مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الخميس، ٢١ رجب ١٤٢٩ هـ

مهنه جديده مربحه لمن يجبد التصفيق ...لا تشترط الخبره

خبر من شريط الأخبار فى موقعنا المئات من الشباب والشابات يمتهنون مهنة التصفيق في خلفيات برامج "التوك شو" كوسيلة للحصول على مقابل مالي. و هذه المهنة تلقى إقبالاً كبيراً من الشباب وهي في تزايد مستمر يوماً بعد يوم لتوالد القنوات بكثره مثل عيش الغراب او الماشروم .... ويخضع العاملون في مهنة التصفيق في برامج الـ"توك شو" لتدريبات مكثفة لاتقان فن التصفيق.فى رايك لماذا نظراً للظروف الاقتصادية التي يمرون بها ام لتدني الأجور في الأعمال الأخرى ام لتحقيق حلم الشهرة على التيلفزيون من شريط الأخبار فى موقع البرنامج http://dear.to/cairo

هناك ٤٣ تعليقًا:

Alkomi يقول...

لا للتدريب على مستقبل سياسي متوقع و ان كانت احتمالاته بسيطة

ممكن يطلع عضو نيابي ولا حاجة

و ساعتها لازم يكون بيعرف يصفق ولا هيقولو عليه ايه

مابيعرفش

يسفق يعني بلاش مخكوا يروح لبعيد

و عموما الانسان اللي بيروح توك شو عشان يصفق و ياقبض على تصفيقه اكيييييييد

هو انسان صفيق

دعاء مواجهات يقول...

ههههههههههههههههههههههههههههه

مهنة سهلة وبسيطة

بس اموت وافهم بقى نظام التدريب هيبقى ازاى بقى؟؟

سقفة سريعة .. سقفة بطيئة .. سقفة روشة .. سقفة لمسئول .. سقفة لمواطن)

قوللى بقى؟؟

بيس

غير معرف يقول...

الظروف الاقتصادة لها سبب اساسى
وبعدين الشباب بيستسهل شغل مفيهوش تعب ولا حرقه دم

Desert cat يقول...

محمد الكومي
اهلا وسهلا بيك صديق للبرنامج وزائر للمدونة
اسعدتنا زيارتك
تمنياتنا بدوام التواصل

Desert cat يقول...

دعاء مواجهات
اهلا وسهلا بيكى صديقة للبرنامج وزائرة للمدونة
والله يا دعاء موضوع التدريب اكيد هيكون مش سهل اصل فن التصفيق ده حاجه صعبه مش اى حد يعرف يصقف ده محتاج تدريبات قوية واوقات خرافيه وكمان اوفر تايم :)
تمنياتنا بدوام التواصل

Desert cat يقول...

gehad
اهلا وسهلا بيك صديق للبرنامج وزائر للمدونة
وممكن يكون كمان مش فى شغل الشباب يشتغله
بس انا معاك فى موضوع انهم بيستسهلوا دى
تمنياتنا بدوام التواصل

Asmaa mahaba يقول...

هع هع هع هع هعععععععععع
نشتغل مصقفتيه على اخر الزمن ...طراطير يعنى ...بس هو عموما الشباب دلوقت بقوا يشتغلوا اى حاجه فى اى حاجه ...
عموما منقدرش نلوم على الشباب اللى اتخذ اعضاء مجلس الشعب وحكوماتنا قدوه فى التصفيق...مش فارقه فى ناس بتصقف على ايدها واللى مبيصقفش بيتصقفله على قفاه...
تحياتى ليكم سومه_87

Desert cat يقول...
أزال أحد مشرفي المدونة هذا التعليق.
عبده الرايق يقول...

