع فى الاعتبار ان مفيش حد يعرفة كويس الا من خلال كتباته فبيكون فى احلى وابهى صورة ممكن تداعب خيال القارىء.
دة راى الشخصى القابل للصواب او للخطأ.
صديق البرنامج / طارق سليم; ٢٥ ربيع الأول ١٤٣٠ هـ في ٤:٤٨ م
رئـــــيسـة حزب الأحلام يقول...: اولا السلام عليكم
بص هو فى روح التعاون اللى مفتقدنها فى علاقات الاهل اليومين دول وكمان غير روح التعاون انك بتتكلم وتلاقى حد بيسمعك ودة فى حد ذاته حاجة جميلة جدا وكتير مننا دخل العالم دة عشان يلاقى حد يسمعه و يناقشه فى حاجات بتدور فى دماغنا والصراحة المجتمع التدوينى فى اى حاجة تلاقيهم واقفين مع بعض وكمان الكتابات بتقرب الناس ببعضها لانه بيكتب خواطره ودة طبعا بيخلى الناس تعرف بعضها رغم طبعا ان الكتابات مابتوضحش اوى بس اكيد فيها من الانسان صاحب الخواطر
وفعلا ياريت مقولة غادة تتحقق وتثبتها الايام اكتر لان الشباب فعلا محتاجين يقفوا جنب بعض ويفهموا هم بعض اصلا
وكمان التدوين عمل تقريب بين وجهات النظر بين الافراد ودة نقطة
وتحياتى لكل العاملين بالبرنامج; ٢٥ ربيع الأول ١٤٣٠ هـ في ٤:٥٠ م
Unknown يقول...: متفق
يمكن لاننا سننا متقارب
وبنفهم بعض اكتر

تحياتي,,
شريـــــــــــــــف; ٢٥ ربيع الأول ١٤٣٠ هـ في ٥:٢٥ م
انت تسال والكمبيوتر يجيب يقول...: الصديق العزيز محمد محسن
للأسف لم نتمكن من اضافة الحلقه المطلوبه لبوكس الأرشيف ....والحل الوحيد هو ان نعيد أذاعتها بعد كام يوم لأن ما يوضع فى الأرشيف ينقل وقت الأذاعه والذى حدث ان الحلقه نتيجة السهو لم تنقل اثناء اذاعتها لأننا لا نستطيع النقل مباشرة من مكتبة الأذاعه لأنه قانونيا ما فى المكتبه هو ملك للأذاعه وليس لأصحاب البرامج ....معلهش العمليه روتينيه حكوميه ...بس الحل ان تعيد الحلقه ببساطه; ٢٥ ربيع الأول ١٤٣٠ هـ في ٩:١٢ م
شيماء زايد يقول...: الأخ الكريم ROMIO

أولا اشكرك بشده لانك اوضحت لي سؤ الفهم الذي قد يقع لدي البعض عند رؤية عبارتي مجردة .

ثانيا قد كتبت هذه العبارة في اجابة سؤال علي مدونتي وهذا ما ذكرته هنا ولم اضعها للتعميم ربما بالرجوع إلي السؤال قد تنجلي حقيقة تعبيري .

ثالثا اخشي ان اخالف امور ديننا الحنيف ، ولكن ألا نتوقف قليلا بين العلاقه التي جمعت بين رسول الله صلي الله عليه وسلم وبين ابي بكر
انها الصداقة، وقد كانت صداقتهم اقوي من اي شيء.

كذلك اري ان الكتاب يتفهمون العوالم التي يحلقون فيها سويا بحثا عن الابداع ،
فصداقتهم فكريه وروحيه وليست تعاملات رسميه جامده بحدود وقيود
انها علاقة بين افكار ومشاعر ومباديء ومثيلتها لذلك اراها من وجهة نظري اقوي من علاقات القرابة والنسب في وقتنا الراهن فالمعظم يتعامل من خلف اسوار المادة
ولا اعني التعميم او ان ذلك هو المفروض ، ولكنه تعبير بلاغي ورغبة في تعميم تعاملات الفكر والروح

واخيرا عذرا للاطاله
وشكرا للبرنامج; ٢٦ ربيع الأول ١٤٣٠ هـ في ١٢:٢٢ ص
Unknown يقول...: اهئئئئئئئئئئئئئئ
طيب ممكن ابقي اعرف هتتذاع امتي!؟; ٢٦ ربيع الأول ١٤٣٠ هـ في ١٢:٢٤ ص
حاجات جوايا يقول...: انا بتفق فعلا مع المقولة دى
صحيح عالم المدونات هو عالم افتراضى

