بمناسبة ظهور المجله الشبابيه الساخره وسط البلد وقبل ذلك المجله المتميزه على صوتك والأتنتان لا تعرفان الورق وبائع الجرائد التقليدى على الرصيف لأنهما مجلتان الكترونيتان على النت
والسؤال هل تظن ان ظهور هذه المجلات سيؤدى الى انحسار او انكماش المجلات الورقيه التقليديه؟
فى انتظار اجاباتكم
الاشتراك في:
تعليقات الرسالة (Atom)
هناك ٢٢ تعليقًا:
بص حضرتك انا شخصيا كنت متعوده اقرا فى الكتب عاما بس لما دخلت عالم النت استغلست الموضوع فى الاول بس خلاص اتعودت بس ليه من الاول حبى فى الكتب انى شوفت ماما وبابا ماسكين الكتب بس يا ترا لما اكبر ويكون عندى اولادى هما طبعا هيشوفنى باقرا على النت كامثال كل جيلى هل هما يحاولوا حتى يدوروا على الكتاب لا طبعا
لا طبعا معتقدش ان المجلات الالكترونية مكن تاخد مكان مجلات الورق او حتى تأثر عليها
الورق موجود منذ الازل ومعتقدش ان في اي حاجة ممكن تاخد مكانة
لسة الورق هو اهم حاجة واعتقد ان حتى لو جه اليوم اللي الكمبيوتر يحل فيه محل الورق فده هيكون بعيييييييييد جداااااااااااااااا
تحياتي ليكم مدون متميزة لبرنامج متميز جدا
وميرسي ليكم اوي اوي انكم حاطين الحلقة بتاعتي في جنب المدونة
رنا
لا طبعا معتقدش انها ممكن تاخد مكان المجلات الورقيه او تقلل من قراء المجلات الورقيه لان زى مافي ناس بتحب تقرا المجلات الالكترونيه في ناس برضه بتحب تقرا المجلات الورقيه وانا عن نفسي بحب اقرا الاتنين وكان ليا الحظ انى اشتغل في مجله على صوتك بس للاسف حاليا توقفت عن الكتابه بالمجله
أعتقد أنه اه لان عدد قراء المجلات الالكترونيه أو المهتمين بالانترنت أكتر بكتير من اللى بيقروا مجلات ورقيه
اولاً بشكر حضرتك جدا القاء الضوء على المجلات الالكترونية
ثانياً : أعتقد إن الإنترنت محتل مساحة كبيرة جدا فى حياة الناس
بمعنى ان كل شيئ اصبح يتم عن طريق الانترنت
لذلك الجميع حريص كل الحرص على معرفته ومن جميع طبقات الشعب ومن جميع الاعمار
فمن وجهة نظرى الشخصية ان من يجلس اما الكمبيوتر يبحث عن شيئ واعتاد على ماطالعته مجلة الكترونية فبالتأكيد أنها ستغنيه عن المجلة الورقية .. لأن طبيعى موجود امام الجهاز ومن السهل جدا مطالعه المجلة دون جهد نزول للبائع او حتى تكلفه مادية فالطبيعى انه موجود على النت وضالته موجودة .
