هل نظرت الى القمر امس او اليوم ؟ لو كنت نظرت اليه هل لاحظت شيئا لافتا فيه؟انا نظرت اليه ولا حظت انه اكبر حجما من المعتاد واسطع ضوءا ....
هل تعتقد ان هذا مجرد تخيل شاعرى ام حقيقه ....افتح الشباك وانظر بنفسك قبل ان تجيب ....على شرط ان تكون فى حاله نفسيه جيده
هناك ٢٢ تعليقًا:
اولا اعتذر بشدة عن الغياب في الفترة السابقة منذ عيد الفطر
ثانيا بسلم على الاستاذ صلاح و كل اسرة البلوج و البرنامج و الجمهور المشارك عبر المدونة
ثالثا بالنسبة للبوست
انا من راي مستر باوندر بي في رواية هارد تايمز
القمر هو القمر لا يتغير الا في خيال من يشاهده فقط
سيدى ياسيدى على الرومانسية
القمر مرة واحدة شوف القمر دة هو مراتنا اللى بنشوف فيها حالنا يعنى لو سعيد هتلاقى القمر سعيد
اما بقى لو حزين فتلاقيه كدة مضايق
وربنا يسعد القمر على طول
تحياتى لاسرة البرنامج
القمر
بجد الواحد بقاله كتير مش بيبص للقمر
مش عارفة ليه يمكن الواحد ماعندوش الرفاهية انه يبص للقمر وكمان ماتنساش السحابة الدخانية الرائعة اللى مش مخلية حد يشوف القمر
مسعدة مسعود أبو السعود
اسفة مرايتنا
القمر النهاردة طالع حلو اوي
بس انا بقالي كتير اوي مش بصيت للقمر كدة؟
عارف يا استاذ صلاح؟
انا قريت كلمة للكاتب الكبير عبد الوهاب مطاوع عن الوهم
كان بيقول ان النجوم البعيدة شكلها من بعيد بيكون حلو اوي
بس لما بنقرب منها بنلاقيها كلها غازات ونار!!!!
مش عارفة لية افتكرت الكلمة دي
بس مين فينا مش بيحب القمر؟
حتى لو من بعيد لبعيد
تحياتي ليكم للبرنامج الرائع
يا سلام القمر النهارده زى القمر والواحد شايف له عينين ومناخير وحنك وخدين .. والله كدا .. مع ان مزاجى اليوم مش كويس لكن نا شايف القمر النهارده زى القمر بس لاحظت فعلا ان الهاله بتاعته كبيره النهارده ..يمكن عشان ما فيش سحاب .. يمكن .. تحياتى لك يا استاذ صلاح
الاشياء كما نرها لا كما تبدو
جميل أن نبحث عن القمر والاجمل ان نراه اكثر سطوعا ووضوحا
السلام عليكم
ازيك يا أستاذ صلاح
والله انا لما بكون زعلانة وأبص للقمر بحس إنه حزين علشاني ولما بكون فرحانة بحس انه بيمشي معايا وبيضحك وعاوز يرقص كمان
أما بالنسبة لحجمه فالقمر كما القمر في كل وقت قمر
جهاد مشالي صاحبة مدونة(حاجات عيال)
تصدقوا انا لا حظت القمر وبصيت عليه انبارح وانا راجع من صلاة الفجر ورايح استعد لمتش الأهلى مع بتشوكا ولما شوفت عليه سحابه حسيت ان ربنا مش رايد للأهلى الخير حاجه غريبه صح ؟؟
يمكن
حياتى للجميع
بحب ابص للقمر اوى لما يكون بدر بس امبارح حسيت انه هو الى بيبصلى مش انا ونوره جاى عليا ابتسمت ساعتها وافتكرت نفسي لما كنت صغيره وكنت ابص للسما واقول هحتاج كام سلم عشان اوصل للسما والمس السحاب والنجوم واطول القمر اامبارح كنت حساه اقرب يمكن لانى كنت حاسه انه نوره ساب الدنيا كلها وكان جاى عليا بس حسيت كده لكن حجمه مش كبير ولا حاجه ويمكن عشان انا خياليه شويه حسيت كده
السلام عليكم
أشكركم على الدعوه الكريمه
وعن دور النت في حياتي فلقد أعانني في محاولتي في البحث عن ذاتي التي تاهت مني في زحمة الحياة ..فلقد رجعت للكتابة ووجدت من يقرأ ما أكتب واحلم أن يصل لكل الناس
