مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الأحد، ٢٤ رجب ١٤٢٩ هـ

قالت العروسه:ياكمبيوتر فى الجهاز ونت يامش لاعبه امه نعيمه

رفض شاب سعودي إتمام زواجه على فتاة عشرينية، بعدما اشترطت عليه توفير ثلاثة أجهزة حواسيب آلية، مزدوة بخطوط إنترنت مدى الحياة، مقابل موافقتها على الزواج منه، إلا أن العريس المنتظر رفض شرط الفتاة، لاعتباره أن دخول المرأة إلى شبكة الإنترنت لا يجوز، معللاً ذلك بـ"اختلاط المرأة مع الرجال داخل أروقة المنتديات الإلكترونية". وأشارت صحيفة "الرياض" السعودية، التي نشرت الخبر في عددها يوم الجمعة، إلى أن المأذون الشرعي، الذي كان يفترض أن يعقد زواج الشابين، استغرب شرط الفتاة، وإن لم يعتبره تعجيزيًّا، مشيرًا إلى أنه أول شرط من نوعه يمر عليه، خلال 10 سنوات مارس فيها التزويج والتطليق. وأضاف أن معظم الفتيات يشترطن السكن في شقة مستقلة، أو إكمال دراستهن الجامعية، كما يمكن أن تدون بعض الفتيات شروطًا قاسيةً، كمؤخر الطلاق الذي يمكن أن يتجاوز، في بعض الحالات، النصف مليون ريال. ورغم استغراب المأذون للشرط "التقني"، إلا أنه أوضح للخاطب أن الطلب جائز من الناحية الشرعية، واصفا مطالبها بـ"غير المعقدة"، إلا أن الشاب كرر رفضه، مُنهيا جهودا كبيرة بذلها المأذون الشرعي الذي سعى لإقناع الشاب بأنه لا يوجد ما يمنع من دخول المرأة الإنترنت التي تنتشر فيها ملايين الموضوعات المفيدة. مارايك فى موقف العريس والعروسه(علشان جيهان على ماتزعلش)والمعازيم كمان؟

هناك ٢٩ تعليقًا:

Desert cat يقول...

اصدقائى الاعزاء
المدونين والمدونات
أهلاً وسهلا بأرائكم واقتراحاتكم
التى دائما تسعدنا
تمنياتنا للجميع بدوام التواصل

جيهان علي يقول...

السلام عليكم ورحمة الله وبركاته

أشمعنا السؤال عن رأي العريس ومفيش رأينا في موقف العروسة ؟؟

ما علينا
بصراحة كدة الاتنين غلطانين يعني عقد قران خلاص هايتم ولا هو عرف اهتمامتها ولا هي عرفت اهتمامته ولا طبيعة شخصيته
أمال أسرة ايه اللي هايبنوها مع بعض

والعريس رفض الشرط ولا ان زوجته يكون لها علاقة بالنت لو رفض الشرط وهو في امكانه انه يعدي الليلة وخلاص يبقى تلاكيك
اما بقى لو رفض انه زوجته يكون لها علاقة بالنت
اقوله روح راجع معلوماتك
ما هو النت مش بس لحاجات السيئة احنا بس من كتر الاستخدامات الخطأ والأخطاء اللى نتجت عن ذلك بقى بينظر للن كأنه مكان مشبوه !!!
لكن النت فيه حاجات كتير جدًا حلوة
فيه حرية التعبير
والحصول على معلومات
ومجتمع متكامل بذاته
له إيجابياته وسلبياته
أما أن البنت لا تستخدم النت فمين قال كدة ولو على الاختلاط فمعروف انه له ضوابط والبنت اللى عايزة تتعامل بضوابط لحمايتها هي قبل كل شيء هايكون ده من داخلها ومن البداية ومش محتاجة حد يختار لها لأنها المفروض تكون عارفة ان اختياراتها مسئوليتها
وفي الرقيب على تصرفاتها وهو الله سبحانه وتعالى
وكفى بالله رقيبا


تحياتي

Desert cat يقول...

