انت تسال والكمبيوتر يجيب: الأستيلاء على افكار الغير فى المدونات

الخميس، ٢٦ جمادى الأولى ١٤٣٠ هـ

الأستيلاء على افكار الغير فى المدونات

اثارت المدونه حنان الشريف فى مدونتها قطة الصحراء موضوع استيلاء البعض على افكار المدونين واغفال نسبتها الى اصحابها بل احيانا ما ينسبونها لأنفسهم ...لو وجدت نفسك فى هذا الموقف ماذا تفعل؟

هناك ١٦ تعليقًا:

Desert cat يقول...: اولا انا اشكر حضرتك جدا على اثارة الموضوع لانه هام جدا والموقف ده بيضايق الشخص اللى تم الاستيلاء على افكاره يعنى اللى اخد الموضوع ونزله عنده مش هيخسر حاجه لما يتكتب تحته منقول على الاقل حفاظاً على حقوق الملكية الفكرية واللى هى مش بتيجى من مهب الريح ... انا فى البداية كنت بنزل الموضوع واسيبه لكن تفاجأت ان فى صديق بيبارك لى وبيقولى كلامك منتشر على نطاق واسع .. قولت له ازاى قالى ان الخواطر بتاعتى بتتنقل فى منتديات فكنت بعد كل خاطرة تتنشر او موضوع اعمل عليه سيرش فى جوجل اشوفه نزل فين طبعا كنت بفرح جدا ان كلامى بيتنشر بس بحزن اوى لما الاقى غيرى ناسبه لنفسه وبيقول عليه كلامه وبيتلقى من الناس كلمات المدح بكل فرح وسرور وان حد اتناقش معاه فى جزئية من الكلام المنشور الطبيعى انه بيسكت او بيرد باى كلام خارج عن المضمون لانه لسبب بسيط جدا مش كلامه .. اعتقد اللى بياخد كلام غيره وينسبه لنفسه ويرضى يقبل كلمات المدح لما اناقشه واقوله ده كلامى انه يكذب او يرد بطريقة انتى نشريته على النت بكيفك يبقى مش ليكى عليه سلطة وخلاص من حق اى واحد ياخده طبعا وقتها الحزن بيكون مضاعف لان افكارى اخدها حد تانى وكمان مفيش حاجه اسمها حقوق ملكية فكرية على النت مهما جبت لينكات مكتوب فيها ان الموضوع نازل بتاريخ قديم برضه مفيش اثبات خصوصا وان البعض بيدخل النت باسماء مستعارة

تحياتى لحضرتك; ٢٦ جمادى الأولى ١٤٣٠ هـ في ١١:٣٩ م
مواطن مصري يقول...: فعلا شىء سيء و انا بعتبر سرقة لمجهود الاخر اذا لم يذكر المصدر او اسم كاتب المقال مثلا تبقى سرقة; ٢٧ جمادى الأولى ١٤٣٠ هـ في ٣:١٣ ص
amcirc يقول...: أدعو البرنامج لإثارة هذا الموضوع أيضا

http://www.facebook.com/board.php?uid=37736989287

مساواه مع البنات فى عدم قطع الأعضاء

نرفض تشوية الاعضاء الجنسية الذكرية
نرفض ختان الذكور

ليس للأهل الحق فى قطع جزء من جسد طفلهم , جسد الطفل ليس ملكا لهم

ما نقوله اليوم سيحظى بإهتمام المستقبل , خسر الذين رفضوه منا و قطعوا أولادهم

إذ كان الله يريدنا مختونين فلماذا لم يخلقنا كذلك و يكفينا عذاب قطع الأعضاء ؟

إهانه للعقل أن تحتكم للأطباء إذا تقطع جزء سليم و معافى من جسدك أم لا ؟ و الدعوه للتسليم لهم مرفوضه
الأطباء كانوا يقومون بختان البنات فلما أوقفهم المجتمع المدنى صاروا يتكلمون عن مضاره و الأن كل ما فى الأمر إننا سنوقفهم عن ختان الأولاد فسيعترض بعضهم ثم سيرددوا خلفنا ما تعلموه منا

الجزء المبتور هو بمثابة الشفرين الصغيرين فى الأنثى التى كانوا يزيلوها فى ختان الإناث بنفس إدعاء النظافة

لا يسبح مع التيار إلا الأسماك الميتة فلا تتبع المجموع و أنقذ أنت طفلك; ٢٧ جمادى الأولى ١٤٣٠ هـ في ٣:١٦ ص
media يقول...: اولا ازيك استاذ صلاح
بقالى كتير اوى مش بزور المدونه
وبقالى كتير مسالتش على حضرتك ...معلش اميلى اتسرق

وبالنسبه لردى على الموضوع

طبعا هضايق جدا وده حصل معايا فعلا دخلت منتدى ولاقيت خاطره انا كتباها مكتوبه في المنتدى فسالت الى حطاها مش كتبتى اسمى تحتها ليه قالتلى دى صحبتى الى كتباها وبعتهالى وانا حطتها في المنتدى طبعا اضايقت جدا من الموقف ده

