طرحنا قبل ذلك سؤالا عن الحياه فى حالة فصل النت ...والآن نسال
كيف تكون الحياه بدون كهرباء وبدون كمبيوتر طبعا وبدون ماء فى حنفيه ولا دورة مياه فى كوخ فى قرية نائيه فى دولة تنزانيا فى افريقيا؟
بالنسبه للبريطانيه كارول ويلجار-51سنه -لاشىء من هذا يهم ما دامت ستكون مع من اختاره قلبها زعيم قبيله فى تنزانيا ...تتنقل من بيتها فى بريطانيا لتعيش معه بعد ايام
ما رايك
الاشتراك في:
تعليقات الرسالة (Atom)
هناك ٦ تعليقات:
السلام عليكم ورحمة الله وبركاته
فكرة جميلة
احيانا كثيرة افكر في حياتنا بلا تكنولجيا متمثلة في الكهرباء وكل الرفاهيات المبنية على وجود الكهرباء في حياتنا أو حتى بالبطارية
المهم ان نعيش حياة بدائية
لقيت انه مينفعش اصل لو احنا مولودين على الحال ده كانت هاتكون هي دي حياتنا في تأقلم وتعود
لكن اننا نخرج من حياة لعكسها من غير هدف ولا دافع الامر هايكون صعب جدااااااااااااا
وكل وقت وله ناسه اصلا يعني اللى كانوا عايشين من 100 سنة كانت بالنسبة لهم في تقدم في حياتهم عن من سبقوهم واحنا عندنا تقدم منقدرش نرجع عنه وكمان 100 سنة اكيد في جيل هاينظر لينا على اننا كنا بنعيش حياة بدائية وانهم في التقدم وهكذا ومحديش يقدر يتاخر عن حياة تأقلم عليها
هذا رأيي
تحياتي
أولا اشكركم على تشريفكم لمدونتي المتواضعه واسعدني ان تنال اعجابكم،
وبكل تأكيد اتشرف بالمشاركه معكم
واعتذر عن تأخيري في زيارتكم
وبحق مدونه رائعه ،
بالنسبه لموضوع البوست بكل تأكيد الموضوع غايه في الصعوبه و ليس بالحب وحده يحيا الانسان ولكني لا اعرف مدي تحملها لهذه الحياه الشبه بدائيه خاصة انني اري انه في هذا الزمان لا يوجد شئ يسمى الحب
تحياتي لكم
انا رايى من راى كارول ويلجار
العزيزه شيماء زايد لها كلمه جميله قد تصلح تعليقا على هذه القصه
السعاده فى الرضا
الحب طبعاشيء عظيم محدش يقدر يستغنى عنه ومن غيره الحياه متبقاش حياه
وكمان الكهربا والميه صعب جدا نتخلى عنها
اوقات كتير اسمع بنات يقولو مدام بحبه هعيش معا لو في عشه وده كل بيبقى كلام نتيجه لاحساسهم بالحب لكن لما بيبدؤا يعيشوا مبيعرفوش يتاقلمو على الوضع فمبالك بقى لو اتحطوا في نفس وضع كارول مظنش حد هيستحمل كده حتى هى نفسها بس في الاول والاخر ده يرجع لقدرتها على التاقلم على الوضع اختارته بارادتها ولاى انسان مش هى بس اهم حاجه في الموضوع هى لحظه صدق مع نفسنا هل نقدر نعيش في وضع كارول او لاء وعن نفسي وبكل صراحه لاء طبعا مقدرش اعيش في الوضع ده وبالرغم من انى بعرف اقلم نفسي اوى على الوضع الى انا فيه بس صعب اقلم نفسي على وضع زى الى هى فيه ومتهيالى اى بنت تقول هقدر تبقى بتكدب على روحها
اه ممكن اوى ابدا حياتى مع الانسان الى اختارته من الصفر ونبدا حياتنا ونبنيها سوى لكن مش من تحت الصفر اوى كده
اعتقد ان الحب دافع يخلينا نبقى احسن ونتقدم اكتر مش نرجع لورا الاف السنين
لبنى غانم
السلام عليكم
دعوني أختلف مع الأخوات الفاضلات اللاتي قمن بالعليق على الموضوع، ربما لأني أدرك جيدا مدى قسوة العصر المادي الذي نحيا فيه، والذي أصبح فيه الحب عملة شديدة الندرة، أو حتى أسطورة كالعنقاء والغول والخل الوفي. إجابتي هي نعم يمكنني الاستغناء عن كل مظاهر التكنولوجيا العصرية والحياة بدونها، لكن السؤال: أين هو ذلك الرجل الذي يستحق كل هذه التضحية؟
إرسال تعليق