طبعا اردنا ام لم نرد التكنولوجيا حولنا من المحمول للكمبيوتر للغساله ...كلنا نستخدمها رجالا ونساء ...ولكن هل يستخدمها كل فريق بنفس الطريقه؟
دراسه ظريفه من الخارج طبعا لأنهم يدرسون كل شىء ولا يتركونه للصدفه تقول:
هناك اختلاف
الرجل يحاول ان يفهم ويسيطر على الجهاز اما المراه فيكفيها معرفة افضل طريقه للأستفاده منه
هل تتفق مع هذا ؟ام ان الوضع عندنا مختلف؟
هناك ٧ تعليقات:
نعم اتفق بالفعل
فهذاهو الامرالسائد لدينا ايضا
فالرجل يريد معرفة مكونات كل شئ زى الراديو او الموبايل مثلا يقوم الرجل بفكه وتركيبة ومعرفة الاعطال التى تعترية وايضا كيفيه تصليحها
من باب الفضول
ولكن المرأة لاتهتم بذلك على الاطلاق
فلديها اهتمامات اخرى
انا مثلا باحب الكروشية لازم اى حاجة مصنوعه من الكروشية افحصها كويس جدا علشان اشوف طريقة عملها
يعنى بمعنى اصح لكل واحد اهتماماتة
وليس معنى ذلك تفوق الرجل على المرأة فى الذكاء او اى قدرات عقلية اخرى ولكن
كلاهما كائنان مختلفان فى الميول والاتجاهات
طبعا أتفق مع هذا الرأى
وقد يرجع ذلك للفروق العقلية والميكانيكية والمهارية والجسدية بين الرجل والمرأة
كما درسنا فى علم النفس أثناء المرحلة الثانوية
تختلف المرأة العربية عن المرأة الغربية فى أن المرأة العربية والشرقية تعتبر أن مهمتها الأولى هى رعاية البيت ونظافته واطعام الجميع.وهى تتحمل تلك المسؤلية كاملة حتى لو كانت تعمل مثل الزوج أو حتى عملها أصعب من عمل الزوج ،لذلك فهى منهكة جسديا وعقليا فى شئون المنزل ،بينما الرجل عندنا عنده فراغ كبير وفرصة لمتابعة التكنولوجيا وتطورها وتعقدها.
لذلك يظل الفارق كبير فى مجتمعنا الشرقى عن المجتمع الغربى الذى يتقاسم فيه الزوجين أو الشريكان كل شئون البيت،لذلك فمن الطبيعى أن تكون الفروق بسيطة وتكمل الرجل فى نواحى المعرفة والفكر الذى يخدم المجتمع.
من المواقف الطريفة أن أحد الأزواج كان يؤكد إجادته لاصلاح مشكلات السباكة والكهرباء والأجهزة بالمنزل حتى أن زوجته لاتحتاج إلى مساعدة من الخارج ،وأكدت زوجته ذلك بفخر.
وأخذت أراقب الزوج وهو يصلح الاعطال فى المنزل لكنه كان ينادى زوجته بعصبية شديدة ،فعرضت أن أساعده لكنه رفض وأصر على زوجته ،وعندما سألتها لماذا ؟ردت فى همس:إنه فى الحقيقة لايفعل شيئا بل يحاول ويفشل حتى أساعده وهو يعطى الأوامر ،ثم بعد ذلك يؤكد أن سبب فشله فى الأول عدم فهمها لمايريد ....!!!
فالمرأة هى الدافع الأول للرجل الشرقى كى يتطور ويتعامل مع التكنولوجيا ولولا مساعدتها يفشل ،وعندما ينجح يؤكد أنه يعرف كل شىء وتضطر المرأة أن تؤمن لانها لاتستطيع أن تقول الحقيقة فى هذا المجتمع الديمقراطى جدددااااا.