مودتى واحترامى
بالتاكيد المجلات الالكترونيه سهلت اشياء كثيرة عن المجلات الورقية ولكن ايضا لا غنى عن المجلات الورقيه فهي مجلات ذات طابع خاص ولها متعتها خصوصا بين محبيها وايضا هناك مجلات ورقية ليس لها موقع لتفتح من عليه لذا لزم على محبيها ان يقرءوها ورقية فلهذا لا اعتقد ان المجلات الالكترونيه ستلغي وجود المجلات الورقية ولكن سيكون للورقية جمهورها وللالكترونيه جمهور اخر وقد يوجد جمهور مشترك بين الاثنتين
راى أن لا غنى عن المجلات والجرائد الورقية وأيضا لا غنى عن المجلات الالكترونية لكل منهم له جمهوره - المجلة الالكترونية تتطلب أن يكون قارئها مستخدم للكمبيوتر وده مش متوفر لكل الناس او بمعنى مش محبب لكل الناس حتى بعض الشباب بالرغم من انتشار الكمبيوتر فى حياتنا وميزة المجلة الورقية تقدر تقرأها فى السرير فى المكتب فى المواصلات فى أى وقت حاجة ملموسة بين أيديك مريحة فى التعامل يعنى ولكن يعيبها المادة وتكلفتها ولكنها مهمة لكثير من الناس
أنا عن نفسى من سنين لا اشتريت مجلة ولا جرائد غير مجلات الاطفال لأولادى وكل الاخبار بأخذها من مواقع على النت ومجلات ألكترونية لأنى بتعامل مع الكمبيوتر يوميا
يبقى الخلاصة المجلات الورقية مهمة جدا
والمجلات الألكترونية أيضا مهمة جدا
لأ طبعا الورق هو الأساس
متعة القراية من الورق للناس اللي متعودة على القراية لا تضاهيها متعة
بس المجلات الإلكترونية حتخدم الورقية
مش حتنافسها
بمعنى أن المجلة الإلكترونية ممكن تستخدم كدعاية لمجلة ورقية
أو مجلة ستصدر ورقية لكن بيبتدو بالإلكترونية كبداية أو لإنخفاض التكاليف
كمان المجلات الإلكترونية حتخلي الناس تحب القراية بمعنى عدد الناس اللي ما بتقراش يقل شوية
يعني بالعربي تفتح نفس الناس على القراية
لأن في مصر قليل أوي اللي بيقرا
للورق سحر خاص
يمكن حاليا بقي في لاب توب وتقدر تشيله معاك في اي مكان وتقرا من خلاله بدون أي مشاكل
بس يفضل للكتاب او المجله الورقيه جلال وقيمه جايز علشان لما بنمسك الاكلام بإدينا وبنقلب فيه بنحس بيه اكتر
وجايز لانه بيرجعنا للاصل والانسان دايما بيحن للاصل
السلام عليكم
وصلتني دعوتكم الكريمة للمشاركة في إبداء الرأي في الموضوعات المطروحة على مدونة البرنامج، وأود أولا أن أحيي الأستاذ/ صلاح حجازي معد ومقدم البرنامج المتميز "أنت تسأل والكمبيوتر يجيب " على مجهوده لإخراج البرنامج في أحسن صورة.
بالنسبة للمجلات الإليكترونية رغم أنها خطوة موفقة جدا ووسيلة فعالة لنشر الثقافة بين الجيل الجديد من الشباب الذي لم يعد يميل لقراءة الكتب أو المجلات التقليدية وأصبح الكمبيوتر هو رفيقه المفضل ووسيلة التلقي الأولى بالنسبة لهم، لكن يبقى للورق سحر خاص، واستخدام أكثر عملية، فأنا مثلا من هواة القراءة في المواصلات أو أثناء السفر، وأعتقد أن هذه المواقف وغيرها لا يكون متوفرا فيها جهاز كمبيوتر أو إتصال بالإنترنت، وإن توافر اللاب توب فهو غير عملي على الإطلاق، ويمكن القياس على ذلك مثلا بمحلات الكوافير أو يعض عيادات الأطباء التي تحرص على وضع عدد من المجلات للتخفيف عن العملاء المنتظرين وقتل وقت الانتظار في شيء مسلي ومفيد.
أضيف إلى ذلك أني بصراحة أشعر بمتعة أكبر أثناء إمساك الكتاب أو المجلة بين أصابعي وأشعر بألفة مع رائحة الورق النقليدية.
لا يمكنني بالطبع التنبوء بالمستقبل، لكني لا أتمنى أبدا أن تختفي المجلات والكتب الورقية لأن عشاقها بالملايين.
أرجو إفادتي بموعد إذاعة الحلقة التي ستتضمن تعليقي هذا وإن شاء الله سأكون من المتابعين دائما للموضوعات المطروحة بهذه المدونة.
