مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

السبت، ٣ ربيع الأول ١٤٣٠ هـ

من شاشة الكمبيوتر الى المطبعه

فرحه وبهجه تحيط اكثر من مولود جديد بدا كل منهم حياته كحروف على شاشة الكمبيوتر قبل ان ينتقل الى المطبعه ليخرج فى صورة كتاب ....ويستمر هذا الأحتفال الأشبه باحتفالات العيد وهذا الأستقبال الحارالمفعم بالعاطفه لكل كتاب جديد
اللى اتكسر يتطوح لأبن بورسعيد احمد شلبى العمل من البيت وهيربولس لمحمد التهامى انا انثى لمجموعه من المدونات والسىء فى الأمر
لممدوح رزق ويوميات مدرس فى الأرياف لحسام مصطفى ابراهيم
فهل يمدنا الأخوه المدونون وزوار المدونات بما لديهم من تفاصيل ؟نحن فى الأنتظار

هناك ٣ تعليقات:

Unknown يقول...

صدر أمس عن دار أكتب للنشر و التوزيع
بمعرض الأسكندرية الدولى للكتاب
المجموعة المسرحية الأولى ... بكام؟
لكاتبها .. خالد البنا
و هى مجموعة من خمس مسرحيات قصيرة
تتناول مرارة الواقع بسخرية لاذعة
المسرحية التى حمل الكتاب أسمها .. بكام
هى مشروع تخرج الكاتب بدورة اعداد السيناريست بمركز ابداع للفنون
و قد أثنى عليها جميع الأساتذة
و على رأسهم الأستاذ نبيل فاروق
الذى أشاد بتميزها
بكام ... ؟
مسرحيات .. للكاتب / خالد البنا
فانتازيا الواقع

غير معرف يقول...

صدر عن دار أكتب للنشر و التوزيع
الديوان الأول للشاعر البورسعيدى... أحمد شلبى وكان عنوان الديوان ... اللى أنكسر يتطوح

وقد أقيمت موخرا حفلة توقيع الديوان يوم الخميس 12 فبراير بساقية الصاوى بحضور كل من الأعلامية والمطربة سلمى صباحى التى قدمت الحفلة وقامت بغناء أجمل أغنايها التى كتبها لها الشاعر أحمد شلبى صاحب الديوان بالأضافة الى حضور صاحب دار النشر بالاضافة الى المطرب شريف أسماعيل والمطرب على الألفى الذى شارك هو أيضا بالغناء وقام بغناء أغنية الديوان اللى أنكسر يتطوح بالأضافة الى كثير من الأعلاميين والجمهور وقناة دريم الفضائية والقناة الثقافية وقد كان حفل التوقيع أمسية شعرية رائعة

غير معرف يقول...

ولمن لا يعرف الشاعر أحمد شلبى

فأليكم هذا الحوار الذى أجريته معه لشبكة الصحيفة العربية الألكترونية


عندما تقرأ له من أول وهلة تشعر بأنك تعرفه وأنه شخص قريب منك فهو شخص حساس , شهم , ابن بلد بجد وأشعاره تعكس الكثير من شخصيته ورومانسيته وهيامه بأنسانة لم يلتقى بها حتى الأن ورغم ذلك فأنك تشعر بأن هناك جانب خفى من شخصيته لم يعرف بعد ولهذا قررت أجراء هذا الحوار معه لأكتشافه أكثر عن قرب ومعرفة ما بداخله من أحلام وطموحات , ولانه أيضا شخصية جديرة بالأحترام والتقدير وتستحق معرفة الناس بها أكثر عن قرب , فهو الشاعر البورسعيدى أحمد شلبى صاحب ( ديوان اللى انكسر يتطوح ) وصاحب العديد من التجارب فى الشعر الغنائى وكتابة الأعنية لمجموعة من المطربين والمطربات الشباب وصاحب أغنية ( خد بس قرار ) الخاصة بحملة حماية لمكافحة الأدمان .

