مع ثورة النت كاعلاميين لا نتحدث فقط ولكن ايضا نستمع باهتمام الى افكاركم فاهلا بتعليقاتكم ...مع ثورة النت نتحول كاعلاميين من متحدثين محترفين الى مستمعين محترفين اى الى باحثين فى تعليقاتكم عن كل ما يدفع الحياه الى الأمام...كلنا نحب ان يسمع الناس آراءنا...وهذه فرصه ذهبيه ليسمع الناس آراءك

الاثنين، 26 ذو القعدة، 1429 هـ

شات مع سكان الفضاء وانترنت جديده

مستمعينا فى كل مكان صباح الخير اليكم هذا الحوار كلنا معجبين بالنت ...صح؟ ايوه طبعا ..واى انسان يدخل ويتجول فيها ...اكيد حينبهر بيها .... الجوله فيها هى بالفعل جوله حول العالم ....مش مجرد كلام .... لأن كل كنوز العلم والفن والأدب بتبقى تحت امرك يكفى الواحد يتعرف على كل جديد على الفور ...والجديد لسه جديد ....من كام سنه ...كان الكلام ده يعتبر من الأحلام والأحلام لا تنتهى .... يعنى حاليا كل جديد هنا على الأرض اصبح رهن اشارتك ....خلاص بقى كده نسكت ونبطل نحلم ...؟. فيه ايه تانى اكتر من انك تلفى الكره الأرضيه فى دقائق وانت مرتاحه فى البيت عن طريق النت النت الأرضيه دى مجرد خطوه ...لها ما بعدها ليه هو فيه نت فضائيه مثلا ايوه ...وده اللى عايزه اوصله من اول الكلام نت تورينا سكان الكواكب الأخرى بيعملوا ايه وبيقولوا علينا ايه مش كده؟ الفكره مش بطاله تنفع لفيلم خيال علمى لا فيلم ولا خيال ...بل واقع ملموس طيب بالراحه كده وواحده واحده علشان افهم ...ايه بقى القصه ؟ ناسا وكالة الفضاء الأميركيه ...ايوه عارفها...مالها ...فلست هى رخره زى البنوك والشركات؟ لأ متخليش عقلك يروح لبعيد...ناس جربت تستخدم الأنترنت فى الأتصال بسفينة فضاء بعيده جدا عنا بعيده عن الكره الأرضيه ايوه فى رحله فى الفضاء بقالها سنين واصبحت على بعد 20 مليون ميل 20 مليون ميل!!! ايوه وده ما يعتبرش كتير بالنسبه للمسافات بين النجوم والكواكب وكل اللى فى الكون ايه بقى اللى حصل بالظبط ابدا احنا مش ممكن نبعت صور لأى مكان على الأرض عن طريق النت وممكن كمان نستقبلها على الكمبيوتر اهى ناسا عملت كده ارسلت صور لسفينة الفضاء البعيده واستقبلت صورا منها ايضا ...وكله عن طريق النت او نظام شبيه بالنت بس دى على الصور ما تروح او تيجى تاخدلها وقت قد ايه تاخد وقت طبعا ...المهم قدروا انهم يحصلوا على صور واضحه رغم كل هذه المسافه 20 مليون ميل لكن ليه كل التعب ده واحنا لسه مش متاكدين ان كان فيه سكان على الكواكب الأخرى والا مفيش انت ناسى سكان المحطه الدوليه الموجوده حاليا فى الفضاء؟ سكانها يعنى يتحرموا من الدخول للنت ومن انهم يدردشوا معانا ...يعملوا شات يعنى؟ لأ طبعا ميصحش ولو اكتشفنا سكان على الكواكب الأخرى ممكن هم كمان يدردشوا معانا وتبقى لمه....شفت الأنترنت حلوه ازاى!!!! هل تعتقد بوجود سكان على كواكب اخرى؟اذا كان يوجد كيف ينظرون الينا؟ ولماذا لم يتصلوا بنا حتى الآن ؟هل ينتظرون ان تمتد اليهم النت؟

هناك 16 تعليقًا:

يوميات نائمة في الأرياف يقول...

