التقى طموح-بفتحه على الطاء-بحشرى فى الشارع وكان الوقت فى الصباح الباكر
حشرى:على فين
طموح:ع القهوه
حشرى:بدرى كده
طموح: ايوه الشغل بيبدا بدرى 8 بالظبط...والا استنى الفتره المسائيه من 4 بعد الضهر
حشرى: ليه هو انت لا مؤاخذه بتشتغل فى قهوه؟
طموح :ايوه وانا فى فترة تدريب لمدة 3 اشهر ...ومنها كمان اكتساب خبره
حشرى:خبره فى ايه بقى...عمل الشاى والقهوه؟ههههههههه
طموح:شاى وقهوة ايه ...انا بشتغل فى شركه كبيره معروفه فى اميركا...والتدريب بيتم على البعد بالكمبيوتر ومن اى مكان ...وانا فى البيت على الكنبه ممكن ...فى القهوه ممكن...فى اى مكان ...والبركه فى النت
حشرى:تشتغل فى شركه فى اميركا وانت هنا فى بولاق الدكرور؟!والله حاجه غريبه ...معقوله دى؟ياعم قول كلام غيرده ....ده على كده بقى الواحد يزوغ تزويغ ...ونقبض برده بالدولار ....هههههههه
بص له طموح شزرا وسابه ومشى
هل تعتقد ان هذا الأتجاه الجديد وهو العمل من البيت او من اى مكان عن طريق النت يمكن ان ينتشر؟
هناك ١٦ تعليقًا:
انا صاحبة مدونه صوت المعاق يسعدنى انك تعملو حلقه عن الدونه اكيد بس اريد ان اعلم هل ستقومو بعمل تقرير عنها ام حوار مع صاجح المدونه الرجاء مزيد من الايضاح يا ريت ترسله ليه فى اى تعليق على المدونه او بريدى الخاص
dr.reem31185 @gmail.com
or
reeemmmm@yahoo.com
السلام عليكم
بجد مش اوصف اد ايه انا فرحانة بالفكرة العبقرية دى بجد
ماكنتش فعلا متخيلاها ابدا
بجد مفاجأة
لا دى احلى مفاجاة بجد
ومتشكرة اوى اوى على الدعوة الجميلة دى
بجد دة سعدنى كتيييييييييير اوى
تعليقى بقى الموضوع الغريب دة واللى اول مرة باسمعه
بجد دى حاجة مش كويسة خالص خالص
يعنى بتعلم الناس الكسل اكتر ماهى
طب هقول لحضرتك حاجة
ماما امبارح اقترحت على اختى انها تروح الكلية بعربية معينة يوميا وتجيبها
اختى رفضت طبعا قالتلها لو عملت كدة مش هحس بالنجاح من اصله
يعنى ايه نجاح الا لما اروح الكلية برجلى واستمتع بدة
فبجد دى فكرة مش كويسة خالص
الا بقى للى هم يعنى مش قادرين بجد بمرض او حاجة لقدر الله
غير كدة انا موافقشى خالص
تحياتى لحضرتك
ومتشكرة اوى على الفرصة الجميلة دى اللى خليتنى
ازور المدونة الرائعة واكتر من رائعة كمان دى
اه على فكرة قريت موضوع تانى هنا وهو ان اوباما اخد نوبل للسلام
على فكرة دى اكتر حاجة عصبتنى جدا جدا
وانا رفضاها بشكل لا يمكن تتوقعه
واكيد كمان كل الناس عندهم الرفض دة
تحياتى يارب ما اكون طولت على حضرتك
سلام ومتشكرة جدا كمان مرة
اه على فكرة انا لسة مستنية الرد على الفكرة بتاعتى
اللى موجودة عندى فى المدونة
تحياتى
ياسمينه
واخنا سعداء ايضا لأنضمامك الى باقه جميله من اصدقاء البرنامج ...وان شاء الله تكونى معانا دائما...وسنتابع مدونتك
أفتكر أن الى بشتغل من البيت او القهوة يبقى ما فى عنده طموح خالص ، طيب الى بيجرى هنا و هناك و يشقى علشان يوصل للى عاوزة يبقى ايه أما الطموح أننا نشتغل و أحنا فى البيت على كنبة ، ربنا قال لنا اسعى يا عبد يعنى السعى دة لازم علشان نوصل للى احنا عاوزينة ، وبعدين دة أحنا بنزوغ وهو فى حضور و انصراف طيب ها يكون أيه الحال لما نكون على المزاج ومن البيت كمان !!!!!!!؟؟؟؟؟؟ هو حضرتك مش بتروح مصالح حكومية خالص و تقعد تدور على الموظف ساعة و ساعتين ....