فكان هذا الحوار معه :

فى البداية أنا بهنيك على ديوانك الرائع ( اللى أنكسر يتطوح ) واللى أكيد كان ليه فرحة خاصة عندك بأعتباره أول ديوان ليك بس أسملحى نبدأ من البداية :

طبعا اول ديوان فرحته بتبقى زى اول ابن بالظبط
فرح وترقب وخوف وامل
مزيج جميل من المشاعر

عاوزة أعرف منك من هو أحمد شلبى الذى لا يعرفه الكثيرين عن قرب

احمد شلبى شاب عادى جدا
خريج كلية تجارة وبشتغل محاسب
بحب الشعر والفن والحياة
بكتب شعر واشتركت فى امسيات وندوات متعددة

كيف كانت بدايتك مع الشعر ومن أكتشف هذه الموهبة
لديك ؟

حب القراءة من الطفولة بيوجه الواحد لحاجات كتير
القراءات المتعددة فى المراحل المختلفة بتوجه جدا
حبيت الشعر والسينما
وبدأت اكتب
كتبت شعر فصحى وعامى وقصة
لكن الشعر العامى قدر يندهنى ويخطفنى والحمد لله كانت النتيجة صدور ديوانى الأول


هل أثرت البيئة التى نشأت وتربيت فيها فى محافظة بورسعيد على شخصيتك وكتاباتك الأدبية ؟وكيف كان هذا التأثير ؟

طبعا
تأثير كبير جدا
بمعنى
ان كل مكان له روح
وفى اماكن نداهة
وعموما فى الأدب هناك ما يطلق عليه التصوف فى المكان
زى تجارب عظيمة للأديب نجيب محفوظ و وخيرى شلبى وابراهيم اصلان
وفى الشعر كان الأبنودى وعبد الرحيم منصور وسيد حجاب فى اول تجاربه والشاعر البورسعيدى محمد عبد القادر
وانا بدون ان ادرى من طفولتى بحب بورسعيد والبحر والصيد وولاد البلد والبيوت القديمة
بورسعيد كمان حالة خاصة جدا ومتفردة
مدينة ذات طابع كوزموبلاتي كان عايش فيها جنسيات متعددة وبيوتها مختلفة الطرز المعمارية ما بين العربى والأيطالى والفرنسى والبلجيكى
كل ده بالأضافة لنشأتى فى عيلة مرتبطة بالبحر والمراكب والصيد
جعل اولى تجاربى بتدور فى الفلك ده
وكان اول اهداء الى اهلى وبورسعيد

متى توقفت وقررت فى نفسك أن تنمى هذه الموهبة لديك وأن تعبر بما فى داخلك ألى الناس ؟

اول خطوة كانت وانا فى تانية كلية سنة 2000
لكن لظروف ما توقفت تماما عن الكتابة
والدنيا خدتنى شوية لحد ما رجعت تانى سنة 2005 اكتب واختلط بالوسط الأدبى من جديد
بدأت كتابة شعر العامية
وبعض التجارب الغنائية


من أول من أكتشف موهبتك الشعرية ووقف بجانبك وحثك على التقدم للأمام والسعى فى هذا الطريق ؟

فى 2005
فى الوقت ده كنت عملت مدونتى دكتور زيفاجو
وانضميت لمنتدى كان جديد وقتها اسمه بورسعيد اونلاين وهو موقع من اكبر المواقع دلوقتى
وشاركت معاهم فى امسيات ادبية ومعارض فنية
وكنا مجموعة كلنا بحب بعض وبورسعيد وكلنا بنحب الفن
وده افادنى جدا فى اختلاطى بالوسط الأدبى
اللى خارج الأطار الحكومى
كمان دايما فى مشوار الأنسان ربنا بيديله علامات
وبيوقف ناس ولاد حلال فعلا بيبقوا زى طاقة نور كده
اول حد ساعدنى وقدمنى للناس بطريقة كبيرة كانت الصديقة والمطربة سلمى صباحى
لأنها اديتنى فرصة انى اكتب غنوة ليها فى حفلتها حلم سنة 2006 وطبعا سلمى اعلامية وفنانة محبوبة و جمهورها ما شاء الله عريض
فى الوقت ده انا كان اختلاطى محصور فى الوسط الأدبى فى بورسعيد ومتذوقيه وبعض ادباء القاهرة والأقاليم من اصدقائى
لكن بعد الأغنية دى الحمد لله الغنوة حققت نجاح هايل وانتشرت بصوت سلمى انتشار واسع
واقدر اقول ان الغنوة دى ربنا جعلها سبب انى اجتهد اكتر واسعى اكتر واحاول اعمل اقصى ما عندى
الغنوة كان اسمها هتعرفنى
وبكده بدات معرفة الناس بيا

أنت من الأعضاء المؤسسين فى جمعية مرايات الأدبية فحدثنى عن هذه التجربة وكيف بدأت الفكرة وما وصلت أليه الجمعية حتى الأن ؟