هيييييييييييه اول تعليق
اقرا وارجع تاني

يوميات نائمة في الأرياف يقول...

طيب
كنتو قلتو لي انكم عايزين تاخدو البوست بتاع مدرسة الرياضيات المعقدة عشان تعملو منها حلقة
وانا طبعا يسعدني جدا انكم تاخدو البوست بتاعي
بس ابقو عرفوني بمعاد الحلقة
ويارب دايما التواصل
رنا

يوميات نائمة في الأرياف يقول...

بمناسبة الحلقة
انا يدوب لحقت الحلقة اللي فاتت بتاعتي(بوست البلياتشو) بعد ما ابتدت ومعرفتش اسمعها تاني
لو ممكن تبعتولي لينك اقدر احملها من عليه اكون مبسوطة جدا

صفاء يقول...

هو اكيد فى كل الكون دة طبيعى يكون فيه كواكب تسمح بوجود حياة تانيه
أصل مش معقول يكون ربنا خالق كل الكون دة عشان احنا نقعد فيه لوحدنا ونتفرج على النجوم
بس وسيله الاتصال أكيد هتكون شئ صعب جدا ومعقد جدا ومتطور جدا ومش هنتوصل ليه دلوقتى اصلا
اهل الفضاء بقى بيشيتو والا لا
اهو دة اللى ناقص
نجيب كائنات فضائيه تدون معانا وتعمل شات

انت تسال والكمبيوتر يجيب يقول...

يوميات
اهلا بك ماخنا تركنا طلبنا فى المدونه عندك ولسه احنا معملناش حاجه الا بعد ما تقولى وطبعا حنقول لك موعد الحلقه اما بخصوص الحلقه فطلبك متخر جدا لأنها فضلت موجوده فى المدونه بتاعتنا لشهور الى ان غير الموقعاللى بنحتفظ فيه بالملفات الصوتيه سياسته ومسح او قيد الأستماع للملفات فاضطرينا نمسج كل اللينكات بالمدونه
صفاء اهلا بك ويعداء حقيقى بمرورك وتعليقك وطبعا احنا بنعلن عن موعد أذاعته هنا فى المدونه بس مش هذا الأسبوع الذى يبدا الأربعاء لأننا بنعد حلقات الأسبوع مقدما كل يوم ثلاثاء
نتمنى نراك هنا فى المدونه دائما

انت تسال والكمبيوتر يجيب يقول...

يوميات
نسينا نقول لك او كانت الحلقه لم تمسح من شرايط الأذاعه ممكن نذيعها تانى ...نحتاج نسال ونقول لك

rovy يقول...

السلام عليكم

وحشتونى و لكم جميعا خالص التحية
لم ازوركم من فتره و ده كان لظروف خارجه عن ارادتى ..
السؤال المره دى صعب جدا جدا و ده لاننا من زمن و احنا بنسمع بامكانية و جود كائنات فضائيه و لكن مع تقدم العلم و النت و الاتصالات لا ارى ان هناك مبرر لعدم ادراكنا الحقيقه حتى الان ..
لذلك اعتقد انه على الاقل فى مجموعتنا الشمسيه لا يوجد غيرنا احياء .

خالص تقديرى و تحياتى للاستاذ صلاح و لكم جميعا

mervat

dr.lecter يقول...

انا مش مقتنع اننا لوحدنا في الكون

في دراسات وابحاث كتيرهاتكلمت عن الحياه علي الكوكاب الاخري واخرها من 15 سنه الاكتشاف ان كان فيه مياه متجمده علي المريخ ونوع بدائي جدا من البكتيريا اللي بتمثل الحياه الاوليه


عامه اكيد السكان التانيين مش فاضيين زينا يشيتوا ووراهم هم وبلاوي متلتله وحكام مستبدين برده

الشات ده رفاهيه زياده عن اللزوم واكيد لو حاولنا هيعملوا لنا بلوك

حاجــ عيال ــات يقول...