اصدقائى الاعزاء
غداً 28/7/2008 يتم إذاعه حلقة خاصه بموضوع جائزة سفر للفضاء فى برنامجنا الإذاعى
أنت تسال والكمبيوتر يجيب
والذى يذاع يوميا الساعه 9.10 صباحا على اذاعه البرنامج الساعه ماعدا يوم الجمعه
تمنياتنا للجميع بدوام التواصل

مواطن مصرى نايم يقول...

انا عشان خاطر جيهان
اه و الله بس عشان خاطرها هى بس

شوفى يا جيهان انتى موافقه على ايه و انا اخلص الموضوع خالص

تلاتة كمبيوتر و نت مدى الحياة
طب ليه ما قالتلوش تلاتة كمبيوتر
و واحد لابتوب لاسلام
(اسلام دا انا)
لو كانت قالت له كده كان ممكن يوافق

اه خلوها بس تقوله انا تبع اسلام
و هو مش حيرفض لها طلب

الا صحيح الشاب السعودى ده من السعودية ؟؟؟

اصلى اعرف واحد سعودى عادى من السعودية برضوا

و عندى اتنين صحابى تانين سعوديين من دشنا مركز قها العياط

طب سؤال تانى
هى السعودية دى مش اللى جنب ليبيا؟؟؟

و بحيى السعودية و الامم العربية و امسى عالامارات عشان كلها دولارات

لو لقيت لى شغلانة فى الامارت انا موافق
انشالله فى امارة كفر الدوار

تحياتى
اسلام

مواطن مصرى نايم يقول...

اه صحيح
هى قالت له مش لاعبة امه نعيمة

الخايبة
هو كده حيروح يلعب امه نعيمة مع مروة
و حيخلى عليوه يكلمها

بس هو ساعة ما قالت له مش لاعبة امه نعيمة
كان قالها نعمين

Desert cat يقول...

جيهان علي
اهلا وسهلا بيكى صديقة للبرنامج وزائرة للمدونة
بما انى بنت بضم صوتى لصوتك وبقولك انا موافقه جدا جدا على كل حرف قولتيه
والراجل اللى مش عاجبه البنت اللى بتدخل النت يروح يدور على واحدة لسه عندها 6 شهور وياخدها يربيها على ايده
قال رفض علشان النت قال
تحياتى
تمنياتنا بدوام التواصل

Desert cat يقول...

مواطن مصرى نايم
اهلا وسهلا بيك صديق للبرنامج وزائر للمدونة
بص يا اسلام
هى 3 كمبيوتر ونت مدى الحياة
وهو يخرج مع الربع فى الصحراء
او يروح ياكل كرانشى برضه مع الربع فى الصحراء
او ياكدل زبادو مع الربع فى الصحرا
المهم هى تضمن النت والـ3 كمبيوتر
وهو اللى غلطان على فكرة انه عمل المشاكل دى كلها ورفض
على الاقل كان هيعيش حياته على راحته ولا حد يستجوبه ورايح فين وجاى منين
ولا بتعمل ايه
ولا المحاضر اللى بتتفتح دى
رفض فرصه ذهبية
بكره يندم

تمنياتنا بدوام التواصل

غير معرف يقول...

ليه 3 كمبيوتر و 3 نت

كفاية واحد

ولا هيا ناويه تفتح له سيبر فى الشقة

Desert cat يقول...

غير معرف
اهلا وسهلا بحضرتك
يمكن علشان لما تزهق من المكان الىل موجود فيه جهاز تغير المكان
ماهو تغيير الاماكن مطلوب برضه

تمنياتنا بدوام التواصل

Desert cat يقول...