تحياتي للقائمين على هذا العمل الرائع وشكرا
علا سمير الشربيني
مشرف لغوي ومعد برامج بالإذاعات الموجهة
وصاحبة مدونة الوردة البيضا
أنا شايفة فعلا أن المجلات الألكترونية بقت بتنتشر بصورة كبيرة قوى وبقى ليها زوار ومحبين ويمكن كثرة الأقبال على أستخدام النت والكمبيوتر خلى للمجلات الألكترونية رواد وزوار كتيرة
ولكن ده ما يمنعش أهمية المجلات الورقية اللى ليها محبين وناس لا يمكن تستغنى عنها مهما حصل ولان فيه ناس كتيرة من اللى بتقرأ المجلات الورقية ما بتستخدمش النت فالبالتالى لا يمكن يستغنوا عنها وفى نفس الوقت مش هيعرفوا حاجة عن المجلات الالكترونية
ولكن مستخدم النت بقى أكتر أطلاعا من القارىء العادى لأنه بقى بيتابع المجلات الألكترونية وفى نفس الوقت الجرايد والمجلات المقرؤة ولكن الأولوية بقت عنده للمجلات الألكترونية
ولكن من وجهه نظرى أن المجلات الالكترونية ليها محبين
وكمان المقرؤة ليها محبين
وفيه ناس بتحب الأتنين
والأتنين هيفضلوا موجودين حتى مع الأنتشار السريع للمجلات الالكترونية
------------------
وشكرا على ذكر مجلة على صوتك فى موضوعك
تحياتى
بسمه عبدالباسط
مديرة تحرير مجلة على صوتك
أعتقد أن الصحف الإلكترونية بعد فترة كبيرة حتأخذ مكان الورق
و الدليل ان مثلاً فيه صحف بتصدر يومية زى المصرى اليوم مثلاً بعض أخبارها بتبقى معروفة قبل كدة كلها
و مثلاُ صحيفة زى اليوم السابع
حققت انتشار واسع رغم انها الكترونية
بشكل يومى و عدد اسبوعى بس ورقى
و ده بيسهل كثير و بيحقق راحة فى الشغل
مع تحياتى
أنا رأيي زي رأي الأغلبية إن الورق هيعيش للأبد لأن له سحر خاص .. هي الإنترنت أكثر انتشاراً بالنسبة للأخبار والقطع الأدبية القصيرة زي القصص القصيرة أو القصيرة جداً حتي .. أو للقصايد برضه اللي مش طويلة قوي .. لكن لو حد هيقرا رواية طويلة مثلاً لازم هيقراها في كتاب .. وبرضه المجلات لما بتبقي في الإيد بشكل ورقها وألوانها وصورها بتبقي حاجه تانيه غير أخبار النت القصيرة .. الورق حاجه تانيه .. هو للحاجات التقيلة والطويلة وهيفضل هو الأساس
بنوته الى الأبد
اهلا بك ...طبعا مش حيدوروا الا اذا عوديتهم...سعداء بوجودك معنا
يوميات نائمه فى الأرياف
جمد الله على السلامه...يارب تكونى فى احسن حال...ربنا يطمنك وشكرا على الكلمات المشجعه
ثائهه بين الخيال والواقع
سعداء بوجودك معنا وطبعا اذا حبيتى نقول اسمك فى البرنامج ممكن ...اسمك الحقيقى يعنى...عموما نرجو دوام التواصل وعنواننا لأى استفسار
netonradio@yahoo.com
على اسم مصر
اهلا بك معنا ...وطبعا تعقيبا على كلامك يزداد مستخدمو النت بسرعه...نرجو دوام التواصل
قطة الصحراء
ازيك المدونه نورت
على فكرهفى الأجازه انا قريت بحث بيقول ان اهل النت فى دردشتهم ومدوناتهم فى الجقيقه بيعلقوا على موضوعات قروها فى الصحف والمجلات الورقيه
والا يمكن بعد كده يعتمدوا على المجلات الألكترونيه ..عموما انت مش محتاجه لكلمة ترحيب ...البيت بيتك
غير معروف
