ادى انقطاع كابلات تحت البحر بين اوربا وافريقيا وآسيا الى انقطاع واضطراب الدخول للنت ...كيف عرفت بهذا الخلل ...وماهو اول ما خطر على بالك...ماذا كنت تنوى عمله فى النت عندما اكتشفت وجود خلل...فى رايك كيف يحدث مثل هذا الأنقطاع فى كابلات النت تحت مياه البحر.... متى تتوقع ان يتم اصلاح هذا الخلل ...ماهو طعم الحياه بدون نت اثناء انقطاعها يوم الجمعه 19-12 هل تستطيع التفكير فى طريقه لتجنب هذا الأنقطاع فى الكابلات ....كينيا مثلا تفكر فى مد كابلات خاصه بها ....الصوره لكبلات النت تحت مياه البحر المتوسط وحولها عدة طبقات عازله للحمايه
ونعتذر عن عدم أذاعة بعض الحلقات بسبب أذاعه خارجيه فى وقت أذاعة هذه الحلقات وسنعلن فيما بعد عن موعد جديد لأذاعتها
هناك ٦ تعليقات:
انا يوم الدمعه كنت مسافر اصلا فمعرفتش اللي حصل غير امبارح بالليل
من الاخبار
يعني الحمد لله ماتجنتتش قبلها
بس انا ماكتنتش متوقع انه يرجع علي الاقل بكفاءه قليله قبل اسبوع
عامه انا مش مطمن لحكايه ان الكابلات اتقطعت من اوربا خايف لا تطول
اتكرر موضوع الكابلات ده وكده الواحد بدأ يقلق لان الانترنت بقى معرض فى اى لحظه انه يختفى اساسا...
رامى سليم عن هاى سيفيل
د ليكتر
اهلا بك ...المعلومات حتى الآن ان القطع فى الكابلات بالقرب من ايطاليا وليس مثل المره السابقه حيث كان القطع بالقرب من السواحل المصريه ...وطبعا لن نعرف الا ما تقوله السلطات الأيطاليه ...او الشركات العالميه المشغله لهذه الكابلات ..عموما كينيا تفكر فى ان يكون لها كابل خاص بها ونفس التفكير يحدث حاليا بين مصر ودول عربيه
وذكر ان سفينه ارسلت لأصلاح الخلل فعلا
واستبعد وزير الأتصالات حكاية القمر الصناعى لأن النت لا تنقل كلام فقط مثل التيلفونات ولكن قيديو ايضا ولا اعرف لماذا لا تكون مثل القنوات الفضائيه التى تنقل فيديو ايضا
رامى اهلا بك
طبعا معاك حق لأنه اتضح من هذا الحادث اننا لا نتحكم فى خطوط النت ...بس ياريت تجاوب على اسئلتنا فى التدوينه علشان البرنامج ننوى عمل اكثر من حلقه عن هذا الموضوع ...
السلام عليكم ورحمة الله وبركاته
بصراحه انا كنت متابعة انقطاع النت لحظه بلحظه لان معظم اوقاتي بتكون على النت
طبعاً عرفت بعد ما اتصلت باكتر من شخص وإتأكدت ان النت قاطع لسبب وطبعاً مفيش غير الكابلات هى السبب
طبعاً كان يوم ممل جداً بالنسبه لي وبصراحه اضطريت ااجل شغل كتير كنت ناويه اعمله
اما بالنسبه للحل انا سمعت انهم دلوقتي في طريقهم لتصنيع كابلات ضوئيه وده طبعاً هيكون احسن وهيمنع انقطاع الكابلات بهذا الشكل
السلام عليكم
ازي حضرتك يا أستاذ صلاح
موضوع الكابلات ده اتكرر مرتين السنة دي وده المفروض مايحصلش خصوصا ان الكابلات دي وعلى حد علمي مش متوافر منها في مخازن الحكومة مثلا ..دي نسب دولية لينا فيها جزء ولو الجزء ده فسد بالشكل السريع ده مش عارفة ممكن تكون العواقب واصلة لغاية فين وخصوصا ان مفيش شركة او مصنع او اي مؤسسة دلوقتي بتقدر تستغني عن النت
حتى احنا في نطاق المدونات بقيت حياتنا على النت جزء هام من حياتنا الواقعية
ربنا يستر ويصلح الاحوال
جهاد مشالي
انا افتكرت صاحب الوصله فصل عني النت
بس لما سألت قالي ان النت فاصل من الشركه وعن مصر كلها علشان انقطاع السلك الرئيسي اللي تحت البحر المتوسط
انا كنت محتاجه فعلا بس رجع بسرعه مأخدتش وقت طويل
بس المفروض انه لما اتقطع قبل كدا يكون في حمايه ليه بعد كدا
_____________________
انا ليا اقتراح ان حضراتكوا تعملوا بوست عن الاسامي الولاد اللي تمشي بنات والعكس لاني بجد بعاني من المشكله دي
لان اسمي جهاد بس ولد
وشكرا جزيلا
إرسال تعليق