أنا مش قادرة أتصور ده بالظبط لكن في آية بتقول (وماخلقت الجن والانس إلا ليعبدون)يعني في جن وفي إنس والانس طبعا على الأرض والجن موجودين في أماكن مختلفة
لكن لو كان في كائنات تانية في اي كوكب تاني ..اسمهم ايه جن ولا انس ولا حاجات تانية خالص
الموضوع مش البساطة دي
مواضيعكم بتعجبني أستاذ صلاح
جهاد مشالي

يوميات نائمة في الأرياف يقول...

ايوة يا افندم
انا قلت اني يشرفني انكم تعملو حلقة من المدونة بتاعتي
وهستنى لما تسألو وتقولولي
ياربمتكونش اتمسحت
تحياتي ليكم
وربنا يوفقكم
رنا

انت تسال والكمبيوتر يجيب يقول...

اختنا العزيزه ميرفت-روقى
حمد الله على السلامه...افتقدناتعليقاتك الجميله
د.ليكتر طيب ليه لا يحاولون الأتصال بنا...وعلى فكره ممكن نذكر اسمك الحقيقى فى حلقاتنا القادمه ان شاء الله لو حبيت
جهاد-حاجات عيال فعلا الموضوع مش بسيط دا فيه اجهزه ضخمه ليل ونهار شغاله لأستقبال اى رساله ولم تصل بعد اى رساله...طيب ليه ورايهم فى اللى بيحصل على الأرض ايه ...مش يمكن مش راضيين عنا وعلشان كده مبيعبروناش؟
رنا-نائمه فى الأرياف
خبر حلو الجلقه لم تمسح وبالتالى يمكن اعادتها

mony يقول...

ههههههههه

اكيد احنا ماعملناش شات مع سكان الفضاء دول لواحد من السببين دول:

1-اما انهم متقدميييين جدا و عندهم حاجات احسن مليون مرة من النت بتاعنا و علشان نعرف نكلمهم لازم يكون عندنا ترجمة للغاتهم او ننزل البرنامج اللي ممكن نكلمهم بيه عندنا

ولا هنكلمهم ازاي يعني



2-او يا اما هم متخلفييييين جدا و ماوصلوش للتطور اللي احنا وصلناله

انت تسال والكمبيوتر يجيب يقول...

مونى
اهلا بك مشاركه معنابافكارك فى برنامجنا الأذاعى ...ونحن سعداء فعلا بوجودك معنا
ونحن نحاول ان يكون هذا البرنامح صوت المدونين ومرآه لكتاباتهم

رئـــــيسـة حزب الأحلام يقول...

بس فى حاجة هو النت هيوصل ازاى الاول للكائنات الفضائية
ولا هم متطورين عننا
مش مهم خلينا فى الموضوع الخطير دة
يعنى ممكن اتعرف على كائن فضائى
ونتكلم فى السياسه الفضائية
ياسلام ياولاد دة العلم نور

تائهه بين الخيال والواقع يقول...

انا مش قادره اتصور حكايه كائنات الفضاء دى الا في افلام الكرتون بس خلينى اتخيل ويمكن في يوم من الايام نكتشف ده ويكون حقيقه الله اعلم
خلينى اتخيل بقى حكايه الشات مع الكائنات الاخرى دول ياترى بانهى لغه هنتكلم ياترى هتكون في لغه تفاهم بينا ولا هتكون لغتهم لغه اهل الفضاء الى احنا منعرفهاش دى هتبقى حاجه صعبه اوى هنتكلم ازاى طيب بالاشارات حتى الاشارات او الرموز ممكن تكون بمعانى اخرى عندهم
حاجه غريبه فعلا

تائهه بين الخيال والواقع يقول...

انا مش قادره اتصور حكايه كائنات الفضاء دى الا في افلام الكرتون بس خلينى اتخيل ويمكن في يوم من الايام نكتشف ده ويكون حقيقه الله اعلم
خلينى اتخيل بقى حكايه الشات مع الكائنات الاخرى دول ياترى بانهى لغه هنتكلم ياترى هتكون في لغه تفاهم بينا ولا هتكون لغتهم لغه اهل الفضاء الى احنا منعرفهاش دى هتبقى حاجه صعبه اوى هنتكلم ازاى طيب بالاشارات حتى الاشارات او الرموز ممكن تكون بمعانى اخرى عندهم
حاجه غريبه فعلا