بس مش بحس هنا بمبدأ المصالح ولا بالخيانة
كفاية انك بتلاقى ناس فاهمينك ومقدرين مشاعرك وشايلين همك كمان
يمكن لان كلنا حاسين باحتياج لبعض
محتاجين حد يسمعنا ونسمعه
يفهمنا ونفهمه
يحس بينا ويداوينا لو الزمن جرحنا واقرب الناس دبحنا

----------------
---------------
أنا كمان مسمعتش الحلقة للأسف وزعلت انى كمان معرفتش اسمعها هنا
فى انتظار اعادتها ان شاء الله

خالص تحيتى
سالى; ٢٦ ربيع الأول ١٤٣٠ هـ في ٢:٥٣ ص
د/عرفه يقول...: السلام عليكم
اعتقد ان زياره المدونات وما شابه
نوع جميل جدا من التواصل الفكرى والروحى
ولكن ليس لدرجه الاهل
لابد من وجود اهل واصدقاء على ارض الواقع
ليس على المدونات فقط
تحياتى; ٢٦ ربيع الأول ١٤٣٠ هـ في ٨:٥٩ ص
Magi Mostafa يقول...: عاده ممكن تخرج باصحاب كويسين اوى من المدونات لانك فى الغالب بتكون عارف توجهاتهم الفكريه والثقافيه وعارف هما مين فعلا و الصداقه دى ممكن تقوى لدرجه الاهل زى الاصحاب فى الحقيقه طول الصداقه وقوتها ممكن يخلي ارتباطنا بيهم فى منزله العيله وبالنسبه ليا اصحابى فى منزله عيلتى تمام
فى النهايه انت مبتخترش اهلك لكن تقدر تختار اصحابك وتضمهم لعيلتك; ٢٦ ربيع الأول ١٤٣٠ هـ في ٣:٥٠ م
dr.lecter يقول...: بصراحه اه
المدونات او المنتديات هما عوالم جذابه انقي بكثيير من عوالم الواقع بثقل دمها; ٢٦ ربيع الأول ١٤٣٠ هـ في ٩:١٤ م
أشرف يقول...: أنا بجد بشكر الاخت شيماء زايد علي التعقيب .
وأحيي فيها سعه صدرها وتقبلها للنقد .
وفعلا كنت انا وغيري نحتاج هذا التعقيب للتضح لنا الرؤيه ونفهم ما كنتى تقصدين من وراءجملة :
الكتاب تربطهم علاقه اقوي من الرحم واصدق من الدم.
فلها منى كل الاحترام التقدير; ٢٦ ربيع الأول ١٤٣٠ هـ في ١٠:٢٦ م
فشكووول يقول...: طبعا لا اوافق
طول عمرنا من غير المدونات
هى جت زياده ثقافيه
وزياده معلوماتيه
يعنى لو من غير المدونات مش ح يحصل حاجه
ح نفتقدها شويه وبعدين ترجع ريمه لعادتها القديمه
برضه الناس قبل كدا كانوا عايشين
وكانت فيه القهاوى الثقافيه
والقعدات العلميه وكمان الاعلاميه
كل عصر وله ادواته
ولو فقدنا آداة التدوين اكيد ح نستعمل آداه تانيه
تحياتى; ٢٧ ربيع الأول ١٤٣٠ هـ في ١٢:١٩ ص
إبن مصر يقول...: السلام عليكم ورحمة الله

اولا انا اعتب على البرنامج الجميل ده
لأنى كنت طلبت قبل كده ان الحلقه تذاع فى الفتره المسائيه لأن مواعيد عملى لاتتوافق ابدا مع ميعاد البرنامج ووعدتونى بحل المشكله ومحاولة اعادتها فى الفتره المسائيه
ثانيا بالنسبه للجمله دى هى فيها كتير من الصواب ولكن انها تعوض عن الأهل اعتقد صعب هى بلاغيه شويه الجمله دى وهى بتحاول تبين مدى تقارب وحب معظم المدونين لبعضهم البعض وده بيرجع لتقارب عقولهم النشيطه ثقافيا وحبهم للكتابه بشكل عام وفى نفس الوقت تجد من يحترم كلماتك وتجد من يناقشك بإحترام إلا من رحم ربى
اعتقد انى لما بعدت عن التدوين الفتره الماضيه مش كانت مشكلتى انى بعدت عن التدوين كانت مشكلتى انى بعدت عن الأصحاب اللى اتعرفت بيهم عن طريق التدوين
فأكيد يمثل جزء من حياه ولكن ليس كل الحياه

