اعترافات متحرش ....من مدونة ابن المليونير

انا اسف . مقدرش اقول غير كده. ده مجرد إعتذار من متحرش إلى كل بنت أذيت مشاعرها و عاملتها كأنها لعبه طريه يجب الأستمتاع بملامستها مش عارف ابدا منين ولا اقول ايه غير انا اسف . أنا عايز اعتذر عايز اتبرر من ذنوبى عايز اغتسل من اثامى الثقيله على ظهرى. بصراحه معنديش اى مبرر لتحرشاتى لأنى لو اتحججت بالفقر فانا مش فقير بل من اسره غنيه و لو اتحججت بالجهل فانا مش جاهل بل متعلم و قارئ و عارف اهميه المرأه و دورها فى البشرية و لو اتحججت بعرى المرأه و إثارتها فده برضة مش حقيقى لأن كل اللى اتحرشت بيهم كانوا منقبات و محجبات ليس بسبب تمييز دينى و لكن لاعتقادى بأن المرأة المكبوتة لن تستطع التكلم ولا الشكوى لانها تتعامل مع جسدها كعار و ستخشى من لوم الناس لها و من الفضايح . الحقيقه السبب كان إنتقام من إمرأة دمرت حياتى جعلتنى اتذوق مراره العجز و شلل الارادة و القشل قى كل شئ طوال عمرى . صحيح انا سامحتها لأنى مش احسن من ربنا و ربنا بيسامح بس تراكم أثار ما فعلته بى من إنكسار نفسى و إنحناء جسدى و جمود فكرى و خوف إجتماعى وإنفصال وعى يجعلنى فى لحظات ناقم عليها و على كل إمرأة و اريد ان اذلها و اذل كل بنت على سطح الأرض و لا يوجد وسيله للذل اقسى من إهانة جسد البنت و تشييئها و التحرش بها و لكن لم اكن اعلم انى بذلك اهين نفسى ايضا و اهين إنسانيتى و افقد سمو روحى و اتزان عقلى و تكامل شخصيتى فانا بتحرشاتى اخظأ إلى ذاتى فعلا الم يخلق الخالق حواء من ادم اى انى اخطا إلى جزء عزيز منى . جزء احاول ان أسترجعه الان بإعتذارى و محاولتى إصلاح نفسى. صدقونى لو بأيدى حاجة تانيه غير الإعتذار كنت عملتها بس للأسف احنا فى مجتمع لا يقدر التوبة و الندم بل يتعامل معك على ما اقترفته و كانك لازلت تفعله أريد ان اخرج إلى الشارع و اصرخ بملئ صوتى ساموحنى يا اخواتى و بناتى و امهاتى و جدادتى (فى الواقع لم افرق بين اى سن كلهم كانوا بالنسبه لى مجرد جسد) أريد ان اساعد فى حماية البنات من التحرش او فى تثقيف الشباب و تعريفهم بقيمة البنت و إنسانيتها وإن الفرق بين جسم الرجل و المرأه لا ينفى ابداً ان أرواحهم من صنف واحد و عقلهم أصلة واحد . أخيرا أرجو ان يسامحنى الجميع على إضطراب افكارى و عدم تنسيق الموضوع لان دى فى الحقيقة اول مرة اكتب تدوينه فيها و كنت بس عايز اخرج اللى جوايا بأى شكل مرسلة بواسطة ابن المليونير في 07:29 ص 2 ا