اوعى حد يقول ايه العنوان الغريب ده .... على الرغم من الكمبيوترات والواجهات الزجاجيه والشياكه وكلمات اجنبيه متناثره تصافخ اذنيك لو زرت بعض المشروعات الخاصه او الأستثماريه او حتى فروع لشركات اجنبيه ستشعر بانك-وياللعجب-فى مصلحه حكوميه بكل منغصاتها وبطء الزمن وتفكير العاملين فيها-كنا نفكر فى هذه الظاهره ونسال لماذا وفى هذه الأثناء زرنا مدونه متميزه لصاحبها الغريب كما يسمى نفسه اوTHE ALIEN وسعدنا جدا لوصفه لما حدث له فى فرع لبنك اجنبى فى مصر ...يقول:وأنا ف البنك دا بحس إني ف السجل المدني أو الشهر العقاري .. كإني ف مصلحة حكومية ورايح أخلص مصلحة. يعني مثلا أروح البنك عشان أعمل حاجة معينة .. وأنا داخل يقولولي روح عند مدام أمينة تاني مكتب علي الشمال .. أروح لمدام أمينة تقولي الموضوع دا مع أستاذ حسين ف أول مكتب علي اليمين .. أروح للأستاذ حسن ملاقيهوش .. يقولولي إستناه زمانه جاي .. لما ييجي الأستاذ حسين يقولي مصلحتك عندي بس محتاجين نطبع ورقة معينة من عند الأنسة إنجي .. أورح لإنجي أقلها تطبع الورق .. تطبع الورقة وتقلي روح هاتها من البرنتر برة .. أجيب الورق وأرجع للأستاذ حسين .. ياخد الورق ويكتبلي طلب علي ورقة بيضة .. أمضي عليها ويقولي فوت علينا بعد أسبوع.
حتي البنوك الأجنبية لما بتيجي مصر بتتحول .. يعني ميتهيأليش البنك دا شغال كدا ف بلده. هل تعرف او تعرفين سر هذا التحول ؟بجد ليه ...هو التخلف الأدارى ده فى الجينات مثلا والا يمكن لعنة الفراعنه والتاسى بالموظف المصرى القديم ...اقدم موظف على ظهر الأرض هههههه ...والا تاثير العمل الحكومى قوى ولا يمكن التعلل بضعف المرتبات لأنهم يتقاضون مرتبات مجزيه جدا ...هل عدم وعى بان اى مرفق هو اساسا لخدمة الجمهور وراحتهم؟
هناك ٧ تعليقات:
سر هذا التحول اننا فى مصر ام الدنيا اللى بتحول الصالح لفاسد هنا عندنا كل حاجه بتتقلب كيانها
الصديق العزيز العراف
اهلا بيك ...بجد ليه ...هو التخلف الأدارى ده فى الجينات مثلا ...والا تاثير العمل الحكومى قوى ...والا عدم وعى بان اى مرفق هو اساسا لخدمة الجمهور وراحتهم؟ ليه كل حاجه بينقلب كيانها زى ما قلت
سؤال يطرح نفسه ههههههه الجينات المصريه مصممه على التخلف لاعلى التقدم ابدا
السلام علكم
مهو لو حصل العكس يبقى انت اكيد مش فى مصر
مع كل الحب لهذه البلد
انما احنا اكيد فى مصر
يافندم احنا بلد الحضارة و العراقة
الله يرحم الكاتب المصري الجالس القرفصاءلأنه كان بداية التأريخ للبيروقراطية المصرية العتيقة و لأننا مخلصين لأجدادنا صعب جدا نتخلي عن تراثنا
يعني لما موظف واحد يخلص لك الشغل بقية الموظفين يعملوا يشربوا شاي و سجاير الكترونية مش معقول للازم يحللوا المرتب اللي حيقبضوه اخر الشهر
عايز الجد بقي العيب مش في الموظفين و لا في مرتباتهم العيب في الفكر الاداري في تخطيط العمل فالموظف هو المنفذ لكن من ينقصنا هو المخطط الجيد لنظام العمل
و سلم لي علي الاستاذ حسين موظف الحكومة و قريبه مستر حسين الموظف الاستثماري
لأن احمد اخو الحاج احمد علي رأي اللي قالوا زمان
انتوا نسيتوا التاريخ ؟ كثير من الدول الاستعمارية حاولت طمس هوية الشعب المصرى سواء بفرض اللغة التركية أيام الأتراك أو بعدهم الإنجليزية أو الفرنسية حتى فى العصر الفاطمى ولكنهم دابوا جميعاً فى الثقافة المصرية
يبقى حتة بنك أجنبى فى مصر اللى هيغيرنا؟
إرسال تعليق