انا راي ان الفكرة ممكن تتنفذ ليه لاء خصوصا فى اعمال لا تحتاج الا المجهود الذهني ما احنا عندنا كتيييير بيخرجوا كل يوم عشان رايحين الشغل ويقعدوا على المكاتب ويشغلوا الاماكن وبس ومش فى اي استفادة منهم بل على العكس تماما فهم عائق بيخدوا المرتبات بدون مقابل بلاش نبقى رافضين لاي فكر ممكن يبقى فيه تغيير للافضل اذا اتعمل حسابه صح ونقول لاء من غير ما نشوف مميزاته وعيوبه الاول ونتائجه وانا شايفة انها فكرة ممتازة بس تتوظف صح عشان تبقى النتيجة مضمونة
هناك أعمال ذهنية تتطلب ابداعاً معيناً وهذا الابداع لا يتطلب بالضرورة مجهوداً عضلياً
وهناك قلة فقط من البشر تمتلك عبقرية الابداع أياً كانت صورته
قد يكون من هذه القلة من يتخذ أجهزة الكمبيوتر والانترنت سبيلاً لخدمة نفسه وعمله وربما الانسانية كلها, وبالتالى فلا فرق بين أماكن عمله سواء فى المقهى او على كنبة المنزل او السيارة
لكن :___________
يتضح الفرق جلياً بين الفئة السابقة والفئة الباحثة عن ثراء سريع بأقل مجهود
هذه الفئة لا تتعب نفسها بالبحث عن طرق جديدة لكيفية العيش فى هذه الحياة.. لأنها تفتقد الإبداع الذهنى والقدرة على التفكير ومواجهة الأزمات ..مثلما حدث فى اليابان بعد التدمير النووى او ألمانيا بعد الحرب العالمية الثانية
فئة الكسالى هذه تنقسم الى نوعين:
فريق فى المقهى!
وفريق يبحث عن مراكب الهجرة.. الى قاع المتوسط..!!
هي دي الافكار المتطورة انا شخصيا عجبتني الفكرة جدا و ربنا يكرمكم شوفوا لي وظيفة من النوع ده و انا اسيب بقي التدريس و الفترة المسائيةووجع الدماغ و اشتغل من البيت و اولادي حولي و اوعدكم و عد شرف سالتزم و مش حزوغ زي الحشري
ما تغبيوش علي بالرد الله يخليكم
و الc v جاهزة
هههههه
مش عارفا ليه الاصدقاء السابقين حسيت انهم بيسخروا من الفكرة بالشكل دا
انا جربت فعلا العمل من البيت هنا فى احد المواد التى درستها فى الدراسات العليا العام الماضى والحمدلله حصلت على اعلى تقديرفيها ومش بس كدا الا ان الدكتور اثنى عليا كثيرا وعلى ما قدمتة من اعمال فهذاالنوع من العمل ومثلما تفضل بالذكر اللاستاذ ايهاب ينفرد به فئة خاصة من الناس وليس الجميع فهناك من يعتبره فرصة للفوضى والانحلال وذلك لعدم وجود الرقيب الذى اعتادوا عليه
من الواضح أن معظم ليس عندها فكرة عن ماهية العمل عن طريق النت من المنزل وهو موجود ومتسخدم مع الناس التى لا تحتاج للجلوس على مكاتب أى تعمل فى مجال support ناس فى مناطق عدة ولن تراها وجها لوجه والعمل من المنزل يوفر أماكن فى المكاتب لموظفين تستلزم الجلوس فى المكتب كما أنه أيضا يساهم فى التقليل من زحام المواصلات وهناك العديد من الشركات فى مصر تعمل بهذا النظام الذى يبدو غريبا للبعض لكنه معروف ومتداول لكن لاننا نهوى التريقة والسخرية على كل شىء لا نصدق وأنا شخصيا أعمل بهذه الطريقة وهذا لا يعنى أننى كسولة أو أعمل وأنا جالسة على الكنبة!!!!!
