من فتره واحنا بنفكر...اذا كانت الدنيا اتغيرت بصحيح ودخلنا عصر النت والكمبيوتر والطريق السريعه للمعلومات والمحمول نعرف ازاى ونتاكد انها فعلا اتغيرت؟
وقلنا اسهل طريقه نشوف هل الأمثال القديمه لا تزال صالحه لوقتنا
مثلا ...مثلا انا زي الساعة يوم أتكتك ويوم أهاتي ويوم أروح للمصلحاتي طبعا الساعات اليوم الكترونيه ولا تذهب للمصلحاتى ولا تهاتى
فكر فى مثل وابحث هل لايزال يصلح .والا محتاج نعمله UPGRADEتحديث
هناك ٧ تعليقات:
اشترى الجار قبل الدار
ده اكيد اصعب مثل ممكن يتحقق دلوقت لان معدش حد فاضى يعرف اللى حواليه وكمان صعب تلاقى شقة
زى المراكبية يتخانقوا على الحبل
لالا اعتقد ان المثل دا مناسب اوى للحال اللى احنا شيفينة فى البلاد العربية وكمان الحياة العملية الناس اصبحت تتعصب لاشياء تافهة لا تستحق
زى المراكبية يتخانقوا على الحبل
لالا اعتقد ان المثل دا مناسب اوى للحال اللى احنا شيفينة فى البلاد العربية وكمان الحياة العملية الناس اصبحت تتعصب لاشياء تافهة لا تستحق
بالفعل في امثال كتيره من تراثنا الشعبي عفا عليها الزمن
ومبقاش ليها مكان بين دنيا النت والالكترونيات
لكن في امثال منها ينطبق علي الطباع والاخلاق تكاد تكون مازالت مستمره
وعندي عدة امثله
"اتوصوا بينا ياللى حكمتونا احنا العبيد و انتوا اشتريتونا"
متهيألي مثال مطابق 100 %
" اجرى يا ابن آدم جرى الوحوش غير نصيبك يا ابن أدم لم تحوش "
وده كمان اكيد مطابق للاحداث
ولن يزول ابدا
فالنصيب مكتوب ابد الضهر مهما تغيرت الظروف والناس والاخلاق
ده بقي مخالف تمام
"ايش تعمل الماشطة فى الوش العكر "
دلوقتي عمليات التجميل بتعمل كل حاجه
دي كانت بعض الحاجات
الطبيعة والحياة جعلت أجدادنا يضعوا جـملاً لتكون مختصر لحياتهم وهناك الكثير منها صحيح .
والكثير من الأمثال صالح لكل زمن .
فمثلاً (اشترِ الجار قبل الدار )كما تقول ( هند )فهو صالح جداً لكل زمن حتى لو اضطر الإنسان يسكن فى شقة بعد ما تعب ودور ويفاجأ بأخلاق الجار السيئة فهنا تكثر المشاكل .
ومثلاً الأمثلة عن الطقس وحالة الجو والشهور القبطية لا تتغير .
مثل " برمهات روح الغيط وهات " دليل على بداية كثرة الخير . و غيرها كثير
وكذلك ( من جاور السعيد يسعد ) أليس صحيحاً
نرحب بالأخوه والأخوات وخاصة من يزورون المدونه لأول مره اما الأصدقاء الأخرون فنرجوا ان يعتبروا المدونه مدونتهم ...فنحن نرحب بكافة الأفكار ...وفكرة البرنامج فى الشريط المتحرك اسفل شريط الأخبار اعلى الى اليسار
اجمل تحيه للجميع
امثالنا زمان كانت بتعبر عن الحال وقتها ، لكن دلوقت الحال بقى غير الحال و أتغيرت الدنيا ، و الى كان بنقوله زمان ما يصلح الآن علشان كدة التغير بقى فى كل شيئ فى حياتنا حتى أمثالنا ، و تعالوا معايا نشوف أمثال دلوقت بتقول أيه
اللى بيته من إزاز......... ميغيرش هدومه فى الصالون
- فاقد الشىء....... . يدور عليه
- اقلب القدره على فومها........... الفول يقع منها
- تأتى الرياح......... محمله بالأتربة
- ياخبرالنهارده بفلوس............. بكره ينزل عليه أوكازيون
اطبخى ياجاريه.. .... الأنبوبه فاضيه يا سيدى
- لو حبيبك عسل......... ما تحطلوش طحينة
شوفتوا الدنيا أتغيرت أزاى و أتغير حالها حتى الأمثال ، ولا يسعنا فى النهاية غير أننا نمصمص الشفايف و نقول فين زمان و أيام زمان و امثال زمان ...... هييييييه دنيا
إرسال تعليق