ايه ياناس ؟؟؟
ايه يابشر ؟؟؟
انتوا فاكرين التصقيف ده لعبه !!!
نو
نو
نو
ده فن راقى
زى الباليه ...والاوبيريت ...والفن التجريدى ..والصور المرسومه بالرجل اللى محدش بيفهمها الا صاحبها وتلاقى الواحد واقف زى الطربوش قدام الصوره ومبحلق فيها قوى ...وتقوله ايه فى ايه ؟؟؟...يتنهد ويقولك الله فن جميل ..الرسام ده موهوب ربنا يحميه لشبابه ..وانت تبص على الصوره تلاقى خرابه مرسومه على مصارين عجولعلى مربعات على هبل وعبط
التصقيف بقى من الفن الراقى
وله اسس وقواعد ونظريات وقوانين عامه وقوانين خاصه
وبما ان الدكاتره عبده الرايق دكتوراه فى فن التصقيف من جامعه شارع محمد على
ودكتوراه من كباريه ام رجل مسلوخه
فانا احب اقول لاى حد عايز يتعلم اصول التصقيف العربى والتصقيف الغربى
الاشتراك فى دوره الرايق التعليميه لفن التصقيف من سن يوم الى 200 سنه
مده الدوره التعليميه 37 سنه وبعدها ياخذ المتعلم شهاده من السرايا الصفراء -- قصدى شهاده التصقيف العالميه ويقدر يدخل اى فرح ويصقف بيمينه وبشماله وبطراطيف صوابعه وبضوافره وبكا اوضاع التصقيف
الدخول بالدوره باولويه الحجز
مقدم الحجز
76 الف دورر
و15 الف دورر شهريا
و 4 مليوم دورر عند التخرج
بشهاده
او للاخره
ايهما اقرب

Desert cat يقول...

عبده الرايق
اهلا وسهلا بيك صديق للبرنامج وزائر للمدونة
طبعا احنا كلنا ثقة فى حضرتك
وفى تعليم الفن التجريدى والسريالى والاوبرالى كله ده يتلخص فى التصقيف
احنا يعنى هنعرف احسن من حضرتك ده انت الدكاتره والعلامه عبده الرايق
الا قولى المبالغ اللى حضرتك طالبها دى للفرد ولا دوبل
مش شايف انك كدا كارم المتقمدين اخر كرم
وكمان من عمر يوم حتى 200 سنة بقول انا اهل كرم يا نااااااااس

تمنياتنا بدوام التواصل

Desert cat يقول...

اصدقائى الأعزاء المدونين والمدونات
موعدنا السبت 26/7/2008 مع حلقة جديدة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على بوست " حمدان وبهانة "
والتعليقات التى ستذاع
ابراهيم

محمد الكومى
سلوى سمير
واحد مش فاهم
جيهان على
دعوه للأمل
ياسر الوشاحى
امل
صبرنى يارب
استراليا
طارق الغنام
طهقاته

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواصل

مؤمنه يقول...

السلام عليكم ورحمة الله وبركاته
اعتقد سبب انتشار هذه الظاهره هىو النظر الى العائد المادى من ورائه خاصة وانه ليس بالقليل لأن الشهره لن تتحقق بالظهور فى هذه البرامج فهناك برامج كثيره ومشتركون اكثر صعب ان يلاقى احد المشتركين شهره وسط هذا الزحام
لذلك ا‘تقد أنه العائد المادى الذى يحصلون عليه مقابل مجهود قليل
والسلام عليكم ورحمة الله وبركاته

مدحت محمد يقول...

شغل جديد اسمه مصقفاتى

من غير خبرة كمان

بس اكيد اهم حاجة فيه
نية التصفيق

وكمية نفاق عالية ومتوافرة

عشان ربنا يكرمه
ويبقى مصقفاتى اد الدنيا

ويبقى اكبر مصقفاتى فى مصر

اعتقد التصفيق مبيجبش شهرة

اعتقد اللى بيروحو بيبقو برضه مش محتاجين فلوس

لكن لو شاب اعتقد يأمل انه ربنا يكرمه بحلقة فيها هيفا ولا نانسى

ولو بنت بتتمنى انها ربنا يكرمها بحلقة فيها تامر ولا هيثم

وهكذا
على العموم انا حبيت اقول انى فى مدونة جديدة
بحاول اكرم فيها اجمل قصائد رومانسية كتبها المدونين على بلوجر فى مدونة سمتها

الرسائل الرومانسية

لانهم فعلا حقهم يتكرمو بجد لروعة القصائد الرومانسية اللى كتبوها

وحاسس انهم مظلومين جدا لعدم القاء الضوءعليهم
وده لينك المدونة
http://romantic-messages.blogspot.com/

ٍSOU يقول...

