انت تسال والكمبيوتريجيب
ماهى اكبردوله من حيث عدد السكان فى العالم بعد الصين والهند ؟
معلهش انا ضعيف فى حفظ الأرقام لكن خلينى افكر ...هى فى اى قاره ؟ والا اقول لك هل هى دوله نوويه ؟يعنى هل تملك اسلحه نوويه
..معندناش وقت...ثالث اكبر دوله من حيث عدد السكان خارج القارات وليست دوله نوويه مثل الصين والهند
خارج القارات؟ايه موجوده فى الفضاء؟
يعنى
يعنى ايه
موجوده فى الفضاء الألكترونى ...على النت...اظن كده بقت سهله جدا
الفيسبوك ...موقع الفيسبوك صح؟...دولة الفيسبوك عدد سكانها يزيد عن نصف مليار انسان وبالطبع لا تملك اسلحه نووويه
ده طبعا غير دولة الفيسبوك اللى هو اسم اول كتاب باللغه العربيه عن الموقع الشهير من تاليف ومن ضمن صفحات الفيسبوك التى ذكرها صفحات البرنامج وعنوانها انا والنت ....المهم...ايه اهم موقع فى رايك بعد الفيسبوك ؟
توتر ...موقع توتر ...موقع توتر لمن لا يعرف هو موقع يعطيك صفحه لتدون فيها باختصار اى حاجه تخطر على البال ليقراها اصدقاءك او ينقل لك ما يكتبه اصدقاءك فى صفحاتهم
انا عندى حكايه غريبه عن موقع توتر من ماليزيا ...محكمه فى ماليزيا حكمت حكم جديد تماما على ما اعتقد على احد مستخدمى موقع توتر اسمه فهمى فاضزيل
عمل ايه فهمى
كتب قصه مزيفه عن سوءمعاملة واحده من معارفه من رؤسائها فى احدى المجلات ومع انه اعترف بعد فتره انها قصه مختلقه واعتذر الا ان المجله رفعت قضيه وكان الحكم ان يعتذر 100 مره على مدى ثلاثة ايام فى صفحته على توتر ...طبعا حمد ربنا وقال احسن من غرامه كبيره كان ممكن يدفعها
بس فى حاجه غرابة الحكم ممكن تزيد عدد من يقراون صفحته على اعتبار ان كل غريب يشد الأنتباه
بالفعل ده اللى حصل ...الحكايه دى فكرتنى زمان لما كنا صغيرين ولما نعمل حاجه كانوا يعاقبونا باننا نكتب جمله او قطعة محفوظات 30 او 40 مره
بس فى فرق...زمان كنت لازم تكتبى ال30 مره ...مره بعد مره ...النهارده ممكن ببساطه تكتبى الأعتذار مره واحده وبعدين تطلبى من الكمبيوتر يطبع اى عدد تحبيه من الجمله اللى بيسموه اهل النت كوبى آند بيست
علشان كده المحكمه طلبت كتابة الأعتذار 100 مره مش فى يوم واحد ولكن على تلات ايام
ولو ... ممكن باستخدام برنامج زى HOOTSUITEيكلف الكمبيوتر يكتب المطلوب فى الوقت اللى يحدده وباى عدد من النسخ
المحكمه فاتها الموضوع ده ....التكنولوجيا بتتقدم اسرع مما يتصور كثيرون
هناك تعليقان (٢):
سلامو عليكم
اجب ابدى اعجابى بيهم مرتين
مره عشان هو اعترف وماسابشى الناس كدا ع عماهم وانه محدش اجبره ان يقول الحقيقه واحترام عقليات الناس اللى قدامه .
تانى حاجه
ازاى تجذب اللى قدامك ونفس الوقت عقاب للى اذنب
شايفين عارفين يتستغلوا التكنولوجيا
ازاى بيشغلوا عقلهم
بجد نفسى حد من غندنا يكون كدا فى كيفيه استغلال الفرص ليا ولغيرى
الله الفكرة جميلة جداً
ودا أفضل من السجن أو الغرامة فالسجون مش ناقصة
ويا سلام لو طبقنا دا فى بعض الجرائم
فعلى سبيل المثال
فى أوروبا تم القبض على سائق مخمور وتم إيداعه فى فندق خاص لهؤلاء وأكل وشرب ونام تمام التمام وتانى يوم دفع الفاتورة غصب عنه
وممكن نستخدم حاجات زى دى مع بعض الخارجين على القانون كتنظيف شوارع أو زراعة بعض الأشجار كعقاب له إلخ
ومنها عقاب ومنها البلد تستفيد
إرسال تعليق