بلاش حكاية الحصان الأبيض ...خلينا واقعيين:من هو العريس المثالى فى نظرك؟من هى الحماه والحما المثاليين فى نظرك؟
وبالمقابل ماهى العروسه المثاليه والحماه والحماالمثاليين فى نظرك؟
وبعد الزواج
من هو الزوج المثالى فى نظرك؟
وبالمقابل من هى الزوجه المثاليه فى نظرك؟
هناك ٦ تعليقات:
بما اننا اتفقنا ان مفيش حصان ابيض ولا فارس لو لزم الامر
ف يبقي مضطره انزل علي ارض الواقع
ف وجهه نظري العريس المثالي مش لازم يكون بيفكر زيي والكلام الكبير ده
كفايه انه يفهم تفكيري..ومش يفهمه بس..لازم يحترمه كمان
حاجه تانيه مهمه جدا
لازم يكون بيحب اهلي
ماهو طبيعي اللي هيحب اهلي هيحبني..لكن مش دايما اللي هيحبني يحب اهلي..برضه منطق
مايحطينيش ف كفه واهله ف كفه...ونظام بقي يقارن بينا ويفضل حد مننا ع التاني..المفروض انا هكون من اهله يعني نكون كلنا ف نفس الكفه
برضه شئ مهم واساسي..انه لازم يكون كريم
ماقلتش غني..بس كريم
دي من الحاجات اللي صعب اتنازل عنها
طبعا مش هقول عايزاه متعلم وشهادته زي شهادتي وكده لان الكلام ده اساسي
-----
بالنسبه للحما والحماة
هو عموما اي حما بالنسبالي بشوفه مثالي لان الحما عمره ماكان مصدر ازعاج بالعكس تماما
اما الحمااااااة بقي
فلازم تبقي طيبه ونحط خمسييين خط ملون تحت الكلمه دي
ثانيا ودا الاهم انها ماتبقاش متدخله ف حياة ابنها اوي
-------
طلبات بسيييييييطه خالص زي ماواضح من كلامي بس بدأت احس ان الحصان الابيض اسهل من الطلبات دي
بما أننى بفضل الله متزوج وبالتالى سأرد علي أخر سؤال من الاسئله التى قمت بطرحها للمناقشه وهو من هى الزوجه المثاليه في نظرك ؟
فأنا لن أجامل زوجتى اطلاقا لو قلت أنها بالفعل الزوجه المثاليه لانها وبفضل الله تحمل كل صفات الزوجه الصالحه،فهي حامله لكتاب الله ، وهي سكن لى ،وربه بيتى ، وشريكه حياتى ،والامينه علي مالى وعرضى ، وأم اولادي وبالمناسبه فقد رزقني لله بمولود مساء يوم الثلاثاء الموافق10/2/2009
ولقد اسميناه( أسامه)
وستجدون حكايه أسامه كامله علي الرابط التالى
http://happyzoog.blogspot.com/2009/02/blog-post_11.html
العريس المثالى والله فى الزمن دة ماتلاقيش عريس مثالى ودة للاسف مانعانيه من حالة اقتصاديه خلت الشباب مش عارف يختار العريس المثالى فى نظرى هو انه يكون حد بيحبنى اوى دة اكيد هيبقى مثالى وكمان يفهمنى ويقدرنى واهو ادينا بنحلم بعريس مثالى
وربنا يسهل موضوع الزواج دة لانه بجد معضلة العصر ويلا سلام
يعني الزوج المناسب بالنسبة لي الي بيكملني مش المطابق ليا لان في كتير فاكرين ان الزواج بيقوم على اشخاص متطابقين لا بالعكس بيقوم على التكامل كل شخص بيكمل الاخر، فهو بالنسبة لي العريس المنناسب الي بيهتم بكل اهتمامتي اهلي عملي هوياتي ويحترم اهلي لان الزواج مش ارتباط شخصين ارتباط اسرتين والحماة المثالية هي الي توقف وصيتها على ابنئها بمجرد زواجهم فمدامت رأت أنهم قادرين على الزواج ومسئولياته يعني أنها شايفة أنه قادر على تدبير اموره ياربت تبقى في حالها ومتدخلش في حياة ابنائها ياريت والحما هو في الغالب بيبقى مش متعب لانه بيكون بعيد عن حلقة الصراعات
سلسبيل
اشرف
سلوى
قلب ينبض بالخب
نرحب بكم وسعداء بوجودكم معنا وبآرائكم
ونرجوا دوام التواصل
طبعا نذكر هنا مواعيد اذاعة الحلقات والتعليقات مساء الثلاثاء حوالى العاشره بعد التسجيل
شكرا لكم
العريس المثالى هو الىي حبنى يقدرنى ويفهنى ويحترمنى ويكون طموح ومثقف ومتفاهم
اما الزوج المثالى فهو كل ده بجانب اانه يحتوينى
اما بالنسبه للحما الى تعاملنى زى بنتها ودول نادرين اوى
إرسال تعليق