أعانني كذلك على تربية أولادي باستخدام البرامج المختلفه والمواقع المهتمه بتربية النشء..في الحقيقه وجدت فيه كل ما أبتغيه من علوم حتى في الطبخ الذي أهواه
وبالنسبه للقمر فانا بصيت عليه لقيته فرحان إن مافيش بشر ساكنين عليه...وهو باصص عليهم من بعيد وحزين على حالهم
تحياتي
اقسم بالله فعلا انا لاحظت امبارح علي الساعه 7 بالليل انه اكبر من اللازم ولقيت انه قريب جدا وضوءه اكبر وكان مصفر كمان( اوعي يكون مابياكلش ولا عنده انيميا)
هو انا كانت حالتي النفسيه سيئه بصراحه وكنت سرحان كده وطالع من الجامع لقيت المنطر ده
اتخضيت في الاول قلت هو في ايه
كنت عاوز اصوره بالموبايل واحط الصوره هنا بس مش عارف ده تفسييره ايه
يمكن كنت باتخيل او لوجود رغبات باطنه جوايا مالهاش اسم ولا تفسير فشفته بالمنظر ده
انا فتحت الشباك
وما شفتش القمر D:
بس هو عموما حجمه مش بيتغير
أنا كنت عاوزة أعرف اشارك ازاي معاكو في المدونة والاذاعة ؟؟
لأني قرأت اعلان حضرتك في احد المدونات ؟؟
محمد الكومى
حمد الله على السلامه...افتقدنا تعليقاتك القيمه
سلوى
احنا بنجرب رومانسيه واقعيه...او شاعريه عمليه....وانتظرى بس الجابه الصحيحه
مسعده اهلا بك سعداء بوجودك معنا...القمر واضح جدا هذه الأيام كانه يتحدى اى سحابه
رنا
ازيك...كويس انك شفتى القمر ...مش عارف ليه كذا تعليق بيقول انه مشفش حاجه ...اجمل تحيه
فاشكول
اهلا بك معنا سعداء بوجودك وشكرا تعليقك رجعنا لأيام زمان الجميله عندما كنا نتخيل للقمر ملامح انسان
شيماء
بتردى على السؤال الشاعرى باجابه شاعريه
جهاد
اقول لك فعلا زى ماصورتى الموقف بالظبط...بس الأجابه الصحيحه فيها مفاجاه
ابن مصر
معلهش هارد لك ...الرياضه كده وكده
لبنى
ده السؤال كشف اكثر من شاعر وشاعره...كلامك فيه احساس شاعر او
فنان
د.ايمان اهلا بك معنا...سعداء بوجودك معنا ...بالنسبه لحكايتك مع النت محتاجه لتفاصيل اكثر حتى تكفى حلقه من البرنامج ياريت تكلمينا عن بقية افراد الأسره والكمبيوتر والنت وكذلك الأصدقاء وبعض الأشياء المفيده التى وجدتيها فى جولاتك بين مواقعها ...هذه مجرد اقتراحات غير ملزمه بالطبع ولكن مجرد امثله ومره تانيه بنرحب بيك ونتمنى دوام التواصل
د.كتور ليكتر انتظر الأجابه الصحيحه لأنها ستحمل لك انت بالذات مفاجاه
دات النطاقين
اهلا بك معنا وانت بالفعل بتعليقك تشتركين معنا لأننا نذيع فى برنامجنا اسماء زوار المدونه مع تعليقاتهم ونرجوا ان تداومى على التعليق على ما نكتبه من بوستات فى المدونه ولك منا اجمل تحيه
اديك قولتها حاله نفسيه جيده والا هتشوف القمر مش كامل ده الشرط علشان تشوفه كامل وجميل
حاسوبتيه
اهلا بك ...سعداء بمرورك ...انتظرى موعد اذاعة تعليقك هنا فى المدونه بعد العاشره مساء يوم الثلاثاء 16 نكتب مواعيد أذاعة الجلقات ...ونتمنى دوام التواصل
اجمل تحيه
جميل جدا ما خط قلمك
منتهى الابداع:)
سررت كثيرا بمروري من هنا
تمنياتي بالتوفيق :)
يا ريت تحاولوا تاخدوا بالأسباب
وبالخواجة تبطلوا إعجاب
بالعلم طالعين له هناك واحنا
لاطعين هنا " يامّه القمر ع الباب " !