لية الشباب اشتغلوا مسقفتية ؟؟
تاهت و لاقيتهالك .. سيكولوجيا دة رد فعل طبيعى مهم كبشر ليهم احساس .. الدولة و المسؤلين و البهبهات و الامهات و حتى الدنيا بتسقف على قفاهم .. يعنى اولا فى شعورين عندهم اولا العجز و الانكسار لانهم مش عارفين يردوا التسقيف دة و ثانيا الحقد على اللى بيسئفوا.. طبعا دة دافع رئيسى يدفعهم دفعا جامد جدا للعمل كمسئفستية تطبيقا لنظرية (سقفة للمونكى) ماهو مش كل الى سقف بئى بيسقف من شطارة اللى قدامة ..
يعنى مسؤل يسئف على قفاهم .زهم بئة لازمن و لابدن من رد السقفة دى فيروحوا برنامج توك شو هو فية و يسئفوا اجدع تسئيفة تطبيقا للنظرية السالف ذكرها.

اما بئة لو جينا للسبب الاجتماعى و الاقتصادى فهنلاقى ان الشباب مش لاقية تاكل و لا حتى لاقية المكان اللى تجيب منه المم طبيعى انهم ماهيصدقوا اى حاجة تيجى من وش (المونكى بردوا) =ماهى الاسباب كلها مرتبطة ببعضها= اهو اى حاجة تجيب اى جند .. وبعدين مش يمكن وهم قاعدين فى الشو المخرج يعجب بحد كدة و لا كدة و يبقى اتفتح لة باب المجد ..دى نظرية بردوا

** اعتذر عن مثل سقفة للموكنى لكن دة واقع**

جيهان علي يقول...

السلام عليكم ورحمة الله وبركاته

لا وأنت الصادق
ده استسهال
وحلم الثراء والشهرة والنجاح وأنت نايم في السرير
من غير لا مجهود ولا شغل وإجتهاد حقيقي للوصول للنجاح والتوفيق في الحياة العملية .

وبعدين هل هذه مهنة ذات مستقبل ؟؟
لا طبعا لأن القنوات بتطلب جمهور الأستوديو من أعمار معينة وأكيد مواصفات معينة لن تستمر إلى الأبد
يعني مهنة - لو صح إطلاق هذا المسمى عليها من الأساس - ذات عمر قصير ونهاية تبدأ من نقطة البداية


تحياتي

اربعين سنة ستيوتند يقول...

عشان البلد بتحب التصفيق

Desert cat يقول...

كومنت خاص بالصديقة طهقانة كما جاء فى مدونتى
------------------
اظن اني ممكن احط ايدي في بق سمك القرش و لا انقذه لانه في الاصل مؤذي يعني مثلا انا ارحم قطة او كلب او عصفور لكن لا يمكن ارحم نملة عمالة تقرص فيا و مجنناني
---
كنت اتمنى في حلقة طهقانة و السكرتيرة ان تذكروا اسمي الحقيقي(عبير عبد الشافي)و استغربت قوي انكم ذكرتم اسم الزميلة العزيزة بنت القمر الحقيقي و كانت احد المعلقين و لم تذكروا اسمي
--
اتمنى تزوروا مدونتي الثانية كلبوزة لكن سمباتيك
http://kalbozza.blogspot.com
مع جزيل الشكر

اوروفوار

Desert cat يقول...

