استكمالا لموضوع يعنى ايه رومانسيه نسال هل تتخيل او تتخيلى ايميل رومانسى محمل بالعواطف الجياشه ام ان تكنولوجيا وطبيعة البريد الألكترونى لا تسمح بمثل هذه العواطف ومكانها خطاب تقليدى من الورق وظرف وورقة بوسته حتى يمكن الأحتفاظ به بخط يد الحبيب وبملمس الورق الذى قد يكون معطرا للذكرى او لترد له جواباته وهى تسمع اغنية عايز جواباتك لنجاح سلام حد فاكرها
هناك ٥ تعليقات:
الكلام الجميل الصادق الى بيطلع من القلب اكيد بيوصل للقلب مباشرة باى طريقة كان
تحياتى
نجاح سلامة كانت بتغني في زمن فيه جوابات دلوقتي ممكن عايز ايميلاتك مسجاتك ..
بس المشكلة في وسيلة توصيل الرومانسية.. لان زمننا مافيهوش اصلا رومانسية بالمرة
احنا جيل مظلوم يا عيني عليه.. احنا مشغولين برومانسية طابور العيش .. رومانسية الشعبطة في الاتوبيس .. رومانسية المظاهرات والشجب والاعتراض
لكن رومانسية حبيبين اظن انها انقرضت دلوقتي
اااااااااااه .. احنا جيل منعدم الرومانسية :((
في رأيي ان الرسائل الخطية أبقى و أحلى من الرسائل الالكترونية..
ربما لا يؤثر خط اليد فينا كثيرا..
و ربما لا يبقى العطر بعد مرور السنين..
و لكن يكفي أن تقرر يوما ترتيب أدراجك، فتجد رسالة أو اثنتين تذكرك بأيامك الجميلة..
فهنالك فرق بين أن تفاجئك الرسائل فتقرأها و تبتسم.. و بين أن تبحث عنها بعد فترة على شاشة الكمبيوتر حنينا إلى الذكرى الجميلة..
تحياتي
ميرو
فتافيت
ايناس
اهلا بكم معنا ...حقيقى سعداء بوجودكم ومشاركتكم معنا وطبعا ارؤكم ستثرى البرنامج عند أذاعتها
ونحن نعلن عن موعد أذاعتها كل ثلاثاء حوالى العاشره مساء بعد تسجيل خلقات البرنامج وادراجها فى خريطة الأذاعه
شكرا لكم ونتمنى ان نرى تعليقاتكم باستمرار على ما نطرحه من اسئله وموضوعات
ونحن ايضا نقدم حلقات خاصه من البرنامج هن مدونات الأخوه والأخوات زوار هذه المدونه ان رغبوا فى ذلك
بصراحة مش فاكرة الاغنيه دي خالص واعذوروني يعني كمان مش عارفة مين نجاح سلام دي :$
اما بالنسبة للايمل الالكتروني المحمل بالمشاعر اعتقد انه ممكن يوصل الاحساس وخصوصا اذا كان خط الحبيب او الحبيبة وحش :):)
واعتقد كمان انه ممكن يستبدل العطر الموجود في الجواب بخلفية كويسه والوان جذابة ويا سلام لو كان فيه صورة وردة او بطاقة تحمل كلمات حب
تقبلوا مروري
مي
إرسال تعليق