وكمان حصل مرة تانيه قريب كنت عامله حوار مع زميلي محمد سراج فجاءه الحوار انتشر بصوره كبيره على المنتديات والفيس بوك لما محمد قبل في استار اكاديمى والى كان بيغظنى انهم مش حطين اسمى تخت الحوار
بصراحه هو موضوع يضايق جدا

انا افرح جدا لما تتنشر مواضيعى بس يكون عليهااسمى وعشان كده بقيت اعمل سرش على كل حاجه بكتبها ومن قريب لاقيت مجلة العربي الحر نشرتلى قصه فرحت اوى وكمان كانو كاتبين اسمى تحت القصه فده شيء يسعدنى جدا ويشجعني ...لكن انه حد ياخد حاجه كتابها وينسبها لنفسهاو يهمل اسمى بيبقى الموضوع صعب اوى وبيضايق جدا

لبنى غانم; ٢٧ جمادى الأولى ١٤٣٠ هـ في ٣:٥٩ ص
أم أحمد المصرية يقول...: قلبي مع قطة الصحراء لأنه بصراحة موضوع بايخ جدا انا لو مكانها فعلا سأتضايق كثيرا متهيألي سأدخل الموقع اللي اخذ كلامي و اعلق انه كلامي و اضع الرابط الذي كتبته فيه ثم اكتب تحته
حسبي الله و نعم الوكيل; ٢٧ جمادى الأولى ١٤٣٠ هـ في ٩:٣٨ ص
انت تسال والكمبيوتر يجيب يقول...: قطة الثحراء
مواطن مصرى
لبنى
ام احمد
منورين المدونه
AMCIRC
اهلا بكم ...ولكن الا ترى ان الموضوع خارج مجال البرنامج؟; ٢٧ جمادى الأولى ١٤٣٠ هـ في ١٠:١٣ ص
amcirc يقول...: شكرا للرد
كما ترون; ٢٧ جمادى الأولى ١٤٣٠ هـ في ١١:٣٦ ص
Ana يقول...: حدث هذا معى مرتين وإحداهما كانت غريبة جدا، فقد وجدت قصة قصيرة لى منشورة فى أحد المنتديات باسم شخص غيرى وعليها تعليقات كثيرة تشيد بها فقمت بالتسجيل فى المنتدى وكتبت ردا مطولا أثبت فيه أنها قصتى وأنها منشورة فى منتديات أخرى بتاريخ سابق بل ومنشورة فى بعض المجلات والجرائد منذ سنوات وانتظرت أن يقوم مشرفو المنتدى بتصحيح الوضع .. وقد فعلوا .. ففى اليوم التالى وجدتهم قد قاموا بالتعديل فى تعليقى نفسه فتركوا اسمى عليه ولكن جعلوه تهنئة منى أنا إيهاب رضوان إلى كاتب القصة العبقرى .. واكتشفت أن سارق القصة هو صاحب الموقع نفسه وهممت بالرد عليه مرة أخرى وتراجعت فلم يكن سيسعدنى أن أضيف مديحا آخر إلى كاتب القصة المزعوم ولم يكن أمامى سوى ابتلاع حسرتى فى صمت .. تحياتى .; ٢٧ جمادى الأولى ١٤٣٠ هـ في ١٢:٥٨ م
Ana يقول...: أزال المؤلف هذا التعليق.; ٢٧ جمادى الأولى ١٤٣٠ هـ في ١٢:٥٩ م
غير معرف يقول...: النت والكمبيوتر عالم مفتوح زى العالم اللى احنا عايشين فية فية الجريمة بكل انواعها بس فى المقابل فى قوانين وان كانت مجرد قوانين هدفها الحماية وتقليل الجريمة مش القضاء عليها المهم المفروض ان تكون هناك قوانين فى عالم النت يكون هدفها حماية الافكار ولابداعات .
ازاى؟! دى انا معرفهاش بس اكيد فى كتير يعرف.
الاسيوطى; ٢٨ جمادى الأولى ١٤٣٠ هـ في ١٢:٤٤ م
رضا الكومى - المحمودية يقول...: لمذا لا يكون للمدونات حقوق ملكية فكرية ، وتسجل مثل الكتب ؟
بحيث أن لكل مدونة رقم إيداع، وحقوق محفوظة .
شيء خيالى طبعاً !; ٢٨ جمادى الأولى ١٤٣٠ هـ في ١:٥١ م
z!zOoOo يقول...: السلام عليكم