مؤمنه
اهلا وسهلا بيكى صديقة للبرنامج وزائرة للمدونة
هو طبيعه مهنة التصفيق ده لو سميناهاا مهنة اساسا سهله ومش محتاجه لا مجهود بدنى ولا ذهنى لذلك اعتقد برضه انه العائد المادى
شرفتنيا جدا
و تمنياتنا بدوام التواصل

Desert cat يقول...

مدحت محمد
اهلا وسهلا بيك صديق للبرنامج وزائر للمدونة
اولا الف مبروك على المدونة الجديدة
ثانيا لمهنة التصفيق فدى مهنة سهله
دى مهنة هايله
ربنا يقدرهم وينجحهم فى التدريبات بتاعتها
:)
تمنياتنا بدوام التواصل

Desert cat يقول...

ٍSOU
اهلا وسهلا بيك صديق للبرنامج وزائر للمدونة
هو يمكن فعلا اننا نصنف اتجاه الشباب للعمل فى التثقيف انه بيدور على اى مصدر رزق وخلاص
وكمان شغلة التثقيف سهلهولذيذه
وعندك واحد مثقفاتى على الموضه وصلحه
تمنياتنا بدوام التواصل

Desert cat يقول...

جيهان علي
هو يمكن علشان البطالة فى ازدياد فالشباب مبيصدق اى حاجه منها دخل
حتى لو كانت مؤقته
يمكن فيما بعد يقدر يلاقى شغل كويس ويحقق ذاته فيه
تمنياتنا بدوام التواصل

Desert cat يقول...

اربعين سنة ستيوتند
اهلا وسهلا بحضرتك صديق للبرنامج وزائر للمدونة
يمكن علشان حاجه سهله
:)
تمنياتنا بدوام التواصل

Desert cat يقول...

طهقانة
اهلا وسهلا بحضرتك صديقة للبرنامج وزائرة للمدونة
بالنسبة لحلقة حضرتك اللى اتذاعت بدون ذكر اسمك الحقيقى
فوقتها يافندم حضرتك مش كنتى ذكرتى اسمك الحقيقى
لكن حضرتك ذكرتيه بعد ما الحلقة اتسجلت وبلغنا حضرتك بموعد اذاعتها
بالنسبة لبنت القمر فهى كانت كاتبه اسمها فى بوست موجود من قبل تسجيل الحلقه لذلك كان معلوم
ان شاء الله فى المرات القادمة يتم اذاعه اسم حضرتك ولا تزعلى يا جميل
و الف اهلا وسهلا بيكى وبكل مدوناتك
دمتى بكل ود

تمنياتنا بدوام التواصل

غير معرف يقول...

مين قال ان التصفيق مهنة جديدة
بالعكس دي قديمة جدا جدا
زي اي قرار بياخده المدير بتلاقي كل الموظفين بيصقفوا تأييدا للقرار و مش كدة و بس دة فيه بيطبل و فيه بيزمر و المقابل معروف مكأفأة و لا ترقية
هتيجي بقي علي الشباب اللي بيصقف عشان شوية ملاليم بعد الحلقة

Desert cat يقول...

عمرو عوف
اهلا وسهلا بيك صديق للبرنامج وزائر للمدونة
التصفيق موجود من زمان فعلا يا عمرو بخلاف الوظائف وترقيات المدير كمان فى الافراح والحفلات والسهرات
بتلاقى ابداه فى التصقيف
:)
تمنياتنا بدوام التواصل

غير معرف يقول...

طلبه كتير عندى بيروحوا البرامج دى. و السعر بيختلف حسب البرنامج و القناه، و الجنس ( البنت ضعف اجر الولد ) ، و يزداد المقابل اذا تأخر تصويرالبرنامج فى المساء،و وجبه اذا طالت مدة التصوير . مع توفير اوتوبيسات أمام الجامعات لنقل الطلبه من و الى مدينة الانتاج الاعلامى. و يشترط حسن الظهر طبعا و يوجد اكثر من ماكيير لكل برنامج.
أغلبهم قال لى ان الهدف ليس مادى .. مجرد فسحه و فرصه للتعارف و مشاهدة النجوم و التزويغ من الكليه او تمضية بعض الوقت

مواطن مصرى نايم يقول...

