يابنات النت ...احذروا هذا النصاب

عندما كتبت البوست السابق عن الحب على النت لم اكن اتصور ماحدث كماروته الضحيه فى صقحة لا للحب على النت لحنان الشريف ...لم اكن اتصور ان هذا ممكن يحدث...ننشر القصه فيما يلى للتحذير على لسان بطلتها

الانسان ده ضافنى كصديقه معنديش اصدقاء وافقت وفرحت قال انه يتمنى يتكلم على الايميل ضفته على الهوتميل اشتكالى همه انه مطلق وزوجته خانته وفهمت منه انه مجروح صعب عليا اوى...طلب رقمى اديتهولو..صعب عليا حزين ومحتاج صديق...المهم قالى انه من خنقته حاول ينتحر قال انه محتاج صديقه واخت قالى انا محتاجلك اوى وانه مخنوق اوى اوى صعب عليا جدا عارفين ليه؟لأنى ساذجه اوى..كان كل همى اطلعه من مشكلته مش هقولكم انا نسيت كل همومى وكان كل همى انى اطلعه من حزنه ...المهم طلب يشوفنى..قالى انه مخنوق ويمكن خنقته تخف شويه ام يقعد ويتكلم معايا....مش هقولكم اما شوفته حكالى قصته كلها من اول ماأتولد كان انسان جدا جدا ومحترم ومهذب جدا جدا المهم قال انه مرتاحلى اوى وانه حاسس انى مش هكون اخت وصديقه قالى انه عاوز يجى يخطبنى وانى فيا براءه عمره ماشفها ..قال ان براءتى دى هترجع ثقته فى المرأه بس...قلتله اللى ربنا عاوزه هيكون المهم هوا الى قالى ياله نروح نصلي العصر قلت ماشاء الله شاب ملتزم عارف ربنا وبعدين اخد موبايلى يشوف الاغانى اللى عليه..المغرب ادن قالى نصلي واشوفك بعد الصلاه صليت انا الحمد لله وطلعت واستنيت ...موبايلى كان معاه نسيته معاه قلت اخده بعد الصلاه عادى المهم استنيت لكن هوا بأسم الصداقه والاحتياج وبعدها بأسم الحب والامان وبأسلوب رخيص ولأنى فى منتهى السذاجه ...اخد موبايلي واخد نفسه وروح وكان زى ماتقولو بينتقم من طليقته فيا مع انى كل زنبي انى كنت بساعده وكان كل همى اطلعه من حزنه حد فيكم شاف كده ... ادعوله بجد كلنا لازم ندعيله بالهدايه وان ربنا يتوب عليه ويهديه عشان يعرف يعيش كأنسان سوى زينا ...والحمدلله وحسبنا الله ونعم الوكيل على فكره ياكوكى بعد ماأخد الموبايل كلمنى على رقم تانى بتاعى كان عنده على الموبايل وطلب يشوفنى وقال انه اغم عليه قبل مايدخل يصلى وحاولت اصدقه وروحت اشوفه بس اخدت معايا ولد جارنا وكان واقف بعيد عنى عشان هوا ميخدش باله انى معايا حد وعلى فكره بجد ده مش انسان كان بيقولى تعالى نطلع نجيب الموبايل من فوق واما رفضت كان عاوز ياخدنى بالقوه لولا جارنا جه وأتدخل وزقوه ومشينا فالحمد لله انها جت على أد الموبايل لكن الشيطان ده مكنش مكتفى بالموبايل وكان عاوز يضيعنى بس الحمد لله