التجربة بدأت اواخر 2006 بفكرة من الشاعر البورسعيدى باسم حمودة
وهو احد شعراء الفصحى المتميزين ...وفكرته كانت صنع كيان ادبى خارج النطاق الحكومى ونطاق الأحزاب وما شابه
يكون عصبه الشباب
ومتاح لكل الأعمار من الأدباء والفنانين والمتذوقين المشاركة
وبدأنا بعمل امسيات شعرية فى اماكن متفرقة من بورسعيد

حدثنا عن الجوائز التى حصلت عليها سواء فى القصة القصيرة أو فى شعر العامية ؟

فى وجهة نظرى الجوائز ليس مقياس
لكن فى حاجات بتبقى عندى رغبة انى اجرب فيها
زى مسابقة كانت للشعر فى استاذ بورسعيد وشاركت وحصلت على المركز الثانى
ومسابقة كانت للقصة القصيرة فى بورسعيد وشاركت فيها وحصلت على جائزة تميز

تكلم عن تجربتك بأشتراكك فى مسابقة معهد جوته للشعر بساقية عبد المنعم الصاوى لعام 2007 ؟

ده كان نوع من المسابقات اول مرة يحصل فى مصر
وكان اسمه سلام بوترى شعر الصفعة
ودعيت اليه من قبل الصديق الشاعر عمر مصطفى وهو شاعر عامية متميز ,, وشاركت فيه وكانت ليها جايزة حصل عليها الشاعر سالم الشهبانى عن استحقاق
لكن يكفى انى شاركت وسط كوكبة من المع شعراء العامية الشباب المصريين لأن كان معانا الشاعر عمر مصطفى والشاعر سالم شهبانى والشاعر عادل سلامة والشاعر اياد ابو بكر والشاعر محمود رضوان والشاعر خالد عبد القادر ودى مجموعة من اقوى الأصوات الشعرية


كيف كانت بداية تعارفك وتجربتك مع المذيعة الرائعة سلمى صباحى صاحبة الصوت العذب والأحساس الرائع

البداية كانت انى لما شفت سلمى فى برنامج شبابيك لقيت نفسى قدام حالة نادرة جدا من الثقافة والحلم والصوت الجميل والتجربة اللى تحترم جدا
بعتلها على اميل البرنامج وعجبها القصائد اللى كنت كاتبها
بعد كده طلبت منى غنوة هتعرفنى والحمد لله ربنا وفقنى فى كتابتها
وكانت اولى خطوات التجربة اللى بعتز بيها جدا

وبعد كدهأ زاى كانت تجاربك مع الشعر الغنائى ؟ ولمن من المطربين والمطربات الشباب كتبت لهم حتى الأن ؟

عن طريق سلمى برضه اتعرفت على صديقى المطرب والملحن البورسعيدى على الألفى
ومع على كانت بدأنا فى تجربة جميلة ومتميزة فى بورسعيد وهى اننا اقمنا مجموعة من الندوات الشعرية الغنائية فى اماكن مختلفة
وعملنا اغانى لبورسعيد وللناس وللبحر
وغنوة من اجمل الأغانى اللى كتبتها وهى غنوة مروة اللى غنتها المطربة الجميلة سلمى صباحى

غنوة مروة كتبتها ولحنها على الألفى والحمد لله لاقت نجاح





كيف كان عملك وأشتراكك بأغنية ( خد بس قرار ) الخاصة بحملة حماية لمكافحة الأدمان ؟

عملت مع سلمى مجموعة اغانى منهم اغانى فرحها
وبعدين رشحتنى سلمى لغنوة لحملة حماية للأستاذ عمرو خال
الحمد لله ربنا وفقنى والغنوة طلعت جميلة وكانت اول تعاون مع الملحن والمطرب الجميل شريف اسماعيل
لأنها كانت دويتو بين سلمى وشريف

الأن حدثنا عن ديوانك الأول وما يتضمن ؟
تجربة لسه بكر اكتر ما يميزها هو انها تكثيف لتجربتى مع نفسى ومع الحياة من وجهة نظرى
مالوش طابع سياسى
ومنقدرش نقول عليه رومانسى
قصائد اختارتها من وسط كلام كتير كتبته
وحسيت ان دى انسب حاجة تطلع للناس

لقد لاحظت من قراءتى المتعمقة للديوان أنه يحتوى على موضوعات لأشعار متنوعة أجدت التعبير عنها فحدثنا عن هذا ؟ وهل هذا التنوع كان رغبة منك أو كان دون قصد ؟

هو مقصود بغير قصد
يعنى التجميعة بتاعت الديوان كنت قاصد فيها التنوع
لكن الكتابات لحظة كتابتها وليدة الموقف واللحظة