و نسمع صقفه للقرد
موسى نبى و عسيى نبى و كل من له نبى يصلى عليه
ـــــــــــــــــــ
يا جماعة الناس اللى بتصقف دى بتكون بتتدرب على انهم يكونوا زباين فى مطعم
لما الزبون بيصقف للجرسون
بس الاحسن انهم يقوموا يزغرطوا
و اللى معاه فلوس ينقط المذيع او المذيعه
و بتاع الكاميرا يتحزم و يهز وسطه
و الاستوديو يقلب كبارية

زى الراجل اللى عاش فى تشيك و اتجوز تشيكيه و خلف فى التشيك لما رجع مصر
استقبلوه اهله فى المطار
و غنوا
تشيك تشيك مرزوقة تعالى جنبى

يعنى بيهيصوا فى الهيصة

Desert cat يقول...

Hani Michel
اهلا وسهلا بحضرتك صديق للبرنامج وزائر للمدونة
طبعا يا استاذ هانى حضرتك حكيت لنا حاجه واقعيه جدا
وده معناه ان السبب الرئيسى مش اقتصادى يا كسفتى وانا عمال اقول اهو شغل بدل البطالة
اشكرك جدا
تمنياتنا بدوام التواصل

Desert cat يقول...

مواطن مصرى نايم
اهلا وسهلا بيك صديق للبرنامج وزائر للمدونة
انت قلبت الاستوديو كباريه يا اسلام
ناس بتصقف وناس بترقص وناس بتغنى يا سلام يا ناااااااس على الدماغ
لذيذ موضوع الاتشيك ده
الا مش جابوا معاهم جبنه تشكيى
اصل نفسى ادوئها
:)
تمنياتنا بدوام التواصل

انت تسال والكمبيوتر يجيب يقول...

رساله خاصه للخت عبير عبد الشافى
على فكره الأفضل لنا من الناحيه المهنيه اذاعة الأسم الحقيقى ولكن بتعذر هذا كثيرا لأننا ببساطه لا نستطيع ان نستدل عليه من المدونه فى اغلب الأحوال وهذا ماجدث مع مدونتك ...فانت لاتذكرين اسمك الحقيقى بينما ذكرته الأخت المعلقه ولذلك اذعنا اسمها بينما لم نعرف اسمك الحقيقى الا الآن....عموما فى المرات القادمه سنذيع الأسم الحقبقى لأنه بالنسبة لنا هو الأفضل وبالنسبه للمستمع لا يحب الأسماء الغامضه التى تطلق على المدونات او الأسماء المستعاره

انت تسال والكمبيوتر يجيب يقول...

الأخ العزيز مدحت محمد
تحيه طيبه وبعد
طبعا فكره جميله تجميع انتاج شعرى جميل فى مدونه وسنزورها طبعا ولو وجدنا ما يصلح لبرنامجنا سنذيعه
ولك منا اطيب المنى

انت تسال والكمبيوتر يجيب يقول...

الأخ محمد الكومى
الأخ اربعين سنه
مش لو قرينا السؤال تانى ممكن نوصل لأجابات مختلفه؟

دعوة للأمل يقول...

اكيد بيعملوا كدة عشان الظروف الاقتصادية الصعبة و ارتفاع الأجور فى التليفزيون و عشان مفيش اسهل و ابسط من ان الواحد يروح بصقف و بالمرة بطلع فى التليفزيون
تحباتى
سالى

Unknown يقول...

الواحد يقعد يصقف و لو طلب الامر يرقص و اهو كلو بتمنه و علي راي عادل امام الساعه بخمسه جنيه و الحسابه بتحسب

تخيلي لما الي يعمل كده شباب جامعي المفروض متعلم و مثقف يبقي وصلنا لايه

Desert cat يقول...