انا طبعا مش هقدر اتخيل ده ببساطه لأنه حصلي كتير

أكتر من موضوع واكتر من قصيده اتسرقت بدون ذكر المصدر او الكاتب الاصلي للشيء

والشيء الاهم الي في حقيقته مستفز

إن الناقل بيتلقي المدح وكلمات الاطراء علي شيء مش بتاعه

والي يغيظ اكتر إنه بيقبلها علي نفسه ويرد بكل بجاحه وكأنه الكاتب

لكن انا زيكا صاحب مدونه الاشعاريزم قالي كلمه وانا اقتنعت بيها

هي إن الافكار مش بتخلص

وكما انا رأيي إن طالما حاجاتي بتتسرق وبشوف اراء الناس بإنها جميله
يبقي انا كتاباتي علي مستوي كويس

والاهم إن طول ما ربنا مديني عقل وافكار هفضل انتج اكتر وهو هيفضل مجرد سارق وناقل مش اكتر

طيب إتخيلوا كده معايا لما الواحد ينشر حاجه علي النت وواحد صاحبي ييجي يقولي قصيدك الي اسمها كذا واحد معايا في الجامعه دخل بيها المسابقه الشعريه واخدت مركز اول ؟؟

طبعا ساعتها كنت فرحان جدا لأن كتاباتي علي مستوي جميل

لكن حزنت لان حد سرقها وكمان نسبها لنفسه وإني كنت أحق انا صاحب القصيده بالمركز

والمشكله فعلا زي ما قالت "قطه الصحراء" إن حتي ما ينفعش اثبات بإنك تحط روابط منسوبه ليك بتواريخ قديمه لنزول الحاجه بإسمك

في الاخر دايما الواحد بيزعل علي تعبه مهما كان حتي وإن كان صانع زماره اطفال

تحياتي; ٢٩ جمادى الأولى ١٤٣٠ هـ في ٩:٠٤ ص
ads يقول...: ياااه حصلتلى كتير
و بتبقى حاجة تضايق جدا و بالذات لما تكون فكرة مهمه و مش شرط فى المدونات ممكن فى اى حاجة تانيه; ١ جمادى الآخرة ١٤٣٠ هـ في ٥:٣٧ ص
ads يقول...: ياااه حصلتلى كتير
و بتبقى حاجة تضايق جدا و بالذات لما تكون فكرة مهمه و مش شرط فى المدونات ممكن فى اى حاجة تانيه; ١ جمادى الآخرة ١٤٣٠ هـ في ٥:٣٧ ص
أم بتول يقول...: طبعا شيئ مؤلم جدا لصاحب الفكرة ، لكن الى بفكر فيه أزاى واحد يسمح لنفسه أن يسرق مجهود غيره ، و كلامه و افكاره و ينسبها لنفسه ، و بعدين يصدق الى الناس بتقوله له و ترد عليه بيه ، و يعيش الحاله و أنه مبدع وكاتب ، وهو فى الأصل حرامى ، طيب ازاى يقدر يصدق ، يعنى يكدب الكدبة و يصدقها , أفتكر أن الأمانة جزء لا يتجزاء من الأنسان و الأنسان ألمين فى حياته ها تكون دى صفه أساسية فيه و العكس صحيح ، يعنى الى بيسرق أفكار الغير لازم ها يكون بيسرق سرقات مادية كمان مش أدبية و بس ، لأنه استحل لنفسه ما هو حق لغيره .
و تحياتى لك أستاذ صلاح و أستاذة عبير على مناقشة افكار فى غاية الأهمية فى حياتنا و احى حضرتك أستاذ صلاح فى ردك على الأستاذ amcirc فهو فعلا خارج مجال البرنامج كما تفضلت فلكل مقام مقال . تحياتى لكم; ١ جمادى الآخرة ١٤٣٠ هـ في ١٠:٢١ ص
media يقول...: عاوزة اقولكم ان مش بس الافكار بتتسرق لا كمان الاميل والاكونت ع الفيس بوك ممكن يتسرقوا وكمان المدونه
كانت البدايه سرقه الاميل والى سرقه سرق الاكونت على الفيس بوك مش بس كده لاء و قفل الجروب بتاعى انا وايناس حليم..كل ده ليه بقى لانى مسحته من الفريندز عندى لان كلامه مستفز وبيدخل فيما لايعنيه فسرق الاكونت والميل والجروب ومش بس كده عمل مدونه وسماها تائهه ببين الخيال والواقع وكتب نفس الكلام في البروفيل بتاعى عنده
وعامل كذا اكونت على الفيس بوك بكذا اسم مختلف ولانه غبي ديما بكشفه انا وايناس يعنى ممكن تلاقوه اسمه احمد او منه او ياسمين او حسن وهو ده على ما اظن اسمه الحقيقي

هتسالونى سرق الميل ازاى هقولكم لانه خمن انه بتاريخ ميلادى وطلع صح فقدر بكده يغير باسورد الاكونت ويدخل على الجروب ويمسحه

وقال ايه انه كاتب وروائي وفي روايه هتصدر ليه قريب

بس معتقدتش دى تصرفات كاتب محترم دى تصرفات شخصية مريضه عاوزة تتعالج نفسيا ..ولا انتو ايه رايكم; ٤ جمادى الآخرة ١٤٣٠ هـ في ٥:٤٧ م