صديقنا العزيز جهاد السيد يعانى من مشكلة اسمه ...الذى يصلح ان يكون لشاب او شابه
طبعا فى النت كان من الممكن ان يختار اسما مستعارا....ولكن هذا لن يحل المشكله فى واقع الحياه اليوميه
المهم
لماذا اخترت هذا الأسم المستعاربالذات لمدونتك
لتبرز بين آلاف المدونات
ام
لسبب آخر
هناك ٨ تعليقات:
السلام عليكم
إخترت إسم يوميات أم البنين لأنه هو المقصود من المدونة يومياتي مع أبنائي ومع زوجي ومع الحياة ..وقد لا تكون يومياتي أنا شخصيا ولكنها يوميات طبيبه قررت أن تكون أم وتتفرغ لأولادها على الأقل حتى يجتازوا مرحلة الطفولة والتي يحتاجون فيها للأم بشكل كبير..
أما مدونة عايزه اطير ..وهي أول مدونه أنشأتها فكان ده إحساسي لحظتها فعلا إني عايزه أطير بعيد عن غربتي ..
تحياتي
السلام عليكم
إستمعت للحلقه اليوم وحصل خطأ في ذكر إسم مدونتي ..إسم مدونتي يوميات أم البنين ..وليس أم العيال
تحياتي
د.ايمان
ربما اختلط علينا الأمر مع مدونة صديقتنا جهاد مشالى حاجات عيال ...عموما نعتذر ولك حلقه خاصه عن مدونتك وحكايتك مع النت هذا الأسبوع الذى يبدا الأربعاء وسنعلن عن موعدها بالضبط الثلاثاء 30-12 بعد العاشره مساء بعد التسجيل
اجمل تحيه
د.ايمان
ربما اختلط علينا الأمر مع مدونة صديقتنا جهاد مشالى حاجات عيال ...عموما نعتذر ولك حلقه خاصه عن مدونتك وحكايتك مع النت هذا الأسبوع الذى يبدا الأربعاء وسنعلن عن موعدها بالضبط الثلاثاء 30-12 بعد العاشره مساء بعد التسجيل
اجمل تحيه
السلام عليكم و رحمة الله وبركاته
قد أطلقت على مدوناتى أسماء:
الأولى (نور الحياة) وهذه المدونه أطلق فيهاأحاسيسى ومشاعرى وخواطرى وكل ما أتمناه فى حياتى وسميتها نور الحياة لأنى أحب اسم نور فهو يعطينى الأمل فى الحياة يجعلنى أرى دائما بصيص من الأمل
الثانيه (نور على نور) و هذه المدونه أكتب فيها بعض المواضيع العامة التى تحوز على اهتمام كبير فى عقلى وفى بلدى وأكتب فيها أيضا أجمل ما قرأت (ما يرطب على قلبى) و حاز على إعجابى فهى تمثل لى النور والأمل فى حياة جميله
بصراحه اختيار الأسماء المستعاره شئ صعب لانك لازم تختار اسم يناسب زي ما بيقولوا الحركه في النت
في ناس بتختار اسامي مضحكه عشان تجذب القارئ ليها
وفي ناس بتختار اسامي مرعبه بردوا لجذب القراء
انا عن نفسي كان اختياري لاسم مدونتي دمعة حنين لاني اعتبرت كل اللي بكتبه فيها هو فعلا دموع تحن للماضي بما فيه
ولقيت ان الإسم ده هيتناسب اوي مع المواضيع اللي بكتبها فيها
انا بقى
يمكن لأن شهادتي مش هقدر اشتغل بيها
انا ألسن ألماني
يعني في المنصورة عاملة بالضبط زي الهندسة الذرية....حلوة اوي اوي
بس ملهاش مجال هنا
بعد ما اتخرجت ورجعت المنصورة تاني حسيت اني مش قادرة اعيش بعد ما عشت في القاهرة اربع سنين
اتعلمت يعني اية مسئولية ويعني اية استقلال ويعني اية طموح
بصراحة لغاية دلوقتي مش قادرة احس اني سبت القاهرة...انا في اجازة وراجعة تاني...المنصورة بلد جميل جدا
انا كتبت في المدونة بتاعتي كدة
فيها حضارة القاهرة..وهدوء الريف بس انا مش عارفة الاقي نفسي غير في القاهرة
القاهرة يعني الصحافة والترجمة والكلية والكورسات
للأسف مفيش الحاجات دي في المنصورة
انا لسة بحاول ارجع القاهرة تاني
وعشان كدة حاسة نفسي لغاية دلوقتي ومن يوم تخرجي نائمة في الأرياف
مع العلم اني مش نائمة ومش كسولة.. انا بقضي يومي كله في العمل الخيري
والمنصورة زي ما قلت مش أرياف
بس انا قدرت اوصف نفسي بكدة... وطبعا الاسم اقتباس من الكاتب الكبير توفيق الحكيم
********************************
تحياتي ليكم وكل سنة وانتم طيبين
رنا
انا اولا كنت عامل مدونه وقفلتها
قررت اتابع بس
ثانيا بالنسبه لأسمي ساعات كنت بحس بفرح لانه بيدل علي الجهاد في سبيل الله
بس ساعات كتير بيضايقني لان معظم زمايلي يفضلوا يربطوا اسم جهاد بسلامه مش عارف ليه؟ يمكن علشان الفيلم بتاع التتار عاجبتهم المقوله دي اوي
وساعات تانيه يقولوا دا اسم بنت يابني
وناس تالته اقولهم علي اسمي يقولو انت بتهزر ..... طيب وايه الهزار في كدا
وناس تعجب بالاسم وتقول دا اسم جميل
انا برضه اقول علي رأي المثل اللي ايده في الميه مش زي اللي اسمه في الشهاده
علشان كدا قررت اني لما اكتب اسمي في اي حته اكتب جمبه ولد علشان محدش يفتح بقه ويقول جهاد ولد ولا بنت
إرسال تعليق