تصور تذهب الى العمل يوميا دون ان تضيع دقيقه واحده فى المواصلات؟وتحدد انت متى تبدا ومتى تنتهى؟مع الأنترنت اصبح العمل من المنزل ممكنا ....شركات كثيره الآن فى الولايات المتحده تقدم وظائف بدخل جيد للعمل من البيت مثل الترجمه او تصميم مواقع على الأنترنت وغيرها كثير جدا
هل ترحب او ترحبين بمثل هذه الوظيفه
وهل تعتقد او تعتقدين انها تصلح لظروفنا هنا
ام تحتاج لأدخال تعديلات على الفكره
هناك ١٠ تعليقات:
يمكن نظام زى ده فى الشغل يشدنا مبدئيا راحة من المواصلات وتحكمات الادارة والمواعيد الصارمة
واكيد كمان راتب مجزى
حاجة صعب حد يرفضها
بس برده اعتقد انضمامك لمجموعة عمل شىء لا يجب اغفاله يعنى
وجود اصحاب فى العمل وزملاء ورؤساء اعتقد شىء مهم
روح الفريق نفسها فى العمل شىء مهم
وان كنت انا شخصيا اتمنى وظيفة بالشكل ده
بعيدا عن تحكمات الروتين الوظيفى العادى
هذا الموضوع له مميزات كثيرة وعيوب ايضاً :فأعتقد فى مصر وظروف المواصلات والمرور دي تكون فكرة هايلة جداً .. وخصوصاً الواحد لو عنده عربية بيخد الساعة لوصوله الى شغله ولو شغله قريب .. ولو مش عنده عربية خد ساعين وثلاثة ودى مش مبالغة .. ودى واقع انا مثلا اسكن بالهرم وشغلى بشارع مراد واليوم اللى مافيش بتعطل فيه عربية الشغل لازم انزل من البيت الساعة سابعة علشان اوصل الساعة التاسعة ..وكده انا ساكنة جنب شغلى .. فلقد اصبح شارع فيصل والهرم ملهوش حل .. وغيرهم من المناطق الكثيرة التى اصبح فيها المواصلات اهدار للوقت .. واجهاد البدن والعقل .
ولكن له ايضا عيوب فالعمل عن طريق الانترنت سيؤدى الى مشاكل اخرى .. واولاً البدانة مع قلة الحركة اصبحت البدانة موضوع خطير .. وخصوصاً مع موجود الهرمونات الخطيرة والزائدة التى تحقن بها الدجاج او الخضروات وموضوع التهجين ..
ولو اتكلمت هيبقى موضوع كبير جداً .
كافة ميزة واحدة وكافة عيب واحد .. والباقية تأتى .
تحياتى ،،
نفرتارى
السلام عليكم
من وجهة نظرى ه شئ جميل لكن لايغنى عن وجود روح فريق العمل
تحياتى
اناا مؤيدة و بشدة للموضوع ده
لانه هيوفر الراحة لكتيييير من الزوجات العاملات(خصوصا)فرصة الاهتمام بشغلها و بيتها و اولادها في نفس الوقت
و بدل ما مرتب الام هيضيع علي الحضانات اللي هتسيب ولادها فيها و الاكل الجاهز علشان لو مالحقتش تطبخ
ممكن يكون في مقابلة مع المديرين مرة او مرتين اسبوعيا
لمتابعة العمل مباشرة
لاكن الموضوع في مجمله
رائع
الموضوع جميل جدااا
وخصوصا للناس اللى زينا اللى اصلا مجال شغلهم الكمبيوتر
بس فين فعلا روح العمل وكمان فى حاجه غريبه فى مجتمعنا ده المفروض انك تكونى على الكمبيوتر وقت ما انتى محتاجاه وبس... مفيش تسليه عليه مفيش شات والكلام ده... كله مرفوض بالنسبه لمجتمعنا الشرقى
طب ازاى المجتمع ده هيقبل فكره انك تشتغلى على الكمبيوتر ؟؟؟
هو العمل الجماعي ليه مميزات كتير طبعا
و ده ليه مميزات تانية
و كل نوع هيبقي مناسب لناس معينة
اكيد اي واحده نفسها تشتغل و تنجح في شغلها و في نفس الوقت ميأثرش ده علي بيتها و ولادها
انا حاسة ان ده جدااا للسيدات
:)
زي ما قالوا الاخوه الافاضل
وزي ما بتفق معاهم
ليها اكيد مميزات كتير وكمان عيوب
لكن انا شايفه ان مميزتها اكتر من عيوبها
لان في الوقت ده ممكن الشخص بلاقي وقت للجوء لوظيفه روتينيه اخري تساعده في مواجهه مصاعب الحياه
وعمل تكافؤ مادي لمتطلبات الحياه
هو اى نعم عمل مريح و ممتع بس مع الوقت هيبقا عمل ممل لأنه يفتقد الى روح المشاركة فى العمل كما انة من المفترض عدم الجلوس امام الكمبيوتر لمدة طويلة فأن هذا العمل يصبح مع مرور الوقت ضاراً أكثر من منفعتة.
...(تحياتى)...
لا يمكننى أن أتخيل نفسي أبدا حبيس البيت
ولكن ربما هذا العمل يروق للبعض في البدايه أما بسبب ضغوط العمل أو تحكم المرؤسين أو المعاناه في المواصلات كما ذكرت الاخت
أو بعض الاعمال التى تجبرنا أن نذهب للعمل في أوقات لا تناسبنا ..
ولكن مع مرور الوقت سيتسرب الملل لدينا وسنجد أن مهما كانت المعاناه التى نعانيها في أعمالنا الاخري خارج البيت مهما كانت أفضل بكثير من تلك التى تقوم بها وأنت حبيس غرفه المكتب . جالس علي كرسي عيناك لا نفارق شاشه الكمبوتر وأصابعك تتلاعب بأزرار لوحه المفاتيح يالها من رتابه
فأنا لا أجد في تلك الوظيفه أى مميزات تغرينى انا شخصيا
ده ممكن يكون عمل إضافى
لكن أنا لا أتخيل نفسى حبيسة المنزل فأنا أكره الجلوس بالمنزل
كتير يفعلون هذا فى مصر
أن يكون لهم عمل بالخارج وعندما يعودون يعملون على الكمبيوتر
تحياتى
شيمو القمر
إرسال تعليق