فستان جديد او جاكت جديد ....يبقى ايه لزوم المحمول؟
آه لو حد طلبك
بسيطه الفستان او الجاكت سيعلمك ...سيطلق نفس رنة المحمول
حتقوللى طيب وارد ازاى
مفيش ابسط من كده
انت مش كنت بترفع المحمول بايدك لودنك؟خلاص ارفع ايدك كأنك ماسك المحمول بالظبط واكلم عادى خالص
الحكايه ان ملابس المستقبل بدات تظهر وهى مندمجه مع التكنولوجيا ....القماش نفسه ذكى ممكن يدلك على اى شىء محتاجه بدون ما تشيل اجهزه خالص
ملابس عاديه تماما ولكنها تقوم بكل وظائف مبتكرات التكنولوجيا حتى انظر للصوره ال اليسار ...فستان عادى تماما ولكنه يطلق نغماته مثل اى تيلفون محمول لو اتصل بك اى شخص وما عليك لترد الا ان ترقع يدك كما فى الصوره ...ايه رايك؟
الاشتراك في:
تعليقات الرسالة (Atom)
هناك ١٤ تعليقًا:
اللى يعيش يامه يشوف انا اخر حاجه سمعتها كان الفستان الى بينور بتاع المطربه صباح لكن فستان وموبايل في نفس الوقت ده اللى مسمعتوش قبل كده ابدا
ومش بعيد يخترعوا فستان بتلاجه برضه يعنى لو حد عاوز ميه ساقعه يحط ايده في جيبه اليمين يلاقي ميه ساقعه واحتمال يكون في شاى في الجيب الشمال مش بعيده برضه
كنت مستغربه من الفستان الى بينور لكن بعد كده مش هستغرب لاى اختراع غريب
السلام عليكم
بصراحه رأى ان على اد التكنولوجيا ما بتكون هايله فى اوقات كثير الا اننا دايما بنحن لبساطه الماضى و نفتقدها سبحان الله ..
لكن فكرة الفستان دى حلوه و تنفع جدا فى فساتين السهره لان دايما بيكون المحمول مشكله اننا نسمعه حتى لو كان معانا و صعب اننا نعمله رجاج و نضعه فى الفستان لان معظم فساتين السهره لا يوجد بها جيوب ..
كل الشكر و التحيه للاستاذ صلاح و لجميع العاملين ببرنامجنا المحبوب و المفيد
تحياتى
الموضوع فى مجمله حلو و رائع و جميل
لان موضوع شيل المحمول ده بالنسبه لى مشكله
بس اللى محيرنى لو عايزه اسجل نمره جديده اعمل ايه طب لو الشحن خلص حاشحنه ازاى سواء كهربا او فلوس
بلااااااااااااش ده كله لو الفستان عايز يتنظف المقادير حتكون ايه غساله و لا تنظيف جاف و لو حبيت اكويه الموبايل حيسيح و لا ايه
يا جماعه قبل ما تجيبولنا الاختراع هاتولنا الكتالووووووووووووووووووج
لان الموضوع بتاع الفستان ده شكله حيعجبنى
علا محمد عبد المنعم
ويخلق ما لا تعلمون!!!
تحياتي
علا سمير الشربيني
السلام عليكم ورحمة الله وبركاته
اللى عاش زمن التيلفون الأرضي في بداياته بسلوكة بمكانة المقدس اللى ميتحركش منه أكيد عمره ما كان يتصور ان في يوم من الأيام هايكون في تيلفون محمول بيتحط في الجيب ولا الشنطة وفي منه أحجام صغيرة جدا بخلاف ظهور الهاتف المحمول في بدايته ما هو كان كبير برضو عنه دلوقتي ..
