حوار قصير جدا بداته الزوجه بسؤال:
-طيب اثر الأزمه الأقتصاديه العالميه على الناس العاديين وعرفناه ...تفتكر الأغنياء ...الأغنياء اوى اوى اتاثروا
-ياستى واحنا مالنا بيهم...خلينا فى حالنا...يعنى هم حيكبشوا ويدونا؟
-لأ بجد صحيح ولو من باب العلم بالشىء ....الأغنيا اتاثروا هم كمان والا لأ
وللتخلص من هذا الحوار اعطاها عنوان موقع المجله التى ترصد احوال اغنى اغنياء العالم ...مجلة فوربس
فماذا وجدت
بيل جيتس ابن الأيه رجع تانى للمركز الأول مع ان ثروته هبطت من 48 بليون ل 40 بليون بس
332 خرجوا من قائمة اغنى اغنياء العالم
- الله يعنى بقوا زينا مش كده؟ احنا وهم بقينا بره قائمة اغنى اغنياء العالم؟ مبتجاوبش ليه ياحبيبى ؟
تفتكر لماذا لم يجبها؟هل كان هناك شىء يفعله افضل من مجرد الصمت؟
هناك ١٤ تعليقًا:
سيدي بالفعل تسببت الازمة المالية العالمية في انكماش قائمة فوربس لاغنى اغنياء العالم، حيث كشفت النسخة المحدثة من القائمة التي تنشر بشكل سنوي خروج 332 ثريا من هذه القائمة التي تضم مليونيرات العالم.
وضمت القائمة الجديدة اسماء 793 ثريا، فيما عكست تراجع حجم ثرواتهم خسائر بواقع 23%.
وساعدت الازمة المالية بيل جيتس، مؤسس شركة مايكروسوفت على استعادة تصدره للقائمة على الرغم من انخفاض ثروته إلى 40 مليار دولار، خاسرا 18 مليار دولارا.
وتفوق جيتس على المستثمر المشهور وارن بوفيت، الذي خسر 25 مليار دولار خلال العام الماضي لتتراجع ثروته الى 37 مليار دولار.
وكان رجل الاعمال الهندي انيل امباني اكبر الخاسرين، حيث تراجع ترتيبه في قائمة مجلة فوربس من المرتبة 6 في قائمة العام الماضي الى المرتبة 34 في القائمة الجديدة مع تراجع ثروته من 31.9 مليار الى 10.1 مليار خلال سنة واحدة فقط.
وقدأقدم أحد أغنى أغنياء العالم، الملياردير الألماني أدولف ميركل، على الانتحار، بعد أن هزت الأزمة الاقتصادية الطاحنة إمبراطوريته المالية، وفق ما أعلنت عائلته.
وقالت السلطات الأمنية الألمانية إن قطاراً دهس ميركل، البالغ من العمر 74 عاماً في بلدة "أولم" جنوب غربي ألمانيا، إلا أن عائلته قالت إن الأزمة الاقتصادية ""حطمت" ميركل.
ويقف الملياردير المنتحر في المرتبة الـ94 في قائمة "فوربس" لأغنى أغنياء العالم، بعد أن تراجعت مكانته من الرقم 44 في لائحة عام 2007، وذلك بعد تقلص ثروته من 12.8 مليار دولار إلى 9.2 مليار دولار العام الماضي.
أما عن أجابه الزوج للسؤال الذي ألقته عليه زوجته ؟ فهو لم يحاول أن يسبب لها صدمه تجعلها تقبل علي الانتحار مثلما فعل الملياردير الألماني أدولف ميركل، لان هؤلاء 332 الذين خرجوا من قائمة اغنى اغنياء العالم - مازالوا يمتلكون المليارات .
فكان الصمت رد الفعل الطبيعي ،
ولكن لسان حاله يقول :
(اللهم لا عيش آلا عيش الآخره )
السلام عليكم ورحمة الله وبركاته:
طبعا ان مش هاتكلم عن الاغنياء زى الاستاذ روميو لانى ولله الحمد لست منهم ولم افكر يوما ان استطلع اخبارهم.
