فاكرين الجنيه الخشب؟ ههههههه
طبعا ماكنش فيه جنيه خشب ...لكن دهب ...او بمعنى اصح حديد ...جامد اقوى من الأسعار وتحترمه الأسعار فلا ترتفع
طبعا ده كله تهريج الجد فعلا هو ظهور ماوس كمبيوتر خشب لحماية البيئه والحد من التلوث نتيجة استخدام البلاستيك
مش كده وبس لأنقاذ الأرض من الغرق نتيجة ارتفاع درجة حرارة جو الأرض وذوبان الثلوج من على قمم الجبال قرر مجلس وزراء نيبال عقد جلسه على جبال الهمالايا قرب اعلى قمه فى العالم قمة ايفرست
كما فعلوا قبل ذلك فى جزر الملاديف عندما عقدوا جلسه تحت الماء
هل تشترى هذا الماوس الجديد وان كان اغلى طبعا من الماوس البلاستيك لتساهم فى انقاذ الأرض علما بان مافى يدك جنيه ورق وليس من الذهب او الحديد
قلت ايه؟
هناك ١٢ تعليقًا:
الناس النهاردة بتشترى الماوس اللاسلكى عشان تخلص من سلكة زيادة وبعدين يا حرام هما سابو كل اسباب الملوثات الرئيسية ومسكو فى الماوس الغلبان ده حتى يبقى حرام ،، هما لو عايزنها خطوة ايجابية فعلا يبقى لازم يعملوا شىء صعب تنفيذه وهى سحب الماوسات فى جميع الاسواق العالمية وتعميم الماوس الخشبى
كلمة الجنية الخشب دى كنت دايما باسمعها اما حد بيتكلم عن خير زمان
أما بالنسبه للماوس الخشب دى بقى ممكن طبعاانى اشتريها لو أن لهافائدة لانقاذ الارض وكمان لو فكرنا شوية هنلاقيها بردو مفيدة لصحتنا علشان اضرار استخدام البلاستيك اللى كلنا عارفينها
بس طبعا كل دا هيحصل لو انى امتلك ثمنها
او بمعنى آخر مش هاعتبرهامن الاولويات اللى ضرورى تكون متوفرة عندى ولكنها من المكملات التى يستحب اقتنائها
يعنى البلد هتنحل مشكلتها بالماوس الخشب
سبحان الله
يعنى الماوس الخشب يحمى البيئه من التلوث
طيب والدخان اللى كل يوم نتنفسه من العربيات والموتسيكلات نعمل فيه ايه ؟
طيب مياه الشرب اللى مبقيتش نضيفه نعمل فيها ايه؟
طيب مياه البحار اللى اتلوثت نعمل فيها ايه ؟
طبعا انا بتكلم عن بلدى لكن الجماعه بتوع نيبال اللى بتتكلموا عليهم دول ناس دماغهم فاضيه
انا عن نفسى مش هشترى الماوس الخشب ده
دى مش حتة خشبة عادية ..دى ممكن تنقذ العالم من تلوث البيئة وهتنقذ الارض من الغرق ..
المخ العربى مطبوع فيه حجات كتير غلط وانا بدورى هضيف حتة الخشبة الى المطبوعات المخية العربية ...علشان يشتروه طبعا..اى خدمة
تحياتى
well
اولا بنرحب بك ضمن الأصدقاء الأعزاء...ونرحوا ان يدوم التواصل بيننا
تتأثر نفسى للغاية وانا أشاهد جامعى القمامة يجمعون كل صباح اطنان من المنتجات الغير قابلة لتحلل
وتحتاج لعشرات آلاف السنين لذلك
وتتراكم فى بيئتنا مخلفة كوارث لا حصر لها
خاصة
واننا لا نعرف شئ اسمه اعادة تدوير القمامة وهى صناعة مربحة للغاية فى دول الغرب
ورغم ذلك فدائما ما أبدأ بنفسى
ومستعد لفعل اى شئ مهما صغر حجمه
للمشاركة فى حماية البيئة لأنها مسئولية جسيمة أمام الله
أدعوكم لتدوينتى الجديدة
"الهوليجانز"
السلام عليكم
هى فكرة كويسة
بس اشمعنا الماوس يعنى
ما كل اجزاء الكمبيوتر من المعدن
والبلاستك وياترى هستبدلوها هى كمان
ممكن نسمع عن مازربورد خشب
ههههههههههههه
انا اول مره اعرف ان احد ملوثات البيئه هو الماوس ده اغلب الحاجات مصنوعه من البلاستيك
يعنى مش هنقدر نعدهااو حتى نستبدلها
بالخشب يعنى الاكياس مثلا هتبقى اكياس خشب وزجاجات المياه المعدنيه وغيرها كتييييييييييييييييييير
يا ريت التلوث يكون ماوس وبس
rony
اهلا بك معنا ضمن اصدقاء البرنامج الأعزاء
ماوس خشب
ويعنى هى جت على الماوس
بس ممكن تبقى بداية
تحياتى للبرنامج
إبن النيل يقول....
أشتريه ونص عشان لما حد يحاول يحسدنى أو أقول حاجة وخايف من الحسد أحط إيدى عليه عشان ماحدش يحسدنى هههههههههههههه
مهندس/فاروق عبدالحفيظ سحير
مصر - الجيزة - فيصل - الطالبية
farouksam.blogspot.com
إرسال تعليق