السلام عليكم
انا اتفق بالفعل
فالرجل محب للاطلاع كل كل الفاصيل سواء صغيره او كبيره
ومثال على ذلك اذا اشترى الرجل جهاز جديد لا يتركه حتى يعرف كل كبيره وصغيره عنه
اما المراه فانها لا تفعل هذا وانما تهتم بكيفية تشغيل الجهاز مثلا والتحكم فيه ولا تهتم باى شى اخر يتعلق به
ولكن هذا انا بعتبره عيب فى عصرنا الحالى لان الرجل لما بيعرف كل التفاصيل اللى عن الجهاز اللى اشتراه جديد بيفتكر نفسه اصبح هو من اخترح الجهاز
فاذا وجد عطل فى الجهاز يقوم هو بنفسه باصلاحه بس ياريت بيصلحه ده بيبوظه اكتر
وانما المراه لا تهتم بمثل هذه الاشياء
تحياتى
احمد سمير
لا لا لا لا لا لا لا فيه اختلاف كبير اوى يا جماعه بين اراء المعلقين
انا راى فى الموضوع هيبقى فى اخر التعليق
ولكن دلوقتى هاقول راى فى تعليقات الاخوه
اميره يوسف
التفوق العقلى او الذهنى بين البشر كلهم موجود يعنى فعلا فيه واحد اذكى من واحد مش شرط يكونوا راجل وست ممكن يكونوا رجلين او امراتان وهكذا التفاوت ده موجود بين كل المخلوقات يعنى مثلا مفيش حد دماغه زى التانى وبالتالى بيختلفوا فى القدرات وكذلك الميول زى ما تفضلتى ووضحتى فى نهايه تعليقك
ايهاب الحمامصى
هو طبعا فيه فروق عقليه ومهاريه ولكن فى بعض الاحيان بتكون فى صالح الانثى يعنى بتحب تكون قياديه حبتين ولكن مع الهزيمه بتتراجع غير الرجل اللى بيظل يدافع ويتقدم لحد ما ينتصر
( انا مش منحاز ) دى طبيعه
الاستاذه سمر شريف
كفايه ظلم للمجتمع العربى وللرجل العربى المراه الاجنبيه لما بتحط البيت فى مقدمه اولوياتها كل الناس بتحترمها وبتشجعها وبيعملوا زيها احنا ليه بنبص لها بنظره انها قليله القيمه
وبعدين الرجال ازاى عندهم وقت ؟؟
وبلاش النظره الظالمه دى للرجال فى المجتمع العربى
والمراه فى مجتمعنا مش هى الدافع ولا حاجه ومن غيرها هيفشل دى نظره غريبه جدا جدا ولو مشينا وراها المفروض اننا نلاقى كل الشباب اللى مش متجوز فاشل فى حياته لانه من غير حد يدفعه للنجاح وبالعند فيكى ان شاء الله هتجوز من اجنبيه وهانجح فى حياتى حاليا من غير امراه علشان اثبت لك العكس تماما من وجهه نظرك
اما راى فى الموضوع
==================
الرحل بسبب اهتمامه بما فى يده فقد يتجه الى اصلاحه كى لا يتوجه للشراء من جديد هذا من جهه ومن جهه اخرى فهو محب للاستطلاع ومعرفه كيف تسير الاشياء وغير ذلك اما المراه فبسبب حبها للتسوق على سبيل المثال فهى تحب التغير وتتجه اليه من حين الى اخر لذلك فهى ليست فى حاجه للسيطره على الجهاز لانها سوف تغيره قريبا جداااااااااا
ولذلك اتفق مع تلك الدراسه
وبالعند فيكى انا هاتجوز من اجنبيه
أم بتول ،
مش شرط ، بمعنى أنا عن نفسى لما اشترى جهاز جديد مش بكتفى بأنى اعرف طريقة تشغيلة ، لأ الأعطال الشائعة و كيفية أصلاحها فى البيت سريعا لأنى مش ها ستنى الصيانة لما تيجى ، مثلا المكنسة لأزم أعرف أنها لما بتعطل أما فصل فى سلك التشغيل أو قطع فى الدائرة الكهربائية لها أو عدم الأغلاق جيدا، عدم تركيب كيس التراب فى مكانه ، و فى النهاية لو كانت العطل كبير و يحتاج لصيانة اذهب بها للصيانة ، يعنى مش معقول أن اعرف طرق التشغيل وبس ، لأ لازم اعرف طرق الصيانة الأولية على الأقل ، وفى رجالة حتى تشغيل غلاية المياة مش بتعرف و تنادىعلى الزوجة لتشغيلها ، الموضوع مش مقياس للرجل أو للمرأة ، الموضوع قدرات و أهتمامات .
مودتى و أحترامى . أم بتول
الصديق العزيز رعد المصرى
المساله لا تحتاج للعند...ليه اخذت الموضوع بهذا الشكل...كل الآراءنعتز بها ولاتنسى ان اختلاف الراى لا يفسد للود قضيه...ولا يملك احدنا الحقيقه فكل راى قابل للصواب والخطأ
إرسال تعليق