اصدقائى الاعزاء المدونين والمدونات
الاربعاء 30/7/2008 يتم إذاعه الكومنتات على سؤال " رحله للفضاء "
فى برنامجنا الإذاعى
أنت تسأل والكمبيوتر يجيب
الذى يذاع يومياً الساعه 9.10 صباحاً على إذاعة البرنامج العام ما عدا يوم الجمعه
ومن التعليقات

هانى ميشيل
عمرو عوف
حبيبة القمر
دعوه للأمل
جيهان على
مدحت محمد
مواطن مصرى نايم
سومه
آيه
عبده الرايق
انجى البوهى
سلوى سمير

كما يمكنم سماع الحلقه فى نفس موعد إذاعتها الساعه 9.10 صباحاً
من خلال موقع البرنامج
http://dear.to/cairo
تمنياتنا للجميع بدوام التواصل

Asmaa mahaba يقول...

هع هع هع هعععع
يا سلام يعنى جاب كل حاجه وجات ع الكبيوتر يا خى...وهى كمان ايه التناكه دى...؟؟
طيب ييجى وانا عليا الكمبيوتر لا عليا اللاب توب...
دا حتى الجواز شاحح فى السوق والرجاله زايد عليهم الطلب
وهى تقول 3 كمبيوتر مش كتر الف خيره انه حيتجوزها دى حتى جوازه واقفه عليه بخساره
جاتنا نيله فى حظنا الهباب
اما عن موضوع النت ...اصلا اصلا الست بعد الجواز لو لاقيت وقت تكلم امها تليفون يبقى كويس
ثم انه اكيد مش عارف استخدام النت الصحيح ميعرفش عنه غير كل وحش...والا مكانش رفضه...
تحياتى ليكم سومه_87

رئـــــيسـة حزب الأحلام يقول...

الصراحة طلب غريب هتعمل ايه بثلاث أجهزة مرة واحدة يمكن للأولاد يعنى واحد ليها وواحدة للزوج وواحدة للاولاد طب هى جابت كل حاجة ومش ناقص غير التلات اجهزه ولا هى هتكتفى بالثلاثه اجهزة والباقى يجى بعدين
فى حالتها دى هتصدر فتوى ان النت حرام حرام

Asmaa mahaba يقول...

اه صحيح اشمعنى 3 كمبيوتر بسسس عرفتها هى مين البنت دى تبقى بنت صفوت بتاع يوميات ونيس...؟؟؟

Asmaa mahaba يقول...

رئيسه حزب الاحلام
نسيتى تقولى حرام حرام حرام تلات مرات كل حرام قصاد جهاز

رئـــــيسـة حزب الأحلام يقول...

ايه ياسومه بجد حرام حرام حرام بالتلاته يعنى هنا فى مصر مش عارفين نجهز الاساسيات تقوم الحلوة دى عايزة ثلاثة أجهزة كمبيوتر وبالنت
سبحان الله

جيهان علي يقول...

السلام عليكم ورحمة الله وبركاته

طبعا أولا شكرا جزيلا على الاهتمام

ثانيا طبعًا بضم صوتي لكل الأصوات اللى تعجبت من طلب العروسة الكمي وليس الكيفي يعني لو الموضوع ميسر ان يكون عندي جهاز كمبيوتر بعد الزواج ده موضوع عادي ومفيش مشاكل لكن ثلاثة اجهزة ده ليه يعني طب ما كانت طلبت لاتوب وتقدر تستخدمه من أي غرفة ده لو قلنا انها بتزهق مثلا من وجود الجهاز في غرفة واحدة

بجد حاجة غريبة منها
والأغرب انها توقف الزواج على الشرط ده

وموقفي في العريس سبق وقلته كفايا كدة بقى


تحياتي

Desert cat يقول...

سومه...مجنونه فى بلد عاقل
اهلا وسهلا بيكى صديقة لبلرنامج وزائرة للمدو نة
والله يا سومة هو فعلا الطلب فى حد ذاته غريب شوية
لكن ايه الداعى انها تطلب 3 اجهزة
اممممممممم
يمكن العريس مش هيجيب فرش للشقه او حملها حاجات زيادة عن طاقتها فحبت تنتقم منه فى 3 اجهزة لو جابهم خير وبركة وممكن تبيعهم بعد الجواز وتسترد جزء من الفلوس اللى جهزت بيها ولو مش استجاب وفرش الجوازة يبقى وفر عليها فلوس العفش
هذا والله اعلم ومش عايزين نظلم البونية علشان الظلم حرام حرام حرام

تمنياتنا بدوام التواصل

Desert cat يقول...