اقصوصه
اهلا بك معنا ..سعداء بمرورك وبتعليقك...ونتمنى ان يستمر التواصل معنا ...فنحن نطرح موضوعات ليبدى فيها زوارنا برايهم ...وهذه الموضوعات والتعليقات تكون موضوعات لحلقات برنامجنا
مره اخرى اهلا بك
اقصوصه
اهلا بك معنا ..سعداء بمرورك وبتعليقك...ونتمنى ان يستمر التواصل معنا ...فنحن نطرح موضوعات ليبدى فيها زوارنا برايهم ...وهذه الموضوعات والتعليقات تكون موضوعات لحلقات برنامجنا
مره اخرى اهلا بك
الأخ العزيز سيد الموجى
كل سنه وانت طيب
النت أثر في حياتي بشكل كبير
فمنذ مجيئي لغربتي وأنا أعاني الوحدة وإفتقاد الأصدقاء ..والأهل
بالإضافة إلى دخولي دوامة الإهتمام بالأولا والبيت والزوج والبعد تماما عن هواياتي ..كنت أقرأ بشكل منتظم والحمد لله ولكن ذلك لم يكن كافيا ...لأجد نفسي التي تاهت مني في زحمة الإنشغالات ..وفي الغربه..بدأت الدخول على النت ووجدتني نهمة لمعرفة كل ما هو جديد ..في مجلات المراة والدعوة وتربية الأبناء ...وفي مجال تعلم مهارات الكمبيتر ..ووصلت لمرحله لابأس بها والحمد لله في فترة وجيزة
وجاءت مرحلة أخرى في حياتي عندما شاهدت حلقة في برنامج العاشرة مساءً عن المدونات ..فوجدتها فكرة جيدة لكتابة أفكاري وخواطري التي أكتبها ولا يقرأها أحد سواي ..وبدأت الكتابة ولم أكن أتوقع أن يرد علي أحد قبل مرور وقت طويل ..ولكن فوجئت بأول التعليقات بعد يومين فقط ..
ثم كتبت قصة قصيرة بعنوان إبني في غربته ..قرأها زوجي وكان أول المشجعين لي ..فلقد قال لي لو إستمريتي بهذا الأسلوب ستكونين كاتبة جيده
وبهدها بدأت التعليقات على تدويناتي مما دفعني للإهتمام أكثر بما أكتب ووجدتها فرصة جيده لتوصيل أفكار معينه أو لعرض قصه او خاطره ..
وزادت التعليقات ومعرفة المدونين بالمدونه عندما نشرت قصتي مع تشخيص الأطباء لي باحتمال وجود سرطان في العظام ..وجدت مشارك وأخوه من أناس لا أعرفهم ولا تربطني بهم صله ..وسؤال باستمرار حتى أنهيت القصه ..
وقتها عرفت معنى الصداقه والحب في الله
كذلك حاولت أن يستفيد أولادي فأنشأت لهم مدونه لعلهم يكونوا مدونين كبار في يوم من الأيام ولأدخل في عقولهم أن النت ليس للعب الجيمز وفقط ..
ولم أنسى زوجي بالطبع ..فهو شاعر كبير ..وصاحب أفكار جميله .زأنشأت له مدونه ولكن وقته للأسف لا يسمح له بالكتابة كثيرا ..ولا زالت أشعاره وأفكاره حبيسة لم تخرج بعد ..
والنت الآن وسيلتي للإتصال بالعام الخارجي الذي إنقطعت صلتي به في الغربة
كذلك سهل لي النت الإتصال بالاهل ورؤيتهم بسهوله .
بالنسبة للأاشياء المفيدة في المواقع فهي كثيرة ولا يمكن حصرها
منها أنني أصبحت أمتلك مكتبة على جهازي المحمول من مواقع الكتب الإلكترونيه وفي مختلف المجالات
وإستفدت كذلك من المواقع الطبيه في دراستي
إستفدت كثيرا من مواقع الأسرة والطفل كموقع إسلام أون لاين وموقع الفرحه
وأي موقع يمكن أتعلم منه شيء جديد فهو أكيد مفيد
تأثير النت على الكثيرين منا إيجابي وجميل ولكنه للأسف على الأكثريه سلبي ولا يستخدم إلا في التعارفات المحرمه والشات وما إلى ذلك وسأقدم موضوع عن ذلك قريبا بإذن الله
تحياتي لبرنامجكم الجميل
إرسال تعليق