الزمن الجميل ....لمن

فكرة التعلق بالماضى الزائده عن الحد الذى لا نملك اعادته يقود الى ضياع الحاضر والمستقبل اذا عشنا فى خيالات الماضى لن نعمل على ان يكون الحاضر والمستقبل اكثر جمالا هذه الفكره الأساسيه الضرورية لتقدمنا عبر عنها شباب اون لاين فى مدونتهم بطريقة بسيطة واقعيه شجاعه ...نقرا ما وجدناه فى تدوينة شباب الأسكندريه حنا ليه كل ما حد يقول ام كلثوم او عبد الحليم او عبد الوهاب بقينا نقول الله زمن الفن الجميل ليه يا جماعه تعملوا فينا كده و تحسسونا ان احنا اوحش انا بعلنها انا مش بحب اسمع ام كلثوم و مش بحب اسمع عبد الحليم عادى يعنى بالنسبالى مجرد ناس بتغنى انا مش بعييب فيهم ولا بقول انهم وحشيين لا هما على راسى من فوق هما زمن الفن الجميل احنا برضه عندنا ناس بتغنى و الحان عظيمه ليه بقينا اول ما نسمع اسميهم نقول الله ... كل حاجه فيها الحلو و الوحش انا ساعات بسمع اغانى قديمه و دانى بتوجعنى و بزهق و بحسس بملل فظيع يعنى ايه اقعد اسمع اغنيه 3 ساعات يعنى ايه اقعد اسمع اغنيه رتمها بطيئ و ممل ليه اعمل فى نفسى كده ... ممكن الناس الكبيرهتعمل كده دى ايامهم و حياتهم لكن مش حياتى انا دول مش جيلى ... اه انا ساعات بسمع ورده و ساعات بسمع فيروز بس مش بقعد اقول الللللللللللللله يا ست ... ولا بقعد اهز راسى و ليه الناس الكبار القديمه بتحسسننا اننا فاشلين فى كل حاجه جيلنا بيعمل الحان جميله و اغانى جميله اه فيهم الوحش و زمان برضه كان فيهم الوحش انا نفسى نبطل بقى نقدس الناس القديمه دى و نعتبرهم انهم ناس عاديه بتغنى و نفسى نبطل الناس تبطل احباط فى جيلنا و تعرف ان دى اجيال جاييه و اجيال بتروح بذوقهم و حياتك و اغانيهم و موسيقاهم و كل حاجه بتتغير هى دى الدنيا اسمعوا ام كلثوم اسمعوا عبد الحليم اسمعوا عبد الوهاب لكن اعرفوا ان زمنهم فات و انهم مغنيين عاديين مش خارقيين انا بسمع راب احمد مكى و بسمع رومانسيه شيرين و بسمع تراث منير و بسمع موسيقى يانى و هدوءه و اكتر من كده و افتخر انى من الجيل ده كان لازم اقول الكلام ده... ده مش عيب فيهم ولا حاجه ده اعتراض على فكره اننا جيل فاشل آيه رايكم ؟