تحياتى لأسرة البرنامج; ٢٧ ربيع الأول ١٤٣٠ هـ في ١٢:٥٠ ص
عاشــــــ النقاب ـقــــة"نونو" يقول...: السلام عليكم
اختلف شوية واقول اللي ملوش اهل المدونين اكتر من اهله ليه بقى
لانه عالم مش مفروض علي وغالبا بيخلو من اي مصالح
تحياتي; ٢٧ ربيع الأول ١٤٣٠ هـ في ١٠:٤٨ ص
انت تسال والكمبيوتر يجيب يقول...: شيماء
ريكو
محمد
اشرف
كفراوى
ماك
المهاجر
سلوى
شريف
حاجات جوايا
د.عرفه
ماجى
دليكتر
فشكول
ابن مصر
نونو
سعداء بمشاركتكم وبأرائكم القيمه فى برنامجنا الذى نحاول ان يكون بيتا للمدونين ونرجوا دوام التواصل وعلى فكره نحن نرحب بمن يريد ان يذكر اسمه الحقيقى او اول اسم من اسمه لأن هذا افضل بالنسبه للمستمع; ٢٧ ربيع الأول ١٤٣٠ هـ في ١١:٤٧ ص
انت تسال والكمبيوتر يجيب يقول...: ابن مصر
شكرا على كلامك المشجع اما بالنسبه لأعادة البرنامج فى المساء فهذه امنيه لنا ايضا ولكن ما باليد حيله ...هذه مسؤولية واضع خرائط الأذاعه ويبدو انه غير مقتنع بهذا المطلب حتى الآن....عموما كحل نحاول ان نضع فى بوكس الأرشيف بعض الحلقات على قد ما نقدر لتستمع اليها فى اى وقت ...وبوكس الأرشيف موجود فى المدونه والموقع
الموقع
http://dear.to/cairo; ٢٧ ربيع الأول ١٤٣٠ هـ في ١١:٥١ ص
غير معرف يقول...: أتفق مع المقولة بمعنى التواصل الفكرى والنفسى ويمكن أن يتطور الأمر إلى علاقة صداقة وما هو أكثر من الأهل إذا رأى كل طرف الآخر وتعامل معه وجها لوجه فالعلاقات عبر الإنترنت بكل أسف مهما بدت لنا جذابة وحميمية فدوما ينقصها شيء من الواقعية ..
أدعو أسرة المدونة والبرنامج وجميع المدونين إلى مدونتى دخل الشتا ولتسمحوا لى بوضع بعض روابطها المميزة لسهولة اطلاع الضيوف الجدد وبالغ شكرى وامتنانى لأسرة ( أنت تسأل والكمبيوتر يجيب ) على دعوتهم الكريمة بمدونتى ..

- التوت المحروق قصة قصيرة
http://dakhalelsheta.blogspot.com/2008/02/blog-post_6167.html
- انفلات الروح قصة قصيرة
http://dakhalelsheta.blogspot.com/2008/03/blog-post_10.html
- ست الحزن 1 ذكريات مسلسلة
http://dakhalelsheta.blogspot.com/2008/06/blog-post_20.html
- ست الحزن الجزء 6 والأخير
http://dakhalelsheta.blogspot.com/2008/07/blog-post_7187.html
- رسائل من القلب
http://dakhalelsheta.blogspot.com/2008/08/blog-post_3298.html
- هو منين يودى على فين
http://dakhalelsheta.blogspot.com/2008/05/blog-post_13.html
- ذكريات وتساؤلات
http://dakhalelsheta.blogspot.com/2008/02/1_29.html; ٢٧ ربيع الأول ١٤٣٠ هـ في ١:١٨ م
Unknown يقول...: بسم الله الرحمن الرحيم

يمكن دى اول زيارة ليا هنا وبجد المدونة بتطرح موضايع حيوية وجميلة وشدنى معظمها وحبيت انى اجاوب على السؤال ده هنا بالذات وخصوصا ان اخوانى واخواتى المدونين بيتناقشوا فيه

اما عن رايى ..