منى
يا خساره تعليقك وصل بعد تسجيل الحاقتين عن الموشوع ...معلهش حيتذاع فى متابعتنا للموضوع المهم ده...ولكن على فكره انت اثرت نقطه مهمه نعملها تدوينه ....هل صحيح احنا بنتريق على كل حاجه؟وما يتبع ذلك من اضرار؟
حنكتب التدوينه حالا
السلام عليكم
انا مطور برامج بأعمل في شركة امريكية ومن المفروض إننا مشؤولين عن تطوير برنامج الشركة وتخدسثه وتصليح مشكاله , البرنامج مهم جدا بيتباع لشركات تانية كبيرة كتيرة , كون ان شركة كبيرة زي ده تحط ثقتها في مجموعة مطوري برامج بيشتغلو من قارة تانية أظن ده نجاح لفكرة العمل عن طريق الإنترنت , في شركات كتيرة بتعمل كده زي مايكروسوفت وجوجل وغيرها في شركات ممكن توفر مكان عمل وشركات لأ , أهم شيء في فكرة العمل على الإنترنت هي الجدية التامة والعمل فعلا بعدد الساعات الي المفروض تعمل فيها , طبعا الشركة مش
هتدفع فلوس لو مش شايفين منك شغل ,وسهل جدا يستبدلوك بواحد تاني
من الهند او من الصين او او , تطوير برامج الكمبيوتر عن طريق النت في مصر بقى منتشر جدا ومجزي ماديا جدا, من خلال عملي لمدة 3 سنين عن طريق النت انا اكتشفت بعض المزايا و العيوب :
مزايا :
-مفيش وقت ضايع في المواصلات
-مش هتلاقي حد بيكرهك يعمل فيك زنبة
-نظام العمل أجنبي ومرتب ومنظم مش سايبة , مفيش روتين مقرف
- المرتب بالدولار
- ساعات العمل ممكن تكون غير محددة , يعني لو وراك مشوار في أي وقت ممكن تعمله
- تقدر تشتغل من اي مكان ومعاك 3G usb
- بعد اكتر من سنة هتزهق ويبقى نفسك يبقى ليك مكتب وناس تعاملهم و وو
عيووب:
- مع الوقت ممكن تتعود عاكسل لو سبت نفسك , من كتر الجلوس ممكن يتسببلك في بعض الأمراض أو الألام
- العزلة وانك مش بتقابل ناس مع ان ده محلولة عن طريق الكميرا والمايك
بس التعامل مع الناس موضوع تاني
- مفيش ضمانات لشغلك ممكن تمشي في اي وقت لو صدر منك عيب
- مفيش تامينات
- تقريبا الزيادات السنوية معدومة او قليلة وده راجع لان الناس ده بيشغلوك لسبب واحد لأان مرتبك هنا ارخص بكتير اوي من مرتبات هناك
على سبيل المثال مرتب مطور البرامج عة طريق النت هو مرتب عامل بنزينة أو عامل توصيل في أمريكا وطبعا ده بيبقى واضح في نظرتهم ليك على إنك "عمالة رخيصة"
غير معروف
شكرا لك اولا لمرورك وثانيا للمعلومات التى نراها مهمه جدا لأنها نتيجة خبره مباشرهوتلقى الضوء على كل جوانب الموضوع
وسوف نقدمها فى البرنامج حتى يستفيد منها من يريد ...ونتمنى ان توافينا اولا باول بما تصادفه فى هذا المجال الجديد ..وكنا نود ان نتعرف عليك ايضا...عموما اهلا بك
معنا
غير معرف
طبعا يحتاج الموضوع لتنظيم ليضمن حقوقكم ويكون هناك تامين وهذا يدفعنا للمطالبه بهذا
إرسال تعليق