وطبعا الموضوع دلوقتي مع كل التكنولوجيا اللى بنعشها والتطور سهل نتصور حاجة زي كدة
لكن بصراحة انا افضل التيلفون المحمول اللى معايا دلوقتي ولا اني امشي ولبسي بيرن وبكلم فيه
تحياتي
اسمحولى يكون تعليقى سوسيولوجى , طبيعى جا ان الانسان بيسعى انه يعيش فى حياة تغدوها الرفاهية , وتحقيق اقصى معدلات السعادة , بعيدا عن مشاعر القهر والازلال والسيطرة للطبيعة , نجح الانسان فى ذلك وحقق معدلات قصوى من الرفاهية ورغد العيش , ونجح فى تطويع الطبيعة لخدمته ’ هذا علاوةعلى انه حقق وجوده فى الحياة من استخلافه فيها وتلك المعانى التتى اكد عليها القران الكريم الغريب فى الامر ان وصول الانسان وامتشاف قدراته فى العامل الى استغلال ملكاته وطاقته الفكرية والذهنية , تنقلب عليه فى النهاية , السؤال المطروح وماذا بعد تلك الاشياء التى تحولت الى رفاهية فى العالم الغربى تحديد عن العالم العربى , الرفاهية بدات تتح معاملها فى النهاية الى تحقيق اقصى معدلات من الرافهية هناك , وتجاوزت حد الاتصال والتكنولوجيا وتزليل الصعاب لتجاوز عالم ما وراء البحار باكتشاف المحول , اما ان يتعدى ذلك ما تم الاشارة اليه فى المقال يعدونا الى التساؤل وماذا بعد كل هذا , اما فى العالم العربى النامى او الشر اوسطى لما ينجح الانسان فى العمل على قضاء على ثالث الخطر الجهل حيث ارتفاع معدلات الامية والمرض والفقر , ان لشى يدعو الى الحزن حقا , ولكن ما يدعو للرثاء اْحيانا انقلب الانسان هناك بعد مرحلة ما بعد الرفاهية الى الموت او الانتحار فليس هناك من اهداف لم يسعوا الى تحقيقها تتحقق , كله موجود هناك
تائهه
فكره جامده جدا...فستان بتلاجهلحاجه ساقعه...وغلايه لحاجه سخنه...مش بعيد النكته تقلب بجد ونسمع عن ظهوره قريبا
اهلا بك
روفى
فعلا المشكله هى كيف نجمع بين البساطه ومميزات التكنولوجيا
شكرا على تشجيعك ودايما معاناان شاء الله
صيدلانيه
فكرت ما شاء الله فى جميع جوانب الموضوع...لم تتركى اى مشكله ممكن تظهر مع استخدام الملابس المبرمجه ...هل معنى ذلك لو تغلبوا على كل هذه المشاكل ستستخدمى هذه الملابس؟
تحاتنا لك واجمل الأمنيات
الورده البيضا
طول ما فى عقول تفكر وناس تتلهف على اقتناء كل جديد سنرى الكثير من هذه الأفكار
شكرا لك ودايما معانا بآرائك ان شاء الله
جيهان على
تحليلك اعتقد مظبوط تماما...بس فيه ناس تهوى كل جديد لأنه جديد مسايره للموضه
اهلا بك وبآرائك التى نعتز بهادائما
سوسيلوجى
اولا اهلا بك وباثرائك للمناقشه...اثرت موضوعات مهمه جداوسؤالك الفلسفى وماذا بعد هو الشغل الشاغل كما تعلم اكيد لمفكرين اجتماعيين مثل يورجن هابرماس الألمانى
وجان بودريارد الفرنسى وروبرتاآش جارنر الأميركيه وكثيرون غيرهم
الفرنسى يكتب اسمه
JEAN BAUDRILLARD وعلى فكره من جوجل يمكن الأطلاع على بعض اعمالهم
شكرا جزيلا لك ونرجوا ان تكون معنا بافكارك دائما
احبائنا اصحاب التعليقات
طبعا نرجب بمن يريد ذكر اسمه الحقيقى فى برنامجنامع التعليقات ...وعموما عنوان المراسلات
netonradio@yahoo.com
احبائنا زوار مدونتنا
نحب ان نشكر المبدعه شيماء زايد على تصميمهاللبانر الخاص بالمدونه وكذلك البانر السابق ...رغم مشغولياتها الكثيره
اعزائى المسئولين عن المدونه الجميله
حاولت ادخل على جروب المدونه على
الفيس بوك معرفتش
ياريت تكتبوا العنوان او تعملوا لها
لينك عن طريق المدونه
شكرا جزيلا علي الاطراء اللي اكبر مننا ده يا استاذ صلاح
الشكر لله وحده
اما عن الفستان ففي سؤال عندي ، هلي حيكون في بلوتوث !!؟
ما القضيه مبقتش اننا نقتنع بوجود الفستان القضيه بقت اننا نعرف اكتر عن امكانياته (:
تحياتي
العزيزه شيماء زايد
زى ما البحث بيقول دى موجه كامله يتعاون فيها النساجون مع خبراء تكنولوجيا المعلومات والأتصال لأنتاج ملابس ذكيه...مندمج في نسيجها خيوط الأتصال...فتدلك على مكان البنايه التى تبحثين عنها او تقول لك كم مترا قطعتيها سائرة على الأقدام...لزوم الريجيم مثلا....او ترفع او تخفض من الحراره حسب الجو ...وهى فى شكلها لا تختلف عن النسيج العادى ...يعنى غسيل ومكوه
مره اخرى شكرا على هديتك الجميله
فكرة حلوة لان التليفون المحمول بيقولوا انة مضر وكدة هيبقى صحى اكتر
تحياتى للبرنامج
دعوه للأمل
شكرا واهلا بيك
هو فيه فعلا كلام عن ضرر التيلفون المحمول بس متضارب شويه يقولوا مضر وشويه يقولوا لأ
اجمل تحيه ونرجوا ان نسمع آرائك دائما
إرسال تعليق