هل صديقى مدمن انترنت ؟
صديقى من اهل النت ولا يفوته تحميل اى برنامج جديد يعجبه : مثلا منذ ايام اخبرنى انه حمل برنامج اموره وبنت حلال الطبعه المعدله 1.1ونصحنى بتحميله ولكنه حذرنى من انه بعد كام شهر لا بد من تحديثه ببرنامج خطيبتى 1.1الذى يعمل لفتره الى ان يتم تحديثه ببرنامج زوجتى1.1 رغم انه مكلف ماديا ومعنويا ونفسيا وعقليا وبعد ان حمل هذا البرنامج فوجىء بانه كلما فتح البرنامج ظهرت فجأهPOP UP نافذه لبرنامج آخر هو حماتى 3.1 وكان اسوا مافى الموضوع انه لا يمكن وقف هذا الظهور المفاجىء التلقائى ....هل لديك ما تنصحه به
هناك ٨ تعليقات:
ههههه انا النت بالنسبة ليا الهوا اللى بتنفسه دلوقتى 24 ساعة وانا عايشة ومتعايشة معاه لدرجة اهلى فى البيت نسيوا شكلى ايه
طبعا هو ليه سلبيات وايجابيات وسلبياته اكتر بصراحة بس يمكن علشان انا مش بشتغل فياخد كل وقتى انما اكيد ان شاء الله لو مليت الفراغ ده بشغل مناسب هقدر ابعد شوية عنه
وللاسف فى ادمان جديد مش ادمان وبس لا ادمان اجمل شئ على النت ادمان تدوين بجد اصعب انواع الادمان النتوية مش بتقدر تبعد عنه :)
بس انا بدين بفضل كبير للتن غير شخصيتى جدااااا للاحسن طبعا فى حاجات كتير وخصوصا بعد المدونة الجراءة التعبير عن الرأى تغير التفكير عموما من المميزات اللى بتخلينى اتمسك اكتر واكتر بعدد ساعاتى على النت ومش بحاول اقللها بصراحة :)
ادمان النت الصراحة انا كنت فى البداية مبهورة بالنت لكن دلوقت الحمد الله مابقتش اقعد عليه غير ساعة فى اليوم يادوب اقعدها واقوم
هو مفيد بس ليه اضرار صحية كتير على النظر وعلى اشياء اخرى
واى حاجة لما بتزيد عن حدها بتقلب لضدها
بصراحة انا هنصحه بأنه ينزل التحديث الأمنى للبرنامج وهو عديلى 1.4 الاصدار الأخير ، مفيد ودرجة الأمان اعلى وخبراته اقوى .
من ناحيتى فالأنترنت كوسيلة تواصل ، تنمية مهارات ، استيراد خبرات مطلقة تؤدى كلها الى زرع بذور ثقافية وعلميةوترفيهيه لا غنى عنها ، ناهيك عن من يستخدمونها الاستخدامات الاخرى
ويكفى اننا ندون!!
تحياتى
هذه القصة تذكرنى بتلك الشعارات والاعتراضات فى بداية القرن الماضى حول تعليم البنات القراءة والكتابة .
من بعض الحجج الطريفة أن الفتاة إذا تعلمت ستكتب خطابات للشباب وهذا يعنى دمار المجتمع.
النظرة العلمية للأمور تحسب عدد نقاط الايجابيات ونقارن مع عدد نقاط السلبيات مع اقتراح لكيفية معالجة السلبيات وزيادة درجة الايجابيات وخاصة بالنسبة للمجتمعات التى لاتتحمل أى شىء جديد يدخل لها.
يستطيع الاعلام و العلماء المتخصصين فى المجالات النفسية والاجتماعية أن يعالجوا الاثار الجانبية لدخول النت لمجتمع عاش سنين يعد العلم والثقافة رفاهية زائدة.
وهذا من دور الاعلام معالجة الظواهر الاجتماعية السلبية وتبصير المجتمع بالاخطار التى تهدد كيانه.
ايوشه
رئيسة حزب الأحلام
اسلام ديو
سمر شريف
نريد ان نرحب بكم وسعداء بمشاركاتكم القيمه
النت أصبح شيئ هام و ضرورى فى حياتنا و هو سلاح ذو حدين مثلة كمثل كل شيئ فى حياتنا ان احسنا استخدامة أصبح هام و مفيد فى حياتنا ، و إن أسئنا أستخدامة اصبح ضار ومساؤه أكثر من نفعه، علشان كدة لازم يكون هناك رقابة عالية على النت خصوصا فى المنازل و مراقبة الأبناء و الشات و بلاوية و الى بيحصل فية ، و بالنسبة لصاحبك أنصحة بتحميل برنامج عفوا ممنوع الأزعاج علشان يوقف الظهرو المفاجئ لبرنامج حماتى 3.1 .
مودتى و أحترامى
أنا بانصحه أنه ينزل أحدث فايرول و إنترنت سيكيورينى علشان يقفل البوب أب أو بمعنى أدق ياخد مراته و يمشى هههه
أنا بقى النت عندى كالماء و الهواء لايمكن الإستغناء عنه أبدا
هناك إدمان من البعض لتحميل البرامج وغيرها . بغض النظر عما إذا كان هناك حاجة لهذا البرنامج أم لا .
فينتج فى النهاية كمبيوتر مكدس بالبرامج ربما لا يستخدم أكثرها أو ينسى مكانها أصلاً .
وفى رأيـى أن هذا جزء من شخضية إنسان عنده حب التملك . لمجرد التملك .
إما إذا حدد الإنسان قبل فتح النت ماذا يريد بالضبط .فسيكون أنفع له وأوفر للوقت .
فإذا فتح النت لمجرد أنه نت تخبط فيه وياعالم هيوصله لفين .
أما عن صديقنا هذا :
فأعتقد أنه أخطأ فى تحديث البرنامج
فبعد الإصدار ( أمورة وبنت حلال وخطيبتى وزوجتى ) فسيكون تحديث البرنامج طليقتى .
تحياتى للأستاذ صلاح .
إرسال تعليق