انا بتفق مع الاخت غادة لحد ما لكن مش بالكامل وده لاسباب كتيرة اوى
اهل المدونين عالم جميل الا انى متابع جيد جدا للمدونات والكلام ده تقريبا من عام 2005 قبل انشاء مدوتنى عام 2006 واللى حملت اكتر من اسم لحد ما استقرت على اسم على شواطىء عالمى وتلاها مدونة البحث عن انا شىء جنونى واللى حلمت روح شرقيه فى طابع الادب الانجليزى من وحى دراستى ليه مع جامعه ليفربول اونلاين
وعلى فكرة احنا عملنا دراسة كاملة حول المدونين العرب والمدونات العربية ككل واتجهاتها ونشاطاتها على مستوى عالى جدا وكان فريق العمل 40 شاب وكانت مجرد فكرة انطرحت لوقت حسينا فيه اننا ممكن نقيم الادب من خلال طايفة الشباب الجميلة اللى مليانه احلام ويمكن غضب وثورة من حال او مواقف هما شايفين انها غلط وما الى اخره

للاسف مثلا انا بشوف مجاملة غير طبيعيه لكتابات لا تستحق وتغافل عن اخطاء غير طبيعية وهنا انا ما اظنش ان الاهل بيتغافلوا عن الخطا وكمان بيخلوك تتمادى تحت وطاة انك كويس وماشاء الله .. منين بقى هيجى الارتقاء بالفكر والمستوى

فكرت عمليا انى اعمل مدونة تضم الفئات للمدونات والتصنيفات وحطتها تحت اسم لو بطلنا نكتب نموت وفكرت عمليا فى فكرة تانية لكن مقدرش اذكرها طبعا :)

انا بتفق مع غادة ان التدوين عالم جميل اوى وكل اللى فيه ناس محترمة اوى ومن حبهم لبعض وشدة عواطفهم تجاه بعض للاسف ممكن يتجاهلوا سر وجودنا هنا وهو الارتقاء بمستوانا الفكرى والعملى علشان نطلع ناس جميلة تصرخ او تقول او تكتب عايزين نجيب تانى ويوسف تانى عايزين يكون فى ما بينا شكسيبر

وكل واحد مننا يلاقى الف واحد يحاسبه ويقوله لاء دى غلط لاء دى متتقالش المفروض اننا كمدونين قررنا اننا نرتقى .. فياريت نكون اهل بجد علشان الضعيف يقوى والقوى يوصل ويعلمنا

معلش طولت عليك

وهقولها اخيرا

ان لم تكن لى دارا فدارى قلوب المدونين

تسلم وفى امان الله

الكاتب عمرو الجندى
صاحب كتاب قصة حب سرية :); ٢٧ ربيع الأول ١٤٣٠ هـ في ٤:٣٤ م
انت تسال والكمبيوتر يجيب يقول...: دخل الشتا
عمرو
اهلا بكما معنا وسعداء جدا بمشاركتكما ...ونرجوا ان تكونوا دائما معنا فنحن نحاول ان نجعل برنامجنا بيتا للمدونين ...ولكن لم نستطع ادراج تعليقكما هذا الأسبوع لورودهما هنا بعد تسجيل حلقات هذا الأسبوع ....نحن نسجل البرنامج لأسبوع يوم الثلاثاء ونعلن مواعيد أذاعة الحلقات والتعليقات مساء الثلاثاء بعد العشره مساء...على اى حال تعليقاكما ستدرج ان شاء الله فى حلقات الأسبوع القادم
وعلى فكره نحن نهتم بكل تعليق ....مره اخرى اهلا بكما معنا; ٢٧ ربيع الأول ١٤٣٠ هـ في ١٠:٤٥ م
غير معرف يقول...: الإخوة / أنت تسال والكمبيوتر يجيب ..

إننى بكل صراحة أطمع فيما هو أكثر من مجرد إدراج تعليقى بالبرنامج ولن يحدث ما أتمناه إلا بتشريفكم مدونتى وقراءتها بتمعن وأثق أنه لن يمكنكم الخروج منها عندئذ .. فقط امنحوها شرف الفرصة .. فصاحبها قاص مغترب بعيييييييييييدا عن مصر ويتنسم عبيرها وعبير الأحبة فيكم .. لذا حرصت على وضع بعض روابطها فى تعليقى السابق ..; ٢٨ ربيع الأول ١٤٣٠ هـ في ٢:٠٨ م
انت تسال والكمبيوتر يجيب يقول...: استاذ ايهاب
السلام عليكم
سعدنا بزيارة مدونتك المفعمه بشجن الذكريات والحنين للوطن الغالى ...ولدينا فكره وهى مناقشة دور النت فى حياة المغتربين ولتبدا انت بان تروى لنا عن دور ها فى الغربه ...سنضع التدوينه عن الموضوع حالا
تمنياتنا لك بالتوفيق; ٢٨ ربيع الأول ١٤٣٠ هـ في ٨:٣٩ م