ما هى أكثر قصيدة قريبة ألى قلبك من الديوان ؟

أيام
و
اللى انكسر يتطوح
وهفضل احضن الدنيا
لألأ
كله كله


اكيد لازم تكون اجابتك كده عشان انت اللى كتبتهم بس اكيد فى حاجة منهم قريبة منك اوى وليها ذكرى معينة عندك ؟

اللى انكسر يتطوح


وايه بقى كانت المناسبة اللى كتبت فيها هذه القصيدة وما سر اهداءها لصديقك على الألفى؟

وفى وسط ظرف معين حبيت اضحك عشان اطلع من المود
قلت اللى انكسر يتطوح
وبعدين كتبتها زى ما جيت فى دماغى
لقيت على فى نفس الوقت قراها ولحنها وسجلها بصوته وبيسمعهالى
وانتشرت جدا الحمد لله
بين اصحابنا وع النت
واتطلبت تتغنى فى كذا مكان

طب وليه فى معظم قصائدك نرى أنعكاس واضح لتجارب عاطفية لك وأمل منتظر بداخلك لم يتحقق بعد فما سر ذلك ؟

مش معظمها
فى ساعات افكار بتعجبنى
وبحسها جدا
بكتبها

زى

بالله عليكى لو هحبك متقوليش كان ليا ماضى
عجبنى الموقف ده جدا من حديث ناس مع بعض


كيف كانت حياة أحمد شلبى العاطفية التى عبرت عنها فى هل يوجد أتفاق فى صفات حبيبتك المجهولة التى رسمتها فى خيالك مع الصفات التى عبرت عنها فى قصيدة ( صباحين وحتة ) حيث قلت
ولو حبيت ميلزمنيش
ولا البوهية ولا الورنيش
ولا الموضة ونصايبها
بكرة تيجى لنصيبها لحد البيت

طبعا بس مش بالصورة دى بس
لأ كل واحد له احلام وصفات ومستجدات
انا محبش الأوفر فى الحياة
احب البساطة جدا
محبش المكياج الأوفر مثلا
ودى كتبتها البوهية ولا الورنيش بنفس لغة اهالينا الكبار فى بورسعيد
لأن القصيدة المذكورة كلها عن ده


لقد أبدعت فى وصف فتاة أحلامك المنتظرة فى عدة قصائد منها ( حاجات كتير , ويمكن بكره نتقابل , لملمينى , رسالة , عيونك , مش وحدك ) والتى عبرت فى كل قصيدة منهم عن رومانسية وأحساس مرهف بداخلك فهل أنت بالفعل رومانسى وعلى أقتناع تام بأنك ستقابل الأنسانة التى حلمت بها دوما ؟

رغم ان القصايد مش للفكرة دى بس
بمعنى
ان لملمينى مثلا دى قصيدة واحدة للوطن والأرض
أخرها بيقول عمرى فيكى عشته بيكى واللى جاى مكتوب عليكى فكل قصيد بيكون ليها هدف ومعنى بعيد فى خيالى بكتبه
ففى حاجات كتير كانت تجربة وعدت مكملتش
حد معين كان قريب من الصورة اللى بحبها
الرومانسية فى حد ذاتها مش حب بين طرفين بس
دى احساس بالحياة وبالناس وبمفردات الطبيعة
وعموما يمكن بكره نتقابل

ألى أى مدى أنت راضى عن نفسك وعن ما وصلت أليه حتى الأن ؟

أنا بحمد ربنا سبحانه وتعالى على كل حاجة
وبطلب منه حاجات كتير يا رب تتحقق
الحمد لله فعلا

ما هى طموحاتك المستقبلية فى الحياة الشخصية والمهنية ؟

فى حياتى الشخصية ان ربنا يجمعنى دايما فى الخير مع اهلى وحبايبى ويكرمنى ببنت الحلال قريب ويقربنى منه
والمهنية
وفى مجال الشعر
يخلينى ابدع اكتر فى الكتابة اللى بحبها ...ونفسى ربنا يكرم كل اصدقائى الكتاب والفنانين وياخدوا فرصتهم عشان يثبتوا نفسهم لأن كل واحد فيهم مش اقل من اى حد على الساحة بل اقوى كمان
وفى مجال العمل كمحاسب
ربنا يكرم يا رب واثبت نفسى اكتر واكتر



ما هى أعمالك القادمة ؟

أولا بشكر صديقى المصور وليد منتصر
اللى اهدانى صورة رائعة لغلاف الديوان الاول ليا
واعمالى القادمة
ديوان شعر ومجموعة قصصية
ديوان اسمه لعب عيال
ومجموعة قصصية بعنوان م العرب للأفرنج