ادعوكم بالحاح لزيارة هذه المدونه

من فضلكم استمعوا الى هذا الصوت من مدونة صوت المعاق كما عبرت عنه الأخت العزيزه هبه محمد:

إيدك فى إيدنا شارك و ساندنا بيك و بيا و بغيرنا الحلم هيبقى حقيقة و هنقدر نغير الواقع و نحقق هدفنا ياللى طليت على صفحتى و شفت قصتى مش طالبة منك أكتر من انك تكون فى صفى و تقولى واصلى و تدينى دافع تقولى معاكى انا معاكى وراكى و هفضل وراكى و يوم حلمك هيبقى حقيقة و اناحلمى بسيط حلم بنت مصرية بتحلم تمشى فى الطريق الكل يشوفها شخص عادى لا يقولوا شخص نافص او شخص محتاج مرافق انا نفسى امشى فى بلدى وحدى و اشتغل و ابنى نفسى بحبك يا بلدى و بحب كل حاجة فيكى بحب ليلك و نهارك و ناسك و شوارعك و حواريكى نفسى اقدم حاجة ليكى نفسى اكون فخر ليكى قادرة اكون حاجة و عايزة اكون حاجة لكن مش بايدى واقفين الناس فى طريقى فيهم اللى شايف انى محتاجة المساعدة و قالوا ازاى تساعد و هى ناقصة ؟! و فيهم اللى حزن عليا و فيهم اللى بصلى بصة شفقة ياولاد بلدى انا مش ناقصة و لا محتاجة المساعدة انا عايزة اخد حقى زيك و زى دية شعارى انا مش معاق و لا ناقص انا شخص كامل بفكرى و عقلى وحقى هاخدة كامل لانة ببساطة حقى و بكرة الشمس هتشرق على حلمى و مستحيل الناس هتحرمنى من تحقيق املى هبة محمد http://sotmoaq.blogspot.com