رئـــــيسـة حزب الأحلام
اهلا وسهلا بيكى صديقة للبرنامج وزائرة للمدونة
هى شكلها يا سلوى رقم 3 له معزة خاصه فى قلبها بس ده لازم الـ 3 يكون عليهم نت يبقى احنا نسأل ونستشير على النت

تمنياتنا بدوام التواصل

Desert cat يقول...

جيهان علي
الف اهلا وسهلا بيكى يا جيهان
حقيقى انا كمان بضم صوتى لاصواتكو جميعا ومن هنا اصوت والطم كمان وهموت واعرف ايه السر ورا رقم 3 ده

تمنياتنا بدوام التواصل

عالم ماريونت يقول...

أنا بقى رأيي انهم هما الاتنين اهيف من بعض
ومفيش اكتر من كدة

Desert cat يقول...

يوميات نائمة في الأرياف
اهلا وسهلا بيكى صديقة للبرنامج وزائرة للمدونة
اوقات كتير اوى ممكن تلاقى جوازات بتفركش على سبب بسيط وتافه جدا اتفه من ده كمان لكن طلب برضه غريب ولا ايه رايك
تمنياتنا بدوام التواصل

انت تسال والكمبيوتر يجيب يقول...

الأخت العزيزه صاحبة مدونة يوميات نائمه فى الأرياف
تحيه خاصه لك منى بالأضافه لترحيب الأخت العزيزه قطة الصخراء ونحن فعلا سعداء بوجودك معناونتمنى فعلا دوام التواصل ونتمنى لك كل الخير وبالتوفيق ان شاء الله

انت تسال والكمبيوتر يجيب يقول...

وبالمناسبه اذا رغبت يمكنك ابلاغتا بالأسم الحقيقى لأستخدامه فى البرنامج ومره اخرى اهلا بك معنا

غير معرف يقول...

يا جماعه متفهموش البنت غلط
هي عايز تفتح نت كافيه وتشتغل من منازلهم علشان تساعد الراجل في المصاريف مهي العيشه غاليه برضو
والست بتفكر للمستقبل

ريجو يقول...

هااااااااااااااااا عملت اشتراك
معلش العتب ع النظر مكنت عارفه انو لازم اشترك الاول وانا بعيد التعليق مره اخري


جماعه متفهموش البنت غلط
هي عايز تفتح نت كافيه وتشتغل من منازلهم علشان تساعد الراجل في المصاريف مهي العيشه غاليه برضو
والست بتفكر للمستقبل

ريجو يقول...

يا جماعه متفهموش البنت غلط
هي عايز تفتح نت كافيه وتشتغل من منازلهم علشان تساعد الراجل في المصاريف مهي العيشه غاليه برضو
والست بتفكر للمستقبل

عالم ماريونت يقول...

شكرا ليكم بجد مدونتكم جاااااااامدة اوي

عالم ماريونت يقول...

اه طبعا مفيش مشاكل من اسمي الحقيقي أواسم الشهرة بتاعي (رناعاشور)
تحياتي

Desert cat يقول...

اصدقائى الاعزاء
السبت 9 / 8/2008 يتم إذاعه التعليقات الخاصة بموضوع
عروسه تشترط 3 كمبيوتر
فى برنامجنا الإذاعى
أنت تسال والكمبيوتر يجيب
والذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
ومن التعليقات

جيهان على
مواطن مصرى نايم
غير معروف
سومه
سلوى سمير
يوميات نائمه فى الأرياف
ريجو
حنان الشريف
كما يمكنم سماع الحلقة فى نفس موعد اذاعتها الساعه 9.10 صباحا من خلال موقع البرنامج

http://dear.to/cairo
تمنياتنا للجميع بدوام التواصل