مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الثلاثاء، ٢٠ ذو القعدة ١٤٢٩ هـ

اوباما سيتجرأ ويدخل مكتب الرئاسه لأول مره لاب توب ...ايه رايك

مستمعينا فى كل مكان صباح الخير انتخاب اى رئيس للولايات المتحده فى الماضى القريب لم يحظ بالأهتمام الضخم الواسع النطاق فى العالم كله مثل انتخاب باراك اوباما ... يمكن لأنه اول رئيس اسود فى تاريخ الولايات المتحده ممكن طبعا خاصة لو نذكر ان من سنوات مش بعيده اوى زعيم حركة المناده بمساواة السود والبيض مارتن لوثر كنج لخص الموقف كله فى كلمتين :انى احلم هم بالأنجليزى اكتر من كلمتين فى الأصل الجمله فى خطبته المشهوره هى I have a dream المهم الجمله بتدل على ان المساوه كانت تبدو بعيدة التحقيق...كحلم يومها تعرفى باراك اوباما كان عنده كام سنه كان طفل طبعا كان عنده سنتين ....المهم اللى يهمنا هنا فى البرنامج انه اول رئيس اميركى يعتمد على الأنترنت اعتمادا شبه كلى بمعنى من الصور المعبره ليه ونشرتها كل وسائل الأعلام فى العالم صورته وهو مع اتنين لا يفارقهم منذ رشح نفسه للرئاسه اولهم هو المشرف على حملته الأنتخابيه وبعد كده كنسمع عنه كثيرا من هنا ورايح واسمه ديفيد اكسلرود والشىء التانى الذى لا يفارقه المحمول او التيلفون المحمول المتصل بالأنترنت .... طيب ايه الجديد ناس كتير معاها المحمول ده طول الوقت باراك اوباما استخدم الأنترنت بكفاءه عاليه جدا اثناء حملته الأنتخابيه ....كانت النت هى وسيلته الأولى التى اعلن فيها ترشيحه للمنصب ....وبعد هذا الأعلان بدا كل مؤيد ليه فى مدونته او موقعه على النت يجمع المؤيدين ...وكل واحد من دول يجمع هو راخر مؤيدين وهكذا والتكلفه بسيطه جدا على النت وايضا استخدم النت فى جمع التبرعات وهى تقدر بمئات الملايين وتوفر عليه التنقل والسفر ليلة الأنتخاب مؤيديه بعتوا رسائل بالملايين عن طريق الأنترنت للناخبين بريد الكترونى بالظبط خلاص اهو نجح...والأنترنت عملت اللى عليها وحتى بعد ما نجح ...هو ناوى زى ما بيقول انه يستخدم النت فى مخاطبة الشعب مباشرة بدون وسيط يقصد طبعا وسائل الأعلام التقليديه بالظبط وحتى لا تغير او تختصر او حتى تشوه ما يقوله ....يعنى بعد ما كان الرئيس يخاطب الناس بالراديو كل يوم سببت منذ الرئيس ريجان تقليدا لما تعود عليه الناس زمان ايام الرئيس روزفلت ...اوباما قرر ان يكون حديثه مباشرة للناس على النت وفى الموقع المشهور يوتيوب .... طبعا على موقع يوتيوب صوت وصوره وايضا قرر انه لأول مره سيكون على مكتب الرئيس لاب توب ....كمبيوتر محمول لأننا كما يقول فى القرن الواحد والعشرين ويبعت منه بقى اى رسائل بريد الكترونيه زى ماهو عاوز لأ فى دى لن يستطيع ممارسة هوايته المفضله ...خوفا من الهاكرز او التلصص على رسائله تعرف ما اعتقدش ان كل ده هوسر اهتمام العالم بانتخابه ....السبب ان الناس بتحلم بتغيير حقيقى وعالم مختلف وكل واحد بيقول I have a dream

هناك ٨ تعليقات:

حاجــ عيال ــات يقول...

السلام عليكم
اللي أنا مستغرباله إننا بنقلد الشعب ده في كل حاجة (اللبس..الأكل..الموسيقى..الجنس)ونيجي لغاية التفكير والنظام بتمسك بعقولنا المتحجرة البعيدة عن التزام
تحياتي لشعب قاهر لكنه منظم

شيماء زايد يقول...

we all have adream

اتمني ميكنش التغيير بإدخال لاب توب فقط

media يقول...

i have dream
انا كمان بحلم .بحلم بيوم نخلص فيه من قهر وذل امريكا واسرائيل لينا
وبضم حلمى لحلم شيماء زايد ان التغير ميكونش بادخال اللاب توب بس

تحياتى لاحلى برنامج

حبيبه يقول...

i have adream
جملة بسيطة لكن معناها كبير
ويمكن زي ماحلمه اتحقق احنا كمان حلمنا يتحقق ونتخلص من سيطرتهم علي عقولنا وعلي كل حياتنا
اما بالنسبة للاب توب ياريت يكون التغيير دة بجد مش مجرد مظاهر
تحياتي لك

كلام على بلاطة يقول...

وبكده نكون دخلنا عصر الرئيس الديجتال
عقبال باقى دول العالم

مهندس مصري بيحب مصر يقول...

هو شئ كويس بالنسبة لهم
لكن بالنسبة لنا اتمنى تقرا تدوينتي دي
http://egyptioneng.blogspot.com/2008/11/blog-post_06.html

سيد الموجى يقول...

أمريكا أس البلاء اللى عرفناها
ترتيب أوباما ما بين رؤساءها خلاها
أم اربعة واربعين اللى مافيش إنسان
إلا وعانى من استفزازها وأذاها !
سيد الموجى
ملحوظة أوباما هو الرئيس رقم 44 بين رؤساء أمريكا

كلام على بلاطة يقول...

اوباما دخل
وكمان ستيل دخل الحزب الجمهورى
يظهر ان السود سوف يسودون
والواحد يضطر عمل مكياج اسود
وسبحانه
ناجح يوسف فهمى