هل وصلتك هذه الرساله ؟رساله اخرى من نفس النوعيه اياها بدون اى تجديد او ابتكار
من مكتب من يسمى احمد موسى الذى يقول عن انفسه انه موظف فى قسم الحسابات الجاريه والمراجعه فى بنك التنميه الأفريقى
طيب عايز ايه؟
لأ حاجه بسيطه خالص …عرض بكذا مليون دولار سيكونوا من نصيبك
طيب ازاى وليه
15 مليون دولار اميركى تبحث عن صاحب فى البنك
بعد ان مات صاحبها وكل عائلته فى تحطم طائره فى بنين عام 2004
ولأنه لن يطالب بها احد ستذهب للحكومه
وكل ما عليك هو ان تطالب بها كقريب لصاحبها
وسيحصل مرسل الرساله على 60 فى المائه وانت 40 فى المائه
عندما تنفذ التعليمات التى سيزودك بها اذا وافقت على الصفقه
ومطلوب فى البدايه تبعت له شوية بيانات مثل الأسم بالكامل والجنس السن والدوله والمهنه ونمرة المحمول
هل تستطيع ان تكمل السيناريو لو بعثت بهذه المعلومات ؟
هناك ٦ تعليقات:
سيطلب منك ارسال مصروفات التحويل
ولما تعمل فيها "ناصح" وتقوله اخصمهم من المليارات اللى عندك وابعت الباقى..
يقولك لأ
المبلغ مجمد ولا يمكن الاقتراب منه
فقط يمكن الاقتراب من جيبك ومحفظتك ورقم حسابك انت
وابعت بسرعة!!
*****
حقيقة لاأعرف
أين دور شرطة مكافحة الجريمة الاليكترونية والانتربول الدولى فى متابعة هؤلاء القراصنة
اللهم الا اذا كان شغلهم الشاغل فى كل بلدان العالم هو متابعة الانشطة السياسية فقط!!!!!!!!!!!!!
الامساك بهؤلاء اللصوص الأغبياء فى منتهى السهولة
فقط يمكن مراقبة أرقام الحسابات التى يرسلونها فى النهاية للضحايا
ويتم مراقبة هذه الأرقام والفيزا التى تستعمل فى السحب منها اليكترونيا
حتى يتم الامساك باللص متلبسا فى اى مكان بالعالم
على غرار قضية سوزان تميم مثلا..
الأفارقة يتهمون طوال عمرهم بالغباء
فلماذا نجحوا فى جميع عمليات القرصنة البحرية والاليكترونية ؟؟!!
ربما هى دورة الزمان
وهم الآن ينتحلون دور وصفة القراصنة القدماء
الكابتن كوك
وماجيلان
رواد ومبشرى الاستعمار القديم ولصوص العالم الجديد
لا حرمنا الله من قلمك النابض بآهات الأمة وآلامها يا أستاذ صلاح
شكر خاص لمجموعة ولا تعتدوا
كل عام وانتم بخير
لو قرأت كلماتى تلك فلا تحرمنا من زيارة قصيرة لمدونتى والتعليق على سلسلتى القصصية التى ستتحول لعمل درامى بإذن الله:
الطوفان.. والجسر… حكايات من نكلا العنب (1)قبلة من بطل
الطوفان.. والجسر .. حكايات من نكلا العنب (2) شهيد آخر وزوجة عذراء..!
الطوفان والجسر.. حكايات من نكلا العنب (3)الزفة
الطوفان والجسر.. حكايات من نكلا العنب (4)جنينة كشاكش
الطوفان والجسر.. حكايات من نكلا العنب (5)امرأة فوق الجدار الرابع
الطوفان والجسر.. حكايات من نكلا العنب (6)بطل من طين السماء
على أحر من نار الجمر فى انتظار تقييم وأراءكم
خالص مودتى
جائتني هذه الرساله كثيرا ومثلها رسالة تويوتا اللي تقول
مبروك فزت بسيارة في الصين ابعث بمعلوماتك ونرسلها لك ...وكمل انت الباقي يمكن يطلب مصاريف الشحن
أزاي أصلا ممكن حد يوافق علي كده وخصوصا أنه هياخد 20%فقط والراجل اللي باعتله الرسله هياخد60% ،طب ميبعتش هو نفسه ليه
نورا
اهلا بك...سعداء بتواصلك معنا
من أول ما عملت ميل و أنا بتوصلنى الرسائل دى ، فى الأول كنت بفتحا و اقرئها دلوقت بعمل لها ديليت بدون حتى قرائتها ، النصب واضح فيها ، بس الى بستغرب له أنهم بيفرضوا الغباء فيمن يرسلون لهم هذة الرسائل و يعتقدون انهم سيصدقونهم و يرسلون لهم ما يريدون !!!
إرسال تعليق