ادينى عقلك

ادينى عقلك كيف تساعدك النت على حل مشاكلك بالسرحان واحلام اليقظه موضوع جديد تماما عن موقع على النت يقدم فكره مبتكره وهو موجود بنصه الأنجليزى فى الصفحه الشخصيه لموقعنا على الفيسبوك وبسطناه وسنقدمه فى حلقه بهذا الشكل ونحب نعرف اراءكم ولا تنسوا التعليق على التدونتين السابقتين هذا نوع من مشاركتكم فى اعداد البرنامج

انت تسال والكمبيوتر يجيب

بيقولوا عن الكمبيوتر انه لا يبتكر او يبدع ...صح؟

هو كده فعلا ....الكمبيوتر جهاز يسهل كثيرا جدا حياة الأنسان ....لكن خلق وابتكار وابداع ....لأ ...على الأقل حتى الآن .... لكن مين عارف ممكن يحصل ايه فى المستقبل

ولا حتى يساعد على الأبتكار والأبداع ؟يعنى مثلا مثلا لو قالك ادينى عقلك حتعمل ايه والا حتقول له ايه؟

الكمبيوتر حيقوللى ادينى عقلك ؟

ايوه

وايه بقى المناسبه؟ الواحد بيقول للتانى ادينى عقلك لما يكون بيحكى حكايه غير عاديه او غريبه او صادف موقف صعب ويطلب من الشخص التانى اللى بيحكيله انه يتخيل نفسه فى هذا الموقف

الكمبيوتر لما حيقول لك ادينى عقلك حيكون بيقصد انه يساعدك على الأبداع والخلق والأبتكار

وهو الخلق والأبداع والأبتكار مساله سهله كده ....

اشكرك على هذا السؤال ....ليه بقى ...لأن السؤال ده شاغل تفكير العلماء من زمان ... من قبل انتشار الكمبيوتر والنت ...لكن حديثا اكتشفوا حاجه مهمه عن فوائد السرحان

بتقولى فوائد السرحان

ايوه السرحان واحلام اليقظه كمان

اكتشفوا ايه بقى عن السرحان واحلام اليقظه

انهم مش مضرين زى ما كتير من الناس بتعتقد ....بالعكس الخلق والأبتكار والأبداع يحتاج لأعطاء العقل حرية التجول الحر وتشغيل الخيال على الآخر

بس كده ...مكنش حد غلب

طبعا مع السرحان والخيال حتمر علينا افكار واشياء كثيره فى مخيلتنا ...جوه دماغنا ....حاجات تبدو فى الأول انها منفصله غير مترابطه....نفكر شويه حنجد انها بالعكس ممكن نربط ما بينها ونطلع بكده او نولد افكار جديده مبتكره

مع السرحان واحلام اليقظه بنتنقل من فكره لفكره ومن شىء لشىء لا رابط بينها

لكن لو وضعنا كل الأفكار دى قدام عينينا وحطينا كل مجموعه مترابطه منها مع بعض

حنقدر نولد افكار جديده مبتكره

ايه بقى دور الكمبيوتر هنا

برنامج كمبيوتر مجانى يمكن تنزيله من النت يساعدك فى ترتيب افكارك بالشكل اللى قلته

وبالتالى يساعد على الأبتكار

وكمان حل المشاكل الصعبه ....مش كده وبس

ايه كمان

تضع عقلك او ما يدور فيه اون لاين يعنى على النت ليساعدك الأصدقاء فى الأبتكار باستخدام افكارك

ماهى حتبقى معروضه قدامهم

زى ماهى معروضه قدامك ....يعنى ماحدش منهم حيقول لك ادينى عقلك لأن اللى فيه معروض على الشاشه قدامهم

نقول عنوان الموقع الذى يوفر هذه الخدمه webbrain.comبدون www