اهلا بك...واعتقد ان رايك معقول جدا
وواقعى
سعاد بيومى محمد
اهلا بك صديقه عزيزه للبرنامج ...كلامك مهم لأنه مستمد من تجربه واقعيه...شكرا ونرجو دوام التواصل
احمد على
اهلا بك مهنا ...انت فتحت موضوع مهم نبقى نناقشها فى وقت لاحق وهو قلة الأقبال على القراءه ...سعداء بك ونرجو دوام التواصل
شيماء زايد
اولا شكر على البانر الجديد للمدونه لأنه من ابداعك ...ثانياوجهة نظرك اعتقد سيؤيدها كل هواة القراءه ...ومش غريب من اديبه وفنانه
الورده البيضا
شكرا على كلماتك المشجعه...وعلى وجهة نظرك المستمده من الواقع ونرجو دوام التواصل ...نحن سعداء بوجودك معنا
بوس بوس
اهلا يابسمه فينك من زمان؟...يارب تكونى بخير...انا سعيد بمشاركتك مع ان البيت بيتك...وانت عارفه انى معجب بالمجهود المبذول فى على صوتك ...تحياتى
بدراوى
اهلا يابدراوى ..سعداء بوجودك مهنا...وملاحظتك فى محلها تماما...وبالمناسبه ايه عنوان مجلة اليوم السابع...اول مره اسمع عنها...تحياتى ونرجو ان نراك دائما معنا
صحيفة اليوم السابع ده لينكها
http://www.youm7.com
لا اعتقد ان المجلة الورقية مازالت وستظل محبوبة اكتر لا اعرف لماذا اشعر بلذة مختلفة عند قرأت مجلة ورقية غير شعورى عند قرأت موقع اخبارى او مجلة الكترونية
أعتقد أن المجلات الإلكترونية سيتصاعد دورها جنباً إلي جنب بجوار المجلات الورقية فمثلاً أصبحت المجلات الورقية تُنشر إلكترونياً لكي تصل إلي عدد من القراء لم يعد يتجه إلي القراءة الورقية... فالكمبيوتر دخل إلي مجالات كثيرة مُتعددة في حياتنا وسهل علينا الكثير ووفر ثمن شراء المجلات علي الجميع فبضغطة من أصبعك ينفتح أمامك عالم سحري من المعرفة والأخبار دون الحاجة إلي الخروج من بين جدران بيتك لتبحث وتشتري تلك الجرائد والمجلات.
أعتقد أن المجلات الورقية لن تختفي ولكن المجلات الإلكترونية ستجذب عدداً لا بأس به من الشباب الذي أبتعدت عيناه عن القراءة.
سحر غريب
مُحررة في مجلة علّي صوتك الإلكترونية
أكيد لأ ...
القراءة فى الكتب والصحف أو المجلات الورقية ليها طعم وكاريزما تانية خالص مش موجودة فى الصحف الالكترونية
السلام عليكم ورحمة الله وبركاته
رغم حبي لعالم الإنترنت والعمل من خلاله والتعبير عن الرأي فيه بمختلف الوسائل والتي منها المجلات والكت الإلكترونية
إلا إنني لدي حب عميق جداااااااااااااااااااااااااااااااااا للكتب الورقية وكل شييء فيه ورق
ولا اعتقد ابدا ان من الممكن إلغاء أو الإستغناء عن المجلات والكتب الورقية ابدااااااااااا
تحياتي
اولا شكرا جزيلا على زيارة مدونتى
والكلام الجميل اللى كتبتوه عن مدونتى المتواضعة
ثانيا المجلات الورقيةلا يمكن الاستغناء عنها الان ولكن الاقبال حتما سيخف تدريجيا
تحياتى
مجنونه بس
غير معرف
بنت النيل
كلام على بلاطه
اهلا بكل منكم وشكرا على مروركم ونعتز بمشاركتكم لنا فى البرنامج بتعليقاتكم
اجمل تحيه
جيهان على
اهلا يا جيهان ...فينك من زمان ؟افتقدنا مشاركتك المتميزه...عموما حمد الله على السلامه
إرسال تعليق