المهم ان الزوج اكيد مرضاش يجاوب مراته عشان هوه دخل فى حالة غيبوبة من رقم 332 اللى خرجوا من قائمة اغنى اغنياء العالم , وكان لسان حاله قال
(امال دول اللى معاهم المليارات لما يخرجو من قائمة اغنى اغنياء العالم بكل بساطة كدة امال احنا اللى معاناش حاجة ممكن يحصلنا ايه) وبعدين دخل فى الغيوبة
ههههههههههههههههه
آه صح عندها حق بقوا زينا طبعا
ده مش كده و بس
ده احنا كمان فاضيلنا تكة بسيطة كده وندخل القايمة ونسيبهم هما بره
هههههههههههههه
فعلا السكوت من ذهب
هو ممكن يكون مجاوبهاش لحالة مرضية نفسية مفاجئة انتابته كالخرس مثلا
بس خير ان شاء الله بكره لما يدخل القايمة هيروق ههههههههه
خالص تحيتى
سالى
احم احم ..سلامو عليكو
غيبوبة عشان ...ايه ..طيب امال احنا نعمل ايه
الحمد لله
هههههههههههه
اية ده انا مكنتش اعرف ان الازمة وصلت لبيل جيتس؟؟؟؟
عموما نستشف من الحوارده القيمة اللي رسخها مصطفى وعلي أمين" لست وحدك"
وجميل اننا نحس ان اصدقاءنا الاغنياء هما كمان اتأثرو يعني بدل ما يشتري كل سنة جزيرة بقى يشتري كل سنة منتجع
بجد حاجة تزعل!!!!!!!!!
تحياتي ليكم وطبعا يهمني اعرف رأيكم في الشكل الجديد للمدونة بتاعتي
رنا عاشور(يوميات نائمة في الارياف سابقا)
تحياتي
اشرف
المهاجر
حاجات جوايا
حاجات عيال
هالم ماريونت
سعداء بمروركم وتعليقاتكم ويارب يدوم هذا التواصل لأننا نحاول ان يكون برنامجنا بالفعل شركه بيننا وبين احبائنا زوار المدونه
والتدوينه كما اتضح لكم هى محاوله لتقديم موضوع جاف وهو عن الأقتصاد والأثرياء بشكل انسانى ساخر
رنا
مبروك المدونه وطبعا حنزورها
هو ممكن يكون سكت لانه ماعندوش كلام يقولة من هول الصدمة ولان اكيد موضوع مين دخل القائمة ومين خرج مش هتفرق معاه كتير ولا مع الناس اللى زيه ولا معانا كلنا
هههههههههههههههههههههههههههه
ههههههههههههههههه
انا عارف هو سكت ليه
اكيد خنقها !!!!!
الست دي بتفكرني بالفنانة خيرية احمد و محمووووووووووووووووووووووووود انت جيت يا حبيبي !!!!!!
تحياتي
محمد محسن مطر
بالنسبة لموضوع النهاردة ( زواج الانترنت )
بالنسبة للأجانب مواقع الديتنج معظم اللي بيلجأوا ليها افراد منعزلين اجتماعيا و انطوائيين او فشلوا في الحصول علي بوي فريند او جريل فريند لأسباب تتعلق بالدمامة و السمنة و الغباء!!!
هما بيشوفوا نفسهم كده او عن طريق تجربة او اتنين الطرف التاني بيقولهم كده بمنتهي الصراحة !!!!
اما بالنسبة للعرب فالخليجيين اغلبهم رجال متزوجين بيدوروا علي متعة او رجال مطلقين او ارامل و فشلوا في الحصول علي زوجة بسبب كبر السن او الاولاد
في مصرنا ام الدنيا الشباب بيحط اسمه لمجرد التعرف علي بنت و اللعب بيها
و البنات لأنهم تعبوا من انتظار الفارس اللي مجاش علي حمار ابيض او حتي خدها كعابي !!!!
لكن في حالات نجحت و اعرفها لأنهم اصحابي اوي بس دول نجحوا عن طريق الشات مش عن طريق مواقع الديتنج و بالتحديد هما حالتين
استاذ صلاح
انا طبعا عارفة ان طلباتى كتيرة قوى بس معلش بقى انا دخلت على الارشيف ومالاقتش حلقة النهاردة ياريت ولو مافيهاش ازعاج تنزلها لانى كالعادة صحيت متأخر ومالاحقتش اسمعها ولا اسجلها
واسفة على الازعاج
بسمه
حاضر منقدرش نرفص لك طلب ...ويارب يكون التسجيل لسه موجود...بس تعرفى سماعها حيه وقت اذاعتها احسن بكتير ...الحمد لله التسجيل موجود وتم تحميل الحلقه فى الأرشيف
اجمل الأمنيات بالسعاده والتوفيق
بسمه
نسيت اقول لك لتستمعى جيدا للحلقه عليك اولا ايقاف موسيقى المدونه من بار الموسيقى فوق بوكس الأرشيف
ربنا يستر وميقطعوش علينا فى طبور العيش وامام عم حمدى بتاع الفول
ربنا يستر
إرسال تعليق