دعوة للأمل
اهلا وسهلا بيكى صديقة للبرنامج وزائرة للمدونة
هو انا فى البداية قولت ظروف اقتصادية وبعدين رجعت قولت هواية وبعدين فى الاخر بصراحة مش عارفه هترسى على ايه
أو ترسى زى ما ترسى
:)
تمنياتنا بدو ام التواصل

Desert cat يقول...

EmY
اهلا وسهلا بيكى صديقة للبرنامج وزائرة للمدونة
والله يا ايمى الموضوع ده صعب شوية
يعنى احنا مش وصلنا للدرجة دى من الفكر لكن مش اقدر القى كل اللوم يمكن شغله سهله وموفرة للوقت والجهد علشان يعرف يذاكر
بلتمس لهم عذر انا عارفه هههههههه
شرفتينا
تمنياتنا بدوام التواصل

كلبوزة لكن سمباتيك يقول...

العزيزة قطة الصحراء
اشكرك جزيل الشكر على ردك الرقيق و اشرك مرة اخر على اهتمامك و يا رب في تالق مستمر و نجاح اكبر و اكبر
----
الشباب العاطل يصفق على القهوة لطلب المشاريب
فإية المانع يصفق في برامج التوك شو
و ياخد فلوس!!
و اهو كله تصفيق
رافعين شعار..صفق مرة و خد الاخرى مجانا

اوروفوار

كلبوزة لكن سمباتيك يقول...

نسيت اقولك اني انا
طهقانة
عبير عبد الشافي

Desert cat يقول...

كلبوزة لكن سمباتيك
لا شكر على واجب يا جميل
انا اللى بشكرك جدا على كلامك الرقيق
-----------------
بالنسبة للشباب اللى بيصقف على القهوة فعلا اهو بيصقف علشان ينزله مشروب ويدفع فلوس
انما فى البرنامج هياخد فلوس ويمكن شهره كمان

شرفتينا جدا استاذه عبير
تنمياتنا بدوام التواصل

بنت مصريه يقول...

بعض المذيعين ف هذه البرامج كانوا بيقولولهم سقفوا بقى ياللا سقفوا
ناقص يقلولهم انتو مش واخدين فلوس ولا ايه
هههههههههه
انا رأيى ان اقدام الشباب على مهنه زى دى اذا اعتبرناها مهنه يعنى
هو التلت اختيارات اللى انتو قولتو عليهم مضافا اليها عدم وجود هدف ف الحياه
يللا نروح نسقف
وناخدلنا قرشين يا بلاش

انجى البوهى
مدونه مين فين ليه

عالم ماريونت يقول...

طب واالله دي حاجة كويسة اوي
محدش معاه رقم حد من الناس دي؟

غير معرف يقول...

أنا شايف إن السبب مادى بحت
لأنى ما أعتقدش إن الواحد لما يطلع فى برنامج عشان يسقف ع الفاضى على كلام مش فاهمه أو مش مقتنع بيه دى طريقة محترمة للشهرة
دى تنفع للتشهير مش الشهرة
و بصراحة هى شغلانة سهلة و متمشية مع النظام العالمى الجديد
نظام كبر تعيش
يعنى إنت إضرب الجل فى شعرك و سقف نص ساعة قدام المراية على سبيل التدريب و أديك إتوظفت
بلا تعليم ولا تعب قلب

انت تسال والكمبيوتر يجيب يقول...

حلقة ردود على مهنة التصفيق ولم تذع فى موعدها لخطا تذاع غدا الأربعاء 6-8-
2008
برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
والحلقة تتضمن رودو المدونين الأعزاء على بوست " حمدان وبهانة "
والتعليقات التى ستذاع
ابراهيم

محمد الكومى
سلوى سمير
واحد مش فاهم
جيهان على
دعوه للأمل
ياسر الوشاحى
امل
صبرنى يارب
استراليا
طارق الغنام
طهقاته

كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo