انت تسال والكمبيوتر يجيب: ماذا تفضل المراه

الثلاثاء، ٢٥ ذو الحجة ١٤٢٩ هـ

ماذا تفضل المراه

ماذا تفضل المراه الرجل الذكى ام المسيطر؟

هناك ٢٠ تعليقًا:

فشكووول يقول...: والله مش عارف .. الراجل الذكى له مزاياه والمسيطر له مزاياه .. لكن هى بتفضل ايه .. فيه مرأه بتفضل الرجل المسيطر .. وفيه مرأه بتفضل الراجل الذكى .. لكن متهيأ لى وعلى الرغم من كل الهوجه اللى حنا عايشين فيها والمساواه المطلوبه بس مش عارف مساواه فى ايه وناقص ايه المرأه بتفضل الرجل الراجل متهيأ لى المسيطر .. على فكره عايزين نعمل مجلس قومى لمساواة الرجل بالمرأه; ٢٥ ذو الحجة ١٤٢٩ هـ في ٥:١١ م
Dr/ walaa salah يقول...: السلام عليكم ورحمة الله وبركاته

والله على ما اظن إن الرجل الذكي افضل

لان في رجال مسيطرين بشكل فظيع ومتعب

لكن اعتقد إن الرجل الذكي يمكنه استخدام ذكائه في سيطرته على المرأه ولكن طبعاً في حدود العقل

ده رأيي لكن انا شفت سيدات بيحبوا الرجل المسيطر

ودي طبعاً وجهات نظر; ٢٥ ذو الحجة ١٤٢٩ هـ في ٦:٠٤ م
hicivil يقول...: اقولكم اا وجهة نظرى اللى اكتشفتها فى الجنس اللطيف (الغريب اساسا) هى بتفضل الراجل الكوكتيل , ايوه الكوكتيل يعنى من ده على ده (ذكى ومسيطر وحاجات كتير كده ); ٢٥ ذو الحجة ١٤٢٩ هـ في ٨:٠٦ م
AhMeD RaDy يقول...: نقول بسم الله الرحمن الرحيم

وكمان نرمى السلام عليكم ورحمة الله

هو بصراحة كدا ومن الاخر ... المراة عايزة راجل .. بكل ما تحمله الكلمة بقى

يعنى عايزة يكون مسيطر .. فى وقت الفوضة ويكون زكى لما المواقف تتأزم اوى

فا المراة محتاجة لرجل يعرف يعنى ايه الكلمة دى; ٢٦ ذو الحجة ١٤٢٩ هـ في ١:٢٧ ص
د. إيمان مكاوي يقول...: أكيد كل إمرأة هيكون لها رأي مختلف حسب شخصيتها وأراءها
فيه بتحب الراجل الذكي إللي ياسرها بتصرفاته ويقدر يستحوز على إهتمامها بذكاء
وفيه تفضله غبي علشان تقدر تسيطر عليه طوال الوقت
أما الرجل المسيطر فحسب سيطرته دي لحد فين
ولكن بالرغم من كل ما وصلت له المراه من حريه فهي جواها بتحب الشخصية القويه التي تاسرها حتى لو في شوية سيطره ولو عكس كده بتعتبره مش راااااااجل; ٢٦ ذو الحجة ١٤٢٩ هـ في ١١:٠٩ ص
hicivil يقول...: كلامك مظبوط يا أم البنين; ٢٦ ذو الحجة ١٤٢٩ هـ في ١٢:٣٤ م
media يقول...: مسيطر دى صعب اوى اه احب يكون تفكيرة عالى وذكى لكن مش مسيطر
قي حاجه بقي مهمه جدا انه يكون متفاهم ويقدر يفهمنى لانه مينفعش يكون طرف مسيطر على التانى ده لو اتكلمنا عن السيطرة من باب التحكم و فرض القوة على الاخر على سيبل المثال انها لازم تنفذ كل اوامره وكل كلامه لايعارض ده مينفعش ابدا
لكن قي بنات بترضى بكده يعنى في واحده لازم تتصل بخطيبها تستاذن منه تنزل الكليه ولا لاء لو رفض استحاله تنزل عشان ميزعقلهاش

وبتفق مع احمد راضى انه يكون مسيطر وقت الفوضى لكن ديما لاء; ٢٦ ذو الحجة ١٤٢٩ هـ في ٣:٣٠ م
E73 يقول...: بسم الله الرحمن الرحيم
السلام عليكم ورحمة الله وبركاته
___________________________
الأول لذيذة قوي الفكرة بتاعت مدونة للإذاعة لأن وأنا صغيرة كان نفسي دايما أتصل على الإذاعة أو البرامج الإذاعية ومكنتش بعرف أو يمكن كنت بكسل
وعقبال باقي برامج الإذاعة كدة قولوا آمين
_________________________
بالنسبة بقى للموضوع المطروح للنقاش
أنا شايفة إن الرجل الذكي بذكائه يقدر يوصل المرءة إنها تحترم وكمان تحب سيطرته
يعني كلمة سيطرة مش بمعناها الصامت تحكم وفرض رأي لأ لكن الإحساس بالراحة و الأمان في حد ذاته بيدفع المرءة إنها تسمع الكلام عن حب وليس عن رعب; ٢٦ ذو الحجة ١٤٢٩ هـ في ٥:٣٦ م
شيماء زايد يقول...: لو ماذا تفضل المرأه يبقي حنقول لسته طويله جدا
ولكن لو اتكلمنا عن جانبي الذكاء والسيطره
نقدر نقول ان المرأه تفضل الرجل الذي يقودها بذكاء في الطريق الذي تختاره هي .; ٢٦ ذو الحجة ١٤٢٩ هـ في ٩:٢٨ م
zainab يقول...: السلام عليكم و رحمة الله و بركاته

أولا:أحب أن أبدى إعجابى بفكرتكم الرائعه وهى الإذاعه

ثانيا:بالنسبه للموضوع المطروح للمناقشة
بالنسبة لى أنا أفضل الرجل الذكى الذى يقودنى بمهاراته و ذكائه رجل يسيطر على قلبى وعقلى و مشاعرى بذكائه فأكون راضية تمام الرضا
الرجل الذكى يكون لديه القدرة بعقله على إدارة أمور العائله بدون سيطره أو تحكم فلا أشعر بالسيطرة والإجبار معه
أما الرجل المسيطر فلا حاجة له لأنى لا أفضل استخدام العنف أو القوة أو فرض الرأى
لذلك أفضل الرجل المسيطربذكائه وليس بقوته

أما بالنسبه للمرأة بصفه عامه فهناك من تفضل الرجل المسيطر و هناك اخرى تفضل الرجل الذكى
فهى وجهات نظر

تحياتى; ٢٧ ذو الحجة ١٤٢٩ هـ في ١٢:٣٦ ص
انت تسال والكمبيوتر يجيب يقول...: فاشكول
د.ولاء صلاح
هاىسيفيل
احمد راضى
د.ايمان مكاوى
لبنى غانم تائهبين الخيال والواقع
شيماء زايد
كل سنه وانتم طيبين وان شاء الله تكون 2009 محققه لكل أمالكم
الزعيمه
زينب
اهلا بمشاركتكم معنا ونحن سعداء بانضمامكم الى احبائنا زوار المدونه ونتمنى دوام التواصل
وكل سنه وانتما بخير وسعاده; ٢٧ ذو الحجة ١٤٢٩ هـ في ٥:٥٥ م
zainab يقول...: السسلام عليكم و رحمة الله وبركاته

يسعدنى الأنضمام إليكم وأحب أن أشكر جميع القائمين على العمل فى هذا البرنامج

**************
حاولت الدخول على موقع البرنامج
http://dear.to/cairo
ولكنه لم يفتح وسألت صديقة لى أيضا فكان منها نفس الرد بصراحة احنا مش عارفين المشكله فى النت ولا ايه؟
****************
تحياتى; ٢٧ ذو الحجة ١٤٢٩ هـ في ٦:٣٥ م
zainab يقول...: السسلام عليكم و رحمة الله وبركاته

يسعدنى الأنضمام إليكم وأحب أن أشكر جميع القائمين على العمل فى هذا البرنامج

**************
حاولت الدخول على موقع البرنامج
http://dear.to/cairo
ولكنه لم يفتح وسألت صديقة لى أيضا فكان منها نفس الرد بصراحة احنا مش عارفين المشكله فى النت ولا ايه؟
****************
تحياتى; ٢٧ ذو الحجة ١٤٢٩ هـ في ٦:٣٧ م
hicivil يقول...: حاولى تانى يازينب http://dear.to/cairo; ٢٧ ذو الحجة ١٤٢٩ هـ في ٩:٥٨ م
عالم ماريونت يقول...: انا من رأيي المتواضع يعني:
لا ده ولا ده
المرأه يهمها في المقام الأول الرجل الحنون
المرأه ممكن تعمل اي حاجة بس بكلمة حنونة او لفتة مشاعر طيبة
طبعا الذكاء والسيطرة مطلوبين بس في النهاية الاهم في نظري هو الحنان
تحياتي
رنا; ٢٨ ذو الحجة ١٤٢٩ هـ في ٢:٠٧ م
جيهان علي يقول...: السلام عليكم ورحمة الله

لو تحدثنا عن ما تفضلة المرأة في الرجل فلن تستطيع امرأة واحدة أن تجيب عن هذا السؤال بشكل تتلتزم به كل بنات حواء
فلكل امراة متطلباتها في الحياة عموما والرجل خصوصا
وما يهمني أنا بشكل شخصي أن يكون رجل فعلي ليس من حيث النوع " ذكر / أنثى " ولكن أن يكون متفهم بحق معنى أن يكون رجل يحمل صفات الرجولة
ولو خصصنا الحديث أكثر للمفاضلة ما بين الذكاء والسيطرة
فأنا أفضل الرجل الذكي الذي يستطيع إحتواء من معه ليكون مسيطر بالحب

تحياتي; ٢٨ ذو الحجة ١٤٢٩ هـ في ٤:٠١ م
أسماء علي يقول...: السؤال محدد .. مسيطر أم ذكي
اذا أُفضله ذكي حتى يتسنى لنا الحوار و التواصل .. و لأن الذكي يستطيع اكتشاف أخطائه .. تغيير تفكيره اذا وجد أنه مُخطئ ..
الذكي يمنحي متعة تفاهم و حوار و تفكير ... لأن في عصرنا الحالي كل مانحتاجه هو من يفكرون و ليس المسيطرون ..

happy new year; ٢٩ ذو الحجة ١٤٢٩ هـ في ٣:٢٢ م
انت تسال والكمبيوتر يجيب يقول...: زينب
للأسف الموقع فعلا صعب يفتح بسبب حالة النت ...وعلينا الأنتظار حتى تعود الأمور الى حالتها الطبيعيه
رنا عاشور نائمه فى الأرياف
جيهان على
كل سنه وانتما بخير وسعاده ...السؤال موضوع بحث اجرى فى الولايات المتحده وسنذكر طبعا نتيجته عند اعداد حلقتى البرنامج....اجمل تحيه; ٢٩ ذو الحجة ١٤٢٩ هـ في ٥:١٣ م
غير معرف يقول...: والله انا عن نفسي احب الراجل يكون راجل بمعني الكلمه يعني في رجاله لازم كلمته تمشي حتي لو غلط ده اعتقد اسمه الراجل المسيطر
الراجل مش بس بكلمته الراجل برعايته لبيته واسرته
هكذا لاب د ان يكون الرجل; ١٠ ربيع الآخر ١٤٣٠ هـ في ٢:٣١ م
غير معرف يقول...: والله انا عن نفسي احب الراجل يكون راجل بمعني الكلمه يعني في رجاله لازم كلمته تمشي حتي لو غلط ده اعتقد اسمه الراجل المسيطر
الراجل مش بس بكلمته الراجل برعايته لبيته واسرته
هكذا لاب د ان يكون الرجل

روكا الصعيديه; ١٠ ربيع الآخر ١٤٣٠ هـ في ٢:٣٢ م