مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الأربعاء، ٥ ذو الحجة ١٤٢٩ هـ

عيد ميلاد الفاره

تحتفل فارة الكمبيوتر او الماوس بعيد ميلادها .....تفتكر الكام العاشر العشرين التلاتين الأربعين ؟ وبهذه المناسبه السعيده يعتقد كثيرون ان الماوس ستختفى خلال ثلاث او اربع سنوات ليحل محلها تعرف الكمبيوتر على ما تريد من تعبيرات وجهك او لمسك للشاشه هل توافق على هذا الراى

هناك ١٣ تعليقًا:

د. إيمان مكاوي يقول...

كل شيء جايز وإللي ماكانش ممكن زمان بقى ممكن دلوقت ..وأكيد بكره هيكون في العجب
أنا متابعه الإذاعه من مده لكن مش عارفه علىاي اساس بيتم غختياركم للمدونات لإستضافتها
على العموم أرحب بكم في مدوني يوميات أم البنين
تحياتي

Mony يقول...

ممكن اوافق علي ان الفارة تستبدل بلمس الشاشة

انما بتعبيرات الوجه ديه الي مش كويسة
ليييه؟؟؟


افرض انا مخنوقة من حاجة معينة و انا بشتغل علي الكمبيوتر و ملامح وشي مش ولا بد

هنعمل ايه هنا؟؟؟؟؟؟


اللمس احسن!!!

اعتقد

ممكن نخليها بالكلام زي ما بنشوف في الافلام الاجنبي!!!!!!!!

الله اعلم


اللي يعيش ياما يشوف

انت تسال والكمبيوتر يجيب يقول...
أزال المؤلف هذا التعليق.
انت تسال والكمبيوتر يجيب يقول...

ام البنين
اهلا بيك
اختيارنا للمدونات على اساس ان تكون متميزه بمعنى ان يكون لصاحبها او لصاحبتها موهبه او قدره على التعبير عن نفسهاوواستعداد ان تشارك معنا بآرائها
واحنا نتمنى ان تشاركى معنا برايك فى الموضوعات التى نكتبها هنا فى المدونه ونذيعها هى والتعليقات فى البرنامج باسماء اصحابهاوعناوين مدوناتهموكذلك يمكنك اقتراح موضوعات نطرحها على زوار المدونه او اقتراح اى كتابات من مدونتك يمكن اذاعتها
واحنا سعداء بوجودك معنا ونتمنى مشاركتك

انت تسال والكمبيوتر يجيب يقول...

مونى
اهلا بك وبمشاركتك معنا بالتعليقات القيمه...تصورى ماخطرش فى بالنا المشكله دى اللى انت فكرت فيها؟
شكرا لك ونتمنى دوام التواصل

عالم ماريونت يقول...

اولا احب اعلق على موضوع الفارة:
انا شايفة ان معدش في ثوابت خلاص
زمان كان عندنا اتاري وفيديو دلوقتي حد فاكرهم؟
بس اتفق مع موني ان الفارة ممن تتبدل باللمس بس مش بتعبيرات الوش
لأن الانسان بالعافية يقدر يفهم اصدقاءة او يفهم نفسه حتى
لا اعتقد ان الكمبيوتر يقدر يقهم الانسان
تحياتي
رنا

عالم ماريونت يقول...

بس كان ليا طلب اخير منكم
كنتو قلتولي انكم لقيتم الحلقة بتاعت البلياتشو عندكم ولسة متمسحتش
لو ممكن تبعتولي اللينك بتاعها عشان نفسي تبقى عندي اكون متشكرة ليكم جدا
وتحياتي ليكم

انت تسال والكمبيوتر يجيب يقول...

رنا/نائمه فى الأرياف
اهلا بيك وكل سنه وانت طيبه بالنسبه للحلقه هى الحمد لله موجوده عندنا فى شرايط الأذاعه وعلشان يكون فى لينك لها لازم تذاع الأول ونعملها ابلوود على النت
وزى ما اتفقنا ان شاء الله نذيعها بعد العيد واحنا تحت امرك ولا تترددى فى طلب شىء مننا ...نحن نعتز بشده بكل زوار مدونتنا ونعتبرهم شركاء لنا

Hanan Elshafey يقول...

الفاره دي بقت جزء لا يتجزأ من الكمبيوتر يشيلوها ليه تهون عليهم بس انا بيتهيالي ممكن لان احنا في عصر التطور والتخفيف عن الناس وممكن يكون باللمس انما تعابير الوش دي صعبه شويه وبعدين الكمبيوتر ده اله مش بتحس يعني مثلا تعابير الفرح عندي تختلف عن غيري وهكذا حتي في نفس الانسان كمان ، واشكركم للمرور بمدونتي واتابع مجهوداتكم دمتم مشكورين

hicivil يقول...

الماوس خلاص انتهى فعلا , ومن زمان اوى , وده كان هيلاحظه اللى اتعامل مع انظمة تشغيل غير مايكروسوفت زى الماك واللينكس لان خاصية اللمس جديده على مايكروسوفت وهتشوفوها فى ويندوز 7 الجديد اللى هينزل فى 2010 رسميا لكن انا عندى دلوقت النسخه التجريبيه من ويندوز 7 وبصراحه حلوه اوى . وامفيش حد يستغرب من حكاية ملامح الوجه دى لانها ممكنه اوى ولا ظن ان احنا ممكن نستوعب هما هيعملوها ازاى

رامى سليم عن فريق هاى سيفيل

media يقول...

اكيد التاتش اسكرين هتكون اسهل كتيرمن الفاره لكن مش موافقه ابدا على تعبيرات الوش دى مش متصورة الحكايه دى يعنى اضحك عشان افتح ملف واعيط عشان يتقفل غريبه اوى

لكن طريقه اللمس موجوده دلوقتى وعادى لو ان الكيبورد هتزعل طول عمر الفاره جنبها مونساها دلوقتى خلاص هتبقى لوحدها وخصوصا لما ويندز 7 ينزل وكل الناس تستخدم اللمس بدل الفاره واحتمال برضه نستغنى عن الكيبوردونستخدم السكرين كيبورد

r يقول...

مش عارفه الكام بالظبط
بس ممكن العشرين
طبيعى مواقفه ان الماوس يتلغى وينزل اى طريقه احسن لانه دايما بيعطل منى
وبغيره باستمرار

انت تسال والكمبيوتر يجيب يقول...

حنان
كلامك مظبوط والله يا حنان
رامى
الظاهر فعلا ستختفى
لبنى
حلوه حكاية الونس...اظن ماخدوش بلهم منها
بسنت
انت الوحيده اللى جاوبتى على اول سؤال...قوة ملاحظه